廖同合荳品廠

營業中

休息中

平時食豆腐花都覺得滑，冇諗過會有更滑既豆腐花，而且老板好好人，我食完又問有冇無糖有冇外賣佢都好耐心答我。雖然地址好難允，但係一定有下次。仲有，佢既有糖都唔算好甜

每次去開旺角時間容許既話,我一定會去廖同合荳品廠吃碗豆腐花或者飲杯黑豆漿。廖同位於街市裡,舖內既環境也不太好,但他們自家製既豆品真係值得一試。我經常帶唔同既朋友去試下。佢地熟食有冷熱豆花(香滑豆香,唔似外面食既豆花咁硬實實)、豆漿(豆香味重,天氣熱飲杯凍豆漿解渴又健康)、煎豆腐(我無試過,但十位顧客我見起碼有一半都會黎碟)。除左現成食品外佢地仲有豆製品賣,其中我最喜歡就係佢地家製既腐乳,有辣同唔辣。佢地既辣腐乳,用黎黎炒餸或者送粥一流,真係有別於係超市買既品牌, 因為香辣適中,食完又唔會口渴 至於腐竹, 豆香味重用黎煲糖水都係好好味。 

舊式街市中的美食，豆腐花要找好食的不容易，呢間算係好好味，難怪可以生存那麼多年！豆腐花好香濃幼滑，第一啖乜都冇加，原汁原味，完全食得到黃豆的香味，佢係滑落喉嚨的那種滑煎豆腐又平又好食，呢款係用梗豆腐做，所以冇豆花的豆腐滑，但豆味比豆花的更濃，加埋老店自家的辣豆醬真係好正！

來到旺角街市, 第一件事就係食豆腐花, 雖然店舖很舊, 但係好有兒時氣氛, 而家在香港真係好難有這類店舖.今次點了豆腐花 + 煎豆腐 + 軟豆腐(外賣)- 豆腐花非常嫩滑，好有豆香味, 個人覺得不用加糖是剛剛好, 不會太甜.- 煎豆腐很有豆腐味, 味道有點淡, 建議加小小豉油, 便很好味了.- 另外, 買了一磚軟豆腐回家打邊爐, 這個豆腐豆味十足, 係食過最好味的豆腐, 好有豆香味, 又軟又滑, 以往經常用二十幾元的日本豆腐來打邊爐, 以後不用了, 這款實在太好味, 提議打邊爐時不用煮太耐, 因為煮太耐D好香豆味會無左.

偶爾路經廖同合荳品廠，看到那甚有歷史的招牌，店內有吉位，廚房有個大石磨，便決定進去稍作休息，喝杯凍黑豆漿、吃碗凍豆腐花。$8一杯黑豆漿、$9一碗豆腐花，冷熱同價，價錢實惠。牆上介紹，豆漿真材實料，無任何添加物，果然黑豆漿的豆味濃，不算甜又不太淡，感覺真有益。至於豆腐花也值得推介，滿滿一碗，非常滑，加些黃糖，甜度適隨尊便，正！

每次去豪華睇戲，例必早小小到附近食豆花，呢間係我不二之選，舊式小店大年齡過我，聽老闆講堅持每日磨黃豆，整豆花，難怪佢既豆花香濃豆味，滑到呢！令外仲有煎豆腐，煎得脆口，加埋自加製辣椒醬，冇得輸！仲要係$12就有4件

店名:廖同合荳品廠地址:旺角廣東道1067號好味指數：8.6／10價錢：$7.5熱豆腐花暖暖的荳腐花嫩滑，入口即溶，豆香味濃。建議不用加糖太多，如果荳花可以熱些更好。

俾老細點左出來旺角買啲野，經過朗豪坊附近，突然有點餓，就想起之前去過的廖同合豆品，因為之前食過距哋的煎豆卜，一直令我好回味，一心偷雞走去廖同合豆品食煎豆卜，到左門口裡面大概有六七位客人光顧，裝修同之前大同小異，依然保留著懷舊的格局，環境比之前有所改善，一坐低我就被裡面貼在牆上的餐牌吸引著，餐牌較新穎，但我感到里面的内容有點夸大自吹的感覺😒，心諗：話之距吹乜？叫碟煎豆卜先算：“吾該，一碟煎炸豆卜，”。一位年輕的四眼妹妹應機：“吾好意思，我哋依家無做煎豆卜，只有煎豆腐，不如試下煎豆腐？我哋啲煎豆腐包你話正”。無煎豆卜我已經無晒心機😞，但又有點肚餓只好勉強回應一句“好啦，要一碟啦，加一杯涷豆豆漿”。四眼妹妹又回應話煎豆腐要等一等，好快得。要等？😞我真係咩心情都無晒，又唔好意思話吾要，只好等。只過左两三分鐘煎豆腐同豆漿就來了，可能因為刚煎好，碟熱辣辣的煎豆腐好香，我只好慢慢影相，邊等碟豆腐滩下先再食，一口咬落去，突然奇來一種喜出望外的心情，在我腦海裡出現(豆腐呀，豆腐呀，那是我童年的豆腐，那是遺失左的豆腐味)😍，豆腐味好香，而且好滑，食完一碟我馬上“吾該再來多碟煎豆腐”，飲啖豆漿等待我的

在附近吃完正餐，經過時就被「廖同合荳品廠」所吸引。荳品廠超越50年歷史，前店後廠，一直堅持手造豆腐，保持高品質產品。這裡的除了豆腐花外，也有豆漿、煎釀豆腐、腐乳等。今次試了他們的新鮮豆腐花，捧在手中震騰騰的，水感十足！習慣性第一口吃時什麼調味都不加，先試一下最原始的味道。入口時，豆腐花果是十分漓溜，但豆腐花中水份略為過多，質感未夠實在，豆味可以更香。雖然味道未必是最頂級，但這裡的環境十分懷舊有風味，十分值得到來一試！

味道 ★★★★☆好食：熱荳花 - 好滑, 入口即化, 好香荳味, 正!服務 ★★★★☆幾好丫, 幾有禮貌, 總比連鎖店的「機械式問候」令人自在環境 ★★☆☆☆係舊, 但有著瀕臨絕種的懷舊風情, 是謀殺不少記憶體的地方 

睇左網上廣告或推介走入去旺角呢間正野, 入到去個地下立刺刺咁, 心想, 呢次重唔俾我發現新大陸, 叫了一個涷豆腐花, 哇, 好正, 從表面睇好滑, 點知, 一食下就知中左招, 豆腐有陣濃味, 而且用spoon 一斬下去, 發覺好鞋, 大家唔信可以一伙人去幫襯一碗試下, 好食再叫多幾碗, 唔掂再上黎寫下, 發洩下.  重有, 我叫豆腐時, 女待應問要否豆腐, 我緊係不要喇, 好食左先再試呀麻。

記得小時候常跟爸媽到旺角的一家舊舊的店吃豆腐花這天閒來無事去重溫一下 XD熱豆花 - 很滑的口感，豆味一般煎釀荳腐 - 豆腐軟滑，魚肉煎得香口，再脆一點就更好~熱豆漿 - 都係好滑，無咩豆渣，唔錯總結，味道不錯，價錢便宜，不用等位，值得一試。味道方面則以深水埗公和的豆味更勝一籌。

平安夜早收工，看過中醫後，到旺角和姐姐開始掃街之旅！第一站是位於街市內的廖同合荳品廠！一年一度的平安夜，還沒入黑整條街已人頭湧湧，還幸對市井小食店影響不大，人流沒有特別多！熱荳漿($6)是夜天氣蠻冷的，溫熱的豆漿十分順喉，豆味相當濃郁，不會過甜，真的很出色喔！讚！煎釀荳腐($4 兩件)豆腐相當軟滑，魚肉煎得香口，肉味鮮甜！熱荳花($7)豆腐花十分軟滑，加黃糖吃十分讚！這間店的豆品真的很好吃喔！！

好細個嘅時候係廖同合樓上睇中醫，每次都會嚟食碗豆腐花。咁多年之後再嚟，店內環境無咩點變......可惜.......豆腐花又霉又無豆味，百福豆腐花比佢好好多，同其他豆品老店差得更遠.

I discovered this place based on this site and, as a vegetarian, the dau fu fa was a welcome find. The guy serving was very friendly and spoke quite good English. Fresh soya milk was also pleasantly fresh and cold.