廟街牛雜

營業中

休息中

到了廟街逛逛，見牛雜佬有開檔，當然要吃它一吃。可是條人龍也真的頗長，最後足足等了十五分鐘才有得吃，咁大的吸引力，相信其出品應該不差了吧，此店除了牛雜外，也有賣柚皮、豬皮、蘿蔔及魚蛋，所以唔食牛雜的人仕，也可以不妨吃吃，如排我前面那位仁兄，也只買了二十元豬皮、蘿蔔、豬紅及柚皮，看他是吃得津津有味的。而此處的門面大大隻字寫上牛什及其他東西也是一律七元一串，但其實人人也是用五元作一個單位，所以我最後點了五元牛腸、五元牛肺、五元柚皮及五元蘿蔔，然後經過一輪剪刀活動後，加點辣醬及芥辣，也急不及待的吃了。先來吃一口腸，入口沒有很肥美豐腴的感覺，打側看看其橫切面可知一二，腸衣內不太有脂肪黏在腸壁上，怪不得了，抵讚的是沒有異味，熱騰騰的蘸芥辣吃，也是好吃的；肺比腸好吃，肺組織吸飽了湯汁，吃起來也沒有異味，數件牛肺連着支氣管的部份，既有牛肺的腍，又有氣管的爽，很過癮，好吃好味道，怪不得有位阿姐食客連汁都飲光，真誇！之後的非牛雜類又是如何？沒有用油炆的柚皮，吃起來竟也是細嫩而不嚡口，柚皮的纖維吸飽了湯汁，一口咬下是有湯汁湧到喉嚨椗，很是對版；另外的蘿蔔也真的很好吃，一點渣一點根也沒有，蘿蔔既有自身的鮮甜，

因最近會係油麻地出沒，所以上定openrice搵下呢區有咩好野食。我本身鐘意食牛雜，所以第一站就先去食呢檔有"九龍區最好食牛雜"美名既檔口試下。初時都未搵到係邊咖，原來係廟街向彌敦道行出一個街口，係正大把人排隊果間煲仔飯對面。唔止煲仔飯要排隊，原來牛雜都要排隊，其實我有少少覺得阿姐手腳慢，人地講左要咩，佢有時又要問多次，仲有.. 呢檔野都有唔少自由行遊客幫襯，阿姐大力用超流利既普通話推介，人地要左牛雜，又sell人地要埋柚皮，魚蛋同蘿蔔... ... 入返正題，買左$20牛雜同柚皮，先講柚皮，真係好夠諗同入味，香港有柚皮食既地方真係好少好少，我兒時住紅磡，有一檔車仔麵既柚皮真係咁多年都咁好食，呢檔有得比呀，不過真係俾得太少啦，下次都係要加錢買柚皮先得!!到牛雜，佢與別不同應該係佢炆牛雜用既係清湯，出面好多小食店為左好食，用左好濃既湯，佢d牛雜有返果件雜既原味，炆得夠諗，真係好過好多小食店收人地10蚊一細碗果d啦!!另外，因為係街，又有少少雨，所以無影相，不過同樓上各位食家食既都差唔多，廿蚊大大份，一個人一定食唔晒果種!!

廿蚊牛雜,樣樣都有d,牛膀,肺,牛肚等等..好大盒!牛雜炆得很入味,加埋甜醬芥辣食好好味另外柚皮都做得好出色...炆得好稔,索曬d牛雜汁,唔會食到苦澀味!好正...

由於女朋友唔食 牛肺, 牛膀. 所以叫左$20牛雜走 〝膀肺〞不過就 +左好少人知GE〝天梯〞 同埋柚皮,蘿蔔,豬紅, 豬皮.哩間牛雜檔歷史悠久, 我哥中學時期都成日幫襯, 但我就近哩3,4年先開始幫襯究竟牛〝天梯〞係咩東東黎架話說有一次, 我聽到前面個阿叔叫〝牛天梯〞. 我覺得非常好奇, 但又驚佢係牛GE生殖器......... 所以就無跟住叫.而番到屋企問人. 先知到, 原來〝牛天梯〞係指 〝牛GE喉嚨 & 氣管〞咁解喎.所以就放心黎試下柚皮, 吸收晒D汁, 食落好似海棉咁, 幾正架. 一定要試蘿蔔, 一時時入味, 要睇下個日多唔多人叫蘿蔔. 入味個D都未常好味架, 因為佢個湯真係無得頂@@豬紅, 有少少湯味, 不過佢本身都有D味. 但 唔會好似食神〝豬紅一夾就散, 失敗!〞牛肚, 好腍好入味牛腸, 唔太肥, 亦好入味, 不過唔係成日有. 試過有幾次去都無牛腸.牛心, 口感似牛脷. 亦都好入味架.牛〝天梯〞, 分三部份1. 好似D豬軟骨咁, 一條條彎GE楕圓柱體. 應該係氣管軟骨, 鍾意食軟骨GE人一定要試. 2. 有時有D薄薄地好似膜GE肉, 應該係氣管GE肌肉. 咬落去爽爽地,

師傅記得上次百無聊賴, 同好友食家"乜都放入窿"由佐敦行落去油麻地, 正當師傅準備揮手道別之時, 好友食家"乜都放入窿"突然問師傅知唔知廟街牛雜喺邊, 師傅擰晒頭, 於是好友食家"乜都放入窿"就帶路!本來兩位食家都食到飽, 諗住行去睇下個位置, 絕冇諗過要食, 但行到埋去見到未收檔, 加上仲要冇人, 合晒胃口, 就決定試一試佢! 師傅同好友食家"乜都放入窿"講要兩串好喇, 點知好友食家"乜都放入窿"話買廿蚊份量都唔會好多架咋, 於是就埋去買左廿蚊牛雜!剪左一輪之後, 師傅同好友食家"乜都放入窿"發覺廿蚊嘅份量都唔少喎, 唔知佢係趕收工定係真係應該有咁多呢? 不過唔理咁多, 第一時間搵個有利位置開餐! 牛雜真係咩都有, 肺, 肚, 腸, 膀樣樣都齊, 加上份量勁多, 淨係睇到已經覺得抵食! 先講牛肺, 肺入口軟熟, 而且爽口, 一d都唔韌, ,不錯; 牛肚一樣係勁腍入味, 雖然唔係金錢肚, 但依然可口, 正; 牛腸算不上太肥, 但亦一d都唔瘦, 加上炆得夠腍同入味, 掂呀; 最後牛膀亦腍, 但絕對冇異味, 真係唔錯; 最後就係個汁底, 味道夠但談不上濃, 雖然唔濃但亦唔會冇左牛雜嗰個味,

是晚獨個兒跑去電影中心看戲，卻在麵店遇上同樣是獨自看電影的老朋友。一碗粉麵，豈能滿足太公那口腹之慾；趁電影未開場，捉住朋友去這家牛雜加餸。眼看小小的店子總是圍滿的都是人，各店家叫出自己想吃的部位的名稱。碰巧，二人都是不吃牛雜之怪人，只要了魚蛋和柚皮各一串。這裏的袖皮是太公的至愛；因為這裏的牛雜用料新鮮，而且鹵水汁也夠香，柚皮索了牛雜汁，鮮甜得很。不過不知是否因為生意好了，柚皮的澀味沒有如以前般去除得很淨盡，偶爾吃著一兩塊還殘留餘孽的 - 還好，就只那一兩塊，整體吃的感覺都令人舒暢得很。本來想再叫蘿蔔豬皮等物大快朵頤。但時間所限，只能吃最想吃的柚皮 - 別少看「一串」($7) 的份量，是外面的「串半」份量了。能以此價錢換得如此質素的食物，無怪乎每遇此店開門做生意之夜，都是站滿了人。

今日去老廟一會出名的四季煲仔飯,條隊有成廿人唯有轉軚.臨走前見對面有條隊排牛雜,既然到此一遊,當然唔可以空手而回,咪又去試下.一串七伩,一盒二十伩,第一次食,當然貪心d要一盒啦.除了牛雜,還要了柚皮同蘿蔔.開心之時,提起相影拍了兩張,之後俾啊姐阻止了.拿住盒牛雜行過兩個舖位,即時享受一下平民風味.所有的食物鹵得入味,鹵水香甜.柚皮好稔,蘿蔔無渣.伴上三色醬更美味.個人雖不愛牛雜,但覺得這實值得一試!

再一次來到廟街這間隱藏檔口買牛雜,晚飯時段的鴉打街,兩條人龍兩條戰線,一條是四季煲仔飯門口,一條是廟街牛雜.兩個人可吃得多一點,要一份蘿蔔,一份柚皮,一份牛雜,再加牛腸.當牛雜奉上我面前,正想舉機之時,店員慌張地說:{不要影相.}唯有拿出街外,才替其拍個照留念.作為香港街頭小吃的核心,此店長期受到食客吹捧,自然有些料子.柚皮質如海綿,但苦澀味未盡除去,蘿蔔香甜沒有渣,牛雜的牛肺很爽,其他部位同樣入味,牛腸亦肥味.此店的鹵水也很香甜,鹵出來的牛雜,份外好吃.當然來到老廟,大家志不在牛雜,純悴為了篤兩串的那種過口癮.如果想吃得刁鑽一點如牛沙瓜,此小店幫不到你.

呢度係我第二次買嚟食, 叫咗$20牛雜, 都係以下d食家所講有嘅餸, 真係多款, 尤其柚皮我最鐘意呢~吸哂d肉汁味呀!只要你食過一次, 你一定會心掛掛想再有下次!不過呢度唔係晚晚有, 我試過有次帶媽同妹嚟冇開到, 所以要食佢都要講綠份...

當我排緊四季之時, 見到對面有人又排緊隊, 咁就洗左男朋友去排隊買左20蚊一盒既牛雜番黎, 有魚旦, 牛肚、膀、腎?、腸、肺等,豬紅,豬皮嘩~樣樣都好似好好味咁, 佢賣7蚊一串, 真係好抵食喎~新鮮熱辣辣, 仲正過深水步喎真係...樣樣都爽口彈牙, except牛肺之外, 因為本人唔食...而豬紅又勁熱, 食晒所有野先食佢, 都仲係辣口咖!!!唔怪得之佢咁多人排啦~ 抵食!

友人愛吃牛雜, 昨晚帶埋佢一齊處女下海!2人要了1盒$20牛雜.友人不愛下醬料吃牛雜, 覺得味道不夠;我就拌著甜醬芥醬食, 覺得味道尚可肺炆得夠林, 平時很怕食肺的我, 也吃了好幾塊;膀就林得黎散哂, 不過都不失美味都可算平靚正了.

我跟金仔也很喜歡到處散步.每次經過只要肚子還放得下我就必定要求吃牛雜!!點解!?除左佢又平又抵之外,因為每次食番就會念起金仔,嘿嘿所以吃牛雜我都只會和金仔來時才會一起吃.$20一大盒!一口又一口.香香熱熱的,讚

第一次來食7個人叫了35元牛什，真的好好食，好入味，但又不會太咸，而且d牛肺和牛肚都好軟，好好食!!35元的份量，比只叫7串7元一串的份量好似還多很多，有機會可以來試試呀~這一檔比我家附近(near kowloon bay mtr)的牛什檔更好食!我不太識形容，總之就好好食!!

我並實唔肯定係唔係呢檔,但係各式各樣既線索又好似同大家講既幾吻合,包括要排隊買,喺煲仔飯附近..我都拮左串牛什食,佢既牛肺好好食,牛肚都唔靭,我唔食榜,所以走左榜,加d芥辣食好香口!咁好食既野,一定要同大家分享!yeah!

吃完四季，才來試過究竟。接過牛什後我甚麼醬也沒有落，要吃原味的。發現份量也不少，都有10小件以上吧。腸、牛膀、肺及肚都是水準之作，特別是膀好吃！如果沒有落醬，都覺得可以，吃到那些五香汁，但始終不是我所吃過最高水準的牛什。有水準的街邊牛什難求，下次會再來了。