康瑞甜品

營業中

休息中

前排凍到hihi時路過長沙灣見到呢間甜品鋪門口勁多人冒寒排隊等位，今日路過落車買個外賣走，揀咗1號特色仙草百配，芋圓，地瓜圓，小丸子，仙草極足料，隨糖水附送UCC奶油，甜度適中，只不過係$25，唔怪得咁多人排隊。

$25好耐好耐之前康瑞已經好出名 估唔到而家都仲係要排隊 🙈 呢個糖水嘅薑汁係夠薑嘅 但係就甜得濟 而丸子嘅味道我覺得唔夠突出 其實食唔出芋頭同蕃薯味 好彩煙韌程度好高 滿足到我食煙韌野嘅慾望 不過奉勸大家唔好好似我咁食飽飯仲一人要一個 因為食完裏面海量嘅芋圓真係飽到上心口 😂

jus went gym nd tried the famous taiwanese so called, black bubble sugar syrup with barley n mixed beans as its so refreshing n amazing as its not too sweet nd it contains lovely black jelly made from chinese herbs...its v cool in.summer but not suitable for winter! its nice trying..😊

今日凍冰冰，最啱食暖笠笠糖水。好似話中女先中意食中式糖水，作為壯男，我係中意食台式糖水嘅。黎到康瑞，都係點嗰幾味。唔係仙草、芋圓，就紅綠豆沙、椰汁西米露咁。今日唔知做乜，挑起條筋就想食桂花酒釀丸子。點知中左伏。桂花酒釀理所當然係會帶酒釀嘅發酵糯米酸味，但呢隻酸味同蛋花、芋圓、地瓜圓都好唔夾，好似酸酸粟粟，變壞左嘅味。反之，朋友嘅薑汁蛋花芋圓地瓜圓小丸子就無伏。芋圓同地瓜圓都有自身好香嘅芋頭同蕃薯味，食落口感chewy，超有咬口！同薑汁味道好夾之餘，仲好暖胃。In short, 下次唔好再揀桂花酒釀。

每次經過都係成個門口都係人！特別係夜晚，越夜越多人！為左要食佢，要揀咩時間無人？我就揀左下午5點幾6點，食晚飯時間，雖然無人係門口，但鋪頭入面都係9成滿坐架！！大家都推薦佢地嘅No. 1 食品：仙草百配。不場去到當然要食啦！好食！真係好食！唔算好甜，涼粉味道又唔會一大陣中藥味，最令我驚喜嘅係竽圓！老實講，以前去台灣，大家都會話台灣九份嘅竽圓好好食，去左食左半碗就想放棄，大大粒，咩味都無，一舊麵粉咁，我一直響度唸你咪我食果間整得特別差！度瑞嘅竽圓除左有口感，仲有香甜味道，佢果種口應係似竽頭整，唔係斎麵粉，而啲糖水嘅味又入到去入面，每一啖麵好好吃！友人叫左3號桂棗雪耳就好一般。

食完飯有咩做？梗係食甜品次次食康瑞都係食仙草百配，依排咁凍就試個熱既腐竹蓮子配芋圓！好暖胃無得輸呀$20邊度搵 朋友叫左椰汁紅豆芋圓好香椰汁味，紅豆唔會太爛又唔硬，岩岩好

行行下街，同朋友友講起台灣，即時想整返碗芋圓過下口癮。芋圓本身係香港都唔算常見，而有既鋪頭亦都質素平平，性價比亦都唔高。而呢間甜品鋪就係罕有地可以提供高質，性價比高既芋圓！其實之前已經試過一次，今次地方搬左，人亦都多左，要等位先入得，不過食物質素就無因為人多左而有所下降。一大碗芋圓夠足料，啖啖都係丸，並唔似出面d鋪頭，幾十蚊先得個幾粒仔，又細粒。呢間芋圓本身口感夠彈牙，又大粒，完全同台灣當地食到既有得揮，非常推薦大家一戰！

近來慶食芋圓，所以睇到廣告，就把心一橫走到深水區搵呢間前身係涼茶舖嘅甜品店試一下佢推出嘅芋圓甜品。行咗好耐，終於搵到，都算易搵嘅，因為佢喺大街旁邊 ，基本上附近嘅店舖都已經關門，就只有佢呢間有非常光猛嘅門面。外面企咗十幾二十個人，大概當時係九點，所以我同朋友決定買外賣返屋企食。買咗一凍一熱嘅仙草芋圓外賣，外賣有膠盒裝住，可能天氣太凍嘅關係，熱嘅芋圓甜品返到屋企變暖了。另外亦包咗兩盒仔甜奶，係溝咖啡飲嗰種。溝落去，味道適中，啱啱好。材料方面，有涼粉、西米、芋圓、小丸子、珍珠等等，都算幾足料，對得住25蚊呢個價！

一年幾前我已經不斷地見到朋友來食。雖然我懷疑是港女打卡餐廳，但我一直都想朝聖一下😂😂🙈（腦袋說不要，慾望很誠實😂😂）難得做完小毒毒行完黃金，下午五點時間又尚早（不用排隊），我可以終於可以實踐夢想😂😂😂內在環境還好，都不算迫。侍應好快手就給我們餐單，態度友善不馬虎。有好多餐廳出了名就超囂張，但他們沒有。我沒做資料搜集，我見到價錢是$20-25以為自己眼花。我以為咁出名應該好貴，但佢並沒有咁做！ 我點了酒釀桂花配芋圓。超—級大碗！芋圓很Q很有嚼勁！而且酒釀桂花超多粒！夾埋蛋花真的超香！甜度適中！明明食了很多，但我覺得可以繼續食下去！ 朋友點的仙草百配真的是百配！料多種類、多份量得誇張！而且當然啦，都很好吃。我偷食了一口後都忍不住再偷多幾口想試晒所以料。 其實以名氣、份量、味道，絕對可以收高的價錢，但他們并沒有。憑他們的認真煮食、良心價錢和態度，我絕對會再食😂 我只希望佢不要因為出了名後因爲加租要結業🙈

小妹其實都係甜品控，同事經常講起康瑞甜品，話經常排隊，起初我都不怎麼相信，但今日到訪正值康瑞開舖時間，下午4點，未開舖店門外已經有十幾個客人在等候我就心知一定是味道不錯，質素佳才能做到未開舖就有人龍忙著坐進去，忘了幫門口拍照但其實我都蠻喜歡在外的那桌子，如果下次結伴有兩三人，又不是寒風四起，我一定要坐那桌子，因為好像很舒服店舖內有齊康瑞涼茶既歷程原來已經差不多三年真係十分希望舖頭長做長有因為真係好正簡單的餐牌，淺白的例出各種糖水，除了台式就是中式，冷熱均可而且望住糖水既價錢，感覺多食幾款荷包都唔會太辛苦特式仙草百配（芋圓、地瓜圓、小丸子）$25 ★★★★★一碗滿足小妹所有願望仙草、芋圓、地瓜圓、小丸子、薏米、西米、珍珠、紅豆，足足九種材料仙草就像兒時飲的清涼爽，涼茶味香，滑口清涼，不像坊間的變得像涼粉味地瓜圓、芋圓全是手製，不是粉開，吃起來真是啖啖煙un，帶有淡淡的蕃薯味及芋香配合起來是小妹吃過最好吃，最喜歡的仙草芋圓珍珠口感十足，非常有咬口，同樣是煙un彈滑好好味加上薏米清熱，西米細細粒同樣好味道有埋紅豆，豆香偏甜合起來就是讚小妹真係清晒碗，但一碗份量足到，小妹一人未可多嚐幾款甜品，

久聞康瑞的甜品好吃，午飯時間過來還沒開門，便去了另一家吃個八寶冰，聊慰對芋圓的思念，黃昏剛巧再訪深水埗，終於可以去康瑞一嚐心願囉~點了特色仙草，咬開珍珠，黑糖非常甘香，黑糖水同樣給整碗糖水生色不少，簡直是這甜品的亮點，仙草非常滑，比我深愛的芋圓還好吃，午間那個八寶冰其實不錯，同一價錢，材料還再豐富點，但若論味道質感，還是給眼前這仙草凍比下去！

作為芋圓控嘅我, 每當想食甜品嘅時候都會專登去搵有得食芋圓嘅甜品店｡ 今次搵到呢間中式糖水, 聽閒係將台灣名產仙草芋圓配搭去中式糖水｡ 夜晚8點半左右去到, 店內都差不多坐滿客人, Menu 上甜品嘅選擇都唔多, 只有十幾款可以揀｡桂棗雪耳湯底配芋圓一聽就知呢款係屬於清潤系列, 味道清甜, 碗糖水內面有兩大粒紅棗, 雪耳非常爽口, 配料仲有芋圓、 地瓜圓、小丸子 & 黑珍珠｡椰奶紅豆沙配芋圓紅豆已經煲到起晒沙, 但唔係好食得出有椰奶味, 配料有芋圓、 地瓜圓、小丸子｡總結: 每碗糖水入面嘅芋圓 & 地瓜圓數量都算OK, 咬落去嘅口感幾煙韌, 但味道偏淡, 唔太食得出芋頭 & 番薯嘅味道。

據聞呢間嘅糖水好掂，尤其係佢地嘅地瓜圓同芋圓。今晚專程由太子行過嚟試下。環境：中規中舉，同一般甜品店無異。服務：我地二人大約晚上8:30左右到，已經好多人。大枱被留起給人數多嘅客人。我們被安排搭枱。可以理解。食物：桂棗雪耳湯配地瓜圓、芋圓、小丸子糖水本身無咩特別。但地瓜圓、芋圓口感過軟，唔夠Q彈。除非個别食，如果跟糖水一齊食，跟本完全食唔到地瓜、芋頭味道。椰奶紅豆沙配地瓜圓、芋圓、小丸子紅豆沙完全感覺不到有椰奶味道。地瓜圓、芋圓跟上面說的一樣…… 整體很中庸。下次一定不會專程過來。

第一次食芋圓係喺台灣，食過之後返香港好難搵返相同嘅味道，康瑞就做到了❤️每粒芋圓都係佢哋自己親手製作👍係醫局街年代已經開始幫襯佢哋。以前係醫局街嘅時候，日頭係中醫醫館，夜晚先買糖水，面積好細，成日等位都要等好耐。由於越嚟越受歡迎，太多客人了！醫館根本坐唔晒，後來醫師就直頭係荔枝角道開一間面積大好多嘅糖水店，專賣芋圓。成碗芋圓無論係材料定係湯底，都配搭得非常好食，而且唔會太甜，食完都唔會十分膩。除咗佢哋嘅招牌芋圓，腐竹雞蛋糖水，同埋其他嘅糖水都非常好食。重點係性價比真係超級高，而家呢個年代想搵一碗＄20左右嘅糖水的確係非常之難，康瑞就可以做到又平又好味。成個餐牌最貴都只係＄25。

個個都講到芋圓係寶之後經過太子海記排長龍今次唯有搵康瑞甜品頂住先但上網睇到康瑞涼茶係食仙草嘅不過我就麻麻地仙草嘅關係所以我order左椰汁西米露配芋圓個人覺得好淡 冇椰汁香味芋圓亦唔甜 份量都唔多其實都幾失望😢_________________________裝修環境：✨✨✨服務態度：✨✨✨食物質素：✨✨(5個✨為滿分)價錢：$25________________________唔信我嘅可以自己去試試😂