廟街牛雜

營業中

休息中

前幾日同老公黎廟街食興記煲仔飯,途中經過這裡見到開了店,於是去左排隊買,已經第二次幫襯,依然係大大盒,好抵食,加埋甜醬芥辣,熱辣辣食仲好味^^

以前這位置有一檔炸大腸, 令我了解到炸大腸原來係咁好味嘅。好幾年前已變成一檔牛雜檔, 一直提不起興趣去嘗。直至夜深, 看畢電影, 有人想吃夜宵, 便叫了十元蘿蔔膀腸。蘿蔔帶苦有渣, 可能是邊位的原故, 不太對口。牛腸是我最怕的口感, 又唔肥又唔香, 腸衣仲"界口"的。委實不喜歡。牛膀又粉又稔, 是幾高水準的。可惜用來塗醬料的幾支木筷子"流流地", 整支掃整支棍都仲似樣d啦, 搞到不能塗到我喜歡的甜醬芥辣!在冬天晚上吃一頓夜宵, 只欠了那刺骨的寒流。係咪開少d冷氣, 香港的冬天就會返來?

說來慚愧，住左十幾年都唔知幾時開始有檔牛雜係度。有晚經過見到呢度燈光怪異好有懷舊ＦＥＥＬ，門口有七八個人排隊，好奇心驅使下走近一看，禁不住買了十蚊膀肚腸試試，老闆剪剪剪，先剪落銻碟，再轉落發泡膠兜，加Ｄ汁，盛惠十蚊。想話加Ｄ甜醬辣醬，唔係用匙羹，係一對倒轉木筷子，可能老闆唔想你落咁多！想話滴多Ｄ醬都唔得，（阻住人地丫馬！）十蚊雞都有十零舊，都唔算少！不過一入口就發覺Ｄ滷水唔多夠味，鹹而唔香，都唔係記憶中的牛雜味，如果老闆唔係乾孤寒，可以比人落多Ｄ甜醬辣醬，都仲可以！點知跟住兩個鐘頭至精彩，番到屋企猛咁灌水，週身唔聚財，下次真係唔好預我！

"依咁多人排隊既, 等小巴呀, 但點解會響後街呀, 仲要紅噹噹既? 唔係個d呀... ..."對方望一望... ... "買小食ka, 傻瓜!!!""咁多人排隊, 陣間食完煲仔飯我又要試. "就係呢段對話促使我同呢間野結果食緣勒."唔該d魚旦點買呀? "(因為佢只要寫左牛雜, 柚皮, 豬皮同蘿蔔買七蚊串)咁我就total買左十五蚊勒, d牛雜係就係唔差, 但d魚旦無味既, 仲要俾左勁多, 激死人勒, 下次唔要魚旦呀! >.<

這間廟街牛雜店,瑟縮在鴉打街一角,同其他老廟食店一樣,要到晚上才開門.每次路過,也有大批顧客圍住.有人立食,亦有人打包到其他煲仔飯店吃.等到小弟,看見面前的牛什池林,不知如何是好,亞姐講一份牛什,一份柚皮.)街檔有柚皮賣,已少見.先吃個柚皮,質感如海綿,不太稔,鹵水汁亦入味.但洗不掉柚皮本身的苦味.牛什例牌有牛肺,牛肚,牛膀等等,加些甜醬芥醬撈來吃,一邊行一邊吃,無邊際的平民風味.牛肺稔熟,牛肚爽口,牛膀鬆化,鹵得夠入味,後來翻轉頭再要份牛腸,甘香又肥美,人間美味也.吃得肥膩,也是其中之一大福氣.

本身係黎食煲仔飯點知條人龍勁長咁岩見到隔離有人排隊食牛雜咪排埋1份囉叫左盒20蚊既入面有牛雜羅同豬紅份量都ok多牛雜ok喎! 夠林又夠入味! 其他就嘛嘛!

夜晚七時許，同朋友相約，特意黎廟街食煲仔飯。眼見四季既人龍起碼有二十人，但亦無減我地食煲仔飯果種熱情。一於去排隊等位，視線範圍見到有另一條人龍，格局係之前o係度見過既牛雜店，一於同朋友分頭行事，去買牛雜食!相比起煲仔飯既人龍，呢條算係蚯蚓吧!等左一陣就見到牛雜既「浴池」。「浴池」中有膀、肚、腸、肺、豬紅、魚蛋同蘿蔔等。相量後，決定買一盒牛雜、豬紅同蘿蔔，價值二十元，甜醬芥辣辣醬各小許，務求迎合大家既需要。將戰利品帶回人龍與大家分享，大家一件過一件，不消二分鐘已經將戰利品消滅。其中，牛雜炆得入味。牛膀夠稔；肺夠滑；蘿蔔亦入味，但相比下豬紅比較遜色。可惜既係嘗不到牛腸。暖肚後，繼續向龍頭進發。

近日,好鍾意食牛雜~因為喜歡芥末的功鼻感覺~我去親買都係買十蚊~之後加上多多芥末~刺激鼻腔內~回味無窮~好過其他鋪頭~買牛雜一定有蘿蔔~而且蘿蔔還要大大舊~牛雜得一二件~叫加多d芥末就黑起面來~真係百萬未開頭~

其實是幾個月前的食評,因搵唔倒呢間食肆登記,亦不知真正地址,咁都俾KC兄你發現倒真厲害!!當晚於逸東酒店飲喜酒,約了朋友一齊,見早到好耐無行過廟街就四周逛,見倒呢間舖仔6點幾有人排隊,過去八卦原來賣牛什,有成10個人排隊,橫豎有時間就試吓啦!等了約5分鐘到我,叫了一串牛什,味道不錯有好香鹵水味,5蚊一串真係食得過,同KC情況一樣著西裝結領帶,食得有少少狼狽,不過好味就得啦!!

嚴格來說，這裡是一間入了舖的車仔牛雜檔。沒有座位，買了還要站在街邊吃。但味道不錯，這些街邊檔，實在是買少見少，所以又在這裡介紹一下。深夜十二時，去廟街探朋友的班，路經這裡。還記得以前有檔賣炸大腸的，還是正宗的套腸，味道相當不錯，可惜不知那時已沒有了，換來這個牛雜檔。站在外面望了幾望，直覺告訴我也不錯的，所以懶理當時是穿起西裝結領帶，也來吃幾蚊牛雜。要了5蚊牛腸，5蚊蘿蔔。見柚皮賣相不錯，多心的我，又轉了蘿蔔做柚皮。阿姐見我轉軑，反建議：「5蚊俾晒兩款你嘞！」貪心的我，卻之不恭。例牌加甜醬、加芥辣、加辣醬，這個「紅黃橙三醬圖」，是掃街必備的。牛腸塞滿肥油，是新鮮貨色，腸壁薄薄的，一咬肥油已充斥滿口，豐腴甘美，人間美味。時常想，不吃肥油的人，是沒口福的。當然喜歡吃又不敢吃的人，除了沒口福，還幾悲慘~做人也應對自己好一點的。除了牛小腸，還有大腸的，沒有肥油，但炆得入味又軟熟可口。雖然只是區區5蚊，但也有好幾件，吃得真過癮。蘿蔔有點筋，但味清甜，浸在鹵水汁內煮了成晚，那有不腍身及不入味的道理？柚皮也是不錯，不過腍，保持了柚皮的口感，也滿意。略欠缺的，就是牛雜佬在剪牛雜時，揮動大剪發出的「摺摺聲