康樂飯店 (已結業)

要到沙田辦點事, 在OR 找到這間comment 不錯的中式飯店. 於是坐小巴過來試一試.從未去過禾輋, 對這裡的環境完全沒有概念. 找了好一陣子才找到這間康樂飯店. 一進門, 坦白說, 感覺不大好. 客人大都是老人家, 而且枱布殘舊兼有點髒髒的感覺. 因為二人枱很少, 於是被安排坐到洗手間門口的一張枱, 甫坐下, 傳來陣陣"異香", 實在難受. 最後決定還是要換一張枱, 坐到收銀後面去.既來之, 則安之. 知道這裡的名菜是梅菜扣肉, 當然要來一客. 由於只得兩個人, 所以只再叫了一個南乳藕片, 另加兩個白飯.梅菜扣肉 - 朋友說肉不是平價貨. 我不會分辨, 乾脆一口咬下, 試其滋味. 來一件半肥瘦的, 那肥肉很軟腍, 但不會吃得一口油, 不錯. 瘦的部份不會乾, 但稍嫌不較鬆化. 味道方面不是偏甜那一種, 梅菜下得較多, 好吃. 份量方面是頗大的, 每人吃了四, 五件. 五十元這個價錢是相當抵食的. 南乳藕片 - 這道菜比想像中要好. 藕片薄身之餘有咬口, 南乳很香, 加上唐芹, 不錯. 附送的紅豆沙也不錯吃. 陳皮很香. 雖不至於很"沙", 但合格有餘. 是夜由於有人打麻雀, 而我

約了旅行團的團友在沙田飯聚，預先在OR搜尋到這家零劣評及評分高達三點八分的康樂飯店，便先致電訂枱，最近領滙大肆翻新旗下的商場，禾峯商場的環境也比前大幅改善，而康樂飯店最近也翻修了店面。 到達時只有兩、三枱客人，在平日不用訂枱相信也有枱，侍應立即招呼坐入店內最深的位置。今天一行四人專誠來為試多點食物，不叫比較相宜的套餐而選擇散叫，菜牌上的選擇非常多，花了番功夫後點了個五菜一湯：桂花魚肚從魚肚面的焦碎可知魚肚先泡油後才下鍋煑羹，窩內的魚肚又大片份量又多，經拉油後的魚肚較香口，厨師下了不少隻鷄蛋，一大鍋的有很多蛋白花，打散了的蛋黃令羹色變成一片淡黄色，名乎其實的桂花魚肚羹，要煑得賣相好厨師要將蛋白及蛋黃分開下鍋，並要同時不停攪拌，是一道簡單而考厨功的湯羹，這店做的真夠水準。霸王鷄半隻果然是店中名物，正如前片所述鷄肉有鮮鷄味，骨髓不見血色，不算肥的鷄肉夠滑身，今時今日要吃鮮鷄真的不易揾，八十多元的霸王鷄絕對是必叫的菜式。竹笙扒雙蔬竹笙又大片又多，遮蓋了下面的西蘭花及蘑菇，大粒而飽漲的蘑菇很有天然的香味，不是坊間常用的罐頭貨，較薄的茨汁不會掩蓋竹笙和草菇的天然食味。煎蒸釀豆腐釀了鲮魚肉的豆

同大學同學一行九人約在沙田晚飯，由於沙田好吃的不多，所以又黎返這裡。最正當然係霸王雞，咕嚕肉都好好味，朋友愛吃好多料嘅粟米魚肚匙，仲講笑叫侍應添飲仲有梅菜扣肉同椒鹽九肚魚都好搶手其實同朋友一齊吹水係最開心，不過吃好野沙田就只此幾家

同家人揾晚飯地點，沙田區，我上openrice.com見到呢間無喊樣，所以決定專登搭車嚟一試。飯店很有懷舊特色，又有電視睇環境也頗整潔四人叫了炒三絲，鹽焗雞半只，西蘭花炒帶子，節瓜蝦米粉絲煲炒三絲有鑊氣，家人說鹽焗雞夠味又夠滑，西蘭花炒帶子不過不失，都有十隻帶子，我最愛節瓜蝦米粉絲煲的南乳很香。四人吃得滋味，埋單才二百多元，待應頗有品，點菜至份量差不多巳夠食他會作出提醒，另外，找錢時沒有給硬幣和碎紙，沒有〝迫〞你給小費，反而令食客更欣賞，更會給多點小費。就算要專登乘巴士來，附近又沒有什麼商店好逛，也一定會再來

搬離沙田好幾年，尋晚難得車埋阿爸阿媽同仔女返禾輋食飯。去返康樂食，以前喺禾輋住都成日黎呢到食，不過自從搬左就少左返黎。今餐依舊大大碟，水準依然，最正係呢度既霸王雞、海鮮沙津卷、粟米斑塊同梅菜扣肉。好高興見返老伙計既舊面孔，同呢度傳統既裝修。黎緊會多d返黎

單併15..雙併17..咁就叫左茄蛋..之後豬扒..點知原來有粟米汁配豬扒..外賣返家一開一食..唔會混雜左..一盒飯兩種特式..唔錯唔錯..哈當然d送,飯 都係唔錯仲有星洲炒米..又係15..幾好的!!隔雜間 "加時"嫌佢飯盒樣衰..d飯同送亦麻麻..但佢地偏偏要貴過康樂1蚊..唔知點解

果晚我地兩個人嗌左三碟餸，食完仲有糖水送，雖然唔多好食，不過都好過無啦!半只霸王雞- 真係好滑，好有雞味，又入味一只乳鴒- 算唔錯啦，不過不失炒通菜- 好大碟，食唔哂環境就普通啦，屋村酒樓咁囉，係嘈啲! 不過以佢地個水準黎講，算抵食啦!

叫左盒豆腐斑腩飯拎走(30$)比平時個d盒大d..拎出門口巳急不及待開小小望下點既樣..隱若見到同平時d飯盒size差唔多..即係無裝滿..只係d飯多左=.=巳經盡量將小小汁撈多多既飯..但都有小小剩..可想然之d汁小左d/.\飯..軟硬適中的..豆腐..唔太新鮮..麻麻地斑腩...都係過得去..幾年前係堂食好似好過而家..唉..係學生既話就好似21$午市..真係有時想著返套校服去買d學生餐=v=當然掉左幾年了...一年前係間野附近間金時食左個豆腐斑腩煲最正!6x$仲正過樓下陳x記..d斑腩脆嫁!仲有d汁撈飯至正!可惜太貴!

一行4人，普普通通點了五餸 一炒懶，全部好食！除了送的糖水！1.琵琶豆腐，極力推介2.骨髓炒三鮮3.豉汁蒸鱔4.南瓜滑雞煲5.蒸勝瓜6.三絲炒懶有紅豆莎糖水送，埋單264元，很抵食，一定再來！

一行4人，普普通通點了四餸一炒懶，全部好食！除了送的糖水！1.琵琶豆腐，極力推介2.骨髓炒三鮮3.豉汁蒸鱔4.南瓜滑雞煲5.三絲炒懶有紅豆莎糖水送，埋單264元，很抵食，一定再來！

早幾日呀媽有節目, 我地緊係出街覓食啦...記得早排老友推介呢間飯店, 一於去一試我地6個人, 叫左個4 餸餐(185元)霸王雞- d 肉滑, 有雞味雜菜粉絲煲- 冇難道餸菜, 煮得唔好就抵打梅菜扣肉- 味道幾好, 但說不上精彩咖喱牛腩煲- 呢味好唔掂, d 腩完全咬唔入, 扣晒分個餐原來有例湯& 糖水送, 雖然我地只叫了4個餸, 但也俾了一煲例湯, 6碗紅豆沙....唔會有說話或者嘴臉受,值一讚, 加返分加了5個白飯, 1 支啤酒,埋單也只係248元

話咁快就放完十幾日假,真係非常十分極之唔願意返工,無奈明日就係返去捱驢仔嘅大日子,今晚一定要食番餐好,但係由於"大假症候群"加上"返工恐懼症"令到平日食極都唔飽的我,只係叫咗三個餸...仲要食唔哂招牌盬焗雞半隻-有d失準,唔係好夠味而且有d"鞋"...梅菜扣肉-好味,比上次好好多...(因為上次咸得要命)金銀蛋莧菜-不過不失,清清哋...綠豆沙(送的)-好足料,但係一d都唔熱...只係微暖侍應服務態度並不主動,係一貫老店作風,但係老闆娘因為一件小事而在店中大叫大嚷,聲浪大得驚人,十分騷擾客人,真係令整餐飯大打折扣...唉...我都係想平平靜靜地食番餐安樂茶飯之ma...=_=

平時都成日放lunch 去食!加左價.但係都仲係勁勁勁勁低食10個人去.叫9個飯!1人都係20蚊唔洗好食d飯大大碟!勁低食好多ive學生去食如果係沙田到返學.真係要去下!一定食過會想再去!我鐘意食炒飯同芙蓉蛋飯!

這食店亦是禾軬老牌食肆的其中一間表表者，相信繼已停業的新瑞華外，康樂算是進佔禾軬時間最久的食肆了！裝修多年無改，專攻午市晚市為主，掛上客家菜旗號，做了廿多年的街坊生意；味濃、碟頭足、價錢經驗，惠勞兩三代禾軬街坊了！主打薑蔥霸王雞，當然首選是已全線結業的醉瓊樓為首，這已不能再嚐得到；而這裡的亦有醉瓊樓的風韻，但略厭稍鹹，吃時配上鋪在雞上面的薑蔥，味道更見凸出；其實客家菜除卻鹽焗雞之外，薑蔥霸王雞亦是一絕！小炒及煲仔菜都處理不錯，生炒骨雖然是事先炸制，但以一字腩作排骨，肥瘦相間，甘香絕論；東江豆腐煲、支竹班腩煲及炒通菜亦能交出水準，師傅功夫不賴；但始終是客家菜不好的地方，就是味道過濃，始終跟往時以務農為主的客家人的飲食習慣影響深遠！這裡價錢絕對經濟，每人頭計五十大元；招呼是老舖形式，伙計年資分分鐘還比幫襯的年青食客為高，沒什窩心服務相送，但飯後的紅豆甜湯亦是不可多得的包尾結局！

話說上次食完「康樂」覺得ok, 星期六個日再同屋企人去食PRE-FATHER'S DAY晚飯, 點知「康樂」竟然失手於我屋企人前。我地叫左6個:1)霸王雞(>鹽焗雞)-- 黎錯!上次叫霸王雞覺得幾好味, 諗住介紹比屋企人, 點知食食下先發現, 點解上面無蔥? 原來黎錯左鹽焗雞!(食落似白切雞多d!)我食左一舊, 因為見到d雞胸肉好鞋, 其他位又唔靚, 都唔係幾開胃。2)梅菜扣肉-- 失水準。上次我形容康樂梅菜扣肉, 為我食過最好味梅菜扣肉, 今次真係大失水準! 扣肉要用五花腩, 一層肥一層瘦一層肥一層瘦......咁先叫靚, 佢一黎已經係一層肥+一層瘦that's it. 仲有部份係得瘦肉, 瘦肉有d又乾到似豬肉乾咁。我阿媽同老豆都大叫「好咸好咸」, 咸唔咸就真係見仁見智, 不過我就覺得真係咸過上次食好多。3)油泡石斑球-- 臭魚?!呢碟得大約8-10舊斑球, 當食到一半, 我阿媽話d斑球有怪味, 我夾一舊試下, ok, 我老豆又話之前食個d都ok。不過望落d斑球, 好似真係有兩隻色, 有d白d, 有d黃少少, 懷疑佢用左d新舊炒埋一碟。結果係食淨半碟。4)蒜蓉生菜-- 點解唔