影片
晚飯吃不飽，就要去吃宵夜了，本身諗住廟街吃煲仔飯的，但去到之後煲仔飯都關門了，見到這間新之食腦海裡面就想起那個彈牙的手攪麵了，進店後看到1位員工非常忙碌，又收銀，又包外賣，又招呼樓面非常忙碌，我們都等了大約5分鐘才落到單。我們點了竹笙雞肉手攪麵及油渣東坡肉上海麵，雞肉手攪麵非常足料，有很多竹笙及有雞腿肉，最欣賞是彈牙的手攪麵，加少少菜甫很惹味。而油渣東坡肉上海麵都不錯，上海麵麵條較粗但是都一樣彈牙，東坡肉夠林及入味，吃完便回家了。
繼續閱讀
去完油麻地懷舊玩具舖，發現對面有間小食店，又有米線又有碟頭飯又有涼菜炸物好多款小食，都幾多人幫襯即刻試吓😎🥟煎韭菜餃子（5隻）$22 ~ 即叫即煎，基本上枱枱都有叫，皮薄餡多👍🏼👍🏼👍🏼🍗香草雞翼 （3隻） $20 ~ 炸雞翼完全冇雪味，炸得好香口！🥕蘿白牛腩 $33 ～ 呢個超驚喜，蘿蔔牛腩都好入味，細細一份做小食幾好🥬蒜茸生菜 $15 ～ 加左秘製蒜蓉醬汁🥗麻辣凉拌雲耳 $23 ～ 佢哋調嘅麻辣汁好開胃好好味🤤🍜酸辣雜錦米線 $59 ～ 同出面連鎖米線舖嘅湯底好唔同，酸酸辣辣配料超多，米線相對比較粗身但都係淋身嘅，特別係扎肉好好食😍鹹檸七 跟餐$7罐裝可樂 $11🥤好想試埋佢嘅辣醬爆豬扒炒麵同埋香辣肉碎飯😂另外都見到多人叫佢哋嘅咖喱飯系列，應該都係招牌菜之一😗📍新之食📝油麻地永星里1G-1H號地舖
繼續閱讀
呢間好方便😄😄有特別多選擇👍又抵食既茶記麵店 多人食酸辣牛腩手攪麵👏佢麵選擇有埋刀削麵🤣佢仲係開到凌晨1點 宵夜好選擇！~蠔仔粥😄牛肉好大粒生蠔👍好味 大大碗~竹笙雞肉手攪麵+糖醋骨👏+煙鴨胸👏+時菜👏幾特別搭配👏唔同特色餸都可以加小食~台式鹽酥魚柳🐟食魚柳包的魚柳😆佢好係唔會咁厚炸皮 亦都肉同皮好易分離~香草雞翼炸雞翼 即叫即整熱辣辣~蒜茸生菜~涼拌麻辣青瓜👏👏👏👏😆👍
繼續閱讀
一直知道《新之食》有多間分店，今日經開油麻地永星里，朋友話呢間大件夾抵食，於是就在這裏午餐🍜🌟招牌推介～酸辣雜錦米線，餸菜有招牌扎肉、鹿茸菇、酸菜、芽菜、油豆腐、雲耳等，呢度嘅酸辣湯底好正，扎肉及鹿茸菇出面好少有得食，份量亦很多。🥣特色潮州蠔仔粥配豬潤蠔仔粥水準不錯，還可以任選牛肉/豬潤/肉片其中一款加配，我選了豬潤出奇地夾，只係$59真心抵食！🥟煎餃子雙拼（韭菜餃+菜肉餃）兩款餃子各有特色，師傅煎得好香脆🐟台式鹽酥魚柳鹽酥雞就食得多，鹽酥魚柳就第一次食，即叫即炸，香港鬆脆，不錯！🥢蘿蔔牛腩蘿蔔清甜，牛腩炆得好腍好入味另外套餐還可以優惠價配冷熱飲品，絕對做到平民貼地，所以很多街坊嚟幫襯！
繼續閱讀
突然好想食米線，路過油麻地，就試下呢間小店，餐廳唔大，座位唔多，搭枱機會90%. 裝修簡單撲實。一睇餐牌，原來有好多元化既野食，除左我想食既米線，仲有飯，其他麵食同小食。米線可以自選餸配搭，左諗右諗，最終我都係揀番佢已經配搭好既肥牛酸辣小窩米線，再配凍檸茶。米線我叫左小辣，我覺得辣度適中。肥牛意外地好食，唔係普通卓下個隻肥牛，有d 香口味。整體好味初初擔心緊佢係咪淨係收現金，原來有收八達通，alipay 呢d 支付工具，好方便。
繼續閱讀