彌敦左岸

營業中

休息中

是日到餐廳用膳，係openrice訂位時已order甜品並要求寫上祝福語。趁友人去廁所既時候，叫長髮女員工上甜品，佢話我冇落到單，我話訂位果時寫左，佢先話「我地抄漏左」🫠，仲話落單要等30分鐘，咁我話冇問題，我可以等，果時係2030。。。到左2105覺得有啲唔對路，因為餐廳人唔多，點解仲未出到個甜品呢？而且都過左30分鐘，最後等到2117再問返長髮女員工，我：「想問個甜品出得未？」佢：「廚房要出完其他野先出甜品，頭先都講左話要等」講完頭也不回就走左🙄佢話半個鐘，我等到9個字先催，結論係一個鐘都未到個甜品，個甜品只係一個雪糕同蘋果批。最令人費解既係點解要等其他野出完先出甜品？甜品係要一次過整？😑 眼見隔離檯先食緊頭盤，以佢既邏輯我要等到幾時呢？💩唔滿意既係長髮女員工講野態度不負責任，「頭先 講左話要等」，我夠知要等，但佢同我講等半個鐘，佢多過半個鐘先催我都好合理，重要係講完即刻轉身走😤如果佢講句「我幫你跟跟」成件事既結局會好唔同最後嬲到甜品冇食就走左👎🏻

罕有80/90年代餐廳酒廊，有駐場歌手/有球場睇，飯聚友勝地聽友人說，早前光顧了一間酒吧，置身其中進餐，就好似去咗梅艷芳電影內的年代。友人知我近年來鍾意有懷舊風格的餐廳，故強烈推介我必定要試。今天傍晚在隔離街打理完頭髮後，便順道一試。嚟到酒吧，少不了一點冰凍啤酒，經侍應介紹，便選了一款著名的德國製造PAULANER啤酒。這款啤酒麥味夠重，酒精味道較輕，適合我不喜歡黑啤及本地市場份額高的大眾啤酒。仔細研判餐牌後，便點了以下幾款美食:1)經典卡邦尼意大利粉158這碟不是一般味道，甚似金寶卡邦尼意粉醬醬汁味道，而是芝士味道極重，意粉掛汁能力強勁的濃郁醬汁。食完碟上的意粉後，我還將一些薄餅餅底沾上餘下的醬汁，因為太好味。2)西班牙黑毛豬火腿薄餅188薄餅上面舖滿了大塊的濃味西班牙黑毛豬火腿，就個人對它的色澤及味道評估，這些火腿片應至少經過24個月風乾期，所以味道異常豐厚。簡言之，餐廳對這薄餅的配料毫不吝嗇，落足本錢。3)西班牙皇者紅蝦手造幼蛋麵338最後便是這款西班牙開邊紅蝦，其肉質鮮味比起坊間容易買到的阿根廷深海紅蝦更為鮮甜。仔細咀嚼意粉後，原來這意粉的醬汁也是一絲不苟，也充滿濃郁的紅蝦味道

彌敦左岸地址：尖沙咀赫德道5-9號德裕中心地下及1樓好幾次行經赫德道,行過見到彌敦左岸, 地下匣層門口同位比較少, 但上一層是別有洞天, 有舞台stage 同好多桌子, 可舒服地喝東西及食飯。紅蝦意粉，男朋友點的，因我戎carb gluten 敏感，同唔食海鮮，不過佢話味ok ,蝦有海水鹹香，個意粉汁似龍蝦湯味。$308 烤伊比利黑豚肉眼，好重豬肉香，一大塊香煎至全熟（有7成熟可選）,伴以薯菜，肉汁豐厚美食豐富, 吃得出是花了心思同, 份量十足有去了美國一樣, 大顆兒聚會歡槳渡過時光, 享受美食同把酒談歡。House red 配紅肉

今日同老公去尖沙咀行街，行到攰攰地就去搵食。啱啱經過呢間餐廳，見到條花花樓梯，幾靚咁，咁就不如食呢間。呢間係酒吧餐廳，有上下兩層。上層地方好大，坐位寬闊，幾有情調。餐牌都有幾多種類，最後我就揀左沙律、pizza同pasta。橙漬溫三文魚凱撒沙律三文魚︰份量多，夠大碟。羅馬生菜原塊上，新鮮爽口。橙切開左一塊塊，幾甜。重點係三文魚，夠厚夠大件，加埋上面魚子一齊食，爆汁，夠晒味道。暴龍薄餅︰配料有三大辣肉腸，分別係意大利辣肉腸、西班牙辣肉腸同埋墨西哥辣肉腸，另外有辣牛肉、墨西哥辣椒同洋蔥等，入口惹味，唔會話真係好辣，只係小小辣，薄餅邊邊就夠脆，口感豐富，食肉獸之選。西班牙皇者紅蝦手造幼蛋麵︰紅蝦唔算細，裡面有蝦乾同油封車厘茄，幼麵加左蛋比較香，食落煙韌，醬汁係紅蝦汁，整體咸咸香香帶蝦嘅鮮味，都幾好食。

朋友升職加薪，話請我去尖沙咀食好西，餐廳在赫德道分上下兩層，我哋晚上7:15入座上層時已好多客，座位寬敞舒適。我哋order慢煮澳洲牛面頰肉醬手做闊條麵伴温泉蛋，味道好似炆牛尾，香濃的肉醬滿滿包住手做的闊條麵，混合温泉蛋來食即時提升口感，好味到冇得輸。再order烤原條野生多佛龍俐魚，廚師用多款雜菜伴魚烤，增加魚肉口感，肉質鮮甜香滑，野生魚真係好味好多。餐廳有多款飲品，但我哋對酒冇興趣，咁就只order咗 apple juicy及fruit punch，味道都好好。我們當晚有歌手獻唱，原來餐廳每星期四晚八時後都有注場歌手，仲可以點唱，好耐冇去過有歌聽的餐廳，感覺好好。結賬唔駛九百元，有得食有歌聽，真係好抵喎！

今晚正值世桌在香港紅館舉行,在此酒吧與朋友飲酒食飯又可同時睇大銀幕現場直播,一舉多得,而且揀這酒吧餐廳最大原因,就是因為除了有酒吧Feel,(晚些有現場Live Band),更可享受高質酒水,而且食物質素有保證,今晚主要試生啤尤其是麥啤,(Murphys)够凍够醇,而食物則選了德國什腸拼盤,有林林總總款式共十條香噴噴香腸,送酒睇波吹水啱晒,另外一個送酒必食就是燒雞翼,又係肥美帶辣,無揀錯,其實已經七分飽肚,女店員又介紹,話有個西班牙大紅蝦手造蛋麵要必試,當然照單全收,上枱時蝦香撲鼻,實在各樣西餐都保持高水準,是飲酒食飯必然的首選地方。

係尖沙咀寶勒巷好多酒吧餐廳，今次黎到間都幾大既餐廳，彌敦左岸，店內分左兩層，仲有得睇足球比賽，野食又好食，黎緊世界盃又多間餐廳選擇。首先叫左暴龍薄餅，佢係有義大利辣肉腸、西班牙辣肉腸、墨西哥辣肉腸，再加辣牛肉、墨西哥辣椒同洋蔥。有三隻唔同既腸個口感好唔同，唔會食黎食去都係一隻味，辣牛肉同辣椒又好夾個pizza，最重要係佢個底好薄同脆口。美式煙燻醬燒西班牙黑毛豬肋骨，半份黎講兩個人食都夠哂，仲有配薯條，新鮮炸起，好香口。而個煙燻豬肋骨個味道好好，佢個醃料係幾特別，出面食多蚊係燒烤醬味，但呢個啲香料好出色，好夾個豬肋骨。最後就係要隆重介紹既法式燒三黃雞配原鍋燒雞油飯。首先佢係會有人現場幫你切開隻雞，仲會燒一燒隻雞，迫哂啲雞油出黎，再配埋個飯。本身覺得呢類既燒雞得個皮好食，啲肉會好柴。但呢度既三黃雞係好滑同好嫩，又好有雞味，油脂分布好好，一啖食哂啖啖肉，好惹味。配個飯本身都好香蒜味，但係較乾身，所以將雞油撈埋落去，會變到軟身番，就會岩岩好，好香雞油味。餐廳環境好好，咁岩星期六有足球比賽，成個場氣氛好好，野食又好味，三樣食物都好有水準，同班friend 食完飯睇埋場波，美好既晚上。

令我要浪費時間去打呢篇劣評嘅原因有兩個一。等候時間太長，阿仙奴對熱刺場波開始我就坐低，73分鐘先上齊。講真都知道紅日有波睇唔會快上菜，換邊都以為有啲希望，點知都仲要坐下先。講真唔係唔比耐性，都唔好太過份啦，兩個人坐低食，都想等埋一齊開餐，又點估到由我等到等唔到開始食，食埋收埋碟到未上齊。二。員工問題，一位企樓上前場嘅男員工好似唔太能夠理解客人嘅要求。等得耐其實追單睇下有無漏單都好正常嘅，我問完佢佢可以睇都唔睇部POS機嘅落單時間confirm下，口講話幫我追，之後喺前場行一個圈就返返原位。我都知你炒場，紅人多人，但其實我望住成個場，真係唔覺得有係咁換枱有咁忙。廚房忙還廚房忙，樓面我就真係唔覺得有要去到跑住做，check張單都咁困難？再追多次，我其實都唔知佢有無聽我講野。第三次追，我話cut咗佢埋單，就同我講喺個爐到，最好係我一問你就答到，walkie都唔洗開啦。到真係上齊食完埋單，應咗我一聲好就行咗去，以為佢去撳單啦，竟然可以同我行咗去收碟，再同佢講多次，先至去做。其實聽唔到就可以問，明白睇波環境比較噪，都唔好未聽清就應我好，我唔叫多你一次係咪坐到睇加時？最主要就係呢啲原因，真係無意欲

牛小排完全不能入口用88折引導人食劣食牛肉質素超差 雖然唔係貴 但全舊都係肥肉你話點樣食同廚房反應 「係咁架 入面都係紅色 」「請問成舊肥肉點樣食」諗住收左佢就算 大佬我比左錢架大家要注意

西餐廳食得舒服又開心尖沙咀有間特色西餐廳裝修有情調兩個人食一個Pizza再加主食已經好飽再飲一杯啤酒同飲品，呢度都有唔同雞尾酒🍹而且味道選擇夠多好chill!!仲有餐湯可以飲非常適合煙燻三文魚薄餅一啲都唔馬虎超級足料而且薄餅脆仲有拉絲嘅感覺添計時喺上面同三文魚一齊融合，鹹香味十足食完個芝士Pizza都真係好飽喇烤法國原條野生多佛龍脷魚皇真係大大條立刻整唔會凍熱辣辣出黎而且好味😋調味適合加入醬料調製，非常濃郁香氣

工作過後，晚上想和朋友放鬆一下，於是來到了彌敦左岸吃晚餐。環境舒適氣氛佳，輕鬆談天的好去處。喜歡喝酒點小食，還是點正餐也可以。原來這裡有牛扒之夜，下次來要嘗一下，晚上8時後還有live band 演出!我們主要是點了正餐。法式燒原隻三黃雞配雞油飯$688有半隻選擇，但當天心血來潮選了原隻，有點後悔因為份量真的超多，但是味道佳的情況下也吃光了! 店家很貼心，有店員親自送上餐車，在我們面前噴火槍、切好上碟，服務一流，賣相一流。三黃雞調味出色，幼嫩多汁，外皮脆內裡滑，口感彈牙。燒雞後的雞油亦可伴飯；雞油飯質感乾身有口感。烤伊利比亞橡果飼黑豚肉眼$308配上紅酒汁：烤蔬菜、焗薯，十分豐富。西班牙豚肉因受到品質控制，是可以不用全熟的，但個人喜好還是喜歡全熟呢。味道方面，豬肉有咬感，不會太乾身，紅酒汁作了點綴之用。橙汁$58呷一口冰涼的果汁，夏日炎炎透心涼。

呢間live band bar店內環境夠大夠舒適，食物質素高得黎氣氛都唔錯，啱晒同朋友一齊gathering👍🏻不過live band要逢星期四先有，我去個日撞唔啱🥲 串燒拼盤 （$438）呢個拼盤份量十分豐富，包括鮮白鱔、海虎大蝦、三文魚、北海道帶子、牛肉串、黑毛豬五花腩、雞翼、辣肉腸、白肉腸、粟米、雞髀菇、翠玉瓜，好處係多款式，偏食既朋友都一定揀到心水食物啦💕串燒燒得啱啱啲，啲肉串Juicy多肉汁，唔會太乾👍🏻另外仲有拼盤跟左沙嗲醬、泰式辣醬同羅望子醬，性價比超高呀😆😆 我地唔知個拼盤有跟薯條，另外order左個Truffle Oil Parmesan Cheese Fries，真係食薯條都食飽🤣🤣 松露油巴馬臣芝士薯條（$98）佢地既薯條係加左松露油，所以松露味好香好出，薯條炸得好香脆😚不過我食薯條鍾意醮醬，所以如果係配黑松露醬而唔係黑松露油，我諗口感會再豐富啲🤪 烤十二小時低溫慢煮西斑牙乳豬件（$338）低溫慢煮既肉真係好嫩，肉質好淋，但外皮又燒到好香脆，啲肉一切就甩出黎，勁正😍😍入口油脂好豐富，同傳統啲酒樓既乳豬完全唔同架🤪 如果weekend想同朋友飲返杯，不妨試下呢間🤘🏻

之前黎過呢間同朋友慶祝生日，有幾好既印象，因為環境氣氛都幾好，昏暗嘅燈光，每張枱又有一個蠟燭，成件事都好chill同舒服今次男朋友生日，又諗起呢間野食好多選擇，好難簡啊～叫左美國特級威靈頓牛柳（$408）一上菜就聞到好香既酥皮☺️☺️ 切開見到個牛柳整得岩岩好！半生熟既狀態，食落柔軟多汁，齒頰留香，配埋烤時令蔬菜、法國新薯配合松露燒汁，滋味呀😝😝👍🏻👍🏻烤法國原條野生多佛龍脷魚王（$468）另外叫左比較少見嘅菜式，原條上既脷魚皇！果賣相好吸引，魚肉相當滑同鮮嫩, 外皮但煎得好香脆，好惹味嘅一碟菜式叫左杯mocktail🥰

尖沙咀有好多酒吧餐廳，「彌敦左岸」都算係較多人認識，上一次去已經係好幾年前啦。朋友即將移民，是日同佢farewell，想搵間有氣氛嘅餐廳，即時諗起「彌敦左岸」。餐廳位於尖沙咀赫德道，有兩層，樓下係半開放式，座位唔多，樓上空間感較大，燈光較為昏暗，播放住柔和嘅音樂，好有英式酒吧嘅感覺，亦相當有情調。餐廳逢星期四仲有live band，有興趣嘅朋友可以揀呢一日黎，一邊飲野一邊享受音樂。呢間酒吧餐廳除左有酒飲之外，仲有好多野食，有沙律、餐湯、意大利飯、意粉、薄餅等等。我地叫左一系列嘅湯，小食，主菜同甜品share食，至於飲品，由於我地本身唔太好甜飲，而餐廳只有樽裝水提供，所以都叫左sparkling water 飲。鮮松露蘑菇濃湯：蘑菇湯都算幾大碗，蘑菇打碎後加入鮮松露煲成嘅湯，香氣撲鼻，味道相當濃郁，入口時食到細細粒嘅蘑菇碎，非常有咬口。一邊飲湯一邊點住香草麵包，真係一番享受。之前係網上見到好多人介紹烤法國原條野生多佛龍脷魚皇，好似幾吸引咁，所以我都想試下。烤法國原條野生多佛龍脷魚皇：原條龍脷魚唔係好多地方食到，今日食到嘅野生多佛龍脷魚皇真係好大條，味道極之鮮甜，肉質嫩滑，口感細棉，幾厚肉

尖沙咀其中一間開左好耐嘅西餐，有得睇波同有live band所以都吸引到好多客人呢！今次同朋友去咗食個晚餐，氣氛都唔錯～香蒜辣橄欖油煎虎蝦 $158有4/6隻嘅選擇，虎蝦個頭都唔細，蝦肉彈牙帶點扎實。橄欖油好香蒜片油煎後更香，伴碟嘅麵包幾香脆，蘸少少油會增添啲蝦膏香氣。炸日本甜番薯條 $98甜蕃薯切到薄片咁炸，似自家製嘅感覺。薄片食落口感無咁綿密，但份量搭救，超大兜！配搭沙律醬，如果係黑松露沙律醬會更有特色！法國燒三黃雞配原鍋燒雞油飯 $688是晚一大亮點，同場都見好多人嗌。侍應會為你即席燒Rosemary散發煙燻香氣，再將雞肉分件，讓你方便食用。三黃雞最出名就係佢嘅油份相當高，而依度炮製方法燒完後係外脆內嫩呢！而雞油飯粒粒分明又油潤仲有啲飯焦口感不錯！焦糖香蕉窩夫 $98最後來份甜品幸福感upup～窩夫好脆有啲似脆餅質感，焦糖香蕉香甜，仲有雲呢嗱雪糕配住食。