14
0
4
港鐵油麻地站 C 出口, 步行約1分鐘 繼續閱讀
電話號碼
59666989
營業時間
今日營業
16:00 - 01:00
星期一至日
16:00 - 01:00
付款方式
AlipayHK 現金 Apple Pay
以上資料只供參考, 請與餐廳確認詳情
食評 (25)
等級4 2024-05-17
51 瀏覽
話說今年行維園年宵見到廟街玉子燒有擺檔,本來想幫襯,但睇見條隊咁鬼長就嚇怕。上星期咁啱經過廟街,於是就過嚟食玉子燒。本來想叫個原味,哥哥話明太子或者蟹膏味多人揀,我怕明太子太鹹,於是就叫咗個蟹醬流心芝士玉子燒。原來呢度係有堂食,就係放張細細嘅 bar 櫈喺路邊當枱,一路食,隔離小販大叔就一路準備開檔,真係別有一番風味😆。講返件玉子燒,原來都唔細,亦頗厚身,塞滿咗成個透明膠盒。面頭除咗郁郁木魚絲之外,仲有沙律醬,賣相唔錯。咬一啖,即刻 feel 到入面熱辣辣嘅拉絲芝士同埋鮮甜嘅蟹膏,兩者出奇地夾,食食下仲發現原來中間隱藏咗一條蟹柳。餡料就好豐富喇,至於玉子本身亦燒得剛好,唔會太老,夠嫰滑,甜度也適中,總括嚟講,係我鍾意嘅味道🫶。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-11
96 瀏覽
一入油麻地條街就見到黃色燈牌寫住玉子燒,比佢吸引咗!$40一份大大份兩個人食剛剛好,一個人我自己會食唔哂因為材料都多芝士又多,好豐富!即叫即整,所以熱度十足,尼個天氣食一流! 繼續閱讀
(以上食評乃用戶個人意見 , 並不代表OpenRice之觀點。)
踏進廟街,食晚餐怎能錯過這間有口皆碑的玉子燒攤呢?真係瞓身上前試!我嘅「三寶饗宴」由明太子流心芝士玉子燒開始,一劃開立即溶化心房,芝士好香濃,啲明太子嘅鹹鮮味好正宗,個玉子燒又滑又細嫩,入口即化。跟住換上魷魚鬚,真係現炒現賣,外層微脆,啖啖肉,腍得黎唔腥,滿口都係鮮味,淋上一啲日式醬汁,甜中帶鹹。再嚟,雞軟骨,食落彈牙得嚟帶啲微辣,唔會覺得過乾,個味道層次豐富,款款係口中留郁。最後,真心推介俾大家 - 明太子流心芝士玉子燒,溫暖一啖就滿足晒!整體嚟講,呢度嘅小食絕對係值得大讚一番👍,啱哂下班後同三五知己嚟一齊搞下街邊江湖味,溫馨提醒,高峰時段可能要排少少隊,不過值得呀!🍳🧀🦑 繼續閱讀
(以上食評乃用戶個人意見 , 並不代表OpenRice之觀點。)
等級4 2023-10-17
300 瀏覽
本人係係勁鐘意食蛋,玉子燒當然不例外🤣 前排終於有機會去試呢間玉子燒!💪🏻 3鰻Thx 玉子燒 ($40)呢間嘅玉子燒都算煮得厚身,而且雞蛋唔會煎得過熟,內裏保留到有蛋汁,玉子燒都好綿😋玉子燒當中有勁多芝士,啲芝士都熱辣辣,勁拉絲😍 mozzarella芝士都味香。而且入邊仲有一片鰻魚同蟹棒。如果玉子燒可以多啲醬汁同埋配料再多啲就更豐富😝味道:7.5/10性價比:7/10 食住瘦指數:💪🏻/5 繼續閱讀
(以上食評乃用戶個人意見 , 並不代表OpenRice之觀點。)
因為行過聞到好香,見佢哋塊牌寫住有鐵板燒,所以嗌咗$40一份細盒嘅魷魚鬚。見佢好快就有,都有啲驚訝,成盒攞上手係微温,食落只能夠話唔係凍,都係一早整好保温住。味道好依靠重調味去整得香口。已經有啲失望,始終呢個價錢本身expect 可以即刻鐵板燒整,新鮮熱辣同香啲。但最失望係食食吓有條細膠,kick 住係口。一問之下只係答一句係魷魚骨。即當初唔去乾淨。坦白講自己就算自己整或出面食都冇試過咁,我明白唔關衛生事,但對答嘅態度都令人失望。因為都冇話特別好食,調味太重,所以食到一半就算。 繼續閱讀
(以上食評乃用戶個人意見 , 並不代表OpenRice之觀點。)