平昌

營業中

休息中

#旺角美食 #黃色經濟圈 #💛💛💛💛💛💛🔻 平昌旺角西洋菜街1號兆萬中心13樓/////成年冇去旅行，好掛住韓國啲好西，特別係是旦去一間燒肉都正到不得了，未有得去住，唯有喺香港食韓燒頂下癮，有得揀梗係撐黃店！燒肉放題分咗三個等級，分別係大君御膳、世子御膳同埋國王御膳，星期一至四嘅價錢分別係$198/$278/$378😳價錢都爭幾遠，我哋揀咗最平嗰種，選擇有雞、牛、豬，配以唔同調味，仲有帶子、魷魚等等海鮮，雖然唔係好多，但係好彩想食嘅都有！////🧃辣汁薄切五花腩片、照燒薄切五花腩片真係切得好薄，燒嘅時候好快熟同埋都夠脆，脂肪夠多，但因為薄切嘅關係所以唔會好快就好膩。辣汁係淡淡的辣，要來用生菜包住食就最啱。照燒汁就甜甜地，味道幾特別。/🧃LA牛排、牛舌 、牛肋骨肉牛扒燒完出嚟好多汁好有牛味，都encore左幾次，牛舌大大塊，未燒已經知道唔會差，燒完出嚟真係幾好食。牛肋骨肉係晚市先有嘅，比較嫩滑。/🧃烤雞肉、調味雞翼、雞肉串大推雞肉！係雞脾肉，肉質鮮嫩。調味雞翼都唔錯，大大隻，絕對唔會有雪味。第一次韓燒燒雞肉串，都幾搞笑，純粹過吓癮。😂/🧃半殼石蠔、魷魚有生蠔🦪燒，好開心，燒前都幾靚仔，燒

好耐冇食過韓燒，約咗朋友一齊同我哋食呢一間餐廳，入到餐廳我以為自己去咗韓國。因為好耐冇食過所以自己就揀咗第二高價錢黎食，佢叫做世子餐單！食物嘅種類有好多有豬牛雞海鮮，且仲有大量嘅熟食！坐埋位侍應已經俾咗生菜、泡菜同芽菜我哋，冇諗過呢度嘅泡菜都可以咁好食，而且個蔬菜都好乾淨新鮮！然後仲會有兩邊嘅爐邊蛋，就算燒成晚都唔會燶底！而我最鍾意食嘅雞軟骨呢度都竟然有！我最驚喜嘅竟然喺呢度有醬油蝦食！！醬油蝦佢個肉質都好彈牙，這個味道都好正宗入味， 自己都食咗唔少🤣豬牛雞肉方面， 除咗款式多之外而且啲肉質嘅質素都幾高，脂肪比例都啱啱好。個人覺得佢嘅鰻魚同牛舌都好好食，鰻魚肉質彈牙，而且鰻魚汁都好入味。仲特登嗌咗個青口試下，個人覺得自己燒嘅青口可能會比較好食😋海鮮方面除咗有扇貝同帶子之外，仲有生蠔！！如果上面有埋啲芝士就更加好啦🤣🤣

冇得去韓國玩，朋友又話想食燒肉，去咗食呢一間平昌，其實之前都食過，今次再食就叫另一個套餐大君set! 入邊有豬牛雞海鮮俾你揀,最特別係除咗一般燒肉放題食到嘅肉之外,仲可以揀多款韓式料理的飯同埋湯！唯一美中不足嘅地方係冇靠背椅，所以坐得會有少少辛苦，不過張凳可以打開放外套同埋私人物品，咁樣就唔會吸味，都幾體貼，店員喺服務態度都好好，幫我哋玩左幾次燒烤盤😍🙏🏻嘢飲方面平時放題好少有嘅啤酒佢都有！仲有好多韓國飲品都幾驚喜，個人最鍾意係荔枝烏龍茶，貪佢酸酸甜甜好開胃，中和返食燒肉嘅油膩感！幾款湯包括牛肉海帶湯、辣海鮮豆腐湯、肥牛大醬湯，當中最鍾意嘅就係海帶牛肉湯，有牛肉味仲有海量給咁多嘅海帶，燒肉有點膩的時候飲啖湯就最fresh ! 辣海鮮豆腐湯入邊有好多料，少辣非常開胃，兩個湯我都好鍾意！肥牛大醬湯就稍微鹹咗少少🤏配料方面有芽菜泡菜等等任加正！我最鍾意就係芽菜，小菜夾生菜同埋肉一齊食，口感好多層次同埋會冇咁肥膩！韓國料理方面叫咗冷麵同埋炒年糕，兩樣嘅配料都唔多，主要都係冷麵同年糕為主，水冷麵質口感好好，唔會好韌咬唔開，食落好爽滑彈牙，我好鐘意🥰同燒肉好夾！辣炒年糕少少飽肚，要多人share比

今時今日要搵一間唔係將貨就價嘅韓燒，真係幾難😪食過平昌一次，覺得哩度價錢唔貴又有質素，決定要encore💪今晚朋友生日，梗係帶佢食好西啦😋😋😋只係揀左個最普通嘅大君之選，就已經有蝦🍤又有帶子生蠔食，肉類都好多選擇🍗最緊要係真係好好味👍要再讚下嘅係佢地完全唔使人叫換個鐵板，職員係會定時同你換，唔會令到d野食燒到燶晒🙈，其實咁樣真係好叻，除左唔影響食物質素😏亦都覺得佢地服務好好，真係一舉兩得😜而家落order嘅食物，好快送到，亦唔覺有漏單😎絕對係推介，希望質素各方面都可以保持啦🙏🙏

限聚令終於放寬，約大食的朋友吃韓燒放題。網上找到這間店，到步後發現顧客不是一般的多，而且女士居多！讓我和朋友兩個大肥佬大飽眼福之餘又很好奇。店長幫我們量體溫和登記入座時真相大白，聽他的口音應該是真的韓國人，難怪咁多妹妹要光顧下一睹他的風采。其實店長是不是韓國人應該只是額外加分，主要還是要食得盡興。這裡的服務、食物和飲品都很優質。點菜用可循環的過膠卡片+marker，環保能的我大讚韓式前菜，泡菜芽菜和新鮮生菜。生菜夾烤肉吃能中和油膩感及鹹味，非常貼心的設計，而且又能維持均衡飲食。雖然只是最便宜的君子套餐，食物選擇也不少，還有海鮮。爐的大小恰到好處，畢竟有再大的爐，能兼顧吃和烤的人手也有限。烤爐火力十足，每次放到差不多滿，幾十秒就烤好。肉類除了豬牛雞，也有鴨胸和鰻魚，十分豐富。肉類處理方面不少都有醃製，烤好已經很夠味，可以視乎個人口味點三款不同的醬汁再調味。烤肉配啤酒毋容置疑是絕配。另外這個韓式雪條也好吃，很滑，不是一舊有味的冰。特別稱讚一下這家店的員工服務很周到和迅速，除了主動收碟，還會refill生菜和主動換烤爐！每次點菜也超快到，絕不會有某些自稱韓式炸雞放題店員工叫極唔理詐看不到的情

好耐冇好好享受過韓燒啦!!今晚放工同最愛衝出旺角，誓要飽吃一頓，就簡左位置非常方便，係兆萬商埸13樓既<平昌>韓式燒烤，因為見餐牌都係$198起就有任燒任食任飲，當然要試下啦!!~餐牌分左以下三個御膳，由於我地好想試多幾款高質牛肉，所以我地就選擇左中間價位＜世子御膳＞個款。大君御膳: $198世子御膳: $278國王御膳: $378前菜有生菜，芽菜，泡菜，而且仲有爐邊蛋，可以任添任食。必食牛類有LA牛排、牛肋骨肉、照燒肥牛、牛肉眼、牛前胸腹肉，全部都牛味夠，肉質不錯，juicy好食。T骨牛扒非常大件，但要注意不要燒大耐，輕輕燒兩面已經充滿肉香，油脂夠，牛味濃。其它超好食推薦有豬五花腩、薄切五花腩、照燒薄切五花腩、石蠔、魷魚、虎蝦、扇貝、鰻魚。全部既食物質素都用上靚材料，感覺高質。海鮮類夠新鮮，肉厚鮮甜，沒有雪味。尤其燒鰻魚特別肥美好食，輕輕一燒，已經非常好味，肉質夠曬厚，而且非常彈牙，係必食之選。另外仲有香草五花肉、護心肉、雞軟骨串、虎蝦、帶子、青口都一定不能錯過。就連熟食嘅炸蝦天婦羅、芝士丸天婦羅、炸雞都好好味，即叫即炸，夠曬脆口。大大隻金黃天婦羅炸蝦吖!!~餐廳晚上

見疫情冇咁嚴重，放工就同老婆去旺角睇吓有咩好嘢食，行到兆萬中心樓下就好多人派傳單老婆就話想試韓國燒烤咁我哋就試上去。上到去全場已經滿座，好在我哋啱啱即刻有位唔使點等我哋點了大君set，好多選擇。辣味五花腩，睇落好新鮮。肥牛燒完好好食大蝦生蠔非常新鮮，食落口非常鮮甜爽口呢個韓國粉絲軟硬適中，唔會好似出邊啲粉絲好鬼un.燒牛舌非常香口，好脆。帶子牛仔骨菇茄子全部都好好食，生蠔仲要非常大隻炸蝦燒雞翼非常好食雞翼係有醃過所以唔會好淡味嘩你睇吓啲五花腩金午餐肉全部都好新鮮色澤好均勻，豬頸肉同芝士腸都唔錯LA牛扒同調味烤肉真係一食就知道係靚牛肉會唔會好多筋。依度雪條都有得任食，韓國雪條一定要食哈密瓜同芒果味啦。

平昌網址: https://地址: 旺角西洋菜街1號兆萬中心13樓電話: 26121682$128 中午一位任燒任食韓燒，有90分鐘但時間其不夠有牛豬雞同海鮮，泡菜得兩款都係比較失色，幸好泡菜夠辣我鐘意薄豬肉片好味，經過調味有醬汁但厚身的肉片係未鮮凍，成塊肉都是正到冰硬的，有熟食，要了豬肉泡菜湯，酸酸辣辣又有豬腩肉粒，開胃炒年糕竟是冷的，不好吃👎放了很久飲品選擇唔算太多.......加要服務費的一人$150其實肉與一般，我努力支持黃店，但好多質素都平平

我地book左12點lunch，12:21分去到話我地遲到無得入去食. 我真係第一次聽遲到10分鐘就唔俾入去. 同埋無任何人話我地知有呢個policy重點係我地見到好多吉位我地問係咪有walk in 用左我地table佢又話無真·黑人問號一肚氣我地book左12點lunch，12:21分去到話我地遲到無得入去食. 我真係第一次聽遲到10分鐘就唔俾入去. 同埋無任何人話我地知有呢個policy重點係我地見到好多吉位我地問係咪有walk in 用左我地table佢又話無真·黑人問號一肚氣

晚市都冇嘅日子𥚃回望，發現食餐好嘅係幾咁奢侈😢決定下筆記錄一下個多月前嘅晚餐...好幾年冇食過韓燒，未到埗已經流哂口水🤤今次由朋友帶隊，位於兆萬的平昌地點非常就腳，難怪晚晚都爆滿！一踏入餐廳門口，人聲鼎沸氣氛不俗，餐廳燈光佈置都頗地道，短短兩個鍾可以ff當自己去左轉韓國😂紅色圓筒櫈掀起坐墊可用作放隨身物品之用，容量夠大好方便，當日帶住一個手袋加環保袋都絕對夠位。.正當我仲係大鄉里左望右盼之際，朋友已經選定大君套餐(友人表示貴嘅menu差價太多係度食唔抵😂）menu望左兩眼，肉類選擇都夠多算係咁。飲品櫃有兩個，諗到的烏龍茶/忌廉鮮奶/汽水都有，大君套餐中除燒酒要加錢之外其他一律任拎。.餐廳上菜速度好快，轉眼就擺到滿枱都係朋友：開餐啦仲影😂😤食到入口，肉質都可以，呢個價錢都唔會expect食到嘩一聲嘅肉。熟食就有進步空間，海鮮餅食到成口油有點怕怕......好多人仼食怕飯麵飽肚唔抵，但韓燒中嘅水冷麵絕對係畫龍點睛！一凍一熱爽死，冷麵同雪梨又解膩，一啖燒肉一啖冷麵係人生一大享受🤤坐足全晚埋單每人$220，一個價錢任食唔洗就全就住，非常盡興。.就韓燒而言，韓韓館係我心目中始終係第一名，小至爐邊

一班人約咗5:30嗰個時段，好似話嗰個時段有折扣優惠👍燒肉係任叫嘅，任食來講個質素算係咁😃肉質ok, 醃料味道都做得好入味⋯⋯另外佢仲有其他熟食可以任叫，好似我就叫咗個水冷面，辛辣麵，炒粉絲，炒年糕，同埋一個煎薄餅。佢熟食嘅味道其實同出邊啲韓國餐廳嘅味道唔係差太遠。出邊街單點都要每款幾十蚊，所以其實性價比係非常之高。埋單一個人都唔需要$200❤️，仲有好多款飲品都係任飲，其中仲要有啤酒添😝😝😝

疫情關係，去唔到韓國，但朋友介紹哩間平昌韓國燒烤，無論裝修、餐具擺設都令我地好似去左韓國食地道韓燒咁，疫情期間餐廳已經有齊隔離設施、搓手液提供。燒烤板亦同韓國一樣，有烤蛋漿，每次食完，「餓巴」好快又會幫我地倒滿，蛋香濃滑，食極唔厭。肉類方面，調味梅頭肉片、LA牛排真心推薦。本身餐廳已經有一盆生菜、韓式辣醬提供，生菜夾雜梅頭肉片食真係絶配，而冇調味既薄切五花腩、牛舌等，燒熟後加上鹽、蒜片都一樣好味。除左肉類，亦都有回本既海鮮，石蠔、虎蝦、扇貝、調味鰻魚。虎蝦少有咁大隻，蝦肉實淨彈牙，扇貝鮮甜、鰻魚估佢唔到咁樣用韓式燒烤係咁好食。另外亦有熟食供應，我地就試左韓式海鮮豆腐湯，湯頭鮮甜，如果配上一碗白飯真係一流，可惜已經食唔落。

任飲任食的韓燒都可以好高質。韓燒套餐有幾個價位可以揀，我地今次揀左最基本的大君御膳。基本的配菜有泡菜生菜同埋豆芽都係任添的，泡菜都幾辣下，用黎包住燒肉一齊食。爐邊蛋都係任添的! 成間餐廳的裝潢都好有韓國風味。LA 牛排，牛肋骨肉，辣汁肥牛片全部都啖啖肉，係任飲任食的韓燒的上準之上，醃肉都醃得入味得黎唔會好咸。海鮮有扇貝同石蠔，扇貝都幾大隻下，食落啖啖肉。最鐘意食蒲燒鰻魚同埋燒鯖魚! 蒲燒鰻魚的燒汁係鐵板上燒過後，外脆入面熱辣辣又鬆軟。雞串燒用燒汁調味後帶甜甜的醬汁味。厚切五花腩的肥瘦適中，燒到外皮酥脆後再剪開用生菜包住食，油脂甘香。最值得讚既係，餐廳完全冇漏單，平時成日食任食放題，食到之後個幾轉都會漏單! 

While I had a good experience, I personally would not revisit the restaurant. The beef quality was a bit surprising and the wait staff were not exactly the most friendly beings. However, I commend that they provide a huge variety of choices, and that the overall ambience is not too bad!

冇得去韓國旅行，又好掛住韓式燒烤，所以今日即興去試間韓燒。之前係網上見到介紹平昌，食物又幾吸引，所以就決定試下。餐廳位於旺角旺區，交通方便。一上到去，好不熱鬧，門口已經有很多年輕人等位。其實燒烤陣味都幾大㗎，如果介意身上會有太大燒烤味的話就要諗諗呀。我地就唔介意嘅，咁先夠風味吖嘛😝放題有幾款選擇，我們點了大君御膳，有齊豬牛雞海鮮，還有熟食選擇，都足夠了。先來幾款海鮮，虎蝦大大隻，彈牙，扇貝啖啖肉，🤤蠔肉就略嫌細隻左少少。魷魚煙韌帶嚼勁。雞串燒調味不錯，放在烤碟上煎一煎更好味😋海鮮蔥餅，雖賣相普通，但味道都不錯的牛肋骨肉，辣汁肥牛片，照燒肥牛片，牛舌牛味濃郁，油脂均勻，讚！豬頸肉肉質爽脆，五花腩甘香可口，配照燒汁更惹味。LA 牛排，調味雞翼，茄子，雞髀菇牛排厚切有口感，肉質軟腍，雞翼味道正常，肉質嫩滑。最後再來一個熱辣辣的肥牛大醬湯暖下胃，味道濃郁帶鹹，金菇爽脆，豆腐嫩滑。幾個朋友圍爐嘻哈一晚都幾開心㗎！