幸匠燒 (海運大廈)

營業中

休息中

叫左串燒午餐set唔記得影，老公叫左和牛set。照片呢幾樣係除左午餐外，另外散叫嘅食物。個年糕超好味😋走黎試主要係為左個海景，因為食過隔黎嘅papermoon 比個海景迷倒。而且買完手袋有勁多海港城coupon😆, 點知食完先發現原來當日係復活節假期唔用得，oh my god，要比原價😅每樣菜式都水準以上，串燒好味，侍應生大部分服務比較好，某位就差少少啦。總括黎講係好味嘅，但如果無coupon 就未必再黎食喇。2個人嘅lunch set 加少少散叫都要食成千蚊。咁嘅銀碼應該可以食到更好。

開業個陣已經想試，但當時walkin要坐吧枱，我嫌坐得唔舒服就走左😂之後一路都好難book，因為有得用美食卷平食🌟幸。串燒盛合(定食)$358串燒有和牛舌、黑豚長䓤燒、手羽先、華味鳥雞腿肉、大蝦、蘆筍、季節野菌，定食有前菜、漬物、溫泉玉子、飯同味噌湯。前菜有3款，整體份量好足，勁鐘意呢到有溫泉玉子配飯，串燒好高質，每樣食材都燒到啱啱好🌟 海幸。天婦羅盛合(定食) $268海老、帶子、廣島蠔、青椒、蘆筍、椎茸、京䓤，海鮮食材好新鮮，蠔味好濃，帶子鮮甜，第一次食到甘好味既天婦羅帶子，不過京䓤我就唔鐘意，如果用南瓜/茄子代替就好啦🌟免治雞肉$42食親串燒我一定叫呢樣食，軟骨比例合適，沾上濃厚蛋汁食100分🌟白燒活鰻$98超級好食，下次去會叫2串🤣魚皮微微焦香，魚肉鮮嫩帶甜🌟芫荽.野菜卷$48上次mokumoku食既芫荽卷有驚喜，所以又挑戰呢間，感覺中伏，滿滿青色青味太濃，唔啱我口味最後個經理送左個隱藏甜品，柚子雪芭，應該係店家自製，滿滿柚子香，好滿足

新登場居酒屋, 未坐低一入門口的神社鳥居餐廳設計即成打卡位.感覺自己去左日本旅行一轉居酒屋有各式各樣串燒, 燒物, 主要佐酒小食為主, 可以配上各種酒類, 燒酎, 同朋友GATHERING 最啱試咗幾款, 當中既草莓卷同無花果天婦羅比較驚喜, 因為坊間都比較少有用E D 食材.因為即叫即燒都要需時, 火喉好好控制,  不論肉類定係蔬果依然JUICY同充滿香烤味...

店舖門口以鳥居同洗水石米嘅路為設計⛩ 令你仿如置身於日本🇯🇵 店內仲可以望到絕美嘅維港海景😍講返啲嘢食物🥂 點餐後 店員會送上三種自製嘅醬料🧈 可以點燒肉同海鮮食😚 味道特別而且開胃‪(*ˊᵕˋ* ) 前菜方面 份燒明太子燒得好正💓 外脆內軟 配酒一流🍻 我地食咗雞唔同部分嘅串燒 都好出色🐥 既鮮味又香口👅 份黑豚豬鞍肉質鮮嫩 食落好juicy🥰 個天婦羅炸完都唔會好油膩同多粉🥕 仍然保留到食物嘅鮮味 ♡ 最特別嘅係佢哋有燒豚肉草莓🍓 薄薄嘅豚肉包住鮮甜嘅草莓 配上煉奶🍼 令到成個味道更加昇華😍 不得不提嘅係我杯Mocktail🍸 Peach🍑+ Rose🌷飲落好fresh🌱 配上串燒真係一流👍🏻

無論裝修環境氣氛同景觀都係唔錯嘅感覺乾淨高檔職員態度亦非常友善殷勤唯食物質素真係非常之普通最重要係同價錢唔成正比一開始店員會介紹檯面三款醬料然後會再介紹一份指定嘅前菜今日係麵豉海帶八爪魚前菜麵豉味好重有啲過鹹冇令人眼前一亮嘅感覺未能令人打開食慾講下叫左啲咩先串燒叫左雞皮 雞心 牛舌 草莓豚肉 免治雞肉棒絕對唔推薦大家叫豚肉士多啤梨雖然賣相好似好吸引但豚肉好乾好鞋唔香冇油份兩樣野唔夾 仲要點煉奶亦都唔推薦燒雞皮睇佢枝串燒木棒棒發現同一個牌子我屋企附近間小店二十蚊燒得好食過佢雞心有啲啲腥 唔太滿意牛舌同免治雞肉棒ok另外仲叫左天婦羅什錦同鵝肝鰻魚飯呢兩樣都ok天婦羅整得都唔錯 脆漿夠薄亦冇炸過龍鵝肝同鰻魚都好厚身如果兩樣野都可以再煎同燒得香啲就更好但係都未能令人留下深刻印象

幸福串串的味道同個friend一個月前book咗呢間佢聲稱幾高質嘅日式居酒屋 今日終於黎試夜晚七點幾去到已經full晒 店內嘅裝修都有頗有日本嘅風格相信坐吧枱一邊食一邊望住佢燒會更有feel兩個人食叫咗十一樣菜式——————————————————————-福岡豚肉野菜卷(草莓) $58你係估唔到豬肉包主舊士多啤梨係咁好食 燒過既士多啤梨味道同豬肉係好夾 一啲都唔突兀 (之後再叫多咗一串encore)免治雞肉棒 $42呢個平平無奇嘅串燒 原來係咁好食入便有d雞軟骨咁嘅粒粒 食之前蘸醬油加雞蛋 又係必點嘅菜式和牛脷串 $108牛脷燒得好香 厚切好有咬口 趁熱食清酒煮蜆 $98粒粒飽滿 湯好清甜 正常發揮華味鳥唐揚 $98炸雞無得頂 唔厚粉唔油膩 又好脆口雞肉又好juicy明太子幸福玉子卷 $88蛋好嫩滑 入便pat明太子好綿密真係有幸福的感覺多春魚(兩條) $48不是太好魚 (相都忘記影)但喜歡吃魚的朋友話好食手羽先 $42正常發揮既燒雞翼燒飯團$58原來無餡既飯團都可以好好食咬落去好似飯焦咁 仲有葉既餘香🍃紫菜要快d包住食 芝士年糕$58入邊嘅芝士正正常常好食加分位係出面個皮 又軟熟又

有海港城coupon，又放得早，就約咗有人嚟食串燒6:30來到，因為沒有book位，又可能海港城coupon就嚟到期，只能坐近門口吧枱位置。 但沒有關係，反正食物才是重點。首先上前菜以及醬料前菜係茄子，味道可以醬料有三款，左邊沾海鮮，右邊沾肉類，中間唔記得😛免治雞肉棒我唔食生雞蛋，雞肉棒幾juicy雞肉長蔥卷估佢唔到啲蔥超新鮮，超好食和牛牛舌份量有啲小豚肉草莓卷好多人介紹呢一個草莓豚肉卷。聽個名就好特別，應該係有日本士多啤梨吧，但我就覺得唔係太夾，本身日本士多啤梨已經偏淋，燒完淋曬，仲要俾埋個煉奶，太甜，唔係我杯茶。豚肉蘆筍卷又係意料之外，作為配菜嘅蘆筍非常之新鮮燒飯團偏乾，味道唔夠其他冇咩特別嘅嘢就唔逐一介紹了用完coupon，埋單每人二百蚊，還可以。 但如果冇coupon，性價比唔高，喺海港城有更好嘅選擇

好友們帶我到幸匠燒食好嘢😍，位於尖沙咀廣東道海港城海運大廈4樓OTE402號舖， 這是間新開爐端燒居酒屋， 一入到店內有日本鳥居隧道和神社設計， 餐廳以木系為主題， 除酒吧位還可以到近窗邊位置用膳， 欣賞到維港靚景。 餐廳主打串燒和燒烤， 最深刻印象是招牌福岡豚肉草莓卷和福岡豚肉芫茜卷， 兩款都好好吃， 尤其是豚肉芫茜卷， 非常juicy， 有好香的芫茜味。 另外更要讚一讚燒油甘魚， 鮮香美味😋， 肉質嫩滑， 烹調時間控制得剛剛好。 其他所有串燒都好高質， 喜歡吃串燒的一定要來試下。 飲品方面我們當晚點shochu lichiko😍，醇香四溢，加冰飲用香味更濃。👍🏻😋整體而言餐廳食物高質， 環境氣氛熱鬧， 店員們貼心服務，讚！💯⭐

好耐無去海港城食飯，原來都開左好多新餐廳，今次被幸•匠燒門外的鳥居吸引到，可惜的係之前無預約座位，因為入內的維港海景確實讓人心醉食物方面，除咗基本嘅雞肉棒，大蔥雞肉串外，也有較為特別的鹿兒島山椒烤乳鴿，外皮烤得香脆調味重手，可惜食到內裡鴿肉就有d騷味鰻魚鴨肝飯，鴨肝不夠肥美就係爭左d價錢方面偏高但食物質素未能成正比，所以應該冇下次啦👋🏻👋🏻

今次試咗位於海港城既幸匠燒，一入到去就好似經過鳥居咁，幾有feel😂又有海景睇😍講返食物先，串燒都幾好食，佢地有一系列用上福岡華味鳥既雞肉串燒，當日試左雞心同雞尾，雞心既口感係處於淋身同爽口中間，而且又唔會燒到話好乾身，都幾特別；而雞尾我真係第一次食，口感上有啲似雞軟骨無左個軟骨再juicy 好多，幾好食，點芫荽麵噌醬都正！但我最鍾意嘅都係和牛脷，軟鬆但爽口（好似好矛盾，但有啲真係爽口但勁韌勁硬😂)，呢個真心好好食！福岡豚肉芫茜卷都係要試，佢燒到豚肉外脆但芫荽仲可以keep到唔會乾晒無晒水份，加埋個白拌醬食真係幾夾！另外試左福岡豚肉草莓卷，日本草莓燒完都仲係咁大粒，包左豚肉其實都幾特別，雖然佢附送煉奶黎點，但出奇地配上南蠻牛扒醬都唔錯，可以一試而且餐廳都有好多飲品可供選擇，有酒精同無酒精，都幾特別！

呢排海港城嘅消費券令到我都成日去食飯今次就嚟到呢間日式串燒試吓事關係日式串燒所以嗌嘅種類都幾多 但係呢間餐廳有個問題係佢個價錢咁樣 但係個份量真係有啲少😂 雖然味道係非常之唔錯😋呢個係佢送嘅前菜 不過唔知之後會唔會一樣個扇貝認真個味真係好食 入邊仲有啲菇可以吸晒啲汁我覺得呢一個位做得好好 啲菇吸晒扇貝嘅鮮味好正😋個雞泡魚乾其實冇乜特別 就唔多講啦 同埋我覺得佢燒得有啲太乾呢條魚係我哋食唔飽而加嘅😂 有返啲魚嘅脂肪頂下肚會飽啲 最後可以叫返餐廳炸返個魚骨食反而我最期待嘅雞皮我真係覺得佢整得好難食 唔知點解食落有啲雞嗰啲腥臭味 食得好辛苦 呢串燒鰻魚定唔知燒鱔 係一啲都唔單口嘅啲肉質 有啲爛爛地😂呢個豬肉芫荽卷真係每個芫荽控都一定會超鍾意😋😋😋

如果你想坐得舒服丶如果你想食得滿足丶如果你想被服務舒心＞＞你想的話，就可以來試下這間環境一流的日式串燒餐廳門口位置有個特色鳥居，坐近門口可以直接看到師傅即場做串燒，2人同行又唔介意坐高凳，也會有一番風味。今次同家人(4大人)在初一來吃午飯，沒有了用優惠券嘅人流，所以環境都很清靜。大部份嘅位置都可以睇到維港海景，喜歡食埋環境的朋友，這裡是個好選擇。因為是公眾假期，沒有午餐優惠，所以決定睇餐牌自由選擇想吃的東西。「幸」有一套自家調煮9款特色醬料，餐牌入邊可以看到。有啲串燒已經配左唔同嘅醬料去烹調，而本身餐廳都選擇左三款比客人『白拌醬(豆腐製)/芫茜味噌/御手洗味噌』，我個人比較起喜歡味㬝嘅鹹味，特顯出肉味。新精頭，坐低之後，店員就送上他們特製的日式新年年糕湯，美又暖身，一餐的好開始。試了以下類別的串燒，整體🔥得很好，保留食物的鮮嫩，唔會過熟。1. 肉類串燒：1）手羽先(雞奕)-熱辣辣嘅嫩滑雞用，好味，是Encore選擇; 2）免治雞肉棒 - 燒得好，吾乾，有肉汁; 3）和牛舌-嫩; 4) 黑豚長蔥燒 -食肉之人可以叫多幾串吃; 5) &6)雞軟骨、雞腎-都燒得好好7) 福岡豚肉草莓卷(士多

✨✨日餐系列✨✨-.❤️午市套餐 HK$268$268一個lunch set不算划算，但勝在有海景相陪前菜部分: 服務員建議先由南瓜開始，其次麻醬豆腐沙律，最後番茄柚子醋凍！最為出色是番茄醋凍，番茄酸酸甜甜配上醋凍，十分冰涼主菜選擇了串燒丼，分別有雞肉棒，雞翼，雞肝，雞肉卷及雞肩肉！味道不算太特別，雞翼燒得比較久，吃起來雞皮有點苦..整體而言，價錢跟食物質素不太相符，相反最為滿意是服務十分到位！服務員細心勤勞，解釋詳盡，也跟客人有不少互動.推薦程度:⭐️⭐️⭐️.📍 幸匠燒 (尖沙咀)尖沙咀廣東道3-27號海港城海運大廈4樓OTE402號舖.#香港美食 #尖沙咀美食 #好西系列 #manwfoodie #日餐系列 #燒烤

今日試一下日式串燒店。這間店嘅裝修十分別緻，充滿日式風格，靠窗的一邊有海景，維港景致一覽無遺。午餐有九種選擇，有串燒、吉列海鮮和刺生飯等，價錢由$188-$388。每個套餐包括前菜、頭盤、日本米飯、漬物和麵豉湯。幸串燒盛合$358這串燒盛合有六串串燒，包括和牛舌、黑豚長蔥燒、手羽先、華味鳥雞腿肉、大蝦、露筍、野菌等。醬汁有三款，分別為沾海鮮的明太子海鮮醬、沾蔬菜的蘿蔔茸、沾肉的烤肉醬。先從中間的牛舌吃起，牛舌燒到又香口又juicy! 牛舌口感爽彈，又有肉味，加上甜香烤肉醬，正呀！黑豚長蔥燒：黑豚口感油潤爽彈，味道甘香，有豚肉的肉香，加埋長蒽，味道不錯。大蝦烤得很香，肉質結實，味道鮮美，沾上明太子沙律醬，滑滑鮮香，十分滋味。華味鳥雞腿肉啖啖肉，口感比平日的雞肉更彈性，味道雖然唔太特別，但這是OK嘅。手羽先燒得外皮脆香，雞有雞味，加上肉唔多，雞皮脆口，味道特別甘香。露筍是嫩口無渣的；冬茹軟腍多汁，沾上蘿蔔泥，多一份清新氣息，不錯。前菜味道正常，面鼓湯味道鮮美再把温泉旦拌飯，日本飯特別黏滑，加上旦汁，滑溜溜，再吃一口漬物，好ok.這一天的串燒午餐是不錯的，加上商場優惠券，比較實惠。

襯住有海港城coupon, 帶我足不出戶既老豆出黎尖沙咀行下，今次揀左幸匠燒呢間餐廳食lunch, 貪佢有海景睇下。一開始店員安排係比較門口既位置， 我再問下佢會唔會有入d可以比我地坐， 然後店員都非常友善同我地講裡面檯都未有人坐， 可以隨便揀。始終都係周末， 坐左一陣客人都開始多， 不過空間都好闊落， 所以唔會好似同緊隔離檯傾計咁。我地今次點左2個lunch set share, 一個係魚生飯， 一個係串燒。個人覺得2款都好味， 魚生好新鮮。不過又未至於好特別， 反而杯梅酒cocktail幾好飲。用埋coupon都還可以， 下次可以專攻d特色串燒。