幸匠燒 (海運大廈)

營業中

休息中

海幸 天婦羅盛合 , 熱辣辣 辣漿夠薄夠脆, D 蝦係入面保持鮮嫰彈牙, 露筍同菇勁鮮嫰多汁, 這就是價值所在吧?燒谷飼牛扒嚴選部位 - 肉質幾嫰唔洗再切開或者扯開佢, 可以入口就咁咬得斷, 而且牛味幾重,  正~~~~燒魷魚筒, 燒得幾香, 有少少街邊炭燒魷魚乾果種香味,  大大隻夠肉地口感飽滿而且唔會燒乾晒, 好食。兒家都仲有海港城COUPON 用添。不過之前係消費兩百蚊減一百(超抵) 兒家要消費三百蚊先減得一百, 即刻貴晒無咁抵食LU 

平時講開日本菜，第一下都一定諗起刺身壽司呢啲生既食物🍣，但係日本傳統嘅串燒料理都好值得人去尋覓去試😚呢間居酒屋既串燒質素普遍都獲得大眾嘅好評，我都覺得真係幾好食😋而除左佢嘅料理得到大家既青睞之外，佢既裝修都好特別架，門口以日本鳥居作為隧道，帶領住客人進入餐廳，整個主題以神社為概念，令人有種置身係日本神宮🥰另外佢對住尖沙咀海旁，坐窗邊位置仲可以望到絕美海景添～正呀～✎ 雞皮 幾爽口，落左好多調味料，但有啲鹹😕✎ 明太子雞腿肉有好多明太子醬😍😋雞肉好嫩，有咬口，鹹鹹地👍🏻✎ 谷飼牛扒 有酸醬，沾黎食幾開胃，牛五成熟，幾有口感，肉紅紅地，少少血水🤤✎ 法國鵝肝 表皮燒得夠焦，靭靭地，入面腍身而濕潤，濃郁鵝肝味！👏🏻✎ Sashimi 有五款刺身，款款都好新鮮同夠冰凍🥰✎ 九州槍魷魚燒 呢個真心好食，燒得好香口，表面掃滿醬汁，口感好Q彈，充滿魷魚味！！✎ 露筍野菜卷 露荀爽口，好大條，肉少焦，薄身，食落其實似齋啪露筍😂😂✎ 海之盛 呢個盤有蠔、蝦同元貝。蠔多汁，肥大又嫩滑😘；蝦既殼有鹽，令口沾滿鹽味，再咬開殼，試入面嘅肉個陣，令蝦肉味道更鮮更突岀，蝦肉都好濕潤，食落唔會粉！😋元貝好彈牙，燒得好

市道好返，海港城而家dining coupon只可以$300減$100, 好多餐廳都有加價，食野冇之前咁抵了。不過有coupon總好過冇coupon，同事farewell選擇左黎呢度試，因為佢set lunch都可以用coupon。一嚟到俾佢門口嘅裝飾吸引，鳥居嘅設計成了打卡熱點。餐廳入邊好多窗，就算今日天氣唔好，都好光猛。Set lunch由$208-$348，選擇都幾多。今日我哋叫咗：1）燒谷飼牛扒嚴選部位 $308分量偏西，牛肉亦都好有咬口，個人認為非常唔值得呢個價錢，似出邊$1xx食到嘅貨色2）刺身五品定食 $348有帶子，赤身，油甘魚，蝦，拖羅，各兩件，刺身新鮮，質素幾好嘉欣之後埋單$722，減完coupon實付$522咁嘅價錢我覺得海港城有更好嘅選擇，下次未必會再返嚟。

位於海港城OTE 主打日式燒物同串燒 食物質素的確唔差 每樣都會食到係有用心準備 賣相味道都合格 雖然唔係走抵食路線 但整體絕對對得住價錢 餐廳設計亦加咗鳥居⛩️元素 環境開揚座位寬趟 如果想搵個舒服既地方食串燒 呢個decent版既居酒屋會係好選擇🤟🏻【佐酒小食 𝐬𝐧𝐚𝐜𝐤】· 雞泡魚干 $78 [😋7/10]𝘨𝘳𝘪𝘭𝘭𝘦𝘥 𝘱𝘶𝘧𝘧𝘦𝘳 𝘧𝘪𝘴𝘩飲酒所以叫既小食🍻 煙韌唔腥正常發揮!【燒物 𝐠𝐫𝐢𝐥𝐥𝐞𝐝 𝐝𝐢𝐬𝐡】· 九州槍魷魚燒 $168 ⭐️ [😋8.5/10]𝘫𝘢𝘱𝘢𝘯𝘦𝘴𝘦 𝘴𝘲𝘶𝘪𝘥 非常推介🤩 魷魚彈牙爽口 真係彈 而且好厚身 燒過再有燒汁調味 惹味唔會太鹹 好食!!· 和牛小排 $288 [😋6.9/10]𝘸𝘢𝘨𝘺𝘶 𝘴𝘩𝘰𝘳𝘵 𝘳𝘪𝘣𝘴肉呈粉紅色 係偏瘦既牛小排 質地軟腍唔會乾但會想raw啲多啲肉汁(๑•﹏•)鍾意木魚碎😝 呢個唔差但感覺未去到和牛質素【串燒 𝐬𝐤𝐞𝐰𝐞𝐫】· 雞肉長蔥燒 $92/2pcs ⭐️ [😋7.7/10]𝘤𝘩𝘪𝘤𝘬𝘦𝘯 𝘸/ 𝘭𝘦𝘦𝘬大蔥+雞肉係我好鍾意既combination 大蔥好juicy頗粗亦唔乾 (好難得) 雞肉嫩滑頗厚身 有連雞皮的

早前同朋友入沙田觀禮，晚餐就隨心去咗沙田嘅幸匠燒食Omakase！過往，幸匠燒主力做串燒料理，壽司Omakase似乎都係近來先有，暫時供應一款Omakase set，$1,088即可食足16道菜，包括前菜、刺身、壽司八點盛、湯及甜品，作為晚市Omakase嚟講，確實CP值頗高！​​\前菜/​✦ 日山和牛春卷、紅酒啫喱、海髮菜 🍴3.5/5​三品前菜，擺盤賞心悅目。日山signature 和牛春卷，免治和牛肉香濃郁，咬落香口；紅酒啫喱微甜，帶有紅酒嘅獨有礦物味，喚醒味蕾；醋漬咗嘅海髮菜，酸酸甜甜，滑溜可口。​​\刺身/​✦ 昆布漬北海道牡丹蝦 🍴3.5/5​肥美嘅北海道牡丹蝦，我頭尾切件奉上，食得方便。經過昆布汁醃漬，將蝦肉鮮甜濃縮在蝦肉上，味道相當不錯，不過略嫌蝦肉實咗少少。​​✦ 鱸魚包左口邊魚 🍴4/5 ​左口邊魚油份頗重，師傅先火炙一下逼出油香，又將柚子皮、岩鹽及芽蔥卷在鱸魚刺身上，可同時嘗到肥美、爽口兩種魚肉質感。​​✦ 火炙金目鯛 🍴4/5​厚切金目鯛，師傅輕輕火炙魚肉外層，令魚肉呈外煙韌香脆，內實淨彈牙嘅口感！伴自家製蛋黃醬食，兩隻味意外地幾夾。​​✦ 赤崎真蠔 🍴4.5/

同老公去左海港城的幸匠燒，門口的鳥居好有日本風情，可惜假日多人，冇海景view ，叫左串燒午餐套餐、鰻魚飯套餐，小食就有燒魷魚筒，飲品要左提子乳酸梳打，前菜有日本漬物同麻醬豆腐，夠醒胃，串燒午餐有豬、和牛、同雞串、每一串燒的時間都岩岩好，肉質吾會老，加$10轉左稻庭烏冬，鰻魚燒得香口、吾多骨同燒汁好夾，燒魷魚筒好食，甜品係雪米糍，冇咩特別，埋單900幾蚊，有coupon 所以俾咗500幾，旺區價錢，可以一試。

今日同屋企人去幸匠燒食lunch ，好彩有預約，呢排有海港城coupons ,間間餐廳都好多人！ 我哋坐嘅位都非常好，望住個海食晏，真係幾舒服，同埋會落簾，等食客都可以有啲私隱傾偈，呢樣非常加分！叫完3個午餐，好快就有帆立貝沙律，呢個沙律同埋帆立貝好新鮮，醬汁配搭好好味，提升食慾，幾開胃👍🏻👍🏻第一個係燴牛舌，牛舌好淋，都入味，值得一提係個飯有紫菜同埋有隻蛋，攪拌完一齊食好好味第二個係華之盛，大多數都係雞肉，燒得唔錯，個燒菇再加啲木魚好好味！ 最後係幸之盛，整體還好，冇想像中咁好味串和牛舌有啲un我哋再加多個海之盛同埋芝士年糕，海之盛有燒帶子，蠔同埋蝦，年糕就同我想像有啲出入，唔係咁煙煙韌韌嘅！今餐我哋用coupon，食得真係好滿足，服務態度都好友善，會經常主動斟茶，今次既午餐屬於物超所值！ ☺️☺️☺️

星期六去左海運幸匠燒吃午餐，假期既尖沙咀非常人多亦難於訂位，多謝朋友幫手訂位仲送左coupon 比我，由於有coupon 呢餐仲減左400大元，所以呢餐飯好抵食！邊吃邊對住維港景色，超級正！ 估唔到星期六都會lunch set，我地2個人叫左2個餐，一個係鰻魚鴨肝 另一個係幸之盛，另再叫左雞泡魚干及九洲槍魷魚燒！老公仲叫左杯黑啤，隻杯有兩粒骰仔好得意！ 由於係午餐所以配有沙律、湯及白飯，吃了沙律更加開胃而且有帶子，雖然薄片但好新鮮好好味。我地見到好多人都係叫鰻魚同幸之盛，果然係signature。 鰻魚鴨肝鰻魚好肥美而且好juciy，再加上我喜歡既鴨肝，無得頂 幸之盛有和牛串、牛舌串、雞肉長蔥燒，燒車里茄、翠玉瓜、露筍豚肉串食物都係即食即燒，和牛同牛舌好好味，其他都是水準之上，燒完唔會好乾丫！ 九洲槍魷魚燒原隻魷魚燒得好好味，個醬汁無得頂，唔會硬而且口感爽彈，老公講左幾次話燒得好好！ 雞泡魚干呢個係我必叫，我估無難度，去任何一間吃都係咁好味！  吃飽緊係去行下街先，路過son級蛋糕，老公問我，咁似你之前整既蛋糕？ 係呀，無錯呀，就係我上星期整既芝士蛋糕，一睇個價.，哇，外面買一個6吋要

朋友移居前farewell 聚餐，選擇左維港景既餐廳，可能係星期一餐㕔未算多人，待應非常好安排房間座位，不但坐擁最佳景色，服務仲非常點心，食物也不差，餐牌選擇多，推介天婦羅我哋仲echo order 多一set串燒雞拼盤，雞肝岩岩熟冇鞋口，雞腎夠爽，配香口燒飯團，仲有吾太甜既梅酒，甜品蕨餅加紅豆唯一可以挑剔就係牛舌比較薄同小小overcook，我哋掛住傾真係冇影晒食物相，臨走前經理仲主動幫忙係露台位置影無敵靚景合照留念！朋友聚餐好地方

幸·匠燒係食物質素方面未必係日式居酒屋的天花板，但如果想有望著維港的環境，服務質素好，而食物質素中上兼有得網上訂位，幸·匠燒就係你的選擇之一。睇個名就知呢度食日式串燒，選擇都算多，我就最鐘意食雞皮，炸得香脆唔會炸到有燶味。雞肉棒串燒沾上濃濃的日本雞蛋汁，充滿視角同味覺享受。另外天婦羅都炸得夠薄，無油膱味，食材亦夠新鮮，尤其我最驚食炸蠔，遇到腥味真係影響晒成餐的心情！價錢方面，本身都算比較貴，但用左商場半價券都可以接受，晚餐人均$250到。大家唔想煩排隊又想有舒適環境傾下計，可以揀呢度試下。

The Food Story 旗下的日式串燒，坐在窗邊位，飽覽維港景緻真漂亮，記得走出露台散散步、打吓咭。是否有日藉師傅主場我沒有考究，燒功到位，但未見特色，因此，覺得取價進取。 服務方面，與近日去過數間同系食肆相比優勝，而且因為訂位有留言，餐廳額外送上兩件蛋糕及插上傳統蠟燭祝賀，成功給予我們驚喜，值得稱讚。 餐前小吃免治雞肉棒2串 $88山葵雞腿肉 $52福岡豚肉野菜卷（草莓）$58燒絹豆腐 $48金䱽魚中拖羅 $138海老天婦羅 $108 香脆乳豬伴焦糖菠蘿 $368皮有點硬，未如期望中香脆。 燒飯團 $58*2有點偏鹹，$58/個是否有點貴！ 芝士年糕 $58沒有失望，好吃。整體平均分：3.5

門面好特別，感覺好似日本嘅鳥居⛩️，不過係用木造，用餐環境非常舒適，可以慢慢傾偈。今次揀咗lunch hour 去，一定係叫佢嗰個串燒套餐 - 幸.串燒盛合 （$368 + 10%）。入面有和牛、煙熏黑豚肉、手羽先、雞腿肉、海老、露筍、野菌），包埋前菜、御飯及麵豉湯。一次過可以試晒多種口味，串燒即叫即燒，火候剛剛好，肉質仲keep住Juicy。最鍾意係手羽先，表皮超級脆，肉質細嫩。和牛串係用咗和牛粒，入面呈粉紅色，唔會燒得太熟，易咬開👍🏻。

。幸 · 廚師沙律 $88。華之盛(定食）$268 / 轉溫泉蛋飯 +$10。燒和牛小排（定食) $298 /轉烏冬 +$10 位置比較偏去到LCX尾但入到去其實地方好寬敞加分位係大部分坐位都可以望到維港海景平日去有book位唔算好fulllunch menu大約$200-$330有前菜、味噌湯、白飯/烏冬、甜品除咗lunch set另外再叫住咗幸 · 廚師沙律呢款其實係上面鋪滿蟹籽、蟹肉嘅沙律加柚子醬汁同車厘茄，酸酸哋做前菜都好開胃華の盛性價比好高👍有雞翼、免治雞肉棒、山葵雞腿肉、汁燒雞腿肉、燒椎茸、燒翠玉瓜即叫即燒，串燒水準正常，唔會燒到好乾燒和牛小排比預期出色燒到medium啱啱好唔會出血水，多汁好嫩身用埋海港城dining coupon，呢餐就變超值❤️

INSTAGRAM   @little.tummy🙋🏻‍♀️推薦指數 🌕🌕🌕🌖🌑海旁夜景打卡一流🌃 環境氣氛很好，座位寬敞舒適，適合約會或多人聚會，價錢偏中至高，食物質素高，份量足夠飽溫馨提示：只有少量海景位，請提早預約並向要求坐位安排，晚上walk-in 很大機會只可坐 bar 枱！可 request行出餐廳外影相🙆🏻‍♀️💖═ ═ ═ ═ ═ ═ ═ ═💖💖💖食評💖💖💖有各款串燒、刺身、海鮮、天婦羅、蔬菜及SAKE提供💁🏻‍♀️兩個人消費約$1000便夠飽肚，論餐廳環境及服務，絕對值得一試！-前茶及茶芥(每人$20)✨肉碎配青瓜沙律陸之盛: 和牛串 和牛脷串 黑豚肉串($428二人份量)✨肉質相當不錯，份量太少鳥之盛: 雞翼 免治雞肉棒 雞胸脆骨 雞腿肉($328二人份量)✨串燒肉質及味道不錯，特別一提 免治雞肉棒非常好吃！😋鰻魚鴨肝飯 ($268)✨必食！鰻魚口感結實肥美，味道相當好，配搭青蘋果片，減輕鴨肝的肥膩感，配上醬汁非常好吃😋海之盛: 日本蠔 海老 活帆立貝 ($188一人份量)✨質素普通，偏貴明太子幸福玉子卷 ($98五件)✨口感偏硬，味道淡，不推薦福岡豚肉草莓卷 ($58一

海港城日式串燒店，估唔到平日都幾full，午市套餐$200-$350，有前菜、味噌湯、白飯、甜品，係得海港城有海景坐得舒舒服服，算唔錯。刺身五品定食($328)有五款刺身，厚切肥美，但份量真係偏少，而且款式都好普通，性價比低。串燒拼盤有兩set - 分別主打雞同牛。雞串燒有雞翼、免治雞肉捧、雞腿肉、冬菇、翠肉瓜。牛串燒有和牛串、車厘茄、長蔥雞肉，好可惜當日牛舌同豚肉卷都冇貨。串燒水準正常，但普遍都比較dry，當日冇牛舌同豚肉卷，比較可惜。加$10可轉稻庭烏冬，幾大碗烏冬都彈牙。最推都係個鰻魚鴨肝丼($278)，燒鰻肥美juicy，再加鴨肝更邪惡不過都有少少乾，鰻魚汁餸飯係正既。追加九州槍魷魚燒($118)，原條魷魚，口感爽彈，特別個魷魚鬚好有焦香，配個燒汁係幾正。