店小二

營業中

休息中

北角的小店，朋友極力推介，果然充滿驚喜！點了很多菜，喝了不少酒，開心的晚上！最令人回味的是蜆蟹煲。先食蜆，後食蟹，海鮮的精華全留在魚湯裡，而湯內的蘿蔔，芹菜，粟米，蕃茄吸收了最鮮的味道⋯⋯係令我有再想去這餐廳的理由！炸雞很好吃，下酒👍麻辣牛仔骨，很辣，很過癮！玫瑰露酒槽醉乳鴿，味道比較含蓄，香味十足。麻辣鵪鶉皮蛋，創新美味，配紅酒很不錯！另一個驚喜是impossible 肉碎生菜包，一點也不似食素！好吃的小店，會再去！

相信提起大牌檔，北角東寶應該榜上有名，而呢間新店小二可以話係東寶嘅姊妹店。晚市都係主打小菜，不過今日就試佢個午餐。午餐都多選擇，可以揀金邊河粉或午市套餐，套餐仲會每星期轉午餐menu，為附近嘅打工一族保持新鮮感。秘製麻辣海斑塊飯 $58 加$3轉無糖牛蒡茶充滿辣油香噴噴，斑塊好厚肉，肉質結實又有魚味。仲有蓮藕、雲耳、海帶結等等，如果可以再辣啲就好，同埋魚塊得四件唔夠喉。砵仔古法蒸雞飯 $58 奉送是日餐湯大大砵仔上，視覺上吸引次餘又夠哂熱！即刻聞到個酒香，而且雞有雞味，肉質仲好滑。記得要淋埋個自家製蔥油，好惹味。是日餐湯小店自己煲，無味精兼夠哂滋潤。無糖牛蒡茶、錫蘭檸檬茶午餐加$3就有，罐裝飲品就正正常常，不過有無糖選擇都真係唔錯。

唔會再去店小二，態度超級惡劣！午市時間十二點半入座，一行三人，牛河都要等半個鐘，我叫左個炒飯等左45分鐘都未到，中途都好聲好氣催左幾次，我地d打工仔得一個鐘食飯喳，最後同個男侍應講叫佢打包我個炒飯拎走，隔左一陣佢拎左個堂食炒飯黎，我就話你幫我打包啦無時間食，等左45分鐘啦，之後個男侍應態度勁差甘話甘唔好要囉，要一個客等你45分鐘先出到個炒飯，點解態度仲可以甘差，一句唔好意思都無我最後都無要到個炒飯，食左都背脊骨落啦，去店小二食個晏都成肚氣，真係受氣都飽啦！打工仔食晏既時間好寶貴架，一個鐘又要等位又要食，45分鐘入面都好聲好氣催下單，到夠鐘真係要趕返公司，店小二仲要甘串

一早就聽過店小二，搬左舖之後經過好多次，今日因為揸左車，店小二係地舖可以一邊食一邊睇住架車。本身聽個餐廳名，仲以為只有中餐食，原來晏就有越南河粉食。見到佢手爆牛丸要成$8一粒，就決定試下佢咩料可以獨立叫咁特別。哇，果然一食，超級好食，牛肉味勁重，又彈牙，中間有啲牛根，真心我本身麻麻地牛丸覺得可以再encore，即刻問店員有冇得外賣齋丸返屋企煮麵食。另外講返佢個粉，份量十足，個湯底都好濃，店員態度都幾好。

之前佢初初開舖嘅時候，午市係賣越南河粉，啲湯我覺得似買貨加熱貨式，但係佢粒牛丸就好好味，一咬落去有好香嘅牛肉味同埋有肉汁。仲有，之前根本唔知佢幾時會開鋪，次次經過佢都係冇開或者準備當中。跟住佢夜晚開返我哋就叫佢啲小菜，啲小菜其實好有心思，我特別鍾意食佢嘅牛柳粒，同埋基本上大部份Menu上嘅都會煮得好食夠味，但係份量真係好細。又不如咁講，如果佢有得比人叫全份同半份嘅選擇，（有兩種價錢選擇）如果人少少嘅可以全部叫半份可以試多幾味小菜，多人嘅叫全份，我覺得會合理啲，好彩我哋人唔多，都叫做夠食，如果你人多叫外賣，返到屋企一打開個盒就會喊咗出嚟，打交都有份！

係北角工作一年，食肆選擇唔少，價錢亦相對中西區便宜，但係大部分衛生情況真係好一般好多都唔想再幫襯。店小二係難得一星期起碼會去一次嘅店，由初初淨係得越南粉到宜家有每月限定同是日湯飯，真心覺得有驚喜先講下環境，你以為係走大排檔麻甩風？點知佢有全套抗疫用品擺晒係枱面，唔止搓手液，仲有放口罩嘅信封同時間你會聽到啲節拍強勁嘅音樂但係又聞到拜神燒香嘅味，請放心，嗰度超高樓底，入去一陣就會慣食物方面，當然以午市嘅價錢我唔會期望有新鮮雞食，但係食材分量調味擺盤(係！真係有擺盤)絕對對得住食客！我每次食完都諗，佢有冇錢賺㗎？再加上疫情依段時間，午市有九折，另外有例湯送，如果惠顧越南粉仲可以河粉任加！OMG 你話我點可以私藏我真係好驚佢會執，咁我之後就冇好嘢食喇。。。好期待解封之後，夜晚可以嚟試吓

叫左個外賣鮮菠蘿咕嚕肉，有成6"大"粒肉咁多，我真係驚食唔晒🤦‍♂️唔怪得要括住（必食）啦喂大佬出名大晒咩，又唔係特別好味，我咁大個仔真係未見過有咕嚕肉份量可以少到咁

昨晚打算 Hae 食晚餐，見到店名有趣，但不知是吃什麼，只見門口有幅燕湯餃麵$65有飲品，都不錯，走入了店🥺怎料，入內才發現原來是吃小菜的店。好吧！吃小菜也不錯吧！翻翻餐牌，價錢頗貴，想食牛仔骨，不過有點貴又不是好不好吃，所以不敢點。最後點了魚香茄子煲和椒絲腐乳通菜試下。菜上枱，大碟喎！好香喎！好好味喎！兩碟餸好夠味，但唔喊喎！！！我無食白飯，單食餸都得👍🏻👍🏻👍🏻真心推介！下次約多幾個朋友一齊去食可以試多啲唔同餸！仲可以叫埋牛仔骨✌🏻

店小二背景不多介紹今天午餐叫咗招牌越南湯河粉，由於是混合式，有生牛有熟牛及兩粒牛丸，但圖片有四粒牛丸，有些出入🤔河粉選擇有蔥及芫荽，下的份量非常重手。但河粉上枱時，湯的溫度不熱，是敗筆之一。另一問題是喝不出有用大量牛骨熬湯的鮮味，只是普通的一碗牛河 ，如果以一間餐廳只是主打一兩個招牌菜，但都做得一般，感覺非常可惜，沒特色不值得再幫襯😓

Used to go to their store in Tung Po for crazy nights. Moving out from there, they now open for lunch as well which is really great news for me as I live just across the street. One more option at weekend.Had the first try on PHO today and realised that they keep the same crew! As usual the nice service. Appreciate that they provide hand sanitise spray and sufficient tissue paper. Pho is a bit different from the other Vietnamese restaurant, with a rich beef taste and a hint of sweetness. Surpris

睇左報道先去試下，某某連鎖店的越式牛河係好食，但食完會好有渴，就知味精多。幫襯左午巿，有以下餐牌，都有餐牌上無，男士先夠飽的咖喱飯如果午巿套餐有優惠價加小食（份量相應少d，價錢平d)應該會更吸引。叫左一個生牛肉、一個牛丸金邊粉自制左以下雙併湯係清，唔會好咸，幾好牛丸一定要試必食不過莞莤葱真係多得制🤣🤣店主可以試下優惠價，「加底」收錢，按現時份量，男士未必夠飽。有信封比客人放口罩同酒精噴噴👍🏻加左2蚊要罐野飲，外帶了～餐廳都幾闊落枱數唔多

店小二，這名字大家食客也有聽過，係北角渣華道街市-東寶小館的小店。今次在七姊妹道開分店，午市賣的是越南金邊粉。今日第一次購買，買咗混牛金邊粉加春卷，外賣有九折，收費$103（有$4係外賣盒錢）。混淆金邊粉味道一般、沒有創意、沒有驚喜。混牛定義生牛肉、熟牛肉和牛丸，啱啱回到家打開盒，都已經成老牛肉。沒有味道。湯底也沒有風味、少鹹。春卷份量不多，米網皮比較厚，咬落去比較硬。味道一般總結不會再幫襯。因為這個價錢係普通越南店也可以。