幸圓 (已結業)

今日去左太古吉之島買餸，送上女朋友屋企幫佢入定貨佢成日都懶得買餸搞到無啖好食，今日收工早左幫佢補定倉買餸之前先去食個tea上網睇到一間cafe，西日式主題，食物選擇都好多！Tea set menu有多款選擇，我就叫左最近cafe人氣既甜品，Croffle！waffle+croissant既結合！香脆牛角包壓成窩夫，濃香牛油香，入口鬆香滿口牛油香味！我叫左士多啤梨芝士奶蓋口味，香甜士多啤梨，增加不少分數啊！芝士奶蓋咸香帶點香甜！賣相好靚！

平時少去港島區，今天放假約了朋友專程去逛街，eating and shopping✌✌晚飯時間行到鰂魚涌，上網 search 有間剛開張不久的幸圓，有新店，正好去試下環境整潔簡樸， 燈籠式掛燈有特色坐位寬闊這個 corner 位置，設計有地中海色彩餐牌選擇唔算多，沒有 set dinner，叫了2個主食和一個甜品英國保濕豬配蜜糖芥末籽汁格仔燒烤網紋佈滿豬排， size 不大，但勝在肉厚肉質唔韌，入口 juicy，肉汁鮮甜，全熟豬有這水準難得香煎三文魚配青芥末忌廉汁魚皮煎香脆口，厚身有嚼勁配菜顏色多樣，黃、橙、紫、青、綠…… 兼顧了視覺享受玉桂蘋果包牛角窩夫一片片青蘋果舖滿面層，中間釀滿了熟透蘋果粒，味道有少許似發酵葡萄酒，再加雪糕和脆口窩夫，簡直是一流呢餐2個都滿意

在鰂魚涌辦事完畢，在新張的「幸圓」嘗下午茶。餐廳呈長方型、開放式的設計，長長一列的玻璃牆，透光度十足，寬闊的卡座位與屏風使用了木紋與籐，色調和諧，置身其間感覺舒適放鬆！餐廳環境令我心情寬鬆，胃口也開，點選燒牛肉三文治與特飲Lychee Jelly。燒牛肉三文治是我喜歡的牛角包，很有有喜悅感，除了肉味濃郁的燒牛肉，還有爽脆的紫洋葱與蕃茄片與醬汁，味道香濃，口感清爽。我的特飲Lychee Jelly，很清甜的蘋果汁配荔枝、藍柑，藍藍顏色也漂亮！家人選擇日式吉列豬扒讚岐烏冬、Mango paradise。我也分享外脆內軟吉列豬扒，滑滑烏冬伴味道得宜清湯吃，很滿意！黃澄澄的特飲Mango paradise，色澤奪目，濃濃芒果味道，美味醒胃！

喺附近返工，成日都經過依間餐廳。見到啲圖片，已經好想食，特別係佢嘅刨冰同埋牛角包waffle。今日放工，終於有機會一試。原來除咗甜品之外，佢哋仲有主菜，例如串燒，炒飯，牛扒，壽司，烏冬。我哋今日就試咗佢個鰻魚炒飯，唔錯幾好食，好入味。仲有炸雞塊，唔油膩！當然仲有甜品啦，試咗佢哋個士多啤梨奶蓋waffle, 去買雪糕食，一流！朋友叫咗個宇治金時shave ice ，配綠茶syrup,good good 👍🏻 除咗食物之外，佢仲有一系列嘅嘢飲，叫咗一杯士多啤梨奶昔，唔甜，仲有士多啤梨肉。此外，環境都好好，好闊落，同三五知己過嚟食下午茶，係鰂魚涌一個不錯的選擇

叫咗一個雜錦天婦羅，一個九貫壽司，一個鰻魚炒飯。一次過上咗天婦羅同壽司。其實呢兩碟都等咗好耐，所以食完佢嚟收碟嗰時，我哋順便追埋個炒飯。之後等咗8-10分鐘，佢過嚟加水，我哋又追佢個炒飯。個店員實牙實齒話師傅抄緊。又過咗10分鐘，同佢講不如取消個炒飯啦？佢話個炒飯已經出咗嚟啦，放咗响出菜位。。。結果1分鐘後佢話「唔好意思呀，原來師傅而家先開始整」黐線，之前追咗兩之完全係hea咗。今晚人唔多，得四枱客，咁都可以漏單！咁嘅服務，非常普通嘅食物質素，價錢又唔平，呢間真心唔會再嚟。（貼番張相證明係真顧客）（個朱古力窩夫真心一般，去八月堂買仲好）

🥗牛油果蟹籽沙律＄62牛油果生熟度剛好，青瓜絲和蟹柳絲配上沙律醬好香好滑，加入蟹籽卜卜脆可以增加口感。 🍝黃金蟹肉篙筍忌廉蟹子意粉＄158鹹蛋黃一粒粒黏在意粉上面，又香又惹味😋，蟹肉份量都好多好大塊，雖然意粉份量唔算多，但加入忌廉去煮可以增加飽肚感。 🐷鹽燒英國保濕豬配蜜糖芥末籽汁＄188豬肉生熟度剛好，肉質唔鞋口，附有少少脂肪，味道更香口豐腴，咬落去仲有啲juicy 😋服務員恭敬禮貌，笑容滿面。廁所雖然係外面商場，不過都好新淨同乾淨。

Aeon百貨呢幾日係會折扣日，今日約朋友行Aeon，英皇道1001號一樓，新開咗間日西式fushion菜餐廳，木系裝修，簡潔清雅，同朋友先食個 tea，再去逛公司😄餐廳播放住輕快日本歌曲，靠窗邊有卡位，座得舒服，侍應斯文有禮👍我哋要咗兩份Tea Set迷你雜錦魚生丼丼飯份量唔大，適合輕食人士，雜錦魚生切粒，有三文魚、油甘魚同吞拿魚，魚生新鮮肥美，加上青瓜同蟹籽，均衡配搭😋士多啤梨奶蓋牛角包窩夫賣相吸睛，擺盤精美，厚厚奶蓋蓋滿牛角包窩夫面，奶蓋香滑帶少少鹹，牛肉包窩夫軟韌酥脆，切件加埋新鮮士多啤梨片，同自家製士多啤梨醬同士多啤梨乾一齊食，真滋味🤩，士多啤梨乳酪雪糕，唔太甜，帶淡淡士多啤梨味😋，雪糕球大個D，就 perfect喇😆飲品送凍或熱檸檬水或檸檬茶，加💰轉其他飲品都得😄

是夜星期3️⃣，2️⃣人閒唻🍽晚餐，餐廳🆕️新開業，商廈人流並唔多，唔使等位，直接被安排坐喺闊落梳化位置。餐廳食物選擇並唔算太多，並且冇晚餐提供，只可散點。【牛油果🥑蟹籽🦀沙律🥗：HK💲6️⃣2️⃣】賣相一般，份量一般，味道正常。【鹽燒英國保濕豬🐷🥩配蜜糖🍯芥末籽汁：HK💲1️⃣8️⃣8️⃣】賣相唔錯，份量偏細少，只得大半隻手掌咁細塊。燒得恰到好處，肉質鬆軟，唔乾唔韌，味道不俗。【幸圓・士多啤梨🍓刨冰🍧：HK💲9️⃣8️⃣】製作須時，須等待超過半個鐘。賣相精美，除外層舖上粉紅色醬及Cream外，內層亦有士多啤梨醬。🍧刨冰🧊夠哂凍❄❄❄，唔會好快溶。另配一杯粉紅色醬，供食到底層用。【整體而言】餐廳位處商廈內，門面非常開揚，如坐喺偏近門口位置，難免會受外圍行經人流影響。畢竟餐廳新開業，日式裝修及餐具都較新淨。用餐位置算寬敞舒適，可觀看窗邊街景。除1️⃣位女店員外🙅‍♀️，其他男店員均非常有禮及好服務。食物質素可以，但選擇唔多；且份量偏少，但價格偏高。或許較適合附近上班一族可較多機會唻午膳，或其他人士經開唻食吓甜點。或未必合附近居民常唻晚膳。附近亦沒就近嘅泊車位置，閒唻一試無妨。💖❤💖🧡💖💛💖💚💖💙💖💜💖🤎💖🖤

今天同朋友食下午茶，知道鰂魚涌開左一間靚裝修cafe , 裝修以滕木為主及文青feel的cafe , 店內有多個卡位，座位寬敞，Tea Set Menu有份量較大的魚生飯，又有炸雞，仲有甜品，好特別的牛角包窩夫，最近好多餐廳都有推出，魚生飯望落細，但食落都好飽肚，而且魚生新鮮。唐揚炸雞有5大件，外皮夠脆，雞肉肉汁夠juicy,之後上甜品士多啤梨芝士奶蓋牛角包窩夫，好體貼有一杯仔新鮮士多啤梨醬，牛角包上面的芝士奶蓋，好creamy, 酸酸甜甜，夾埋酥脆窩夫超好味，上面還灑了紅桑子碎，另外還有一杯仔日本士多啤梨雪糕，口感好refreshing，餐飲叫了凍檸檬茶和熱檸檬茶。

這天和閨蜜來到這家新開的Cafe下午茶，以木系為裝修風格，環境舒適，服務員也非常體貼。這裡的飲品及甜品也色香味俱全！迷你三文魚丼飯 $68 切粒三文鱼生，有光澤。珍珠米飯軟熟，粒粒分明，加了適量的飯素，我的閨蜜飯控無法抗拒。士多啤梨芝士奶盖牛角包窝夫 $58牛角包充滿牛油香氣，軟韌中帶脆，加點士多啤梨醬和新鮮的士多啤梨一起吃，令人回味！Cucumber Cooler +$25以迷迭香和一片長長的青瓜點綴，這款青瓜特飲的味道和賣相都非常清新。Tropical Bliss +$25是以多種雜莓調製的特飲，充滿香甜的莓味，顏色美麗。

是日靚午茶紅桑子芝士奶蓋忌廉窩夫，配有士多啤梨果醬。芝士奶蓋果醬都係甜品司自己調配嘅，配上三色堇顏色嘅對比，鮮艷得來好融洽。仲有一個士多啤梨雪糕成件事真係好事多啤梨呀！但係又唔會太紅太粉，用左黑色碟上枱，視覺上都好舒服。窩夫係我最愛嘅牛角包，上到枱比佢真實樣貌震懾咗！一食落口，唔甜嘅？先醒起，佢係牛角包！咸食配近乎唔甜嘅芝士奶蓋，少咸嘅醬，味道好balance, 差d唔記得試埋果醬。果醬都係唔係好甜，成粒士多啤梨喺入面，無平時食嘅咁透明。朝早飲咗咖啡，諗住下就飲抹茶，叫咗抹茶latte. 係我對呢個產品名有誤解定咩？佢杯抹茶latte真係有咖啡嘅？！賺咗！又抹茶又咖啡，跟野食叫仲平過淨叫好多！幾大都跟杯野飲啦用環保飲筒搞幾下沉咗底嘅抹茶，融合咖啡嘅時候一抹綠色浮上去，好夢幻。

喺港島鰂魚涌近年多咗一個新景象，就係多咗一幢新式寫字樓- 1001， 無論從外觀定係裝橫都顯得別樹一格，而喺大堂當然亦都會有些少嘅餐廳，而有一間就係專食甜品嘅餐廳名為 幸圓裏面食嘅甜品除咗有少少台灣風格之外更明顯就係有日式嘅味道，喺港島區大部份甜品店都以中式為主，而家多咗個機會品嚐到日式新甜品當然要第一時間搶先去士多啤梨芝士奶蓋牛角包窩夫- 採用嘅就係日本士多啤梨，至於果醬就係自家餐廳制，確保係獨一無二嘅味道。 潮流興玩Crossover，牛角包嘅千絲萬縷再配合窩夫嘅鬆軟，咁就造就左牛角包窩夫，脆得來又保證厚度，就好似食緊窩夫味道嘅牛角包咁樣，的確係甜入心，加分為當然就係白色嘅芝士奶蓋，就提供緊濃滑嘅味道，日本士多啤梨切咗博片之後依然感受到回味無窮嘅甜美，就真係同香港買嘅士多啤梨截然不同。 最後當然食窩夫要配合埋雪糕，日式士多啤梨雪糕亦都係一個從來未品嚐過嘅味道綠茶芭菲- 食芭菲最特別嘅地方當然就係一層又一層嘅唔同配料，無論分開一層咁食有得一齊咁食亦都得，而綠茶芭菲裏面包含嘅係有更多嘅配料，似乎吸引力更勝一籌！ 首先頂部就有綠茶雪糕同埋豆腐雪糕，兩者都係甘甘地甜，尤其是加入豆腐雪糕更有

在鰂魚涌太古想找個靜靜的地方tea time，這間新的和風餐廳也是一個不錯的選擇。餐廳在新商廈的一樓，柔和的日系裝潢迎接外面射下來的陽光，還有寬闊的卡位，感覺很舒適。士多啤梨芝士奶蓋牛角包窩夫🍓🥐 $58這裡2:30開始是下午茶時段，有鹹甜輕食，店員推介我吃視覺美美的士多啤梨芝士奶蓋牛角包窩夫，雖然未吃正餐，但還是想試😂等了大概10分鐘就見到擺盤精美的窩夫上場～牛角包窩夫被一層厚厚的奶蓋蓋住，依然保持到脆脆的口感，奶蓋有少少鹹，配合牛角包窩夫的牛油香，喜歡更多甜味可以倒上有粒粒果肉的士多啤梨果醬或者沾士多啤梨雪糕。我覺得加分位是雪糕很清新，有乳酪的感覺，這樣令甜品更加清新，加上盤子還有士多啤梨乾脆脆，這份酸甜的感覺很適合牛角包窩夫。🍓bleu bliss $58有著天藍色的這杯飲品視覺上已經很有沖繩的感覺，頂層的忌廉口感實在，飲品有雲呢拿雪糕混合了牛奶喝blue curaco，有點像cocktail但沒有酒味，濃濃的牛奶味加上碎冰好像在吃波子汽水雪條（有一款是長方柱體裡面有雲呢拿雪糕），就是那個味道😆

朋友住係怪獸大廈，話我知附近有間新開嘅西日餐廳！知道我鍾意四圍食嘢，即刻約埋一齊去探店門面好有時尚感，係清新日系嘅感覺真係岩哂嚟打咭北海道魚生飯呢個魚生飯夠哂豐富起碼有7款魚生！樣樣都好新鮮有牡丹蝦、海膽、三文魚、吞拿魚碎、帶子、油甘魚、池魚！馬糞海膽好鮮甜，又creamy牡丹蝦肉質好爽彈最鍾意呢個口感～～士多啤梨芝士奶蓋牛角包窩夫牛角包窩夫係我最鍾意食嘅甜品牛油香豐富之餘仲好鬆脆！上面淋左一層芝士奶蓋，多左份香滑感士多啤梨醬係自家製的，有好厚肉嘅士多啤梨肉所以mix埋一齊食，好perfect

今天來到太古日資百貨公司逛逛，下午茶時段與好友向鰂魚涌那邊搵到間新開靚靚日式cafe歇一歇。店內環境裝修別緻優雅，部分卡位，十分闊落，坐得舒適，大玻璃開揚望街景，感覺好舒服，播放著輕鬆日文歌曲。店員友善招待，耐心介紹餐牌內容。Tea Set有甜點也有鹹點選擇，最特別的是牛角包窩夫，這陣子好hit這款，另外也想吃香口炸雞。士多啤梨芝士奶蓋牛角包窩夫~採用日本士多啤梨，牛角包上面的芝士奶蓋是homemade的，上面灑了紅桑子碎，再配合homemade士多啤梨醬，切開咬落依然感覺到窩夫的鬆脆，讚！仲有日本士多啤梨雪糕，這個配搭多重口感，滿足多個願望。唐揚炸雞~熱辣辣炸起，非常可口，雞肉鮮嫩。Tropical Bliss~賣相漂亮，材料包括：士多啤梨、藍莓、紅桑子及橙汁，可以少甜，士多啤梨味比較出，感覺好清新。跟餐飲品可選擇凍熱檸檬水或檸檬茶，也可加錢，果汁，咖啡及特色飲品。