度小月 (時代廣場) (已搬遷) 新店位置

去親台灣都會去幫襯度小月食碗擔仔麵知道銅鑼灣時代廣場有間度小月開左今日去開果邊就去試一下 不試由至可 一試把幾火27分打左單俾我 15分鐘都未有一樣野食眼見店內得兩三台客 我只叫左兩碗擔仔麵 一碟蔥油雞小食 20分鐘先黎兩碗麵 再等多成二十分鐘至黎碟雞 一問之下侍應話廚房師父食緊飯 廚房得一個師父？唔會再去幫襯 無下次

香港開左度小月都未試過食，好想試，今日終於有機會了，但2位既話要等好耐，如果3位以上就好快有位😭😭等左45分鐘左右有個QR Code可以點餐先，但之後入座又要再輸入⋯覺得麻煩所以無試用到搭枱就真係坐得無咁舒服，隔離枱既人講嘢好大聲，攪到同朋友傾計都傾得好辛苦😔😔將張點菜單交左比個店員後，唔夠2分鐘就拎返黎，單又無，咁我地以為係咁啦所以無出聲問，點知我地見附近遲點既都有食物到而我地咩都無，咁就問問店員，隔了5分鐘店員再返黎就話佢地落左單架啦係一次過入單，今次就有張單，但時間顯示係我地出聲嗰刻囉😰😰首先黎左個安平鮮蚵湯，唔係好夠熱，而且啲湯無蚵仔既鮮甜味，唔值得一試😔😔朋友既祖傳肉燥飯，味道幾好😋😋我就叫左個擔仔粿條，味道幾好，只係嫌分量好少😜😜芙蓉炸豆腐，個賣相幾好，味道都可以，但略嫌油左啲😔😔差不多枱枱都會點既蚵仔穌，感覺係炸左一段時間，因為唔係熱辣辣，又唔夠脆同埋有啲油膩既感覺，食多幾件就唔想再食😔😔三杯大腸係最驚喜既，上枱時店員會幫忙攪拌，但要留意一下會否黎錯左三杯雞，有幾張枱都錯左（包括我），開頭會擔心大腸咁樣煮會韌，點知又唔係喎，好味道😋😋最後我同朋友都係覺得台灣既度小月好食啲

曾經想去度小月在尖沙咀店，由於開業時期太多人關係，一直無去，現在開在我經常出沒的銅鑼灣，一定要去試試！6:00到達食店，但已坐滿8成客人，新食店就有這個不好，人人趁新鮮去幫襯，我都是其中一個。食店位於公開的地方，不是舖位內，覺得開揚但就偏細，檯與檯很近，檯都很細小，似美食廣場😆。二人🥢肉燥飯-味道不錯，份量少擔仔麵-味道不錯，份量少擔仔雙拼-味道不錯，份量少醉雞-有酒香，份量少炸花枝丸-皮脆肉彈，但收費稍高二個人食完後，異口同聲說不夠飽😂😂個人評分服務：C食物：B環境：C衛生：C抵食：C

午餐兩個人, 自助取籌等細枱要第六張. 唔知係咪新開, 好多人. 等咗差少少半個鐘才可入坐(要過一半人數才准入坐).似為自助點餐在前台等時點好,入去就有得食. But we are too native, 等時只係選定. 入座後要在手機左點右點攪一論才成功落單. 上菜快，座位好逼,在商塲open area, Starbucks feel.點咗6樣食物, 2杯飲料,埋單$406. Lunch的話比想像貴而環境又不理想好嘈. 食物好好吃. 如果同樣價錢去尖沙咀LCX總店好過, 最起碼果邊坐得舒適.

一知道尖沙咀開度小月嗰陣時，好興奮架，因為去咗好多次台北都無食過，但係呢，我真係無咩幾可會過九龍，所以都係無去食囉… 銅鑼灣突然開咗，嘻嘻，即刻去~ 雖然佢有指明要scan QR code點餐，但最後都係唔駛架，有一張order紙可以劃嘅兩啖就食晒啲擔仔麵，我like呀，有好重嘅芫茜味肉燥飯，對女仔嚟講係唔錯嘅，因為唔會覺得肥膩，感覺係瘦肉多，但我比較鍾情有肥肉嗰種黃金蝦捲，點wasabi食，好特別炸花枝丸，超級like，最鐘意就係佢下次要再試埋其他嘢食先~

台灣百年老店度小月終於響進註銅鑼灣啦~ 位於時代廣場地庫果層, 唔洗搭lift上食通天, 方便好多!另外仲有一個方便, 就係Scan QR code落單, 唔洗用紙筆較為環保!野食方面好多選擇, 不過我當然係揀選皇牌既擔仔麵啦 (HK$28)! 同台灣一樣, 門口位置有煮麵既小佈局, 但就無台灣既傳統風味lu~注意!! 設有最低消費, 每位最低消費HK$60! 所以如果淨係點擔仔麵都係會收HK$60架喔~超失望... 湯水過多, 幸好肉燥味道濃郁, 叫做帶番起個麵. 蝦尚算ok, 唔係係雪蝦但無味. 香港度小月, 食過就算lu~

今日行開銅鑼灣又想食台灣菜 就去左度小月🤔雖然銅鑼灣店係試業期間但今日唔算等太耐 大概15分鐘左右就可以入座第一樣叫左一定必試既擔仔麵($28)佢既份量偏細 大概兩三啖就可以食完麵好有嚼勁 湯底味道濃郁❤️味道而言係唔錯第二樣叫左芙蓉炸豆腐($48)😳😳😳哇哇哇依嗰好好食 外面炸皮好鬆脆 但唔會好油裡面豆腐超級滑 記得要點埋佢既醬汁咁會更加有味😛最後叫左三杯雞($98)😎熱辣辣上檯味道好好 好香👍🏻👍🏻👍🏻味道好好不過份量真係細 大食既我表示唔係好飽😜