幸福班戟 (已結業)

早幾日同朋友係銅鑼灣食飽飯口㾗㾗想食甜品，朋友介紹佐呢間食班戟既餐廳。去到環境都幾舒服，坐得舒服又鬆動。我地叫佐朱古力香蕉同奶茶班戟。朱古力同香蕉出奇地夾，而奶茶又唔會太甜。值得一提，佢既班戟係即叫即做，好鬆軟。份量都好大，女仔可以當正餐都得🤣高度推介，值得一試！如果唔中意或者怕太甜，可以試下鹹既款式，三文魚牛油果沙律班戟或者其他款！絕對可以當正餐食😂👍🏻👍🏻性價比高，食完都想再食過🤣👏🏻

口感比較實，鍾意fluffy嘅人就覺得好普通有最低消費，每人一定要點一份pancake 或正價咖啡有加1服務費咖啡真係好差，48蚊一杯，叫杯mocha比杯牛奶咖啡，差價算了，豪比佢，侍應唔想叫水吧做就敷衍話就係mocha，朱古力味都無，反正無下次，飲過就明，難飲唔緊要，唔好收出面正規coffee shop 價錢成餐最好食係個sauce, pancake 去油麻地企係度食就有幸福感，香港水準日本差太遠，可能比晒鋪租，無budget比員工。。之前神化依度pancake嗰d comments, speechless

有種幸福叫幸福。肥🐷從來未試過食pancake可以品嚐到有「回彈力」😳 今次我終於試到幸福Pancake 既威力喇😳😍不得了不得了！三件熱辣辣軟熟既pancake放喺我面前我聞到一陣蛋香味！我已經忍唔住即刻切咗佢黎食！切開咗一半，撳扁左嘅pancake自己無啦啦彈返上黎！我不禁讚嘆佢貴係有原因！食落去好軟熟，蛋同麵粉嘅比例好似係5:1。我食到好重嘅蛋香味但係好少麵粉！配上忌廉同埋糖漿🤤簡直係人間美食😍Teatime 自己食晒成份都唔係好過分啫🙈雖然要排隊但係係值得㗎😋👍🏻好食指數：5/5你問我會唔會再食！？一定會😆

Happy Pancake係我喺日本食過咁多間 pancake最好食嘅🥞由於回憶嘅味道太美好 所以亦都係點解佢係香港開咗分店咁耐我都一路冇去食過 因為真係好怕會水準差好遠幻想破滅😭其實之前都聽好多朋友話佢都算做到日本嘅水準 香港食到嘅嚟講係好好食 但都一路冇去試😂今次難得見到佢有新嘅味道 就決定去試下啦😛-✏️焙茶堤拉米蘇班戟 ($128)真心覺得呢個好有驚喜!!水準係有達到日本嘅八成多🤩pancake蛋香味依然好濃厚 質感亦都好鬆軟 但係對比起日本嘅話 鬆軟度仲係爭咁啲😛不過喺香港食到咁樣嘅水準已經係好好🤭重點係佢嘅焙!茶!醬! 做得超出色 甜度適中之餘茶味係非常非常之濃 好食到我最後直情將pancake切件再塞入個焙茶醬兜仔點晒所有嘅醬🤭🤭雖然佢另外配嘅奶油同埋 忌廉都唔錯 不過對我嚟講淨係要個焙茶醬已經好足夠😂但有一樣野我好好奇嘅 係佢叫做tiramisu pancake 但究竟tiramisu嘅成份去咗邊🤔😂唔通面頭嘅係咖啡粉?食落冇咩特別印象🤣不過點都好 都好推介哩個新味道啊 大家快啲去試❤️❤️〰️喺日本嘅時候其實每次見到個餐牌都有種想試嘅衝動 但係最後都係俾甜pancake吸引咗

還有約一星期就到新年 🧧難得放假就出黎濕平 ，食完個lunch冇耐 男人醒起有間好出名 長期排長龍既人氣甜品話要試下問佢係乜佢話唔知黎到都冇人排 入面見到大把位 但有人黎到都要企下先帶位。 一坐低就睇下有咩好野食啦 點知話要等20分鐘 即整 咁就那那聲叫住一個先啦 加$28有杯特色d飲品 叫左凍朱古力咖啡。（男人想飲朱古力味）所要打算叫住一個餐再睇下嗌多杯飲品，服務員串串地就話每人最低消費$48（當然我仲望緊餐牌） 佢等左幾秒就走開左.. 我叫另外一位有禮貌少少既男仔加單，叫左杯雲尼拿咖啡凍朱古力咖啡 冇咖啡味 冇朱味 問侍應係咪落錯..佢話佢地既朱古力漿係淡 唔濃既，一係叫過第二樣 雲尼拿就都幾好

幸福班戟來自日本，香港於尖沙咀、沙田及銅鑼灣均有分店，都需要排長龍。銅鑼灣感覺人流相對較少，於是去銅鑼灣分店試試這間人氣過江龍。我是平日下午6:00左右到達，已有7-8成滿，幸好是自己一人，所以容易找位置，入座也不用等。座椅下有個藍子可以放袋。去到點了熱朱古力班戟配自製穀物及皇家奶茶。班戟製作須時，預計等20分鐘。首先來了皇家奶茶，喝一口奶味重，茶味相對沒那麼入味，因為被奶味覆蓋，但喝上來很滑，喝後不會有很濃的奶茶味道停留在口中。過了10分鐘左右，班戟也來了。班戟其實是不錯的，但吃過太多班戟店，覺得驚喜不大，愈食愈覺得每間也差不多。朱古力醬很濃，個忌廉是最出色的。忌廉吃下去不是平日吃的味道，這個味是淡淡的，超級香滑，多食不會感到油膩或張口，如果只是純粹吃幾口忌廉也不會覺得「溜」，真是沒有誇張的。另外穀物配料也炒得香香脆脆的。香港愈來愈多班戟店，這間我覺得勝在配料出色，但要突圍而出真是要再想點辦法喔!

𝒜 𝒽𝒶𝓅𝓅𝓎 𝓅𝒶𝓃𝒸𝒶𝓀𝑒🥞 甜品係吾少女仔既至愛🎈幸福班戟開業一段好長時間到依家仍然人氣不減💜試左原味同時令鮮果🍓🍌🍎坊間有吾少班戟空氣感太重食完好似無食過野😅呢度既班戟口感鬆軟蛋味濃郁食完後係有實實在在的滿足感✨

期間限定日本焙茶pancake香濃焙茶醬配上蛋香原味pancake很夾！但自己一個食哂成份會有啲濟飽餐廳仲有一部依加新出既飲水機想要幾多度冷熱水都得比客人自助斟水非常好

今日同閨蜜想一路食TEA, 一路傾計, 於是就揀左呢間幸福班戟黎試下。幸福班戟黎到當然要試下個原味既先啦, 原本以為個份量應該都唔算多, 份量都好足。唔知係咪女生都愛食甜食呢, 見到已經食慾大增。切落去個下, 好似切緊羽毛咁輕, 食落去好有濃濃既蛋香味道, 好似食緊棉花糖咁軟綿綿。再加上蜂蜜牛油同埋焦糖漿既點綴, 唔太甜, 味道更加豐富之餘, 班戟更加幼滑！提拉米蘇班戟呢個係一月既限定, 唔係成日都有所以就點黎試下。班戟依然好軟滑, 加埋提拉米蘇粉同埋忌廉散發淡淡提拉米蘇既香味, 再加埋熱熱既朱古力漿, 令到提拉米蘇個種苦澀味更加突出, 回甘既道, 唔算太甜。但係食食下覺得有點偏膩, 但整體黎講都算唔錯！

銅鑼灣分店有期間限定的焙茶提拉米蘇口味，所以專程前來品嚐品嚐。本以為會大排長龍，但可能時間不早了，在場只有10多人排隊，我們等候了約20分鐘就可以就座了。熱朱古力班戟配自家製穀麥 （$118）：班戟口感鬆軟，入口即溶，蛋味濃。朱古力味濃郁，配上餐廳自家製的穀麥，口感豐富。焙茶提拉米蘇班㦸 （$128）：一月期間限定口味，提拉米蘇味略淡，但焙茶味超級濃郁，十分好吃。幸好我們有專程前來一試，否則便錯過了！

亞女不用返學，和她撐下枱腳。平日早上十一點左右到，不用排隊，確實爽！裝修日系，簡單、光猛、舒服。 坐得舒服😌我們點了幸福pancake 和全麥pancake配蘑菇芝士奄列。 賣相一流，亞女見到已經很開心。 pancake 軟綿綿又熱烘烘，充滿蛋香，配上楓糖醬，真的感覺很幸福。 全麥那款比較有咬口，香軟中帶點麥香，有實在的感覺。 兩款各具特色😋，個人來說，小朋友會喜歡原味那款！有機花茶和凍奶茶就正正常常，沒有特別亞女最滿意！

係日本食過幾間不同有名既梳乎厘班戟，入口即溶，真係好有幸福的感覺。　翻到香港終於等到幸福ｐａｎｃａｋｅ　黎香港開分店啦。但開張初期一直都要大排長龍，令到怕麻煩既我一直都無衝動去試。　上星期終於同朋友去左試香港既幸福ｐａｎｃａｋｅ。因為有每人最低消費，我地４個人，叫左２款ｐａｎｃａｋｅ加飲品。我地叫左芝士慕絲藍莓醬班戟＄１２８及幸福班戟＄１０８。由於每個order都係即叫即整，所以都等左差唔多２０分鐘先到。每一碟都有３件班戟，唔同既只係個醬。班戟溫度暖暖地，口感鬆軟，好重蛋味，但未至於好似食緊空氣，有點失望，始終太多人讚好，期望過大，但味道都算可以的，但真係不值一排。

一直都好想試幸福pancake,終於有機會試到喇🤩之前經過K11musea都大排長龍,於是去左銅鑼灣希望會少人啲😝結果真係好快 只係等左10-15分鐘到😍我地兩個人叫左兩款pancake時令鮮果班戟($138)焙茶提拉米蘇班戟($128)焙茶係新口味 味道幾特別 焙茶味重而鮮果就有士多啤梨,香蕉,蘋果,菠蘿,奇異果,紅西柚既水果配上pancake水果份量好多都好甜Pancake入口即溶😋不過蛋味可以再重啲時令鮮果班戟焙茶提拉米蘇班戟

行過見佢唔使點排隊，諗住即管嚟試吓係咪真係講到咁巴閉。裏面其實大把位，都硬係要你喺出邊等四五個字先放你入去。擺明擺款局長條龍。即時令我諗起一句金句: Love is like a fart. If you have to force it, it’s probably sh*t.最後真係有條龍啦，先有人出嚟問我地幾位。卒之都俾咗嗰啲吉左四五個字嘅位俾我哋。叫嘢食，啲侍應好似Scrooge上身咁，整個極度不歡迎你非常grumpy樣俾你睇，慌死你未等到反胃都整個樣等你反胃。叫完嘢食要等廿分鐘先有杯咖啡嚟。之後再等多幾分鐘個pancake先來。其實個pancake坦白講食落唔差，但係咁嘅服務質素又扮大牌，有啲對佢自己啲pancake唔住。希望佢服務質素有所改善啦。

周末行街，以為下午2:00，過了午飯而下午茶時間未到就不用排隊，結果，還是有人龍。不過因為我們一邊講一邊等，也就無所謂了。排了約二十分鐘就被安排入座。我們點了原味和熱朱古力味各一，再share食。鬆軟，好味，蛋味濃，最欣賞是原味上面那些好像是雪糕一般的忌廉，明知肥爆，但甜甜的，覺得比加糖漿食更好味。熱朱古力味其實是原味pancake加了朱古力漿，感覺上朱古力味蓋了pancake的蛋香，但，是另一種食法，可以說是各有千秋。要一提的是：入座限時90分鐘，另食客不會霸佔座位太久。