平昌

營業中

休息中

呢間燒肉十分經典😆因為佢長註係兆萬嘅時間非常之耐，而且打破咗兆萬嘅餐廳都係唔好食呢個傳說🤣🤣呢度嘅韓燒除咗有燒肉之外、仲可以叫熟食😋最令我懷念嘅就係爐邊蛋～通常我都會剪碎啲泡菜加落去！超級好味😍-佢嘅肉質素都相當唔錯，可以見到肉類嘅紅色都十分紅潤🥳以放題黎講都可以話係💯分😉同埋佢嘅海鮮，包括蠔、蝦、魷魚、扇貝等等都唔會話食到好唔新鮮嘅感覺😋同埋熟食方面～我自己就最鍾意水冷麵😍因為醬汁調得好好味，而麵條都好煙韌👍

以前中學同朋友聚會最鍾意就係食放題同埋韓燒，咁啱最近同啲中同出街，諗住一齊回味一下中學嘅時光，所以揀咗嚟食呢一間平昌韓燒。餐廳環境唔算好華麗，但好有韓國燒肉餐廳嗰種熱鬧嘅氣氛，所以氣氛都唔錯！餐廳有提供唔同嘅set，分別有大君御膳和世子御膳，大君和世子的分別就是價錢和食物種類的不同，由於我哋都唔算好肚餓，所以我哋就揀咗較平嘅大君御膳，雖然冇世子御膳咁多嘢食，但係相比其他韓燒店都算種類繁多！有唔同嘅肉類（豬、牛、雞、羊）、海鮮和蔬菜，最值得欣賞嘅就係呢一度都有提供好多唔同嘅熟食，十分適合啲好懶又或者唔係好識燒嘢食嘅人，而且大部份嘅熟食都好好味，可以媲美出邊嘅韓國餐廳。最後我哋四個人埋單$959，都唔算太貴， CP值幾高👍🏻👍🏻

今日平日嚟到呢間韓燒餐廳，出乎意料地都幾多人，睇嚟都幾出名！呢度裝修幾靚，有去咗韓國嘅感覺，牆上面嘅油畫都好有韓國嘅特色！🇰🇷🇰🇷今日食佢嘅大君御膳，$218 一位，今次都order咗好多肉類、海鮮同熱食，整體質素都唔錯，有幾款嘢食特別好味，想share一下🤪————————————————————調味烤牛肉🐮醬汁係甜中帶鹹，肉質軟腍，食落有牛味，唔會好heavy，所以encore咗幾次🤣。豬肉五花腩🐷油脂同肉嘅分佈均勻，燒完之後有油香，表面有啲焦脆，包住佢俾嘅生菜嚟食就可以中和油份，加埋佢個甜辣醬就更惹味😋。牛舌 🐄 👅 燒完食落香脆有牛味，食極都唔厭🤤芝士魚腸 🧀 🐟 咬開脆皮後食到魚肉同好香嘅芝士，之前都未試過呢一隻腸，有驚喜!😛。半殼石蠔 🦪蠔幾大隻，食落有鮮味😙牛肉海帶湯 🍲 海帶湯有鮮味，海帶份量多，好飲!👍🏻。水冷麵 🧊 🍜 麵條好煙韌，有酸蘿蔔同青瓜做配菜，一啖肉配一啖肉，一流！。呢度有嘢飲任飲，唔怕食到口渴！呢度材料幾新鮮，熟食都煮得唔錯，$218加一可以食2個鐘，其實都幾抵食！大推！😆

約既時候無講冷氣壞左一部，全個過程食得好辛苦，好熱，我哋揀左個好似298定300一位，啲肉唔好食 ，嚟既時候好紅，好重醃料但無味，有啲紅到燒完都唔知熟未，選擇算多但肉唔新鮮，同朋友食左一轉就無再叫，係豬皮食得下，醬油蝦一般，整體感覺不太好，應該唔會再選擇🥲

收工突然間想食韓燒，又唔想食甘貴，朋友就帶左我黎呢間食。位於旺角兆萬中心，地點方便。不過估唔到平日7點上面已經接近滿座，全部都係年青人，睇黎真係好受年青人歡迎。我哋叫左大君御膳，一個人係$218再加一，呢個價錢任食任燒任飲黎講，真係好抵。如果你想食好啲，又有budget就可以食高一級既世子御膳，呢個應該係可以食靚啲既肉同埋多啲款，我就無去研究過😅一坐低兩話不說先叫左熟食，因為太餓既關係，叫左吉列炸蝦，海鮮煎餅，炒年糕，水冷麵，海鮮豆腐湯同埋辛辣麵。其中，海鮮煎餅，炒年糕同埋水冷麵叫左三次😂😂因為真係好食。肉方面比較出色既有牛排，調味豬梅頭片，豬梅頭肉，辣汁薄切五花腩片，調味雞腿肉，同埋雞肉串。另外，佢仲有雪條（不過款式唔算好多）同埋嘢飲（款式都唔少），不過呢個價錢來講性價比已經算很高👍🏻

.位於旺角兆萬中心既平昌韓燒放題，侍應都係Oppa黎，裝修都好有🇰🇷地道風味。.我地揀左世子御膳Set，可以嗌埋大君御膳Set既野食。.一開始Oppa會加蛋漿係鐵板，仲係無限添，好滑呀！.然後就叫左d熟食小食，多數韓國餐廳有既菜式湯鍋都有，連醬油蝦都有！仲要醬油味道咸淡剛好、蝦又新鮮冇腥味；炸物方面有一口炸芝士、脆炸雞翼，雞翼好有韓風！嫌唔夠健康？可以揀八爪魚刺身沙律，食下沙律菜。.而燒烤既肉類選擇多而質素好好，推介牛前胸腹肉、LA 牛排、辣豬腸、豬五花腩；.五花腩肉係韓燒一定要點，厚切肥瘦均勻五花肉，切成細段加埋微辣麵豉醬同生菜包住食最正。.仲有海鮮如帶子、魷魚、扇貝、虎蝦 同埋我最鍾意既雞軟骨串.唔少得韓國飲品任飲，適合同幾個想食韓燒既朋友黎聚餐，不過要注意唔好著白色衫同吸味既衫褲袋，因為食完會一大陣濃烈韓燒味。

話說近排都食得多日式燒肉, 又係時候轉一轉口味, 食韓式燒肉, 掛住泡菜+爐邊蛋+生菜包肉尼間韓燒坐位於勇者塔兆萬中心😂，成日聽人講兆萬無野食好食架全劣食😅，但尼間聽朋友講D 肉醃得幾好味🤔決定一試✨前菜泡菜好入味, 酸酸地幾開胃, 但就少少辣, 芽菜就非常好食, 直頭勁快食完一碟要店員再添一碟✨泡菜豬肉湯泡菜湯超級熱辣辣, 影相嗰陣仲要出哂煙, 唔算好辣, 蒜味超重, 味道正常, 餡料非常多有豬肉、豆腐、泡菜仲有金菇✨LA牛排, 辣味五花腩牛排個醬超好食! 番CHECK左幾次, 但有一兩舊肉就韌左dd, 五花腩肥瘦均勻, 瘦肉亦唔孩, 不錯不錯, 但個辣味汁就唔太特別, 轉頭嗌番普通五花腩, 加生菜食就perfect✨調味烤牛肉, 照燒味肥牛片, 調味牛舌烤牛肉同肥牛片係食得最多既兩款, 可能因為佢較薄可以瘋狂燒haha而且個汁都惹味, 至少牛舌就有d韌, 食左兩輪就無嗌lu✨蠔+扇貝+鰻魚由於個爐唔算大所以都係燒兩隻過下癮, 味道就正正常常, 我會偏向燒肉多D, 鰻魚燒果陣就好易痴底, 但個味道都不錯仲要如果嗰爐燒到燶哂，店員會主動幫你換的👍🏻✨海鮮蔥餅其中一款我最鐘意既韓式小食,

旺角 平昌📍前排收工經過旺角就泥左呢間食韓燒既店鋪，今次我就簡左大君御善 價錢係$198 一個人🙈按人頭計算， 係任飲任食既。好多人去食💓💓💓.#記得要book位。我地7點食到9點😋😋😋食物選擇和質素方面，我覺得肉類選擇都多，有豬有牛有雞，三款肉要在比較之下，今次我會特別推薦佢地既雞肉，燒完真係味道好出色🤩個醬好香口，正🐷！另外，海鮮既選擇都好多，有蠔有蝦有帆立貝等等✅而且仲會有好多韓國款式既湯品 飯 同冷麵等選擇🤭 泡菜海鮮湯好正🤣整體而言，我覺得呢個價錢，佢地既食物質素係超值，有驚喜😜😜👍🏻唔怪得有甘多人去食😀服務方面，上菜上得快，但係服務態度方面覺得可以再好d🙈平昌📍油麻地站A2出口 兆萬中心13樓

約左朋友平日晚上食韓燒，好彩有提早訂位，如果唔係就有排等啦😹因為好耐冇食韓燒，所以今次主攻燒肉，冇特別再叫熟食（雖然熟食都好似幾吸引）海鮮類。 7/10叫左帶子、石蠔、魷魚同燒鰻魚。最推薦帶子！幾滑幾清甜。石蠔同魷魚就要靠醬汁搭夠。燒鰻魚平身已經調好味，只需燒返熱佢就食得，所以味道正常。八抓魚沙律。 8/10份量都幾多，兩個人啱啱好！而且沙律菜幾新鮮👍🏻牛肉。 8/10叫左牛舌、牛肉眼、T骨扒、前胸腹肉……..大部分都好好味😋厚薄適中，唔會燒燶！T骨扒好厚好大塊，但好考技巧燒，好易燒到太熟。雞肉。 8/10最好食係烤雞肉！預先醃製，好夠味，肉質好滑！而且容易燒，快熟～反而雞腎串就好易燒燶豬肉。 8/10護心肉同五花腩都有叫到，而且質素唔錯，唔會太肥膩飲品。 8/10除左燒酒之外全部汽水、茶、啤酒都係任飲汽水係韓牌熱門汽水好抵食！

一直喜歡到呢間韓燒，兩年前嚟過之後就係尋晚。之前嚟都仲未轉放題，尋晚三個人訂咗八點，叫$198放題。食物：肉類同熱食選擇算多，都好食，上得快。但菜嘅選擇勁少，只有生菜、茄子、杏飽菇。環境：一入到去油煙味勁大，抽風好似無以前咁好。服務：之前都覺得侍應好nice，但今次，雖然唔算無禮貌，但無論做乜都唔講嘢，無喇喇放咗把大風扇喺後面對正我哋吹又唔出聲，叫佢轉向第二個方向吹，就咁郁一郁就走咗去，無言。唔會再幫襯喇

喺旺角勁肚餓 第一時間就諗起兆萬😹今次我地決定試下任食兩小時嘅平昌韓燒🇰🇷呢度充滿地道韓國風情 仲有好多韓國食客添!-餐廳有三款套餐 我地揀咗中級嘅世子御膳($278)佢比平啲嘅大君御膳多咗幾款高級嘅肉類🥩例如肉眼扒 牛前胸腹肉同香草五花腩等等我地最鍾意嘅係牛前胸腹肉 嫩滑且重牛味而大君包含嘅調味烤肉亦都好滋味其實姐係日常食牛肉炒粉絲嘅韓式烤牛肉🤪而鴨胸 帶子 烤雞肉都係比較推介嘅燒烤食品😼-呢度仲有多款熟食提供 都係任食架!一定要試安東燉雞 雞肉超級嫩滑入味🐤醬油蝦都好唔錯 配上甜甜地嘅醬油 yum🦐最後飲埋肥牛大醬湯 暖笠笠好濃郁🐮

疫情下無得去旅行，唯有周圍去食下唔同國家既菜式，頂住檔先~今次同朋友去左食燒肉~一上到餐廳已經覺得好有韓國燒肉既感覺～仲有好多oppa店員 🇰🇷👦🏻👦🏻佢地提供燒肉放題 ，我地決定豪D叫世子set，有多D食物選擇～🤤一坐低，店員奉上kimchi同芽菜~再係爐邊加蛋~熟食/冷盤醬油蝦好新鮮入味~推介！海鮮湯辣得來好鮮甜，入面有魷魚，蝦，蜆，豆腐，金菇燒烤食物🐷🐮🐔肉類T骨扒 牛胸腹 護心肉 牛肉眼 牛舌 辣雞肉肉類選擇繁多，推介T骨扒，大大塊，燒好再煎開，包生菜食一流~🦐海鮮類蝦 魷魚 帶子海鮮都好新鮮~樣樣都好食🥦蔬菜類雞髀菇 最鐘意食燒雞髀菇，燒完稔甜又多汁！仲有無限飲品，加錢可以有埋燒酒放題！

大君套餐個人最愛薄切：辣汁白切五花腩片及肥牛片，照燒薄切五花腩片及肥牛片。首先因為薄切，唔需要烤太耐，然後肉片好入味，基本唔洗點醬汁。係咁多野食情況下，我地薄切每款點左兩轉，可想而知係幾好食！LA 牛排： 入味，肉香濃鰻魚： 唔多地方有得食，烤到脆脆，甜甜地，無骨，好好食。牛舌： 簿切，易烤，好有咬口，唔羶呢度食物真係好多選擇，除左生野，仲有熟食，仲要質素都唔錯！例如：海鮮蔥餅：煎到香香脆脆炒年糕：年榚QQ，又辣，食到好過癮呢度爐邊仲有得烤蛋，係等肉熟既期間都可以食下！甜品就有4款雪條，飲品選擇都多。呢度服務都好好，見烤板少少燶就會即刻幫你換！今晚食到好滿足，係旺角區中，平昌真係做得好好！

晚市有兩款套裝可以選擇： 世子及大君比較待別兩份套餐的食材都沒有重複。好可惜要兩選一，唔會可以both 最後選擇了世子set ，因為好想食豬皮。因為好少放題任食的韓燒包豬皮的！基本肉類都叫過黎食，質素都好好！22款雞豬牛內，我覺得有9成都好好食，推推香草五花肉，香草好香五花肉又肥瘦均衡。豬皮一定要提：因為烤完會好QQ;護心肉：油脂少，爽口；T骨牛扒： 超大塊世子仲包3款海鮮：帶子，青口及油蛤。熟食都13款選擇，烤到累，可以直接叫熟食食😛環境好接近韓國既韓燒店，通風都ok ，服務都唔錯，店員好快會幫你換燶左的烤板。甜品有4款雪條。

早幾日同朋友去旺角食韓燒, 因為我地兩個唔係大胃王, 所以揀了大君價錢.餐廳都好環保, 客人在紙上寫上食物編號及數量, 便可以交給職員.張紙係過咗膠, 可以循環再寫 點完食物, 之後繞場一周, 去攞飲品, 有汽水, 檸檬茶, 烏龍茶等, 仙草爽係我至愛.圍住燒鍋周邊係蛋漿, 熟咗之後可以食, 非常滑. 豬牛雞魚扇貝樣樣有, 味道適中.石頭鍋飯, 熱辣辣, 飯焦好脆好香口.仲有金黃香脆嘅海鮮蔥餅, 我哋 encore 咗一次.鰻魚唔係日式專有, 睇下幾肥美.炒年糕有少少辣飲咗 2 罐仙草爽都未夠喉, 加多罐忌廉溝鮮奶才滿足.我要介紹下張櫈, 揭起個頂之後係可以將個手袋放入去, 認真安全