幸福四季椰子雞 (譽發廣場)

營業中

休息中

限聚令放寬後終於可以約埋好友再黎食椰子雞, 多個月前第一次黎已經好有驚喜, 再來再來都未試過失望。椰子雞鮮甜, 湯底清香。丸丸不能錯過, 我中意黑松露墨魚丸的彈牙口感, 朋友最愛牛肝箘豬肉丸, 愛它的豬肉用料新鮮, 跟牛肝箘嘅獨有香味特別夾, 不像外面的行貨豬肉丸。仲有牛肉, 海蝦, 龍躉魚片, 全部冇失望。今次叫咗娃娃菜, 吸收鮮味湯底之後特別好味！價錢不算好便宜但物有所值。四個閨蜜太耐冇出嚟食飯竟然冇人記得影相.........又食又傾加上親切嘅服務, 過咗一個愉快晚上。下次再黎食時希望疫情已過, 多D人黎叫多D野食更開心！

叫左個竹笙椰子雞煲，貴過原味雞煲$20 ，嚟到打開個煲得五舊竹笙⋯問佢點解得五舊，佢話因為竹笙貴，要我再單叫一份叫咗份黑毛豬，你都得八塊，樣樣野都又貴又唔抵食，啲雞又細件，似乳鴿多過似雞個臘味煲仔飯，全部都係潤腸⋯臘腸同臘肉得一兩舊！真係好唔老實⋯唔會再幫襯！

今天下午和同事到旺角譽發廣場試椰子雞火鍋，除飲品、海鮮及湯底正價外，其他配料半價。侍應介紹角色配料給我們選擇，我們先點了半隻原味四季椰子雞鍋雞，我們先品嚐椰子水很甜，配上走地雞肉很鮮嫩，豉油包括指天椒及沙薑（又几好食喎），吃完雞侍應便會再加上湯吃其他配料。侍應很熱情好客，還送我們免費自家製雪梨茶享用。我們點了一份牛小排（肥瘦均勻但牛味不太重）、鴛鴦雙蚌包括珊瑚蚌及桂花蚌、黑松露墨魚丸（松露味很突出）、花膠牛丸（每粒牛丸裏面也釀有花膠）、黑松露豚肉餃子、養顏花膠（吸收了椰子湯的味道更滋補）、鴨血、響鈴（新鮮很脆）、特長皇帝蟹腳、鮮鵝腸、牛柏葉、蔬菜拼盤等等。店舖環境簡單裝修，侍應服務很好，雖然價錢有點貴但食物質素也不錯。

椰子雞火煱套裝2/人吃份量剛好，職員先把椰青水煮海南文昌走地雞，五分鐘後先食雞飲湯，味道清甜，之後換上清雞湯做打邊爐。海鮮盤有日本刺身帶子、龍躉片、紐西蘭刀貝、海蝦、花枝片。自家制手工丸最特色花膠牛丸、黑松露墨魚丸、牛肝菌豚肉丸、元貝三層墨魚磚就最特色。大大件手工即炸響鈴，我就最鍾意香噴噴臘味飯自家制養生杞子元肉雪梨茶+椰子奶凍這頓晚飯很有家的感覺、舒服、窩心滿足。環境舒適、椰森feel.打咭最啱服務體貼、值得再幫襯

食完一肚火，唔推薦呢間鋪，唔怪得星期日晚都可以無乜人食總括而言，呢間食店有幾樣野係死症1.店舖有最低消費，每人$150蚊。但係鋪頭出面同埋點餐紙/入座時都唔會同你講！食野其間，收銀果個不停chur你，問你有咩要加單，當時已經覺得怪怪地。後來佢再問一次同埋終於話比我地知每人最低消費係$150。我反問番店長，在openrice只提及人均消費是$101-200，同時店鋪門外和點餐紙都沒有提及過最低消費一事。原來該最低消費的通告是貼在收銀處櫃枱下不起眼處。唔係食唔起，但因為極度唔老實，所以不吐不快。2.椰子雞湯唔甜，有酸味。3.廚房斬雞把刀唔利，啲雞勁多碎骨大家如果真係要食嘅，自己要再考慮下。

其實第一次食覺得態度唔ok，冇book位所以用正價食。亦覺得第一鑊係用純椰子汁黎煮都幾dum本。第二次食尼間，都係冇book位，但覺得價錢貴過第一次食好多（時間上差2個月左右）。不過印象比我地差好多。第一，第二次食覺得啲椰子汁似乎溝太多水，唔夠純。牛肉得六塊就$139，每一塊都好薄，本身諗緊食阿拉卡係咁肉痛都冇得計較咁多。第二x但令我地全檯都好無奈嘅，係個功夫土豆片。我真係好匪夷所思，想講粗口。得仲薄過啲牛肉，薄到透。如果你係想用薄黎做saling point，唔該你可唔可以大方少少比多幾塊？49蚊嘅薯仔仲要+1服務費，55蚊嘅薯仔連1/4嘅薯仔都冇!!我真心情願是普通薯仔唔要「功夫」！你貴得黎可唔可以唔好咁孤寒？55蚊薯仔 又冇薯仔味，我真心懷疑自己食左啲咩。第三，個湯底，第一鍋食完椰子汁鍋，就基本上加嘅都係清水湯，你冇得比我地加椰子汁湯都算，可唔可以比啲雞湯我地都好。雞湯冇都算，濃湯包都冇。基本上後面都係清水打邊爐。第四，我地一入場連杯水都唔會主動比黎飲。我知間舖都係想人地飲多啲野飲，但係夏天流流，你地尼個價錢同服務真係越黎越差。第一次食都仲有比啲水飲下解渴第五，明明係平日，個場都

晚上經過旺角對面見3樓食店椰子雞好似幾吸引跟住便上咗去食，開始時不停問有無book位，全店嘅人就續個講是walk in , 心諗周圍嘅枱都無人坐，跟坐就介紹你食套餐，兩個人食咗$786都唔飽，有無搞錯，現今香港仲有啲咁嘅食市，叫個雜茶$78得3粒車厘茄+3小舊娃娃菜+幾條油墨菜，個所為椰子雞湯底淡到無人有，啲雞又唔滑，真心想講粗口，跟住不停收你啲碟，食過一次以後唔會再幫襯。老闆如果你要繼續經營請認真檢討食物用量，香港人不是傻的！

前幾日父親節一早book左呢間食椰子雞火鍋，唸住帶爸爸試下新嘢，估唔到就中左伏。以前係深圳都有食過椰子雞火鍋嘅，大陸有個連鎖品牌都幾多分店，叫「四季椰林」，就係專賣椰子雞火鍋，呢間由店名到舖頭裝修...都有幾分相似，相信老闆係想做香港嘅「四季椰林」，但係以咁嘅質素似乎比較難。首先，我就嗌左最貴嘅鍋底——花膠椰子雞鍋。本以為花膠湯點都濃郁小小，好過普通湯，點知見到實物都大跌眼鏡，原來就係清湯入邊落多左幾塊花膠比你，個湯就一d花膠味都冇，同加餸係冇分別，仲要舊花膠未煮得掂，好韌。其次，係我最想投訴嘅嘢，手工丸拼盤，8粒丸盛惠139$價錢唔算低，但質素真係好唔得，味道差就算，竟然有兩粒🦐丸係變左質！我第一啖食已經覺得有酸味，於是叫侍應過來（都擺手示意左幾耐），聞下佢地自己出產嘅蝦丸，未煮嘅丸味道好明顯係已經變壞左，酸味刺鼻。個侍應仲唔認係變質食物...攞左去廚房叫佢地廚師聞，一陣間攞左一粒其他丸代替，全程冇講過一句「sorry」，理直氣壯咁放低就走，完全冇理俾客人食左變質嘅食物有咩問題。我地用餐時間大約是6pm，當時店裡只有幾檯客，完全算不上高峰期，可是全程都沒有侍應主動過來加湯，搞到我地d

一間火鍋好唔好食，湯底的而且確好重要！一個好味嘅湯底，絕對可以提升其他食物嘅味道！呢日同朋友專誠嚟試吓呢到嘅椰子雞湯，估唔到大家都敗興已回🤷🏻‍♀️湯底淡如水，其實真係食唔出有咩椰子或者雞味。椰子雞湯正常一定比較清，呢個大家都明白，但係清湯同冇味係兩回事呀！野生竹笙椰子雞煲先飲湯嘅湯底已經係冇味，之後再加湯打邊爐，當然係更加冇味啦，但最奇怪係有陣公仔麵味🙈😂雞件同樣令我地失望，比較老韌柴🤢鮮海蝦$113有8隻，平均14蚊隻左右，價錢唔算好貴，蝦亦都幾新鮮。我地仲叫咗手工珍寶響鈴，自選雙拼丸(牛丸+墨魚丸)，午餐肉。響鈴，午餐肉，墨魚丸味道正常，冇咩驚喜。牛丸真係講得上難食，好少會食到難食嘅手打丸。佢地嘅牛丸肉質鬆散，口感係削嘅，而且冇牛味，咁嘅價錢，唔失望就假😔除咗以上食物，我地仲叫咗我個菜，埋單每人$240，利申唔大食，但真係唔飽。嚟幸福四季椰子雞一啲都唔覺得幸福囉🤷🏻‍♀️👋🏻最後最後，呢到都有值得讚嘅地方，就係佢地服務都幾好。

今日行經油麻地彌敦道附近。見到一座商廈樓上的玻璃窗有一個招牌幾吸引，上面寫著幸福四季火鍋，便上去一試，一入到餐廳，看到餐廳的裝修很特別，有很多椰子樹的掛畫，還有一株椰子樹做裝飾，很有椰林風味。原來這間餐廳的招牌菜色是椰子雞鍋。我們叫了一份原味椰子雞鍋嚐嚐。椰子雞鍋味道清甜，店員説是用椰青水做湯底，雞是用文昌雞。我發覺雞很細隻，雞翼和雞腳都很細小，和我們平常見的只有三分一，大小好像BB雞。可能雞細隻沒有脂肪，所以雞鍋很清甜，值得一試。另外，即炸的嚮鈴很也鬆脆。前菜開胃，最正的是他們自製的雪梨茶很清潤很好喝。除了火鍋外，餐廳亦有提供部份小食、小菜。女店員服務不錯，不過整體味道未算十分突出，短期內未必會再次到訪。

和老公两个人疫情在家闷到死，突然想吃椰子鸡。椰子鸡香港选择不多，openrice见到呢间铺头想试一试。本来定位有八折，不过锅底（连椰子鸡）、煲仔饭等必点小吃不包在折扣里。也有套餐比较抵，但份量多，两个人我地觉得吃唔晒，所以决定单点。点了椰子鸡半只，小腊味煲仔饭，皇帝菜。椰子鸡用椰子水做汤底，清甜，鸡的肉质唔错，两个人好快吃晒。然后店员重新加汤底煮其他食材（皇帝菜），煲仔饭也上菜了。两个人四百几吃得好饱，煲仔饭吃唔晒。香港椰子鸡选择真的好少，会再次光顾。

前几天去吃的 现在才来评论……和男朋友去吃点了个套餐 每位238 包含有半只鸡 开胃小菜选2 丸子饺子类八选四 还能选肉类一样 具体内容忘了 当时也没有拍照…看起来很丰富很多料吃 我和男朋友都比较能吃 两个人想着点个套餐比较划算上完菜惊呆了 开胃小菜点的莲藕和青瓜 莲藕硬邦邦的，一点味道也没有…… 丸子饺子类八选四 看着挺多的结果送上来……每样东西只有两件 你能想象只有两件为一份的丸子和饺子吗 对只有八件 我们点了两种丸子 那就是四个丸子 两个云吞 还有两个不知道名字…再说说肉类 我们点的羊肉卷 加起来不超过8个 ……东西少 就算了…但这个价钱实在不划算。相当于吃了两百块的麻辣烫。 味道是真的不怎样 有几样东西试了一下然后吐了出来 …不会再来吃了失望… 套餐別點別點別點

椰子雞，係小編去深圳必食之選之一， 不過而家肺炎疫情嘅關係， 好一段時間都冇得再去深圳食好西啦，😭 不過香港其實仲有好多美食之選， 唔一定去深圳先食到， 就好似呢間「幸福四季椰子雞」～ 係openrice見到佢做緊火鍋配料優惠， 18:30前結賬可享有5折優惠， 18:30後入座可享有8折優惠， 21:30 後入座可享有68折優惠。 椰子雞有三款款式可以揀： 原味、野生竹笙、野生馬蹄。 食椰子雞之前， 先調配醬料， 醬油加辣椒，滴幾滴青檸，別有一番風味。 🌟推薦❗️原味四季椰子雞鍋（半隻）（$168） 半隻雞$168，全隻都只係$268， 其實係食全隻抵啲嘅， 不過得我同小妹倆口子嘅關係，食唔得多， 就叫左半隻雞，留返個肚黎食火鍋配料啦！😏 標榜選用100%純淨椰青水， 無添加任何調味和水， 煮之前我地仲試左啖湯底，真係好清甜～ 不過小編覺得其實店家可以搞下gimmick， 係食客面前直接落椰青水， 咁咪最直接嘅証明！😂😂 選用文昌雌雞， 雞皮爽脆，肉質厚而結實， 肉味香濃，甜而不油， 椰子嘅清香伴隨着雞肉飄散出來，

邊個話唔可以係屋企食椰子雞！原汁原味！包裝企理！仲有八折！雖然自付運費，但埋單仲平過堂食！推薦👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

🔎 旺角彌敦道558-560號譽發廣場3樓*📍 幸福四季椰子雞.四季椰子雞煲($168)半隻椰子雞都夠2個食,首先個湯堅好甜,椰子肉一定要放耐D唔係會好硬.不過肉質都OK,唔會軔.加上D椰子湯都浸到入去,幾好味.手工響鈴($36)真係要讚讚呢到嘅響鈴,超級大件,同埋厚身.加上好脆口,真係要大讚一下.超級推介大家必試呢個.娃娃菜($38)普普通通,唔算好特別.但呢個價錢黎講都幾大塊,同埋幾多.所以都OK.臘味煲仔飯($98)臘味唔算有好多,但穫氣好夠,所以整體都幾好味.其實都夠2-3人食.所以我覺得價錢唔算好貴.