彌敦左岸

營業中

休息中

幾年前黎過呢度慶祝生日，現場有Live Band演出，不過宜家防疫不准現場演出，舞台都變左用餐區同雪糕櫃。宜家每逢星期二三做緊牛魔王推廣，這晚見餐廳接近滿座。.① 牛魔王之Perfect Night $298120分鐘瘋狂任食牛扒有封門柳同肉眼，本身唔係好識分靚唔靚牛，但兩款牛肉五成熟的肉質算粉嫩，七成熟則有覺得韌，其實兩樣各一份9oz已經飽飽地。之後想Encore多份封門柳，但職員話再叫只有肉眼，唔知意思係無晒封門柳還是任食的只有肉眼，不過最後我同朋友Share多一塊肉眼扒就食唔落拉～戰鬥力好似有點弱….除左牛扒，餐廳仲有薯條，沙律菜，阿波羅雪糕同雪米糍任食，個薯條新鮮炸起，夠熱夠脆，仲有少少辣粉撈過，入味又唔會太鹹或太辣，呢個反而好似食得仲多牛扒放題餐廳連水都唔提供，單賣$28枝，最後叫左杯果汁（菠蘿汁）$38，勁多冰。埋單人均$370，性價比還好，純粹「任食」兩個字感覺抵啲，自我感覺良好，但實際上自己根本食唔到好多塊牛扒，而同樣價錢去其他餐廳應該會食到更高質的牛扒。.不過餐廳環境氣氛唔錯，同朋友食下薯條，飲下野，傾下偈都舒服，如果有返Live Band演出會更加正！

夜晚去酒吧 happy hour 吓😗經過依家好出名就即刻去試下估唔到有額外嘅驚喜😝原來有live band喺度表演一路食飯一路有歌聽🎵開心果酥炸芝心西班牙杜洛黑豚不見天見到個名咁特別 好奇係咩就即刻叫嚟試下😂大大塊邪惡炸豬排😈熱辣辣 外皮酥脆 豬排肉質較為扎實 裏面包左融左嘅芝士😍但芝士味就唔太突出配埋蘋果蓉食 唔會甘膩薯仔同蔬菜沙拉份量好足👍法式燒半隻三黃雞 配原鍋燒雞油飯🍗店員係我地面前用火槍燒rosemary 散發出佢嘅香味再微微燒香雞皮🔥雞皮燒得香脆 肉質嫩滑Juicy😋雞油飯大大碟 食落唔會感覺油膩配埋D薑 炸葱蒜 好惹味碟底部有我鐘意嘅飯焦添唔知唔覺就食左好多😅自家製開心果味雪糕🍨好少可以食到開心果味雪糕開心果味真係好濃郁❤️但缺乏左creamy 嘅雪糕奶香底部有toasted 開心果碎令到口感層次更豐富Nut Nut Nut🍸入口先有微微花生味然後甜甜嘅朱古力味衝出🤤最後酒味作結尾 好特別

係尖沙咀入邊，有一間突然掘起嘅酒吧餐廳，每星期晚上好多人排隊食飯，點解咁多人？因為佢就係298嘅價錢，120分鐘入邊可以無限瘋狂咁食牛扒每星期佢地都會提供美國安格斯肉眼或者係封門柳，任食質素相當高質而且餐廳仲可以按你要求嘅熟度去準備，任食嚟講佢都算做得好細緻另外佢每一碟都有沙律菜同薯條，仲有雪糕雪條都係無限量供應架咁正嘅嘢，我都食咗6塊🙈🙈當然佢地係一間酒吧，唔同款式嘅啤酒汽水cocktail 提供，一邊食一邊飲，同埋啲fd，女朋友一齊去就最好啦

個幾月前，同個朋友一齊去尖沙咀彌敦左岸食飯😆，試過呢度嘅扒類質素都係中高水平。今日同朋友一齊搵晚餐食乜好，咁啱就經過呢間餐廳，原來而家仲新推出左牛魔王之夜menu🍴。細問之下原來可以任食當日精選扒類，仲可以任食沙律菜同薯條🍟啱晒我同朋友。健身完嘅朋友就最岩補充蛋白質架啦😂仲要價錢唔太貴，一於試下！封門柳位置肉質鮮嫩，牛味特別香濃，而且廚師火候控制得啱啱好，唔會煮得過熟！隨碟佢會附送一個醬汁，鹹鹹地好match塊牛排🥩 。薯條雖然好食，但我哋就無食晒，因為澱粉太高啦😂食完成塊肉都已經飽飽地，份量方面真係夠重量級👻。推介各位如果經過都可以嚟試吓，質素唔錯又夠抵食。

彌敦左岸位處於TST，位置近住地鐵站🚉A出口附近，非常易搵😆❤️今日約左朋友一齊試吓餐廳最新推出嘅牛魔王之夜😈任食牛排之餘，仲有薯條及沙律菜無限量供應🥗岩哂食開肉嘅朋友仔😻有大大個招牌，好易搵👻每位收費$298，肉類方面仲要係高質封門柳同安格斯牛😋如果想chill下，都可以用特惠價錢嗌啤酒架～🍻餐廳通常要人齊先可以入坐，不過唔洗擔心，佢哋會安排你坐係樓下等候區，又有歌聽😌chill住慢慢等～今晚就點咗封門柳一試😚份量絕不欺場，同手掌一樣咁大🖐️！牛味香濃之餘亦非常juicy！嗌咗6成熟，上菜後熟成度都控制得岩岩好，唔會煎得過老/韌🐮，抵讚！薯條炸得比較粗及乾身🍟為食嘅我最尾係一條都無食剩🙈🤣臨走嘅時候見到店舖新加咗個雪糕櫃🍦選擇都尚算ok！岩哂大家用嚟作飯後甜品🍮❤️

Nathan Left recently has a promotion for unlimited steak on Tuesdays and Wednesdays(Please check their social media page as it can change from time to time)There is a bar area downstairs and you need to take the stairs to the restaurant area.When I arrived, just saw someone making a video for the restaurants promotion.For the environment, the tables were slightly a bit more crowded for my liking.On Tuesdays and Wednesdays, they only serve this unlimited steak menu. You have to order a drink to h

逢星期二或三都有呢個牛魔王之夜，每人只係$298 ，可以120分鐘任食。咁今晚特登留左肚食任食，仲要係封門柳，西式任食都係第一次。呢度裝修似酒吧，中間有舞台，不過就播住英超。坐落都夠闊落。咁佢就介紹今個星期封門柳，下一個星期就做肉眼扒。如果套餐飲食嘅除咗牛扒仲有沙律同埋薯條。而個set我哋就要左一份三成熟同埋一份五成熟，都做得到，岩岩好，而佢嘅牛扒調味就比較少，都係自己自行調味，有晒喜馬拉雅山岩鹽，黑椒，芥辣。需要既野都有齊。食落去好重牛味，可能因為封門柳冇咁多肥膏，鐘意食牛既就岩晒。食左兩round牛，食到咁上下飽飽地，就再補多個沙律解油膩感。差唔多食飽仲有阿波羅雪糕杯任食。個人認為岩晒食肉獸，就算生酮飲食都可以唔要薯條嚟呢度盡情放肆。

平時鍾意食牛扒嘅我，間中都會去食牛扒任食！今次俾我搵到尖沙咀呢間餐廳，可以任食牛扒、薯條同埋沙律，仲有阿菠羅雪糕杯都係任食！逄星期二或三都有呢個「牛魔王之夜」，每位只係$298，可以120分鐘任食。今晚係做USDA美國頂級封門牛柳任食，每星期會轉款。下星期就會做安格斯肉眼扒任食！第一round我叫左medium，男朋友叫左medium rare ，大家一齊share 食。Medium rare 呢塊就腍啲，熟度都控制得岩岩好，邊邊個位有脂肪，食落油香滿滿。Medium 果塊就肉味再濃啲，內汁都幾多，瘦過岩岩果塊少少，肉質各有千秋，係不同嘅享受。桌上放咗芥末、茄汁、鹽、黑椒，可以自己再調節個味道。第二round 兩塊都叫左medium 今次切開左三小塊，啲肉好腍，牛肉味又濃，仲掂過頭先果round。呢round 決定唔到薯條，無咁飽。最後叫多個沙律，就已經飽飽啦，好似健康啲添仲！差啲唔記得食埋雪糕，有3個口味揀，我揀左雲呢拿味，清一清油膩感，滿足的一天！

週末約朋感覺食飯，呢間都好適合聚會，有酒飲有歌聽好放鬆，環境好chill燈光柔和先點杯冰凍啤酒嘆下前菜沙律係和風烤蔬菜藜麥，唔同平時沙律走清新路線，有烤過嘅南瓜黃瓜得配上醬汁好惹味，配啤酒一流香草焗田螺一碟有6隻，田螺好軟腍又有淡淡香草香，仲有好香甜幻滑薯蓉呢個法式燒原隻三黃雞真係不得了， 店員會將燒焗好嘅雞上檯再用火槍再燒香，雞件鹹香惹味，食落好嫩滑多汁，另外仲會配原鍋焗飯，會跟埋粗超邪惡燒雞油，撈埋一齊食好香好好味

本來想同朋友去飲下野經過見到呢間酒吧有任食牛扒喎咁今晚就食左先算啦～飲酒下次😝坐低左後發現原來仲有行細細字要先叫飲品先有$298任食牛扒好彩飲品都係正常價Friutea Jelly酸酸甜甜食到奇亞籽同啫喱幾得意我地叫左兩份封門柳上菜速度正常非常足料伴碟仲有薯條同沙律封門柳有牛味都嫩口本身無調味可以配鹽同黑椒又或者配上蒜蓉醬食就更好我地食完一份再叫多份share咁就無咁快凍保持熱度不過最後都只係食到一塊半已經好飽😅始終仲有沙律同薯條食到最後都拎雪糕做甜品🥰

網上發現到呢間餐廳搞緊個牛魔王之夜身為食肉獸女友嘅我當然要同食肉獸黎試一試佢虛實每人只要叫飲品一杯加$298就可以120分鐘無限任食9Oz封門柳❗️❗️❗️仲有沙律薯菜任食❗️❗️❗️我地先揀左飲品侍應就幫我地落單兩人各一份封門柳五成熟先賣相好靚仔都無因為任食而求求其有齊薯條同沙律菜而且封門柳真係足size大大份生熟度控制得唔錯封門柳有炭烤香味而且牛味濃郁正！快快手KO一份再叫一份封門柳仍然有水準絕對無因為再叫而變差起初諗住至少食三塊嘅食肉獸最後竟然兩塊已經投降但都心思思去雪糕櫃拎左兩杯雪糕做個結尾❤️

任食放題壽司就真係多，任食牛扒真係比較少見，加上喺尖沙咀地區，食一塊牛扒本身都好貴，而家仲要三舊水左右任食牛扒，就即管入去試吓，點知原來都唔差，牛扒厚身，而且肉汁味濃，就算普普通通食兩塊，都已經回本，配埋薯條配菜，如果大食嘅人食三份，真係都幾正，直程係回本有突，加上本身餐廳酒吧格局，如果配埋睇波，飲酒，都係比多百零蚊，絕對超值抵食所以我認為，如果你哋真係想食呀，又想抵食夾大件，真係絕對值得推介，這間真係又有份量又便宜

尖沙咀有好多間Bar and Restaurant，依間亦算名列頭三的Live Band Bar👍🏻可以邊食晚餐邊飲酒🍻 店舖分兩層，樓下算係半開放式，只有幾張枱，樓上相對有浪漫情調💕空間感大且坐得舒服，播住輕音樂，同朋友傾計飲杯嘢都幾適合 原來逢星期四有live band，可惜今日係星期三，唯有下次再同朋友聽住歌飲杯嘢。 見到餐牌有好多款生蠔🦪今次就單點四款生蠔：=生蠔Saldanha Bay No.2 $62=南非蠔，以產盛天然野生蠔的Saldanha Bay為名，蠔味較為淡口，肉質軟滑。 =生蠔La Deese Blanche No.2 $62=法國蠔，蠔肉飽滿且爽滑，帶子位清甜，群邊口感豐富 =生蠔White Pearl No.2 $68=法國蠔，海水味道適中，入口不太鹹，口感爽滑 =生蠔Gillardeau No.2 $68=法國蠔，海水味濃郁，味道鮮甜，肉質肥厚飽滿，口感結實有彈性 =香煎鵝肝多士配無花果醬 🥯🌺 $178=鵝肝多士食落香脆可口🍞，鵝肝夠大夠而且口感creamy，質地偏腍身，鵝油鎖實肉入邊，最驚喜係無花果完全能夠中和鵝肝的油膩感，食完唔會滯😋=法式半隻燒三黃

見到牛扒關注組有人分享，當然要立即book位$298任食牛扒，店員同我解釋一個星期做封門牛柳，另一個星期做安格斯肉眼，好幸福，所以我已經book定下個星期，可以食埋安格斯肉眼呢度環境都唔錯，另外見到佢哋本身有live Band，不過因為防疫關係所以唔俾，如果有埋相信氣氛會更好😎坐低當然叫兩杯啤酒先，店員亦好詳細咁樣介紹，叫咗五成熟嘅封門柳，另外薯條同埋沙律菜亦都可以無限量添加牛肉非常腍，有驚喜，肉味濃，另外亦都可以加錢追加另外一啲食物，例如佢哋最出名嘅意粉，青口，朋友食咗兩塊已經覺得好飽，我最後食咗三塊，飽到飛起最後我哋決定book埋下星期，再戰肉眼🤩🤩啱晒所有牛迷

今日同女朋友又一齊放假，去咗尖沙咀睇我阿媽有咗第二個，之後行咗一陣誠品，突然之間好想鋸扒 又上openrice睇下有咩好食，畀我哋見到有一間有牛魔王之夜，仲要298任食 我哋去到門口，好大個牌寫住牛魔王之夜非常吸引，不過我哋早咗到要六點鐘先入座 職員好好安排我哋坐低咗先聽住音樂夠鐘先上去 我哋係第一組客人，上到去得我哋，我哋好似包場 原來每日或者每個星期都有唔同牛嘅選擇今日係封門柳，我叫咗七成熟，女朋友叫咗五成 沙律菜，薯條同牛扒都可以無限refill仲有一個雪櫃放咗雪糕，都係無限供應 不過呢度係需要加一同飲品要另計呢度嘅感覺好似一間酒廊，音樂唔會太嘈環境舒服寧靜，幾適合傾計傾心事美國頂級封門牛柳其實平時我都係食開雜扒餐，對牛肉冇乜講究不過咬落去，都感受到好容易咬同肉汁好多，睇返介紹原來封門牛柳，係取自牛隻嘅橫隔膜，味道非常濃郁，柔軟多汁，呢個簡介係真嘅，又有得食又學到嘢 最後都溫馨提示有一個雪糕櫃，裏面有阿波羅雪糕，有雲呢拿味同埋朱古力味，仲有雪米糍，都唔知幾多年冇食阿波羅，勾起兒時回憶