幸福班戟 (K11 Musea) (已結業)

係冇得去旅行嘅情況下，都幾想去食下日式甜品，當去咗日本食甜品前幾個月見都幾多網頁推介幸福班戟，今日經開K11 Musea就嚟試吓先！門口嘅人龍都幾長，大多數都係女士或者係陪女朋友嚟嘅情侶排隊但係條人龍真係幾長，等咗接近半個鐘先入到去。因為每個人有最低消費，如果兩個人入去又唔想每人食一份班戟的話，咁就可能要額外叫一杯花茶先至得了！班戟即叫即製作，上到嚟嘅時候仲係暖暖的同軟林林，確實係一件好食嘅班戟，配搭嘅香蕉同忌廉都同班戟好夾，再加搭朱古力醬嚟食，味道啱啱好，唔會太甜，的確係幾好食而花茶其實只係茶包茶，冇乜特別，係為咗每人嘅最低消費而叫的。😅整體來講，個班戟的確係幾好食，但係等半個鐘又的確係真係好耐啊下次如果有機會見到冇乜人排隊嘅時候，會再考慮來食多次

今日行行吓發現k11 原來有幸福班㦸咁岩又冇人排隊我哋就去咗食喇今次係第二次食點知所有餐具就變晒即棄成件事又唔環保又唔美觀我哋叫咗熱朱古力班㦸($98)同木薯陪茶拿鐵($38)杯嘢飲出奇地好飲 不過都幾甜下朱古力班㦸都係比較空氣感 味道口感都正常冇話啲咩特別 同平時食嗰啲差唔多都可以試試嘅

我今次11點多到達，唔洗等位直接入座。餐廳有最低消費，每人必須叫飲品或食品，我地兩人叫咗兩個甜pancake，因為鹹pancake唔係太特別，唔係好吸引呢間分店嘅餐具全部都係即棄嘅，不過唔使加一服務費，影相打卡可能無咁靚奶茶pancake個醬汁奶味夠但茶味可以再濃d，抹茶pancake上個球狀我地開頭以為係雪糕嚟，原來係mousse個人覺得奶茶味比較特別。如果唔使排隊嘅話，又好想食下甜品，都可以再食的

之前喺日本食過好多次，今次第一次係香港食、行街行到很倦便和朋友食下午茶，可能已經下午四時多所以不用排隊便能夠進入😊點了時令水果pancake.水果清新pancake做得軟滑、蛋香味濃、好味、另外點了奶茶pancake，奶茶味剛剛好不會蓋過蛋香，同樣出色，飲品點了香蕉奶和伯爵茶、預期的味道不錯👍疫情關係好耐都冇得去日本，今日能品嚐久違了嘅日本味道，雖然價錢比日本貴少少，但依然覺得物有所值👍🥞🥞😋

十分掛著日本嘅美食但又無得飛，咁啱行開K11 Musea 所以決定穩日本pancake安慰下自己。當日運氣幾好，去到餐廳外面發覺無咩人排隊，所以好快就有位。點左經典嘅朱古力香蕉口味pancake後滿懷興奮地等待，不過等份甜品送到上來之後就有小小失望。首先，賣相方面就唔係太討好，兩條開邊嘅香蕉壓係個pancake上面，完全無曬個pancake本來應有嘅蓬鬆感，另外，啲朱古力醬又好隨意咁擠埋一堆。除左賣相之外，味道方面也平平無奇，完全唔對得住差不多一舊水嘅價錢。

一直都好鍾意食疏乎厘pancake，以前每次去日本都必定會去gram 食，近來冇得去旅行，唯有喺香港食啦。行過k11 musea，見到呢度竟然有咁多空位，即刻坐低試吓先。抹茶味龍，上面嗰舊唔知係cream定係雪糕，好好味，但係塊pancake就普普通通，亦都唔算厚。鹹食真係麻麻哋，主角變咗沙律，仲要好貴添。飲品都係好明顯地用果漿出嚟，冇乜特別。奶茶味香，不過都係， pancake冇乜特別，唔係太重蛋香。總結來講，價錢應該貴在可以堂食，不過環境又冇乜特別，如果呢個價錢，寧願去其他餐廳食。

香港已經食咗好多間pancake,包括日本開過嚟嘅嗰幾間。食過咁多間都係你一間係最好食。絕對值得一試。個pancake嘅texture係有啲類似係介乎於蛋糕同埋同埋雞蛋仔嘅感覺。但佢個空氣感係啱啱好，又唔會好似炒蛋咁散。食到好多間嘅pancake係個texture係類似炒蛋嘅感覺，係唔使用刀都就散曬咁樣。呢個係啱啱好係識中嘅個硬度，又keep到佢空氣感。已經返食過好多次啦。正！

打卡左hox,F.Sx等班戟過江龍，當然都要試試幸福班戟啦。K11 Musea哩間班戟店，需要自己去櫃檯落單，之後會有侍應送返班戟。今次叫左宇治抹茶濃厚慕斯班戟。班戟大大件，分量唔錯，有3件，搭配左一球抹茶雪糕仲插左一隻好細啲楓糖漿，個樣好得意！班戟唔錯，空氣感好足，食落好鬆軟，同埋啲蛋味同牛油好香，食得出喺落足料。抹茶雪糕不會太苦，好重抹茶味，同班戟都好match。整碟班戟都唔算甜，所以搭配左一隻楓糖漿，鐘意食甜啲可以加埋。哩間班戟味道真喺唔錯，就是用左啲紙碟裝出來，有少少cheap感覺，影相冇更靚。

這間pancake 在日本吃過好幾次，在香港一直未有機會試，全因實在太多人不想排隊。星期六下午一點，漫無目的想找間餐廳坐下等朋友，居然有很多座位，服務員很快就安排了店內的卡位，點餐時首先要到收銀點餐付款，飲品很快就到，點了冷mocha 和橙汁。因為pancake 即點即做，等了大概15分鐘，要了一份鹹的全麥pancake 配芝士蘑菇奄列和甜的原味happy pancake其實pancake的款式也不少，飲品的選擇也多鹹甜的pancakes也做得不錯，非常鬆軟但又不似吃咗陣風咁，和日本當地吃的不相伯仲。芝士蘑菇蛋奄列，蛋非常嫩滑，果然keep到日本水準。難怪在香港開舖一段時間，一直受客人擁戴，每次經過門口人山人海在排隊。有自助冷熱水供應，75分鐘的用餐時間十分足夠，可惜超強的冷氣實在不能久坐。大概百多元一份pancake加飲品，尚算合理

收工後約埋同事， 一起shopping， 三個人買咗四個袋一對鞋， 開心嘅感覺唔好畀佢停，行出店舖前就遇上幸福。。。日本幸福班戟 A Happy Pancake（幸せのパンケーキ）食pancake 一定要試原味幸福班戟🥞，香軟鬆， 軟綿綿入口即溶的口感配合忌廉及🍯糖漿熱🍫朱古力配自家製穀物食梳乎厘班戟當然追求空氣感重，綿花般彈性，水蛋般軟滑， 上面淋上熱辣辣嘅朱古力醬， 配自家製穀物又係另一種嘅幸福感 😋簡簡單單選擇咗熱茶紅茶 / 有機伯爵茶 / 甜蜜香橙茶

尖沙咀K11 MUSEA 有間甜品鋪我好想食好耐 今次終於比我有機會試到喇!唔洗等位就去試下!幸福班戟日本人氣即叫即製班戟 餐牌上有甜有咸既口味配搭以日本國產指定農場雞蛋及優質小麥粉製作配合北海道新鮮牛奶製造的發酵牛油及紐西蘭麥盧卡蜂蜜而製成每一塊班戟都是即叫即製 每客需時約20分鐘香港K11 MUSEA店除了提供本店招牌甜食及鹹食班戟之外更會首度於香港推出全新口味的A Happy Puff(幸福泡芙)及期間限定的特色新鮮水果飲品及品牌自家製Tapioca系列飲品雖然口味眾多,但今次第一次食試返原味先!空氣感好重又鬆又軟 口感輕盈充滿著食材既牛油奶香 自然散發出淡淡既甜味一個人食3件都唔覺有一絲油膩感真係好幸福 配咖啡 奶泡都幾滑 入口順口咖啡味濃厚幸福班戟尖沙咀梳士巴利道18號Victoria Dockside K11 Musea 2樓233A號舖消費$200評分7/10

一直都好想試下呢間pancake，但好多時見到都大排長龍，就放棄了，今次見到唔算太多人，就試下啦🤩即叫即整大約等20分鐘到，班戟厚身，空氣感一般， 班戟都算鬆軟有蛋香，糖醬可以自己加，幾得意😂味道還可以的，但冇咩驚喜，唔使排隊可以試下嘅❌用即棄餐具感覺一般般

有個鐘意食甜品嘅仔仔陪我食幸福班戟🥰星期日的下午，竟然唔使排隊😮。🥞幸福班戟$84班戟質感鬆軟，軟綿綿的，入口即溶。配搭焦糖醬和牛油，哥哥大讚好味👍🏻👍🏻。🥞朱古力香蕉班戟$96我很喜歡濃厚朱古力醬，還有原條香蕉，配合幼滑香甜的鮮忌廉，好match好滋味😋。我知口味嘅野，係見仁見智，但整體我就覺得好味，係日本咁受歡迎，梗係有原因嘅😏。

事實證明成日見人排隊嘅唔一定係好嘢嚟。佢舊pancake 真係實得滯，唔夠蓬鬆，有啲失望，同埋賣相都好一般，你見佢好求其，其實冇乜攞盤可言😂 can do better 我覺得雜莓醬嗰款好食過朱古力香蕉，主要係隻jam 救返，但隻朱古力醬真係揾唔到嘢讚，就係m 記新地上面淋嗰隻。啲cream 都幾好食嘅但今時今日嚟講就nothing special 😞同埋加杯紅茶要18蚊有啲搶錢☹️我覺得F 字頭嗰間好食好多。。。。

當日兩點過到去，睇openrice見食評幾好，就入去試吓。嗌咗個幸福班戟（$84）， 諗住上面嗰舊係雪糕，點知係cream嚟，嗰班戟上面仲插住咗支嘢，個支叫焦糖，但係cream同焦糖都少得可憐，都唔夠我食晒兩舊班戟，個班cake蛋味係幾香， 不過佢係無間斷製作，嗰陣又冇乜人，全部班戟都係凍嘅。😔熱朱古力班戟（$92）如果想陪friend入去食嘅話就要再諗啦，因為佢係一人一消費，所以我又嗌左個熱朱古力班戟，比起幸福班戟啲醬同啲cream都多啲係抵食啲嘅， 穀物都有其他口感，而且開始都多人，終於食到唔係擺喺度放涼左嘅班戟， 所以熱朱古力係比原味好食嘅。不過整體來講係唔會再去食。