幸谷駅 さちやえき (已結業)

今日去開大角咀，就search吓有咩好食，偶然見到呢間專賣雕魚燒嘅舖頭，因為好耐都無去日本🇯🇵旅行，勁耐無食，立時心癮起，決定一試😋閒日唔算多人，睇睇menu，雕魚燒有兩大類，傳統雕魚燒同酥皮雕魚燒，口味有鹹有甜，好多樣化，尤其酥皮款嘅口味好特別好多都第一次見。經店員介紹後，糾結左一陣，最終揀左紅豆吉士雕魚燒同明太子芝士竹輪酥皮雕魚燒。雕魚燒即叫即製，要等十五至廿分鐘。店面較細，但睇得出有用心佈置，以「駅」為主題，有好多日本鐵路相關嘅裝飾，仲有一幅惹眼嘅鐵路圖，仔細睇原來係人生路線圖，有趣又特別。欣賞左一陣，就有得拎野食，鯛魚燒拎上手熱辣辣，即刻諗起冬天喺日本街頭食雕魚燒嘅幸福時光☺️紅豆吉士雕魚燒餡料好足！紅豆同吉士好match，紅豆係顆粒狀，香甜軟綿，吉士淡黃，奶香味好重。雕魚燒皮唔算好薄，但有蛋香，頭身較軟，魚尾都幾脆！食完好有療癒感🥰🥰明太子芝士竹輪 酥皮雕魚燒呢個組合第一次試，好有驚喜！酥皮超香脆，明太子微辣鹹香，芝士拉絲，竹輪有咬口，好食！而且同樣多餡，條魚脹仆仆，推介明太子控一定要試！白桃烏龍冷泡茶食完雕魚燒有啲口渴，最後買埋枝無糖冷泡茶，雖然後叫，但店員好好，計埋我add

等成個鐘先整得幾個，耐到唔係人等，想食就早幾個鐘叫， 無人手又唔請人，浪費時間，叫人去到坐多成個鐘係度等，仲話快快快， 未得出聲呀，人地等唔使本咩， 黑心店，無招呼，無系統

平日夜晚都唔少人幫襯嘅一間小店小店賣點係即叫即燒 所以隔住啲距離都聞到好香🤩雖然等左差不多二十分鐘 但一拎到製成品時 燙熱手感同香噴噴嘅味道 都令到我想起係日本寒冷冬天中攞到熱辣辣鯛魚燒嘅一剎那 繁忙中的小確幸💗.🐈.𝙎𝙪𝙢𝙢𝙖𝙧𝙮小店佈置簡單 有不少帶有日本風情嘅擺設🇯🇵即叫即燒嘅鯛魚燒 新鮮足料 會再幫襯試下其他餡料口味～.🐈.🌟酥皮鯛魚燒 黑糖鮮奶麻糬 - $32鯛魚燒就食得多 酥皮鯛魚燒就第一次食 口感非常酥脆原本以為會甜到漏 但意外地冇想像中甜邊邊有啲燒焦嘅黑糖都唔錯😋 值得一試💯

上網見到有人介紹呢間餐廳，見幾多好評，又離公司唔遠，就買外賣試試。預先打電話order左明太子奶油撈烏冬、抹茶鯛魚燒同苿香綠茶，大概等廿五分鐘左右先落樓拎。明太子蟹籽奶油撈烏冬，原本以為係冷烏冬，點知原來係熱撈😂 明太子都幾多，連埋蟹籽、紫菜等一齊撈埋食，自己撈時有種新年食「撈起」嘅感覺😂 烏冬係淡啡色，應該有特別調過味，中間有啲紫蘇葉絲，平時唔特別愛食紫蘇葉，但所有野夾埋一齊食好fresh，食吓食吓好快清晒😝丸久小山園抹茶鯛魚燒外賣拎到返唻，又攤左一陣，條魚唔算好脆，但仲暖暖地，魚皮軟綿有蛋香，抹茶餡唔係流心果種，但食到茶香同抹茶嘅回甘，唔係人工糖果隻死甜，唔錯！😋苿香綠茶好清新，苿香味重，下午喺office繼續加水都仲keep到有味，好抵飲🙈

這個抹茶蕨餅簡直難食，因為平常少見有店舖有蕨餅售賣，早前行經見到有這間幸谷駅，今日特登揸車再返去買，但是何其失望，這個完全沒有蕨餅應有的質感，認真懷疑是否用蕨餅粉製成，入口只有粉狀感覺，仲要係好似煮唔融咁，簡直垃圾，店外圖片與實物不相符

早前朋友介紹，路經附近就順便買黎試下！叫咗兩甜！1.酥皮黑糖鮮奶麻糬勁好食！啲黑糖多到爆出黎，但又意外地唔係好甜，黑糖都同啲麻糬好夾好好食！平時鍾意麻糬嘅人一定要試下！！唔可以唔食！2.自家製富良野3.7牛乳吉士呢個特登冇叫酥皮鯛魚燒，就係想試下最地道嘅鯛魚燒，果然！不負所望！店主啲吉士好明顯係next level嘅美味，完全試出吉士手打嘅質感！

這間小店，佈置雖然簡單，但看得出甚有心思，帶點日式風情，賣的主要是日式小食「鯛魚燒」和「酥皮鯛魚燒」，兼及其他食品，「鯛魚燒」餡料口味有鹹有甜，選擇不少，而且還是即叫即燒。雖然在這小店買外賣，要等十分鐘才能拿到製成品，但新鮮燒起的鯛魚燒，融著紙袋傳來的，是燙熱的手感和香噴噴的味道，讓人感受到好像這小店名字一樣的幸福感。這天買回家吃的，是店家推薦的其中一款「自家製富良野3.1牛乳吉士鯛魚燒」（$20），雖然回到家中，這鯛魚燒已經不再燙熱，只是溫暖，那包著香甜美味牛乳吉士餡的鯛魚外層也已不再挺身而變得有點柔軟，但把這日式小食掰開一人一半，與太太分甘同味，我仍然覺得味道不錯，挺好吃。親愛的，多謝您，讓我發現這間讓自己好像身處日本街頭拿著鯛魚燒吃的感覺的小店，期望在不久將來，可以再和你暢遊東灜，在扶桑國裡賞櫻、賞楓、賞雪，一起度過每一段幸福美好的時光。

今日同朋友途經大角咀，見到呢間小店新開張，竟然係賣我最喜歡食的鯛魚燒，見到Menu有勁多口味，仲有酥皮同傳統皮選擇，即時同朋友一齊叫咗兩個。再細睇，原來主食都幾吸引，有原條鰻魚飯😍再配兩款日本小吃，所以都叫咗來試吓。鯛魚燒要趁熱最好食，店主很好人，雖然舖頭係做外賣，但佢話如果我地唔介意的話可以在店內食完先走，咁我哋梗係即是享受一下啦。講返嗰啲魚燒，酥皮十分鬆脆，餡料勁多，超級抵食，一定要試酥皮款。拎埋個便當返屋企食，20分鐘路程，飯的熱度都保持到，抵讚👍🏻👍🏻整個飯份量好足，我同朋友都係食咗三份二就已經好飽，而且兩款日式小食一啲都唔欺場，份量夠之餘仲好好味，最特別係發光魷魚口感好好，超好食😋最後，不得不講埋支茶，茶濃，我自己沖咗兩次水都仲好夠茶味🤭

今日同男朋友行完奧海城，就周圍搵下野食，行到海桃灣附近（唔記得叫咩街）,就發現左間岩岩開重試業中既小店，係賣日本鯛魚燒！！！呢兩年疫情無得去日本，見到鯛魚燒都兩眼發光！！！ 我地就買左兩個酥皮鯛魚燒，一個係鹹味-大崎蟹柳蟹膏，同埋一個甜味-黑糖鮮奶麻糬！ 呢個鯛魚燒係酥皮黎架，估唔到個皮燒到有少少鬆脆，重要兩個都爆曬餡，超級好食！！！因為怕太甜，我叫老闆落少啲黑糖，老闆好nice，二話不說幫我整! 臨走前聽到有個客講個吉士醬好食，話係老闆自家製，但我同男友好飽喇，下次去一定會食吉士！

大角咀新開鯛魚燒小店，見到裝修幾乾淨清新，就決定一試！下午茶時段，見到都有幾多人等緊，新店試業中。叫左一個吉士鯛魚燒+麻薯，即叫即整，店主話等20分鐘左右，皮好鬆軟，吉士加麻薯配搭有驚喜下次會想試埋其他味！天氣熱飲返樽冷泡茶，一路飲一路等個鯛魚燒，鋪頭有張凳，可以坐係到嘆住冷氣等。冷泡茶後面係一張人生鐵路圖，每條線每個站都有意思係到，同店主傾計原來係佢自己設計，係等鯛魚燒期間研究下個圖，好多都有共鳴，店主真係好有心思

呢間小店既調魚燒有咸有甜☺️個人比較喜歡食咸味既餡料😏今次揀咗🐂咸牛肉芝士🧀 💯爆足料 每啖都食到滿滿既餡料😋熱辣辣 啖啖芝味😆好想食多幾個而且外層酥皮做得好夠酥脆💛🌟$28/個 題外話:好耐以前銅鑼灣時代廣場個邊有間專賣調魚燒既小店，都係有咸有甜，個時每逢放學都會去買嚟食，好多人排隊買，但好景不常，幾年後間小店就執咗，之後都無係香港食到有咸味既調魚燒了。希望呢間小店可以長做長有，越做越好生意😊🤭無意中發現咗店主都係林家謙 fans🌟👍一入去就聽到林家謙 既歌☺️等緊期間順便聽咗幾首🥳心情都加倍開心

路過見到附近又開咗新店招牌連紅紙都未摵，寫住試業中鋪面望落得一張長櫈，應該主要做外賣。雖然鋪頭唔大 但都裝修得幾用心，招牌條鯛魚燒勁吸晴 第一次見原來鯛魚燒都有咁多隻味，又有分普通皮同酥皮咁多選擇，樣樣都想試下。最後揀左普通皮嘅抹茶鯛魚燒，見佢係用咗日本小山園嘅抹茶粉 真材實料食落好有驚喜！抹茶味真係好香濃 但又唔會好甜。而且非常足料，個外皮做到小小脆身，內裏鬆軟，真係皮薄餡靚呀見佢門口貼住張相好吸引，買多咗個布甸銅鑼燒試吓。店主話要攤半個鐘倒個口感最好，所以拎到返屋企先開嚟食。中間布甸好creamy，好似食緊布甸味雪糕咁，配埋個銅鑼燒皮食都唔錯最後買埋支冷泡茶飲，揀左茉香蘋果味。$22咁大支，大熱天時真係好消暑蘋果味好出，酸酸甜甜咁，好岩用嚟配甜味鯛魚燒飲。總括嚟講，啲食物飲品都好有誠意，而且店主超nice，即使好忙都冇嫌棄我勁多問題問 希望下次再嚟試埋酥皮鯛魚燒先

當日去到已經好多人同埋聞到好香所以好奇心之下就入左去試下今次試左蟹肉蟹膏酥皮鯛魚燒，蟹味真係好濃好香同埋好足料，而且店主係即叫即整嘅所以好熱好香口。食完鯛魚燒之後覺得好好食，所以加咗單買個布甸銅鑼燒同埋玫瑰蜜桃冷泡茶。布丁銅鑼燒入邊嘅布甸好滑好Creamy，同有小小焦糖既香味。冷泡茶夠凍，味道係清新香甜同有茶味。整體非常推介，店主好有禮貌，環境好適合打卡呃Like。我仲坐低左慢慢品嚐食物添！不過我建議電話先落單就唔使等，我下次一定會再幫襯溫馨提示：19:30就關門㗎啦，唔好摸門釘呀。

住附近搵嘢食，見有間新開小店，店面好靚，原來專賣雕魚燒，喺香港比較少有，另外仲有主食、小食同冷泡茶，個人支持本地小店，見試業買返去試下，我買嘅係二人份。有驚喜，雕魚燒試咗咸先，要咗蟹肉蟹膏，好正好足料，爆饀！明太子蟹子撈烏冬都好正，主食嚟講好夠飽，我仲加咗海膽魷魚同螺肉，都幾好食，性價比高。冷泡茶我要咗茉香蘋果，唔甜，飲落感覺好 fresh，配雕魚燒食一流。個人諗為值得翻桌，下次會再試埋甜的雕魚燒同其他主食同飲品～