康樂茶冰廳

營業中

休息中

不嬲都鍾意茶餐廳lee間直情係正,佢入面既面餐同午餐好flexible,入面d蛋呀,面包呀,你想點轉都得最緊要係奶茶好飲~佢地食lunch時間好多人ga...價錢又合理我最鍾意就係食佢個面餐(轉米粉轉um烈)加番杯凍奶茶

端午節是公眾假期關係嘉樂同蘭香都休息，冇乜選擇下，唯有o黎呢間。叫了個午餐，包叉燒湯意、火腿奄列、牛油餐包同咖啡茶。叉燒湯意份量幾大，而且不是一般茶餐廳的腍腍湯意份，是有咬口的。叉燒應該係來貨，肉質較硬。火腿奄列整得唔差，蛋煎得唔會過火、幾滑，火腿都算多(當然不可與嘉槳相比)。老公要的牛油餐包是大大個，雖然唔係新鮮，但質地鬆軟，而我改了多士，只得半塊、好唔扺，唔夠鬆軟、密度好大，清的可見一個個氣孔。而奶茶方面，幸好我要少奶，才保留茶香。老公個杯是正常的，反而太多奶，欠缺茶味。如當嘉樂、蘭香放假時，又唔想去翠華，係荃灣的茶餐廳，呢間都是不錯的選擇。