強記美食 (已搬遷) 新店位置

近日又凍又熱,冷得要命時食碗糯米飯真係暖到入心.糯米飯一碗都很多蝦米臘腸,是唔錯的選擇!!我覺得顏色淡了一點.加番少少色就更好.

食完乳豬宴, 唔駛諗, 例必仲有糖水宴, 今次仲利害, 上檯o既除左自選腐竹薏米糖水外, 仲有糯米飯同煎腸炒, 碗腐竹薏米幾有味又唔太甜, 不過嫌薏米少左d, 雖然巳經好飽, 但仍受不住引誘, 吞左兩件煎腸粉, d腸炒熱辣辣, 一啖腸粉吃下, 感覺到一邊煎得焦硬帶脆, 另一邊又帶點點煙韌, 蘸上了有花生香味o既麻醬, 其實巳可作為一份豐富晚餐喇。

昨晚和openrice 的各位去食晚飯,之後KC提意去這裡食甜品.我叫了凍腐竹糖水- 味道唔錯,但真係好凍.辣椒女叫了熱腐竹薏米糖水- 味道很好,唔會太甜,剛剛好.而且很香,我覺得熱的好味d.我們還叫了臘味糯米飯- 臘味很香,唔油;飯一粒粒,真係好好味.可能大家太飽了,差不多全部也是我食的.還有煎腸粉- 煎得很香,很好味,唔知點解比上次好味d.今次真係食得好飽.

見時間尚早，興奮地滴著耳油行去找夜宵。由於濕度高，去到強記有點熱（很難想像第二日可降十度？！），於是不約而同大家都叫了凍腐竹糖水。一向聽聞強記腸粉和糖水「哂家」，是晚晚餐過豐還未「落格」，只好選糖水，本想吃熱的，奈何太濕熱喇，唯一可選凍的，只有凍腐竹，有點無奈，加上沒有白果，失色不少；再者，難理解有層油？！友人問我為何一片腐竹都沒有，我估計已溶在糖水裡，只是彼此口味慣吃有腐竹而已。我想，還是熱的糖水較好，下次試別的。後話：這個時間的強記來一個「滿屋」，皆因大家在捧「大長今」？！

同食友們唱完K，難得Olivian半醉還記得要吃糖水。不想去滿記又不想排發記，就一行幾人行了幾條街來這裡坐後巷食糖水。叫了腐竹糖水，及一碟腸粉大家分吃。腐竹糖水是照舊的很溶及美味，不過比起一品齋的，個人比較喜歡後者多一點軟糯的白果；腸粉炒過，加四色醬料幾好味。可惜天氣不夠凍，如果不是一定來碗糯米飯暖肚，不過是晚就由28歲示範了這個動作。埋單位位廿蚊，雖然係摺檯摺椅，環境麻麻，但大家也是天南地北的胡扯一通，好不高興，如果不是已過半夜相信還會再傾下去呢！

和朋友們唱過卡拉OK後照慣例的來一個宵夜甜品, 先來了一碗涷腐竹糖水, 十分香滑; 再和朋友分享了半個臘味糯米飯, 臘味香口糯米飯軟熟可口; 再來了一個煎腸粉, 腸粉偏硬身有口感加上醬料, 味道吸引.

之前聽朋友說很好味,今晚就同辣椒女來食.我們叫了臘味糯米飯- 臘味很香,唔油;糯米飯一粒粒,好!這才叫生炒嘛!現在已很少地方有真正生炒臘味糯米飯食了.魚蛋蘿蔔- 麻麻地,可以唔食.香菇什菜豉油王炒麵- 都唔錯,只是太油了.蝦米香煎腸粉- 煎得脆脆的,唔錯;可惜豉油咸了少少.旺菜花生豬骨粥- 幾麵,唔錯,第二最好.陳皮香草綠豆沙- 有陳皮味而沒有臭草味道,還有鬆化的蓮子,有點像綠豆喳咋兩溝.(我還是喜歡玉葉多一點.)單是食臘味糯米飯,就值得再來,唔錯唔錯!

糯米飯真係好足料, 好e un, 好好味, 唔肥膩, 唔會食到一口油。腸粉都ok, 煎到少少"趣", 但係都幾油下。糖水都好足料。蘿蔔好老, 有根, 唔太好食。

食過三次，個人覺得糯米飯比較好吃，其他就一般。

「飄來臘味之香，大家都讚賞．．．．」驅寒暖胃之選，喝住哥仔唔要咁多豉油，佢都慣性落咁多，不過咁，食落唔太咸，甜豉油應計一功。加腸要加五個大洋～

今晚同太座食完，想起昨晚不濟的甜品今晚點都要食番個滿意的，就齊齊行了過這裡。呢度天氣一涼就好多人，我地係名副其實的坐在坑渠隔離，好在都無咩異味。叫了兩碗綠豆沙，梗又要叫點吃的，就來多碟煎腸粉。綠豆沙煲得夠溶，不太甜，有陳皮味而沒有臭草的味道，十年如一日的有水準。兩碗綠豆沙，我碗好多渣，差不多有小半碗都係煲得鬆化的蓮子，而太座那碗就無咩渣，剛好佢又幾怕食渣的；腸粉是別處交來，但煎過後皮脆，加多十蚊豬皮蘿蔔，又唔同味道。可惜事先已吃飽，如不是再來碗臘味糯米飯就完滿啦！埋單47蚊，以環境及只吃街邊野來說，是不便宜，但計埋味道，又算物有所值，如果尋晚可以行到來呢度就好。由以前未搬入檔口開始吃，食到而家，眨眼已成廿年。難得食物與當年仍沒有兩樣，抵佢多人幫襯的。但要留意，呢度環境麻麻，坐得低就要預左。

嘩,原來都有好多人咁識食,呢到我都幫趁嗰唔少次,但係佢好有格,唔係成日會開,有時下午5點幾已經開咗,但有時就算星期六,日夜晚(講緊係8點幾)都重未見佢開,有時一心想食都咪話唔掃興.最近一次因為係附近妹姐小厨食完飯行過去,所以只係食咗碗細腐竹薏米糖水,小肥就食咗個綠豆沙,嘩,個腐竹好鬼潤喉,正,因為平時比較小食呢個,通常食渣渣或綠豆沙.咪鬼睇佢舖細細,要坐埋落條巷,但由於環境算乾淨兼夾面前有塊空地,所以唔太有食塵感覺.當你坐係舖入面望住那些食物攤檔,你就會覺得好鬼草根好有feel兼好鬼有特色,so far都搵唔到第二度.推介當然係這裏的所有食得既嘢,其實我都小食呢度D蔥花蝦米腸,但睇到又覺得好吸引,下次一定要吃這個.

成日路經都冇乜留意，見大家強力推介，當然咪走雞啦！<br />今日想買番碗糯米飯孝敬‘阿毛’，見到糖水又好想買，但基於外賣回家，都係麻煩一點。所以‘的’住兜糯米飯上巴士咋，唔油膩、唔太咸（見咁深色）、腊腸潤腸都好味，打開聞一聞，巴士o的人視線望哂過黎，睇黎真係好香喎（因為我大鼻塞．．）<br />見佢地有鬼佬幫襯，姊姊仔用流利英語招呼，落柯打好有次序，非一般‘街邊檔’呀！<br />媽媽話，若然淨落花生蔥花o既糯米飯仲好味呀，請問邊到有呢？<br />係呀順帶一提，灣仔電腦城尾（即太原街對面），有檔車仔炒粟子同賣鹽焗蛋，o的蛋好入味o架！

可能係因為天氣涷的關係，呢排佢地的糯米飯特別好賣，上星期有兩晚十二點過後去到已經沽清，有晚就連腐竹糖水同腸粉都無，所以只有吃豬皮蘿蔔。星期六晚兩點經過更是已經拉了閘，以前週末晚邊有咁早收檔？可能實在太好賣的關係。所以天時想食真係要趁早。

終於有機會試呢度0既糯米飯喇，又真係幾香喎，算唔係好油架喇。一碗做Lunch都夠飽，$15當一餐算係咁囉﹗