彩福皇宴 (安達中心)

營業中

休息中

之前睇廣告見到彩福做龍蝦節，知道老公最鐘意食龍蝦，所以即刻book枱同老公食返餐。安達中心呢間分店裝修又新浄又Grand ,感覺舒適，而且位置濶落，完全沒有壓迫感。今晚主角係龍蝦當然要同老公一人一隻先開心，$78元一斤，非常抵食，我地揀咗上湯焗最原汁原味，再揀多幾款小菜就夠了。上湯開邊焗加拿大龍蝦龍蝦每隻size都好大，而且份量十足，店家還超貼心將所有龍蝦鉗一份為二方便進食，枱面上已經放有刀叉，方便客人用。上湯味道恰到好處，仲可以帶出龍蝦嘅鲜甜味。脆皮㕵金南乳雞-半隻雞皮香脆不油膩，而且雞肉肉質嫩滑，有水準。櫻花蝦蒜子濃湯泡莧菜蒜子濃湯微微滲出櫻花蝦味，莧菜鮮嫩，而且吸收咗濃湯之後莧菜鮮甜味更特出。鮮蝦荷葉飯材料豐盛，有雞肉，燒鴨，鮮蝦，蝦肉爽口彈牙，飯粒充滿荷葉香味，而且份量十足。呢餐真係十分滋味，我已經等不及再約定朋友下星期再食多次。

最近facebook除咗比櫻花放閃照洗版，另一奇境竟然係龍蝦照，睇清打卡位置原來係彩褔做緊加拿大龍蝦節。每斤$78平均每隻有一斤二両即係唔駛$90,平過去剧扒尖東呢間宴會廳比較大，座位寬闊，而且樓面有位同事招呼得好好，好有禮貌，換碟加水，幫我哋po埋餐巾，意為自己去左四季定半島應該要比個他講反今晚主角上湯焗龍蝦，加$30加個伊麵底，唔知加拿大龍蝦同波士頓係咪唔同，因為肉質彈牙外，肉嘅份量都比起後者多，而且相當新鮮$87.8真係cp值高另外有蒜蓉開邊蒸，好後悔無加粉絲底，因為龍蝦鮮甜嘅肉汁都流在汁中，相信加個蛋更無得輸脆皮旺金南乳雞$58半隻，整體就似炸子雞，外皮薄脆如紙，內裹肉質鮮嫩，配上秘製南乳醬另一番風味櫻花蝦上湯浸莧菜，反而略有失望，因為菜中夾雜有竹籬嘅竹絲清蒸沙巴龍蠆斑$148，唔算大條，3-4人剛好，蒸嘅時間都掌握得好好，絕對無出現過老嘅情況。題外話原來酒樓今晚阿拉斯加蟹做特價$9.8/両，差唔多每枱都有叫，另一後悔就係我哋做左少數那一邊唯有望住人食

睇食評得知原來彩福每年都有龍蝦節，由4月至8月，游水加拿大龍蝦一斤$78！仲要無限你食幾多隻啊，考順女一定要帶超中意食龍蝦既媽咪去擦反餐，等佢過癮下~侍應話一隻有一斤二，即係為起$88左右一隻，好抵食啊我地4人叫左3隻，2隻上湯加一份伊麵，1隻蒜蓉蒸~特別一讚，有位負責我地張枱果一區既叔叔侍應真係好用心，好好人，首先幫我地續個墊好餐巾，之後龍蝦上枱後又幫地分菜，夾好一人一份，其間相當有禮貌對客人，仲好勤問我地需唔需要換新碟，無諗過食減價龍蝦都有vip待遇啊，感謝呢位侍應叔叔，今時今日呢種服務態度真係可以話無見過，香港好在有你(不過以我地所見，除左呢位叔叔，呢間酒家個個店員都好好笑容好有禮貌，真係加唔少分)前面係蒜蓉蒸加拿大龍蝦 約$88/1隻 ,1斤2後面係上湯加拿大龍蝦 約$176/2隻，2斤4，另加$30伊麵低是不是好抵食？！！！肉質非常嫩滑彈牙，鮮味十足，吃得出是新鮮游水貨~用叉一扯就可整條肉拉出，肉好厚啊，是不是好吸引！！？啖啖肉，食得好爽呢~我覺得4個人叫3隻就足夠了啦，然後再點幾款其他小菜，當然你真的好中意食龍蝦絕對可以一人一隻加伊麵低，自己獨食一盤亦相當過癮！客家風味炆

有時候大集團做到的價錢，真的吸引至難以想像！ 彩福集團每年第二季皆有龍蝦優惠，已經持續了至少五、六年，今年如是，平日$78/斤，價日$98/斤，愛吃龍蝦的我，機乎每年皆有光顧。 今晚剛好在左近，首次到尖東的店，原來主力做婚宴場地，因此面積特別大及宽敞，尤其迎賓大堂，而且設有休息室。 加拿大龍蝦，每隻約重斤二，假日光顧，算起來大概$110/只，兩種煮法選擇，上湯及蒜茸，選上湯的可以加$30，附加伊麵或烏冬底。 上湯龍蝦加伊麵 蒜茸龍蝦 龍蝦一分為二，方便進食，爪腳斬件，沒有欺騙，原只奉上。 肉質新鮮彈牙，厚肉香甜，廚藝中規中矩，上湯的芡汁不過份，蒜蓉做法更惹味，絕對吃得過。 伊麵並非同煮而是後加，味道自然有所不及，但亦能接受。 本來想試美食之最大獎的黑椒叉燒，可惜今天不做，只好試普通的懷舊金獎叉燒。懷舊金獎叉燒 調味濃郁，肉質嫩腍，肥美帶脂肪，有入口即化之感，吃下首兩件，非常對辦，但愈食愈覺不對勁，瘦肉位太腍失口感，似煲湯瘦肉！ 喜歡喝啤酒的人是佳音，$18.8 一枝大生啤。 最後值得一提，阿拉斯加長腳蟹，限定4月10日，$9.8，只限尖東店，值得考慮。 小菜方面，定

近日我見街市龍蝦做特價及生猛，我相信又係龍蝦當做之季節。我要同朋友大飽口福😀尖沙咀彩福又近地鐡，我放工十五分鐘就到。佢主要做婚宴及大型宴會為主，可能平日關係，酒摟顧客不是太多。餐廳現正做龍蝦promotion,我同朋友點了一道蒜蓉開邊蒸龍蝦加粉絲底一齊食。分甘同味滿心期待😋原來蒸出來都不細隻，有一斤二兩，同朋友一齊分享真是剛剛好呀！加拿大龍蝦比本地龍蝦更滑身，蒸出嚟唔會鞋颯颯，因為佢本身好多汁適合配粉絲一齊蒸，可以比碟底粉絲吸曬精華。蒜蓉同蔥花加上龍蝦汁令原本無味粉絲都好美味，絕不能小看它存在。這碟餸真係勝價比高👍Asahi 啤酒做特價，20元有找真係平過大排擋。除了食龍蝦外，我們點了小食和小菜。櫻花蝦蒜子濃湯泡莧菜（79元），個櫻花蝦用油炸過，十分香脆，同菜一齊食帶起佢鮮味。另一碟桂花蜜香菠蘿黑醋骨（89元），原本以為係普通嘅咕嚕肉，點知食落去黑醋味好出，令佢變成非一般咕嚕肉。食完一粒又食一粒。🤤滷水掌翼，幾十元都有好多隻送啤酒一流。當日剛巧冰鎮鮑魚做得特價。我甘大個女都未試過，試下無防，真的好淋身又重飽魚鮮味。一隻二人分享真的不夠分，下次叫多隻呀😃老實說個場又幾靚，又坐得舒服，等我

今晚老婆帶同家人來到尖東覓食，這家彩褔皇宴佔地數萬尺（我估），樓底高，非常闊落，家人坐得舒服又高興。 點了小弟喜愛的雞雞，脆皮南乳雞($58)，香脆的外皮，一點也不油膩，令我毫不猶疑地把整塊雞皮吞下，雞肉亦很嫩滑。 櫻花蝦蒜子濃湯泡莧菜($79)，菜算新鮮，但略嫌這款櫻花蝦的味道未夠香，發揮不了這道菜應有的水準。 懷舊金獎叉燒($118)，充滿蜜味的外皮，肉質鮮美多汁，果然名不虛傳呀！ 原個椰皇燉燕窩($40)，原隻椰皇，加上足料的燕窩，在別處很難以這個價錢吃得到呢！而蛋白的味道清甜嫩滑，很好味啊！ 而每人都只是一百元左右，實在抵食呢！可以再來呀！

還記得兒時家人常於假日帶小妹到尖東遊玩，吃東西，看燈飾，今時的尖東與當年相比，已繁華不再，雖然都常見到強國人。但其實這裡還有不少食肆，小妹就是喜歡這裡不用和其他人擠。今晚來到這家新開的彩褔皇宴酒家，裝修別樹一格，佔了全層，空間感足。 脆皮南乳雞($58)，薄薄的外皮炸得香脆，肉則嫩滑，本身已經帶點南乳的咸香，如嫌不夠味，可再沾點南乳醬，香濃味美！ 櫻花蝦蒜子濃湯泡莧菜($79)，菜有點煮得過腍身，不過味道不錯。 懷舊金獎叉燒($118)，賣相精緻，先嚐一口，肉質鮮嫩多汁，蜜味香濃，肥瘦適中，真是名符其實的金獎叉燒呀！ 清蒸沙巴龍躉斑($148)，有一斤二那麽重，鮮魚最好就要來清蒸了，這條斑的熟度剛好，肉質鮮嫩，加上豉油的魚肉及魚汁，用來佐飯吃，一絶也！ 最後甜品時刻，點了青檸芝士凍($13)，價錢真的很實惠，不過份量相對地小，味道清香檸檬味加上鮮忌廉及乳酪，很開胃呢！再黎多幾個甜品都可以！ 再來這個紫醉金迷($39)，單看名字已經很吸引，其實是以層層紫薯製成的糕點，入口啖啖紫薯，又不太甜，好好味呢！今餐很滿足了！

這天晚上約了朋友到尖沙咀吃晚飯，我們決定吃中菜。麼地道的安達中心頂樓是一間叫"彩福皇宴"的中式酒樓，光是看門面已經覺得氣派非凡：以白色為主調，採用會反光的大理石，一出lift門已經能感受到一股很強的氣。裡面也是金碧輝煌，真的很像一個皇宮：難怪這麼多人在這裡舉行婚宴。菜單印刷精美，以黑色為主調：飯後甜品的餐單，每一道菜都很美味的樣子：最後我們點了四道菜。秘汁爽雲耳杯 $45一開始還在想它的秘汁是甚麼，原來是像wasabi的汁。朋友覺得很清涼，她很快就把整道菜吃完。我本身不太熱愛wasabi的味道，所以毫無怨言。雲耳很爽口，口感很好。涼瓜肉鬆帶子煎蛋角 $85朋友喜歡吃蛋，所以點了這道菜。涼瓜跟蛋很配襯，完全不覺得苦，甘甘地，蛋煎得很香，帶子軟軟的，非常容易咀嚼。完全沒後悔點了這道菜！燒汁鮮蘑菇和牛粒 $115和牛粒並不是全熟，中間有點點生，估計只有九成熟，喜歡全熟的人要注意，最好在落單時跟服務員說一下。但我們並不介意吃九成熟。和牛粒軟硬度適中，牛香四溢，在口裡久久不散去。豆很清新，咬起來很爽口，跟牛很合襯。美極乾炒海鮮面 $108非常足料，滿滿的一大碟。海鮮也是毫不吝嗇，鮑魚片﹑鮮蝦不只

約人出黎傾野，揀左上酒樓食飯，貪地方大啲又可以坐耐啲。八點左右黎到，今晚無婚宴都幾靜局，隨便坐左張枱，開茶落單等食了。除了中式餐具，每位都附上刀叉，不知是否為方便遊客，又或是為鮑魚用，哈。開了普洱茶，茶味還可以，侍應添水亦很勤快。菜花篙筍炒鳳凰蚌（$86）紅紅綠綠的顏色看起來很漂亮，中餐一向都無乜賣相，呢度又幾好睇喎。試下味先，炒得香口又唔油，蚌肉（？）很爽口，韭菜花清甜，篙筍軟腍，整體不錯。如果係重口味人仕，隨上菜時附上蠔油的。砵酒薯角美國蠔煲（$90）上枱時滋滋作響，一打開蓋就聞到好香。滿滿一煲有七、八隻蠔，最少……沒有數，只覺得食極都仲有蠔略炸走油，脆香肥美，內裏的薯仔粒亦很香脆，吸了蠔汁，整個煲都好美味呢。脆皮南乳雞（$58）做緊特價的雞即刻黎一份先，例size都不少喎，都有四份一邊雞。雞皮很脆，皮下脂肪不少太多，雞肉仍頗嫩滑，而且已經全熟了，有時很怕中式的燒雞流出的血水。這碟雞亦附上了醬料，但雞本身已很入味，就沒有點過了。脆皮椒鹽豆腐併吊片（$26）豆腐同魷魚都很適合椒鹽，很香脆，椒鹽恰好並沒過咸。豆腐脆嫩，吊片爽口，兩者都係剛炸好的十分燙口，要小心食。隨碟附上喼汁，點一下酸

家人跟我口味一致，眾多美食中，還是最大喜中菜，這個月很是忙碌，病了也有好多天，暫停了天天寫食評的習慣，當然呀，每日吃粥渡日，就是心想食，口腹也難享受吃。。。幸好身體漸漸強壯起來，感謝家母一直的照料，才能加快痊癒，是日到尖沙咀，不是去吃昔日趨之若鶩的日本菜，反而想吃點清淡些的中菜。母親早排跟闊太們來過喝早茶吹水，有說地方很不錯，順理成章我說不如去吃晚飯吧，反正是日她又去商場買名錶。來了才發現，從前跟人去參加聚會，曾經來過食海鮮呀！跟媽媽吃最開心莫過於她吃什麼都可以，對食物她沒我來得有要求，而我也好樂意背上點菜重任。蜜汁叉燒岀品有驚喜，賣相佳，一上枱熱辣辣，肥瘦參半，我同媽媽各食一半，佢食半肥瘦，我就食瘦的，口感細軟而且香，夠曬鬆化。這兩年特愛吃燒鵝，推翻了叫例牌餘念，反而想轉攻食多點，半隻燒鵝240個大洋呢個定位都不算貴，而且份量好大隻下，啖啖肉，皮脆外嫩，好彩呢隻鵝不是大肥鵝，無話好勁肥膏，食到唔想喉d皮。相反燒得ok靚仔，皮薄一薄，中間既少少膏經過一烘燒，即刻化成一層肥美，油令鵝肉增加甜味。食後感：地方好寬敞，環境好舒適，枱跟枱間有距離感，格外有私人空間，不會太嘈吵，食物不俗，價格相

和家人吃晚飯，當然想找家舒舒服服又像樣的酒樓，價錢更親民的話，當然更好，有朋友介紹尖東彩福皇宴，心想尖東也肯定不平宜，但朋友叫我去試試，就去吧。酒樓就在尖東站附近，交通十分方便，駕車也方便直接泊安達中心停車場取卡消費滿800就有免費泊車。上到13樓，酒樓裝潢好有氣派，樓底高，主要用白色灰色設計，配上水晶燈，整間酒樓好光猛，坐下很舒服。看看餐牌都有好多得獎的菜色。懷舊金獎叉燒 $118叉燒汁香，但可能剛好部位較瘦，如果剛好半肥瘦的話，會更好。飄香鮮蝦荷葉飯 $98打開時荷葉香已撲鼻，份量很足，但當中的配料餸比例略為少些，飯質感軟硬適中，味道還不錯。脆皮旺金南乳雞 $113賣相很漂亮，外皮金黃色，光看賣相已經垂涎欲滴，皮香脆，肉質嫩滑富雞味，很不錯的一道菜。清蒸沙巴龍躉班 $148蒸得剛剛好，魚很新鮮，都算大條，魚肉嫩滑，豉油汁味道剛好不太咸。上湯浸涼瓜 $75涼瓜一點苦澀味都沒有了，配上上湯，清清地很不錯。菜芥 $13/位 =$52酒樓無論在裝潢、菜式選擇等都不算是守舊，而且價錢較親民，真是家人聚餐好地方。好適合擺酒，裝修夠氣派，地點方便，都可以讓家人朋友們多一個選擇。

跟爸媽吃晚飯最想找一間坐得舒適、地點方便，而且價錢最好大眾化的酒樓，搜尋下找到這間常做婚宴的彩福皇，那理應質素不錯，所以便放心相約爸媽8時入座，哈！菜芥 $13/位一看餐牌的確有很多優惠，而且還是皇牌推介，就例如脆皮旺金南乳雞、清蒸沙巴龍𧄌班和懷舊金獎叉燒。《脆皮旺金南乳雞 $113/全隻》有半隻和全隻的選擇，我點了全隻。雞皮的確烤得十分香脆，雞的油份亦少但肉質不會乾。另有南乳醬汁，雞肉蘸上醬汁更惹味。《清蒸沙巴龍𧄌班 $148》沙巴龍𧄌班十分滑嫩、一夾即散！鮮味十足！配上蒸魚豉油的確是絕配，令我立即想加碗白飯拌魚汁吃呢！《懷舊金獎叉燒 $118》叉燒肥瘦適中，燒得入味之餘亦夠稔身不乾，果然是金獎得主。《飄香鮮蝦荷葉飯 $98》荷葉飯份量大，足夠4-6人分享。飯帶淡淡荷葉香，飯中有雞肉粒及鮮蝦，口感味道豐富，唯略嫌米飯比較乾身。《上湯浸涼瓜 $75》上湯清甜味精不多，涼瓜無苦澀味，但留有本身的甘香味道，很健康的一道菜。沒有點湯水，反彈點了一支《嘉士伯 $25》，閒時淺嘗一下都是情趣。環境：光線充足，地方寬敞，沒有喧嘩的食客，裝修主要白色為主，感覺優閒舒適。服務：食滿$800有兩小時免費

好耐冇食中菜，同朋友仔行過，就試下呢間啦，呢度感覺好舒服，環境闊落，樓底又夠高，檯與檯都有距離，想食中菜又想吹下水。 平時同朋友仔都好小食中菜，因為感覺上食完要好快走，冇咩時間傾下講下咁，但呢度絕對要再encore，坐得舒服，食物有水準，絕對係有驚喜，下次同屋企人再嚟先！ 香矛黑椒义燒 义燒肥瘦適中，夠juice ，有蜜糖香之餘，仲帶點點黑椒嘅香辣，第一次食黑椒味义燒，估唔到到大幾夾喎！ 金栗百合泡菜心 用杞子百合栗米薑片嚟煮菜心，帶出菜心鮮甜味，菜心好嫩，正！我呢個食肉獸都食多左幾條菜！ 干迪粉絲軟殼蟹煲 軟殼蟹係賣飛佛，平時出面嗌炸軟殼蟹都要7、80蚊，仲要得一隻，但呢度真係落足本，百零蚊滿滿嘅軟殼蟹，炸得香脆喎駛講啦，裡面嘅粉絲索晒蟹味，簡直停唔到手！ 香矛野菌豉油雞 豉油雞岩岩熟，見唔到血水，依然滑嘟嘟！ 酒香蝦腰蒸蛋 呢個蒸蛋又係冇得輸，滑過bb塊面，櫻花蝦嘅鮮味落埋蛋裡面，又鮮又滑，面頭仲有啲蝦子添！

之前公司同事 結婚 擺酒泥彩福皇宴飲過一次， 覺得呢度 嘅食物質素 都有番咁上下水準， 而且坐得都好舒服地方又乾淨明亮， 閒時都可以約下朋友仔上嚟食下晚飯。 今晚 同daddy媽咪3個人冇地方去 於是book咗枱上返嚟 食過晚飯先。 脆皮燒腩仔$65 肥瘦適中， 外皮燒到脆卜卜，香口惹味 ，整體唔會太咸， 作為一個餐前小食 ，很不錯。 金栗百合泡菜心$78 以上湯炮製嘅菜心鮮甜味美 ，而且夠曬腍， 啱曬老人家食， 再加上栗子同埋百合，都係健康食材， 清清地非常不錯。 干逼粉絲軟殼蟹煲$98 初頭諗住 得兩至三隻， 點不知呢到見到一大煲兩個人 真係會食唔曬㗎😂 雖然 覺得酥炸嘅軟殼蟹 有點熱氣 但係炸得實在太香脆， 唔覺唔覺都食曬成煲。 香茅野菌醬油雞特價$58 超抵食呀 58蚊已經有半隻雞食， 而且 仲要 皮香肉骨， 佢哋自家製嘅香茅野菌醬油 調配嘅醬汁， 鹹鹹地甜甜地 ， 比一般嘅豉油雞 ，更加滋味。 招牌小炒王$90 這個小菜也十分推介，帶著濃香既咸香味。 帶子，蝦乾，魷魚， 再加埋啲腰果， 配料多過菜😂， 抵食夾滿分。 🖒🖒🖒

上班已有一星期了，慶幸薪水雖然不高，但每份工都遇到好同事，即使其他部門或同部門不同組有幾大風大浪，每次我都能泊進一個避風港內，或許這也是一種運吧，無驚無險又一星期了，當是慶祝又好，當是不想煮飯又好，星期五晚就跟家人出外吃晚飯。＊＊＊＊＊＊＊＊＊＊＊＊＊＊＊＊＊媽媽喜歡飲茶，幾乎每星期都跟親戚飲茶，彩福皇宴是她光顧過其中一間不錯的酒樓，食物有水準價錢也合理，所以今晚我們就去彩福皇宴晚飯。彩福皇宴有多間分店，我們選了較就腳的尖東分店，可能因為當晚有飲宴，所以我們被安排坐進其中一個包廂，舒適之餘私密度也高。石榴冰梅上肉排($85)個人除了嗜辣，也頗為鍾情酸酸甜甜的菜式，所以幾乎每次到中菜館都會點一個偏酸的菜式，見這個肉排頗為特別，就點來試試。肉排上澆上橙黃色的醬汁，肉排中間還夾雜了不少蜜桃。肉排炸粉不厚，入口帶石榴酸香，味道非常清新，只是略嫌排骨切得太大件，比較難咬開。酒香腰蝦蒸蛋($88)從餐牌可見，這蒸蛋榮獲旅發局的美食之最大獎最高榮譽金獎，實物亦少有地比相片更吸引。蒸蛋上有切粒番茄和櫻花蝦，中間再放上鮮蝦，上面再灑上蝦子，顏色鮮艷吸引。蒸蛋入口非常滑，雖然不大嚐到酒味，但蛋味也十足，用