廚哥

營業中

休息中

喺長沙灣呢一間小店見到貢花雞，專登Google下嘜野係貢花雞，原來佢係廣東傳統菜，以嫩滑的雞肉為主料，經特製醃製和烹調，外皮金黃香脆，內裡保持鮮嫩，常搭配白米飯享用，是香港茶餐廳的熱門選擇。我哋外賣咗兩個套餐：貢花雞髀飯套餐：嫩滑的雞髀肉配上香噴噴的白米飯，搭配特製醬汁，口感鮮美。叉燒飯套餐：叉燒好好味，肥瘦適中，加咗醬汁非常之香甜，好好送飯。每個套餐都附送一碗清新的五指毛桃湯，仲要只係hkd45！

廚哥 (長沙灣)長沙灣東沙島街167號地下B1號舖位於天悅廣場附近，廚哥是一家新開的外賣小店，主打來自大山的貢花雞和大件㚒低食既雞脾、手撕雞、叉燒飯，套餐均附送例湯，誠意十足。貢花雞選用山野放養的雞種，肉質緊實鮮嫩，帶有天然清甜。$45套餐包埋例湯，滿滿既飯仲有新鮮既青瓜絲，兩行既雞脾雞肉，性價比無得頂。雞是必點的，雞肉入口滑嫩，雞皮薄身配上秘製醬汁，滋味層次豐富，回味無窮。叉燒飯偏瘦，啱晒鍾意食瘦叉嘅人。飯粒剛剛好，少少雞汁醬汁，軟硬適中，每一口都滿足。例湯清爽不油，用料實在，。廚哥的貢花雞$45的扺食飯！簡單卻有驚喜，絕對是長沙灣街頭的美食新發現。行過一定要試下！

今日經過長沙灣，諗住買餸反屋企，原來喺長沙灣有間咁正嘅貢花雞外賣店！舖頭細細，只做外賣，見到好多長沙灣街坊幫襯，就叫咗一隻貢花雞。原來貢花雞係喺山上自然放養嘅雞，所以會生得較慢。返屋企打開，貢花雞非常大隻，家人都覺得好驚喜，外貌唔係好多脂肪，佢皮質爽彈，雞肉好結實，食落好有雞味，好彈牙，唔會好咸！我哋屋企人都食唔停口。餐廳除咗貢花雞，有其他唔同嘅小食，例如牛雜，糯米粟，總之叫多幾樣返屋企，滿足一下味蕾😄

最近長沙灣開咗間小店賣貢花雞，我同屋企人都鍾意食雞，一於試下佢啲雞如何啦。 招牌貢花雞手撕雞飯🐔：嚟自山區嘅自然放養走地雞，雞肉紮實，雞味濃郁，充滿芝麻香，雞絲撕得幼細，有兩種醬汁配埋。仲會送五指毛桃湯👍。 廚哥秘制牛雜滷得非常入味，有牛腩、牛肚、牛筋、牛腸、蘿蔔，啲牛腩都炆得好稔，蘿蔔鮮甜而且無咩渣，整體味道都唔錯。 見到有黑色嘅粟米，未試過就試咗一條，粟米粒飽滿、Q彈有嚼勁，味道香甜，口感軟糯。

.#foodie #hk #hkfoodie#HTB美食推介【📍長沙灣｜走地貢花雞外賣店】淨係賣相已經覺得非常吸引，外賣盒放到滿滿，而且好整齊，貢花雞嘅黃配合青瓜絲嘅青，就咁睇落已經好開胃～.🐨貢花雞髀飯套餐 $45推薦度：⭐️⭐️⭐️⭐️貢花雞皮爽肉嫩，雞味好濃郁，鹹香味重。做到走地雞口感實淨嘅一種，但係都唔會嚡口，唔怪之得可以做到招牌菜啦！！上面佈滿芝麻，就更加惹味香口～另外記得點埋佢嘅薑蓉，薑蓉切得好細緻，薑味重，配合下令雞肉加添層次....🐨五指毛桃湯 套餐$0 單點$15推薦度：⭐️⭐️⭐️⭐️⭐️小編之前都未飲過呢一款湯，所以唔知佢正唔正宗。但係飲落去椰香味重，帶少少清甜感，非常潤喉清涼。問咗店員話呢一款湯可以止咳益氣補虛，大家如果嚟到都不妨試吓啊🤞🏻——☼——☼——☼——☼——☼——廚哥📍地址：長沙灣東沙島街167號地下B1號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB長沙灣 #HTB港式 .#長沙灣美食 #長沙灣 #港式 #貢花雞 #外賣店 #美食推介

今晚唔想煮飯，收工經過呢間寫住「貢花雞」我就從來都無聽過，所以一於買黎試下🤣叫左個雞飯，D雞肉質係非常結實，佢地自己調配嘅雞汁同埋薑蓉幾特別，再叫多個叉燒飯，唔知係咪homemade嘅關係，又係唔一樣嘅～雖然望落就唔係蜜汁燒果種，但係個醃料都係果仲味道，肉質就估佢唔到咁腍，咬落去幾鬆化！都係果句，呢個價錢有呢個質素，無野挑剔。跟餐仲送埋個湯，濕下口都幾唔錯！下次可以就咁買隻雞嚟當加餸，唔洗諗食咩！

今日黎左深水埗食雞呢度主打係外賣貢花雞，呢度既貢花雞係自家養殖，全部都係走地雞，餐廳的雞肉選用走地雞，肉質鮮嫩結實，口感極佳。肉質結實鮮嫩，口感一流😋。份量十足，啖啖肉，而且仲會即時幫我地砍好入盒方便食用。每一口都充滿肉香，雞翼更是富有嚼勁。佢地既五指毛桃湯用料豐富，感覺滋補養生，而且是自家製的。整體來說，價格實惠，味道出色，值得推薦。呢度除左雞肉仲有飯盒，叉燒，黑糯粟米等食物，叉燒已經賣完想食要早d去買。

長沙灣呢間外賣店，雖然食物款式唔多，但係食物質素非常好，而且價錢非常貼地，放工唔想煮飯，買個外賣，都食到高質食物，非常推介。餐廳仲有好多小食，有雞腳、牛雜、黑米糯粟，全部都好吸引手撕雞飯手撕雞好好味，最重要係冇說明，份量多，調味好味，而且個飯都好軟身$100 1隻元貢花雞雞既份量好多，好大隻，啖啖肉，最重要係雞嘅質素好得，雞肉有質感，完全冇雪味，好難想像成隻雞都只係$100 ，夜晚斬料加餸一流👍🏼👍🏼

📍 Shop B1, G/F, 167 Pratas Street, Cheung Sha Wan 長沙灣東沙島街167號地下B1號舖 Cheung Sha Wan’s culinary scene has a well-kept secret, and it goes by the name “Chef Brother 廚哥”. This humble eatery may look unassuming, but the flavors that emerge from its kitchen are anything but. With a concise menu featuring their signature Gonghua chicken dishes, Chef Brother delights food lovers who know that sometimes simplicity is the key to perfection. 1. Gonghua Chicken Rice Set (貢花雞飯套餐) - $45 🐔 is a feast of tend

今日就去咗廚哥買外賣, 小店主打生長喺大山嘅貢花雞, 有唔同嘅套餐同多款小食選擇辣醬雞絲撈麵將雞肉手撕成一絲絲,肉質嫩滑, 再撈埋爽口既麵條, 醬汁偏辣, 淡淡都食到麻香另外仲叫咗半隻貢花雞可以揀手撕或者斬件, 份量十足, 面頭撒滿芝麻, 仲放咗啲青瓜絲喺底，雞皮偏向深黃色, 嫩滑爽口, 皮下冇咩脂肪, 走地雞肉質緊實彈牙家鄉牛雜腸粉牛雜炆得好入味, 好多唔同嘅部位, 包括牛腩, 牛筋, 牛腸, 牛肚, 牛肚咬落爽口, 腸粉索滿牛雜醬汁嘅精華, 口感滑溜

收工真喺唔想煮飯，公司附近開左間貢花雞外賣店，斬返雙雞就唔洗煮了。貢花雞一隻、半隻手撕半隻斬件、牛雜同五指毛桃湯好有家的風味，食落去令人好滿足。貢花雞係鮮嫩嘅雞肉同埋香噴噴嘅調味，用咗新鮮香料同醬料醃製，煮好之後肉質滑嫩，食咗一口就想再嚟。手撕雞就係一道經典嘅家常菜，將煮熟嘅雞肉撕成條，配上特製醬汁，口感超好，送飯真係一流。牛雜將各種內臟同香料一齊煮，味道濃郁，呢度材料都好足了有啲似係家庭小館嘅感覺，特別啱鍾意重口味嘅朋友。而五指毛桃湯就係一碗清潤嘅湯品，五指毛桃嘅香味加上其他材料，湯好滋補又好味。

放工嗰陣，經過一間新開嘅小店，見到門口貼住貢花雞嘅宣傳海報。我原本都唔知咩係貢花雞，但海報上隻雞色水靚到不得了，即刻勾起我肚裡嘅饞蟲，於是直接入店叫咗一隻手撕雞。除咗貢花手撕雞，我仲點咗一碟炆煮牛雜。貢花手撕雞一上枱，雞肉嘅嫩滑就一覽無遺，皮爽肉滑，雞味濃郁。聽店員講，貢花雞係用特別嘅養殖方式，餵食特定飼料，難怪味道咁獨特。個調味亦都拿捏得啱啱好，唔會太咸亦唔會太淡，除咗保留雞肉原本嘅鮮味，仲帶有陣陣香麻味，真係一食就停唔到口。再講下呢碟炆煮牛雜，牛肚、牛腸、牛筋等食材處理得乾乾淨淨，完全冇異味。牛肚咬落爽脆，牛腸軟嫩入味，牛筋糯滑彈牙。炆煮牛雜嘅醬汁濃郁，香料搭配得天衣無縫，鹹香中帶住陣陣回甘，每啖都充滿正宗牛雜香，食到停唔低。呢次探店真係太掂喇，下次梗係要再嚟！廚哥長沙灣東沙島街167號地下B1號舖

都未食過大山走地貢花雞🐓🐓🐓又估唔到幾好食😋😋招牌貢花雞🐓🐓🐓即叫即切🪓 最後仲會淋雞汁雞皮脆口彈牙 冇皮下脂肪 戒口減肥中都完全唔驚用秘製配方醃過 雞已經有調味 有d似鹽焗雞味雞肉結實 愈食愈有雞味有薑蓉/辣醬揀辣醬食落好惹味 唔會太辣🌶🌶貢花雞翼可以就咁買雞翼皮脆 又唔肥 冇咁罪惡感 好滿足🙈🙈🙈🙈辣醬雞絲腸粉🌶🌶🌶辣度小辣 雞絲同腸粉1：1 性價比高好香乾辣醬 芝麻香2者又幾夾秘制牛雜🐂🐂🐂竟然仲有牛筋牛腩黃喉🙈🙈牛肚 腸 一口size 炆得好入味仲有蘿蔔好甜🫶🏻🫶🏻

今晚買咗隻雞返屋企加餸，呢間係外賣店，除咗招牌貢花雞之外，另外仲有叉燒，湯水，小食例如牛雜、腸粉或飯套餐等…. 如果一人不想唸食咩，叫飯套餐啱唒，仲跟埋湯！如果買返屋企斬料加餸，可以叉燒或雞，可以揀半隻或原隻！這隻雞是生長在大山的貢花雞，自由采食，所以生長時間會比較慢，所以食落去肉質比較緊實和彈牙，雞味比較濃味，亦都比較香，加埋芝麻灑上仲香，可以點埋辣椒醬食，就咁食已經好夠味，送飯一流👍🏻 $100一隻雞呢個價錢已經算唔錯

Weekend 懶得煮飯，諗住斬料返屋企，見到長沙灣呢間新開嘅外賣店，主要係賣雞🤤一隻雞只係$100 ，大大隻，我最欣賞佢係一啲都唔肥，連雞髀少少肥膏都冇，我見佢哋舖頭寫因為隻雞係生長係山上，自由放養，所以佢肉質特別彈牙，而且冇肥肉！呢種雞食多幾嚿都唔怕肥😎通常斬料買啲雞都好肥😮‍💨佢肉質彈牙之餘，雞皮都爽口，雞味濃郁，而且大大隻😆另外仲叫咗佢哋嘅牛雜，佢有好多蘿蔔喺底，蘿蔔香甜冇渣，吸左牛雜d味更正，牛雜有牛腸、牛筋、牛肚等，每一樣野都好入味，味道濃郁，送飯一流👅