店小二

營業中

休息中

啱啱試咗店小二嘅金邊牛河，第一口就知唔會令人失望😋！腰果轉咗個角色，從配角變主角，加咗彈性同啖啖肉嘅感覺至緊要個口感，好有層次。啲牛肉叉燒又多汁，每塊都炒得啱啱好，入口即溶，真係咁滑咁好食，食完全身暖笠笠。講到小菜，佢哋個什錦砂煲魚頭一定要讚下，魚頭嘅肉厚實中帶啖甘，湯底夠味又唔會過鹹，啖啖嫩滑，真係令人回味無窮。叫砂煲米粉结束這一餐，啲辣肉充滿香氣，辣椒又唔係致命辣，正正是好享受。最後，佢哋家嘅綠豆沙，甜度啱啱好，清爽消暑，perfect收尾。👌 总括黎講，呢度嘅食物質素連地道香港人都推介，食落有種家嘅親切感覺。進食透著幸福，下次有機會，一定要再黎！🍽️💯

有小孩有老人家，如果開party 炸機早講以為自己去左酒吧！！ 食物都算ok, 店員態度好一般，以酒吧多過餐廳。食物重要，但環境都好重要，叫店員細聲少少音樂黑面😞餐廳播音樂係好正常同理解，但去到炸機嘅級數，真係好難頂，最後打包走人。唔係個個頂得到！！價錢仲要唔係平，大排檔嘅環境同質素，銅鑼灣酒樓嘅收費。建議如果有小朋友或者老人家，真係唔好去。同朋友嘅話，仲要睇吓你可唔可以長期喺炸機嘅環境下食嘢。唉……無下次

好不容易星期五晚book到位，店員已預先告知今晚個場會比較多人熱鬧，可能會嘈啲🙈全場都full booking，是晚唔接受街客walk-in，可見十分受歡迎❤️‍🔥✴️咕嚕肉✴️店員提示唔好將醬汁倒落肉到，沾嚟食就可以～薄薄上咗少量生粉炸，食落鬆脆而乾身🔥咕嚕汁好杰身，味道非常酸，唔覺意食太快會嗆親，愛酸人士應該好喜歡🤣✴️黑椒枝竹牛仔骨煲✴️黑椒汁好濃郁，但略鹹，要飲多少少水先ok🤔不過抵讚係個煲好熱，上枱時仲咋咋聲🔥✴️蒜片牛油炒雜菇✴️牛油味香，食得出落咗大量牛油炒，好邪惡😈不過食多幾啖都開始膩，亦都有啲鹹，人多share食較適合~✴️蒜蓉炒豆胚✴️豆胚嫩身，清清地炒菜味重

小孩 ，上了年紀，怕嘈的人都不適宜幫襯。 我們一行七人今晚到店幫襯， 有小孩有老人家。 一心帶老人家到這店吃回舊日風味的菜式， 誰不知失望而回！店內是容許自攜酒， 到來的基本上都是帶酒來， 或許年輕熟客多， 客人們進店已大聲喧譁， 是平常事， 喝了幾杯更變本加厲， 粗言穢語 最離譜就是店東放出流行音樂至爆耳的程度， 頓然間覺得中伏，我們闖入了一間劈場。極為氣憤是訂位已告知有小童及老人家， 完全沒有提示我們會放爆耳音樂！ 實至名歸的劈酒場中菜館！除了我們一家將所有末吃的都打包， 立即離場。 當中亦有 一兩枱客亦是如此！有小孩，年長的， 怕嘈吵的，千萬千萬不要幫襯！吃的餸菜包括：荷葉花雕蒸蜆， ok椒鹽豆腐， ok薑蔥爆魚標，ok鮑汁荷葉飯，ok黄金焗蠔，ok花雕雞油蒸馬友 雞油花雕味欠奉炸子雞 雞肉淡而無味雞蛋蒸魚腸 魚腸苦味， 懷疑洗不乾淨

夜媽媽想10點幾喺北角搵食都幾難，好多餐廳都已經休息，正想放棄之際就見到呢間主打港式小炒的佬味餐廳，膽粗粗入去問下，於是成功入座✌🏻！望下餐牌，有好多樣菜式都想試呀：雞蛋焗魚腸、荷葉花雕蒸花蛤蜆、荷葉籠仔蒸乳鴿等等，但始終胃口有限，今次只能叫兩道菜。首先叫咗個菜牌上有兩隻手指公的白胡椒鴨仔鍋。侍應有問及「食唔食得辣」，去調製白胡椒的辣度，好貼心。點菜後就見侍應準備gas爐，原來係滾住食的，尤如打邊爐咁，正！大大煲鴨肉鍋一上枱，我與友人都驚呆了，勁大份！白胡椒鴨仔鍋 $268滾起後打開鍋蓋，馬上散發滿滿的鴨肉香氣。我本來有點擔心鴨肉keep住滾熱，會唔會變韌影響口感，侍應答道大廚用的鴨肉係從台灣真空包裝好再進口的，熬起來鴨肉比較不易過熟過韌㖭。的而且確，全程邊食邊滾個幾鐘，啲鴨肉的肉質都無乜點變，仲帶少少白胡椒的微辛感，好正！原來鍋底別有洞天，除咗鴨肉之外，仲有一系列吸湯配料，好似蘿蔔、支竹、粟米、雪白菇等等，增加口感及食趣。鴨肉湯底出奇地油分不太多喎，對於又要食又怕肥的女生就最啱。菠蘿咕嚕肉 $168聽菜名似乎好普通，但上枱時仍有小驚喜。大廚將醬汁同肉肉分開上碟，畀食客按自己喜好酌量沾

今次呢到呢間裝修有格調既港式大排檔•荷葉籠仔蒸乳鴿 白飯底呢碟見到係MENU必食 ITEM黎到成個荷葉都好靚靚仔仔一打開係香噴噴既乳鴨 有杞子紅棗菇做配料 乳鴨肉質好嫩滑 連埋飯一齊食 兩人份量剛剛好•泰仔炒鮮魷四季豆熱辣辣上碟 惹味既微辣肉碎鮮魷同四季豆都炒得好有鑊氣 呢碟好味 •沙茶雞件雞既肉依然好滑 沾埋惹味沙茶醬 即刻成個味道昇華返

老友話好想試一間小菜店，咁我地呢班基本上住新界西北既朋友就山長水又遠地去潮聖啦。一試，認真唔係講笑，六道菜，六道都出色，抵你地生意咁爆。1. 炸大腸 （配鮮菠蘿）
- 炸大腸望落易整，其實好食唔易，呢間就做到。
大腸又香又脆，炸得又夠乾身，配菜的鮮菠蘿可以話係畫龍點睛2. 花鵰雞油蒸馬友
- 真係未諗過可以咁樣配撘，馬友平時就咁蒸已經好滑好好味，估唔到加花鵰雞油一齊整，呢個配撘-非常之夾，幾位朋友都淨係因為呢個汁消滅左一碗飯3. 薑蔥爆魚卜
- 香，魚卜夠入味 4. 小二蘿蔔清湯腩
- 又一款超出色之作，湯頭清甜，牛腩鬆軟，蘿蔔入味冇渣，呢幾句好似好基本，但做得好又有幾多間？5. 雞蛋焗魚腸
- 麻煩心機嘢，好味，好香。加魚露鮮味進一步提升6. 鹽酥菇
- 是旦叫一款小食送酒，都係非常之出色除左好食之外，服務都好有親切感，唔係酒店嗰種彬彬有禮，係嗰隻好似同老友傾計既味道。

我一定會再去！！！！！！！

第一次上嚟寫食評，實在太嬲我地一行人7位 book左730pm，朋友們遲到，一坐低無耐就嗌左個椒鹽九肚魚先。陸續差唔多7點9至8點就嗌埋其他野食。首先唔知點解(應該係)老細長時間黑口黑面，未夠8點嗌荷葉花甲話冇，都唔緊要嘅但講完一句冇又行開左，完全一副唔想等你諗嘅模樣。一行人我地有人飲酒有人唔飲，但最後我地都話要青島同黑啤各一，佢問我地幾多人飲，我話5個，但佢嚟7個碗。酒碗就嚟多左兩個，一開始嚟啲餐具得5隻匙羹，同佢講唔該俾多兩隻我地，最後就完全冇見過嗰兩隻唔知喺邊嘅匙羹。跟住好啦，嚟到明明我地只係嗌各一，佢地嚟左各二。我地只係開左各一嚟飲，但佢地員工會自己行嚟幫你再開，我地成頭問號，但有朋友外國返嚟，佢地開心就算。我地2個唔飲酒嘅朋友想嗌無酒精飲品，戴眼鏡個叔叔員工仲一副「飲酒啦」唔想我地嗌茶/汽水嘅態度，非常不明所以。後尾佢地又自動波嚟多兩支啤酒，但其實我地真係唔飲，佢亦冇問過我地飲唔飲。淨係係咁好似表演式咁用筷子開酒，屈我地飲咁。最過份係明明其中一個朋友喺佢開左之後揚言話唔飲，老細仲懶幽默咁(?)一野倒落佢個碗倒到滿哂。明酒水嘅油水係最高嘅，但生意都唔係咁做？感覺非常唔老實同埋真

晚飯時間過左,仲係好多人咁,我就照入去食,試一試大牌檔風味先。餐牌上有個寫住必吃鮮菠蘿咕嚕肉,梗係想試下啦! 再叫一味魚香茄子魚腩煲,加上附送例湯,應該夠哂兩個人食。於是叫落單啦,叫左兩位侍應,都話會叫人幫我…咁奇怪!唉,原來人手不足,呢兩位叔叔阿姨只係執枱同遞菜,要等老細黎落單。耐心等候,終於落好單喇,上菜都算快。鮮菠蘿咕嚕肉同一般上菜不同,酸甜汁另外用碗盛住,可以將成粒咕嚕肉浸落去。肉炸得好,可惜汁太酸,要扣分,但用鮮菠蘿,有誠意! 至於魚香茄子魚腩煲,熱辣辣,睇個賣相已經好吸引,茄子好冧,魚腩就應該係"走過油",脆卜卜,都唔錯。最值得讚嘅係個例湯,一啲都唔馬虎,好濃,一定係老火湯。整體黎講係ok。最後讚一讚個background music, 外國輕音樂,trendy又唔嘈,令人舒暢,好少餐廳連做到咁細緻👍難怪吸引咁多外國人黎食呢度嘅大排檔式小炒。

為食土豆團🥔 想食鑊氣小炒環顧北角區👀 聽聞喱間係東寶前員工主理，同樣食到東寶招牌菜穩陣啲一個禮拜前book枱入到去發現喱度都幾細吓😀樓底夠高、牆身裝修有特色掛上店名、招牌菜、限定菜式…對選擇困難症有幫助名物戰鬥碗…隊啤專用🍻碗碰碗…豪氣萬千、儀式感十足叫咗半份試吓🦑一邊點椒鹽一邊點喼汁、熱辣香脆熱辣辣、脆卜卜、鹹蛋香十足…送酒一流隻隻有肉冇甩殼、食落有酒香…可惜蒸完出嚟有苦澀味大腸夠脆唔夠味、配上鮮菠蘿不油不膩第1次食長條形咕嚕肉咕嚕汁調得好味、咕嚕肉炸耐咗…有啲DRY濃濃黑椒味、甜到漏嘅枝竹、有啲韌嘅牛仔骨…唔食冇損失雞蛋焗魚腸係一道順德菜，亦係唔少老香港鍾意食嘅菜式喱個焗魚腸夠大砵、蛋味十足、毫冇腥味大大碟嘅炒麵、用上安格斯牛肉、炒得乾身、鑊氣十足…一定要點埋辣椒醬———用餐體驗食材、味道、特色…比一般大牌檔優勝擺枱全部用長枱、圓櫈，大概坐8人，用紙板分隔…逼過大牌檔店內播放強勁音樂、嘈喧巴閉 問過唔可以較細聲啲…傾計要大聲疾呼店面1個話事人、2個伙記，似有還冇嘅服務…態度可想而知要落單…話事人專屬、等佢得閒等足5分鐘 要加單…話事人「唔該一次過」幾咁用心選材、幾咁用心烹調！但環

🇭🇰店小二·我之前已經食過北角街市嗰個東寶小館㗎喇 佢個風沙雞真係好好食🐤佢地好似前排搬左去灣仔 呢間北角嘅舖頭就好似係佢哋夥計開嘅 我自己覺得佢呢度個環境乾淨企理啲 而且嘢食我自己覺得仲好食啲添🤤🤤·花雕雞油蒸馬友$328 l 荷葉花雕蒸花蛤蜆$238佢個馬友真係整得好靚 佢條魚好新鮮 油份好好 花雕同埋雞油味都好濃🐟不過呢個就真係要快啲食 因為凍咗嘅話佢會有少少腥味🫢😂佢另外個花雕蒸蜆都整到好好食 佢個蜆完全無沙 而且口感好好 好juicy 花雕味好出 啪下啪下好快就食晒😍·十三香炸子雞$208/半隻 l 鮮菠蘿咕嚕肉$168 l 金銀蛋浸時菜$128之後佢個炸子雞一樣都係咁好食 佢所有嘅雞肉都好嫩 而且個雞皮炸到好脆 少少鹽嘅調味已經好夠味😍😍🤤不過我自己就覺得佢呢個半隻嘅份量好似比之前喺北角街市食嘅時候少 但係繼續都係咁好味😎之後佢個菠蘿咕嚕肉都唔錯嘅 佢個肉同醬係分開上既 所以個肉仲係熱辣辣 勁大嚿 好脆 不過我自己就覺得佢個汁似糖醋汁多過咕嚕肉汁 甜多少少我自己會鍾意多啲🐷😈之後佢個蔬菜都做得好出色 佢係真係超大窩 食完咁多熱氣嘢食佢勁啱🥬·麻辣牛仔骨$258最後仲有呢個麻

Booked weeks ago and before going, not able to offer table … very rude server Please don’t ever consider going Rubbish

.[🇭🇰香港- 北角].🔻相信好多人都係為咗戰鬥碗黎🍺 但其實佢哋嘅食物都好高質新鋪嘅氣氛唔輸蝕過舊舖👍🏻必食👉🏻 炸子雞👉🏻 沙拉骨👉🏻 荷葉花雕蒸花甲.🔻🍽 店小二📌 地址: 北角七姊妹道14號地下A號舖.#tummysreadyatnorthpoint #tummysreadyforseafood #tummysreadyforchinese

嘅然接咗party就唔應該再接其他dine-in 客人。食物質素固然重要，環境都係食客會關注的。試問咁嘈吵嘅環境又點會食得安樂呢。錢係賺唔盡嘅⋯⋯希望你哋會改善。

我們一行四人見到這店子好似是新開的。晚上未夠七時店內只有兩台食客。一坐下男侍應生就把格枱版放到未坐下的人手邊。我們對生每邊二人。枱面位置根本坐不下四人。這個動作就是想趕客的意思。我問點解要把這格枱板縮小我哋食飯枱嘅範圍。根本就不夠位置供四人用餐。而且另外位置根本就未有食客到。男侍應生回答他們係咁嘅。很多人訂咗枱。這動作根本就是想叫我們立刻離開。我們不清楚這店是什麼來頭。我們立刻離開以後也不會再嘗試進入。四人枱面嘅位置就好似只係給二人。無論食物有幾咁好味抵食。要食得咁迫夾值得嗎？