影片
更多
2022-12-10
107 瀏覽
位於中環嘅呢一間御好燒，鐵板燒《Benkei Okonomiyaki Teppanyaki》， 經常都坐滿客人， 尤其係晚飯嘅時間， 更吸引咗唔少日本人嚟幫襯， 成個氣氛氛圍就好似去咗一趟日本咁樣， 相當之熱鬧。呢一間日式御好燒鐵板燒，由經驗豐富嘅日籍主廚主理， 主打關西峰嘅御好燒。「Okonomi」在日文是喜好的意思，意即可以隨你自己的喜好添加任何東西。大阪燒嘅用料雖然簡單， 當中雖然只包括低筋麵粉、椰菜、雞蛋、 高湯等材料，但食起來卻滋味無比。大阪燒裡面椰菜爽脆，充滿蛋香， 青蔥嘅香氣配合埋各款醬汁， 非常滋味。今次點咗一個加強版《蠔大阪燒》， 大廚將大阪燒嘅用料煎得香脆可口之後，再鋪滿大量青蔥， 而且淋上大量 bb沙律醬以及鐵板燒醬， 最後加上火侯控制得相當好嘅日本蠔。呢幾粒肥美飽滿嘅蠔肉質肥美， 而且蠔味十足，味道同大阪燒互相輝映。 另外亦要咗幾款非常有住家味道嘅《關東煮》， 蘿蔔非常入味， 非常嫩口， 索滿咗鰹魚汁同海帶湯嘅味道。 另外嘅獅子狗彈牙， 炸豆腐亦同樣出色， 點埋一抹芥辣，帶出絲絲刺激感覺， 非常暖笠笠。另外呢一款小食《薯仔沙律》絕對令人有驚喜。 薯仔沙律同平時食
呢一間日式御好燒鐵板燒，由經驗豐富嘅日籍主廚主理， 主打關西峰嘅御好燒。
「Okonomi」在日文是喜好的意思，意即可以隨你自己的喜好添加任何東西。
大阪燒嘅用料雖然簡單， 當中雖然只包括低筋麵粉、椰菜、雞蛋、 高湯等材料，但食起來卻滋味無比。大阪燒裡面椰菜爽脆，充滿蛋香， 青蔥嘅香氣配合埋各款醬汁， 非常滋味。
今次點咗一個加強版《蠔大阪燒》， 大廚將大阪燒嘅用料煎得香脆可口之後，再鋪滿大量青蔥， 而且淋上大量 bb沙律醬以及鐵板燒醬， 最後加上火侯控制得相當好嘅日本蠔。
呢幾粒肥美飽滿嘅蠔肉質肥美， 而且蠔味十足，味道同大阪燒互相輝映。
另外亦要咗幾款非常有住家味道嘅《關東煮》， 蘿蔔非常入味， 非常嫩口， 索滿咗鰹魚汁同海帶湯嘅味道。 另外嘅獅子狗彈牙， 炸豆腐亦同樣出色， 點埋一抹芥辣，帶出絲絲刺激感覺， 非常暖笠笠。
另外呢一款小食《薯仔沙律》絕對令人有驚喜。 薯仔沙律同平時食開的有點不同， 並冇加入紅蘿蔔、青瓜， 反而加入咗海藻， 食起嚟除咗口感滑溜之外， 仲非常之可口，推薦。
另一款推介《 免治雞肉燒》， 特製嘅免治雞肉除咗食到雞肉嘅味道之外， 口感亦相當滑溜。 望住鐵板上嘅免治雞肉轉成金黃色， ， 加上吱吱聲響 ，再放上熱辣辣嘅鐵板， 上菜時再加上大量嘅青蔥同埋蛋黃， 望到已經流曬口水。
另外嘅《日本玉子卷》， 食得出有家嘅感覺。 玉子卷用上什麼高質嘅雞蛋， 食落有蛋香。 而且保持到外面金香， 裏面保持到流心滑溜嘅感覺。 簡單嘅美食， 已經帶出幸福嘅感覺。
一路食一路嘆返杯凍冰冰嘅生啤， 朋友一齊大快朵頤， 將工作壓力拋諸腦後。
張貼
