店小二

營業中

休息中

先講嘢食，呢間餐廳除了一般粵菜中菜小炒，還有很多自家特色菜式，非常推薦，每一次去都有新菜單，新驚喜！（有啲似中式廚師發辦），仲有香港特色戰鬥碗適合一大班人嚟聚會食飯飲酒！今次食咗：黃金蝦球配黃咖喱超大月亮貝配泰式青醬手打獅子球裏面仲有鮑魚超驚喜蒜蓉粉絲蒸蟶子羊腩煲黃金鴨舌糟滷醉乳鴿小二醉雞煲元貝扒豆苗豉椒炒蟶子王除了食物高質有鑊氣，氣氛更加系另一個重點，晚上大概八點，餐廳便會拉上門口的窗簾，開始播放各首中英流行曲經典曲，帶動了全場氣氛一齊載歌載舞，真係好難忘。目前好似唔係好多人推薦，但餐廳卻是晚晚爆場，應該睇大家鍾意邊種style吧，如果你算係比較文靜嘅顧客，當全場大部份人站起來唱歌跳舞時，你就可以安靜的坐在一旁欣賞他們的瘋狂，同時享受每一道美食哈哈

第一次食中菜omakase😂😂$660/位,啤酒任你飲,完全吳需要你去諗食咩,服務員只會問你有咩吳食,有咩係過敏,有冇人食素,有冇人係海鮮素.一行10人食左10度菜,以為細細碟,點知！個份量係你估吳到禁大同精致.小食：1.椒鹽鮮魷2.鹽酥雞松菇3.避風塘茄子4.七味豆腐海鮮：1.蒜蓉(素翅)蒸大聖子(第一次食素翅代替粉絲)2.豉椒炒大聖子3.呢個不得了👇吉烈日本刺身帶子配(魚子醬)4.荷葉花雕蒸花甲蜆(一粒沙都冇)5.黃金蝦,避風塘蝦(竟然幫你剝埋殼)主菜：6.小二醉雞鍋(絶)7.咕嚕肉8.蒜蓉乾煎牛仔骨菜：9.乾鍋椰菜花煲(需然辣,但會好想接住食)10.鮑汁荷葉飯.啤酒吳記得飲左幾支啦,最小都有30支。總括黎講以中菜大排檔個價錢聽落係貴但你食完離開後,會覺得好底,因為我地本身諗住去下場,結果....最少有5個朋友嘔住走😂😂😂食物真係你估佢吳到諗住係小炒店,點知又岀奇地似私房菜.諗住一定會吳飽,點知食到第6度菜已經飽到講吳到野.諗住任飲會比限時,點知我地飲左4鐘.成晚全場啲人又唱歌,又跳舞我真係吳知自已去左咩地方夠竟係食店？酒吧？夜店

我地星期五夜晚去，大約七點到，餐廳裡得一兩台客。一進去就感覺唔對路，雖然係大排檔風格嘅菜單，但完全冇大排檔既鑊氣。價格相對高，似高檔中菜嘅價位。第一次食大排檔要加一，但實際上冇任何服務。我地叫侍應攞個外賣盒，叫左五六次先有回應，而且每個外賣盒仲要額外俾4元。我地叫左三個菜，包括薑蔥田雞煲同招牌鱔煲。田雞肉質超老，而招牌鱔煲仲失望，鱔肉唔新鮮，質地好梅，一點都唔彈牙。係等咗將近半個鐘之後，炒飯先黎，而其他菜已經凍曬了。炒飯非常平凡，冇咩特別之處，但係要差唔多2百蚊。儘管呢家餐廳以東寶出名，但唔值得試。最後，我地兩個人埋單645蚊…

無影相，因為難食到同行友人無人想打卡…叫咗個咕嚕肉又硬又柴，個汁又要扮晒嘢咁學人另上個咕嚕肉，求其一間兩餸飯都好食過佢九肚魚根本唔係用九肚魚用嘅係最cheap最腥最多骨個啲食落又腥又鹹有同行朋友係食素叫咗個炒菜椰菜花又去鹹到hi hi基本上碟碟餸都好鹹味道係一樣而且係難食好耐冇食過一間餐廳可以有呢種水平仲要坐得好鬼迫一碟餸等成一個鍾最後碟碟餸出到嚟都係難食希望呢間舖頭嘅老闆同埋廚房真係拎返個心出嚟做好心就唔好開食肆伏人

今晚同朋友黎呢間店小二度食飯，食到一肚氣，極差既體驗，詳情如下：1. 座位安排：坐得極度唔舒服，一張長枱做兩枱客，坐11個人，每個人既位置係窄到食飯舉起手踭都會撞到既程度。同背後嗰枱既距離直情係背脊貼背脊。然而同陌生人身貼身既同時，自己張枱係成米闊，加上成個餐廳環境係好嘈，同坐對面既朋友係完全傾唔到計，連講嘢都好辛苦，想搵地方同朋友食飯傾計既朋友三思。2. 人手安排：其實間餐廳唔算好多枱客，但唔知係人手唔夠定嘈吵得濟既原因，我地無論係嗌落單，催單(催左一次)定埋單都係嗌左好多次都冇人應，就算應左都冇人黎既狀況，嗌到忟。3. 食物安排：我地基本上等左30分鐘先開始黎第一個菜，前後左右早過我地遲過我地既都已經食緊。我地嗌左total 5個餸但有2個餸係嚴重漏單。請店員跟單但佢係check都冇check就話 催左啦(心靈催單術？)。最後我地個薑蔥蠔煲係交枱前10分鐘先上(餐廳要求8點交枱但7點50分先上)，一個蠔煲落左單超過一個鐘先出到係咪係個海度捉緊啲蠔？一個熱辣辣既蠔煲要人10分鐘內食完(其他飯餸又已經食晒)又合唔合理呢？另外仲有個菜係直接漏單cancel埋。其實眼見餐廳total 10

啱啱試咗店小二嘅金邊牛河，第一口就知唔會令人失望😋！腰果轉咗個角色，從配角變主角，加咗彈性同啖啖肉嘅感覺至緊要個口感，好有層次。啲牛肉叉燒又多汁，每塊都炒得啱啱好，入口即溶，真係咁滑咁好食，食完全身暖笠笠。講到小菜，佢哋個什錦砂煲魚頭一定要讚下，魚頭嘅肉厚實中帶啖甘，湯底夠味又唔會過鹹，啖啖嫩滑，真係令人回味無窮。叫砂煲米粉结束這一餐，啲辣肉充滿香氣，辣椒又唔係致命辣，正正是好享受。最後，佢哋家嘅綠豆沙，甜度啱啱好，清爽消暑，perfect收尾。👌 总括黎講，呢度嘅食物質素連地道香港人都推介，食落有種家嘅親切感覺。進食透著幸福，下次有機會，一定要再黎！🍽️💯

有小孩有老人家，如果開party 炸機早講以為自己去左酒吧！！ 食物都算ok, 店員態度好一般，以酒吧多過餐廳。食物重要，但環境都好重要，叫店員細聲少少音樂黑面😞餐廳播音樂係好正常同理解，但去到炸機嘅級數，真係好難頂，最後打包走人。唔係個個頂得到！！價錢仲要唔係平，大排檔嘅環境同質素，銅鑼灣酒樓嘅收費。建議如果有小朋友或者老人家，真係唔好去。同朋友嘅話，仲要睇吓你可唔可以長期喺炸機嘅環境下食嘢。唉……無下次

好不容易星期五晚book到位，店員已預先告知今晚個場會比較多人熱鬧，可能會嘈啲🙈全場都full booking，是晚唔接受街客walk-in，可見十分受歡迎❤️‍🔥✴️咕嚕肉✴️店員提示唔好將醬汁倒落肉到，沾嚟食就可以～薄薄上咗少量生粉炸，食落鬆脆而乾身🔥咕嚕汁好杰身，味道非常酸，唔覺意食太快會嗆親，愛酸人士應該好喜歡🤣✴️黑椒枝竹牛仔骨煲✴️黑椒汁好濃郁，但略鹹，要飲多少少水先ok🤔不過抵讚係個煲好熱，上枱時仲咋咋聲🔥✴️蒜片牛油炒雜菇✴️牛油味香，食得出落咗大量牛油炒，好邪惡😈不過食多幾啖都開始膩，亦都有啲鹹，人多share食較適合~✴️蒜蓉炒豆胚✴️豆胚嫩身，清清地炒菜味重

小孩 ，上了年紀，怕嘈的人都不適宜幫襯。 我們一行七人今晚到店幫襯， 有小孩有老人家。 一心帶老人家到這店吃回舊日風味的菜式， 誰不知失望而回！店內是容許自攜酒， 到來的基本上都是帶酒來， 或許年輕熟客多， 客人們進店已大聲喧譁， 是平常事， 喝了幾杯更變本加厲， 粗言穢語 最離譜就是店東放出流行音樂至爆耳的程度， 頓然間覺得中伏，我們闖入了一間劈場。極為氣憤是訂位已告知有小童及老人家， 完全沒有提示我們會放爆耳音樂！ 實至名歸的劈酒場中菜館！除了我們一家將所有末吃的都打包， 立即離場。 當中亦有 一兩枱客亦是如此！有小孩，年長的， 怕嘈吵的，千萬千萬不要幫襯！吃的餸菜包括：荷葉花雕蒸蜆， ok椒鹽豆腐， ok薑蔥爆魚標，ok鮑汁荷葉飯，ok黄金焗蠔，ok花雕雞油蒸馬友 雞油花雕味欠奉炸子雞 雞肉淡而無味雞蛋蒸魚腸 魚腸苦味， 懷疑洗不乾淨

夜媽媽想10點幾喺北角搵食都幾難，好多餐廳都已經休息，正想放棄之際就見到呢間主打港式小炒的佬味餐廳，膽粗粗入去問下，於是成功入座✌🏻！望下餐牌，有好多樣菜式都想試呀：雞蛋焗魚腸、荷葉花雕蒸花蛤蜆、荷葉籠仔蒸乳鴿等等，但始終胃口有限，今次只能叫兩道菜。首先叫咗個菜牌上有兩隻手指公的白胡椒鴨仔鍋。侍應有問及「食唔食得辣」，去調製白胡椒的辣度，好貼心。點菜後就見侍應準備gas爐，原來係滾住食的，尤如打邊爐咁，正！大大煲鴨肉鍋一上枱，我與友人都驚呆了，勁大份！白胡椒鴨仔鍋 $268滾起後打開鍋蓋，馬上散發滿滿的鴨肉香氣。我本來有點擔心鴨肉keep住滾熱，會唔會變韌影響口感，侍應答道大廚用的鴨肉係從台灣真空包裝好再進口的，熬起來鴨肉比較不易過熟過韌㖭。的而且確，全程邊食邊滾個幾鐘，啲鴨肉的肉質都無乜點變，仲帶少少白胡椒的微辛感，好正！原來鍋底別有洞天，除咗鴨肉之外，仲有一系列吸湯配料，好似蘿蔔、支竹、粟米、雪白菇等等，增加口感及食趣。鴨肉湯底出奇地油分不太多喎，對於又要食又怕肥的女生就最啱。菠蘿咕嚕肉 $168聽菜名似乎好普通，但上枱時仍有小驚喜。大廚將醬汁同肉肉分開上碟，畀食客按自己喜好酌量沾

今次呢到呢間裝修有格調既港式大排檔•荷葉籠仔蒸乳鴿 白飯底呢碟見到係MENU必食 ITEM黎到成個荷葉都好靚靚仔仔一打開係香噴噴既乳鴨 有杞子紅棗菇做配料 乳鴨肉質好嫩滑 連埋飯一齊食 兩人份量剛剛好•泰仔炒鮮魷四季豆熱辣辣上碟 惹味既微辣肉碎鮮魷同四季豆都炒得好有鑊氣 呢碟好味 •沙茶雞件雞既肉依然好滑 沾埋惹味沙茶醬 即刻成個味道昇華返

老友話好想試一間小菜店，咁我地呢班基本上住新界西北既朋友就山長水又遠地去潮聖啦。一試，認真唔係講笑，六道菜，六道都出色，抵你地生意咁爆。1. 炸大腸 （配鮮菠蘿）
- 炸大腸望落易整，其實好食唔易，呢間就做到。
大腸又香又脆，炸得又夠乾身，配菜的鮮菠蘿可以話係畫龍點睛2. 花鵰雞油蒸馬友
- 真係未諗過可以咁樣配撘，馬友平時就咁蒸已經好滑好好味，估唔到加花鵰雞油一齊整，呢個配撘-非常之夾，幾位朋友都淨係因為呢個汁消滅左一碗飯3. 薑蔥爆魚卜
- 香，魚卜夠入味 4. 小二蘿蔔清湯腩
- 又一款超出色之作，湯頭清甜，牛腩鬆軟，蘿蔔入味冇渣，呢幾句好似好基本，但做得好又有幾多間？5. 雞蛋焗魚腸
- 麻煩心機嘢，好味，好香。加魚露鮮味進一步提升6. 鹽酥菇
- 是旦叫一款小食送酒，都係非常之出色除左好食之外，服務都好有親切感，唔係酒店嗰種彬彬有禮，係嗰隻好似同老友傾計既味道。

我一定會再去！！！！！！！

第一次上嚟寫食評，實在太嬲我地一行人7位 book左730pm，朋友們遲到，一坐低無耐就嗌左個椒鹽九肚魚先。陸續差唔多7點9至8點就嗌埋其他野食。首先唔知點解(應該係)老細長時間黑口黑面，未夠8點嗌荷葉花甲話冇，都唔緊要嘅但講完一句冇又行開左，完全一副唔想等你諗嘅模樣。一行人我地有人飲酒有人唔飲，但最後我地都話要青島同黑啤各一，佢問我地幾多人飲，我話5個，但佢嚟7個碗。酒碗就嚟多左兩個，一開始嚟啲餐具得5隻匙羹，同佢講唔該俾多兩隻我地，最後就完全冇見過嗰兩隻唔知喺邊嘅匙羹。跟住好啦，嚟到明明我地只係嗌各一，佢地嚟左各二。我地只係開左各一嚟飲，但佢地員工會自己行嚟幫你再開，我地成頭問號，但有朋友外國返嚟，佢地開心就算。我地2個唔飲酒嘅朋友想嗌無酒精飲品，戴眼鏡個叔叔員工仲一副「飲酒啦」唔想我地嗌茶/汽水嘅態度，非常不明所以。後尾佢地又自動波嚟多兩支啤酒，但其實我地真係唔飲，佢亦冇問過我地飲唔飲。淨係係咁好似表演式咁用筷子開酒，屈我地飲咁。最過份係明明其中一個朋友喺佢開左之後揚言話唔飲，老細仲懶幽默咁(?)一野倒落佢個碗倒到滿哂。明酒水嘅油水係最高嘅，但生意都唔係咁做？感覺非常唔老實同埋真

晚飯時間過左,仲係好多人咁,我就照入去食,試一試大牌檔風味先。餐牌上有個寫住必吃鮮菠蘿咕嚕肉,梗係想試下啦! 再叫一味魚香茄子魚腩煲,加上附送例湯,應該夠哂兩個人食。於是叫落單啦,叫左兩位侍應,都話會叫人幫我…咁奇怪!唉,原來人手不足,呢兩位叔叔阿姨只係執枱同遞菜,要等老細黎落單。耐心等候,終於落好單喇,上菜都算快。鮮菠蘿咕嚕肉同一般上菜不同,酸甜汁另外用碗盛住,可以將成粒咕嚕肉浸落去。肉炸得好,可惜汁太酸,要扣分,但用鮮菠蘿,有誠意! 至於魚香茄子魚腩煲,熱辣辣,睇個賣相已經好吸引,茄子好冧,魚腩就應該係"走過油",脆卜卜,都唔錯。最值得讚嘅係個例湯,一啲都唔馬虎,好濃,一定係老火湯。整體黎講係ok。最後讚一讚個background music, 外國輕音樂,trendy又唔嘈,令人舒暢,好少餐廳連做到咁細緻👍難怪吸引咁多外國人黎食呢度嘅大排檔式小炒。

為食土豆團🥔 想食鑊氣小炒環顧北角區👀 聽聞喱間係東寶前員工主理，同樣食到東寶招牌菜穩陣啲一個禮拜前book枱入到去發現喱度都幾細吓😀樓底夠高、牆身裝修有特色掛上店名、招牌菜、限定菜式…對選擇困難症有幫助名物戰鬥碗…隊啤專用🍻碗碰碗…豪氣萬千、儀式感十足叫咗半份試吓🦑一邊點椒鹽一邊點喼汁、熱辣香脆熱辣辣、脆卜卜、鹹蛋香十足…送酒一流隻隻有肉冇甩殼、食落有酒香…可惜蒸完出嚟有苦澀味大腸夠脆唔夠味、配上鮮菠蘿不油不膩第1次食長條形咕嚕肉咕嚕汁調得好味、咕嚕肉炸耐咗…有啲DRY濃濃黑椒味、甜到漏嘅枝竹、有啲韌嘅牛仔骨…唔食冇損失雞蛋焗魚腸係一道順德菜，亦係唔少老香港鍾意食嘅菜式喱個焗魚腸夠大砵、蛋味十足、毫冇腥味大大碟嘅炒麵、用上安格斯牛肉、炒得乾身、鑊氣十足…一定要點埋辣椒醬———用餐體驗食材、味道、特色…比一般大牌檔優勝擺枱全部用長枱、圓櫈，大概坐8人，用紙板分隔…逼過大牌檔店內播放強勁音樂、嘈喧巴閉 問過唔可以較細聲啲…傾計要大聲疾呼店面1個話事人、2個伙記，似有還冇嘅服務…態度可想而知要落單…話事人專屬、等佢得閒等足5分鐘 要加單…話事人「唔該一次過」幾咁用心選材、幾咁用心烹調！但環