平昌

營業中

休息中

第一次嚟哩度食烤肉，openrice訂座最少要3位，因為係夜晚定食哩間，所以我哋兩個人就直接訂3位。當日下午四點幾去到只坐住3.4張檯，仲有好多位，出到lift行到入去企咗成分鐘先有個男仔嚟接待，聽到我哋喺網上訂咗3人位就黑曬面話：下次2人要打電話訂位！好啦！明明大把檯係都要安排我哋坐墙邊路邊嘅狭杂位，算！落單全程黑面，唔想食個飯背脊骨落，換咗叫個小姐姐落單，態度好好多囉！講翻食物質素，我哋係點世子套餐，真係麻麻哋，牛無牛味，肉質又有啲韧，食到癡牙唔會再幫襯囉！

六點半食到八點半,食到成肚火。首先,佢哋落單係用過膠硬卡紙。環保來講係好嘅,但最唔好嘅係一台得兩張落單卡紙。 職員收咗你嘅落單卡紙,係唔會主動畀番張新嘅你。用咗兩張落單卡之後,你每次落單,都係要舉手,等個職員見到你,先再過嚟你度,畀番張新嘅落單卡紙畀你。 大佬,我係畀錢嚟食嘢。想落單使唔使下下都要你個職員畀張單我先可以落呀。 即係點呀。我要落order食嘢,係要經過兩重步驟。要你個職員施捨張落單紙畀我,我寫完要咩食物,再要你個職員見到我舉手,再行過嚟收張落單紙,跟住再等你送啲嘢食嚟,咁先有得嘢食。如果你想環保啲嘅,你咪先進啲用qr code落單囉 ,使唔使用呢啲方法令到啲客食嘢嘅時間少咗咁多呢?你話就話食兩個鐘 。你咁樣搞法,一個鐘嘅食嘢時間都唔知有冇。講到張落單卡紙都幾搞笑。你哋要顧客寫食物編號同埋數量。但其實你哋係唔會畀寫好既數量顧客㗎囉。係按人頭嚟畀個份量你哋 。你兩個人,就算你寫十份,佢都係畀得兩份你。咁不如你就唔好畀個份量人哋填啦。嘥鬼氣!同埋最唔滿意嘅係,你啲職員喺顧客燒緊嘢食嘅時候,就擅自隊埋嚟換鐵板 。其實咁樣做係好冇禮貌。職員係唔會問你需唔需要問鐵板,就直成支鐵隊落嚟

食 韓燒 又想抵食而且仲有我最愛 醬汁蝦 ❤️梗係去旺角 平昌 食，今次就同朋友一齊食食世子御膳，每位$298再加一世子價錢係可以食到世子+大君所以勁多選擇👍🏻二話不說當然叫返個醬油蝦，蝦鮮甜又爽，醬汁味道濃郁，麻油味又夠香，當然任食就食多幾隻啦，即時覺得值晒個價錢待應之後就倒了蛋和前菜都來到，沒想到個T骨牛扒會差不多成個爐咁大，燒完都幾軟熟，而朋友就喜歡這裡的牛舌和調味牛舌，薄身易熟而且幾軟熟勁惹味有辣調味豬頸肉，香草五花肉香草味都夠燒完又脆脆的夾生菜再加泡菜食最正。雞軟骨串和雞腎串都好新鮮而且好爽口。胸腹肉，牛肉眼，帶子和蜆在世子餐牌就有，2款都幾大隻幾鮮甜熟食都有不少❤️我哋就叫了幾款，水冷麵凍凍再微酸，岩晒食烤肉中段清一清。生牛肉石頭鍋飯不會太多剛好，如困多點焦感更好，但都味道不錯配料同生牛肉都不少。想少少辣食炒年糕最岩，仲有這裡的豬軟骨同燉雞煮得好淋身又惹味飲品在外面取選擇不少，而且又夠凍。待應服務態度勁好，見個爐有點燶就會幫手更換同執桌

朋友想食韓燒，我記起上個月同屋企人食既平昌唔錯，就帶朋友再次幫襯是日只係星期四平日夜晚，但餐廳好快已經full house，如果大家係晚餐時間黎食，最好都係book 定位呀同朋友今次要左較平既大君御膳，有齊牛，豬，雞等不同肉類，仲有蔬菜同熟食等野飲方面都幾多選擇，唔止有汽水，仲有韓式飲品如蘆薈汁，忌廉溝鮮奶和sparking water 等一坐低waiter哥哥已經serve 左泡菜同芽菜，仲加埋爐邊蛋☺️因為有d餓，所以一坐低就同朋友叫左水冷麵同牛肉海帶湯，餐廳上菜超快👍🏻水冷麵酸酸地好開胃，不過略嫌唔夠凍🥺朋友既海帶湯超大碗，可以同朋友share肉類燒得身都快熟，而且全部都醃得入味，燒完個邊脆卜卜，肉又不失嫩滑

今日好熱，但都擋唔住我食韓燒嘅熱情環境：有d迫，但勝在唔會焗熱服務：大多數都係年青人，正常服務，無咩特別食物：泡菜好食 牛肋排好韌，但醃得好食 調味牛肉好食 牛舌豬肉仲有冰渣未解凍夠 熟食就正常，都好食整體嚟講算唔錯，會再嚟試晚市放題

坐低後，店員好有效率送上醬汁和配菜，同埋加蛋漿，正所謂時間就係金錢，值得嘉許揀左較高價錢既世子御膳，食物種類當然會多d，所有肉類都鎖得住肉汁，燒完一d都唔乾身，仍然保留到油脂既香味，有幾款我重覆追加order，分別係雞軟骨、雞腎、謢心肉、辣五花肉，豬頸肉、鰻魚、牛舌，第一次食謢心肉，原來肉質軟淋最夾生菜一齊食，加埋爽口泡菜，口感更豐富醬油鵪鶉蛋，用醬油浸住蛋好滑溜，裏面亦好入味韓式煎餅，仍然係熱的，相信係即叫即做，蛋味濃，表面帶少少脆口豆腐湯，豆腐香滑，吸收晒湯既味道水冷麵，主要將麵、配料、醬汁撈勻，麵既質地有d似喬麥麵，醬汁望落好鮮紅以為好辣，其實唔太辣，味道較得岩岩好，而且凍食確實透心涼，好岩夏天食

每次食燒肉都會選擇這間「平昌」無論裝修及環境都有韓國格調，大部份服務員都係韓國人，感覺好似置身在韓國一樣。價錢方面餐廳有兩款選擇，大君御膳同世子御膳，最後我們選擇了世子御膳$298加一，可以試晒咁多款韓國美食。入座後店員為我們準備邊爐蛋，芽菜及泡菜。牛肉醃製方法及種類有很多，有牛前胸腹肉、T骨牛扒、牛肉眼、烤牛腸、照燒肥牛片、調味烤牛肉、牛舌和牛肋骨肉等好多選擇，牛肉色澤新鮮，肉味香濃鮮嫩，亦都可以試到不同嘅調味，好好食😋雞肉同豬肉都有十幾款，豬肉肥瘦適中，燒了一陣油脂滲出，好香口！海鮮亦都好吸引，有扇貝、海蝦、生蠔、魷魚和鰻魚。扇貝新鮮清甜，蠔肉雖然細細粒但亦都好鮮甜。餐廳除了燒肉仲有大量韓式小食，有醬油鵪鶉蛋、海鮮蔥餅、炒年糕、水冷麵、石鍋拌飯、湯類、芝士餅和醬油蝦，多到數唔晒，好有韓國口味。餐廳整體服務及食物質素都不錯，下次都會再嚟幫襯！

食物種類不算多 但呢個價錢真係好抵食海鮮 牛 雞 豬 熟食有 湯 海鮮餅 年糕當時嘅時間有小小多人 不過服務都幾好好貼心咁主動幫手換爐同加蛋上菜速度好快如果飲品種類多啲會更好！（果汁系列？

食過返尋味呀，呢間平昌韓燒店，之前都有試過一次，幾好食😋雖然張凳就坐得冇咁舒服，不過勝在上菜好快，而且唔會甩單款式方面都有好多唔同醃製嘅肉類、海鮮、蔬菜等等而且仲有小食天，例如有炒年糕、炒粉絲、吉列炸蝦等等最正嘅係豆腐鍋呢一啲都有啊飲品就自己任攞呢個醬油鵪鶉蛋，第一次試…同想像中唔同，唔係流心嘅蛋黃，但醬油醃製又幾好食喎豬肉方面，叫咗豬頸肉同埋豬腩片，兩款都幾好食，唔會有一陣酥味海鮮就值得一提啦，蝦、扇貝同埋生蠔都好好食，扇貝雖然細隻啲，但係好在係任食，拎多幾隻就可以啦。燒鰻魚，建議再放喺爐上面燒一燒，更加鮮甜脆口。雞類嘅食物都唔錯喎～醃料唔會太重，食到雞味。仲有爐邊蛋呀，鍾意食泡菜嘅朋友，可以試吓剪碎啲泡菜放喺蛋汁度

今晚在旺角食了一個超受歡迎的🇰🇷韓燒😋平昌真是好受歡迎，13樓一出𨋢，都是等位的後生仔女，即使今日係平日的夜晚，都咁受歡迎，星期六日應該不得了，建議都是預先訂好位，不然的話餐廳真是想做你生意都做唔到。😂😂餐廳牆壁有好多韓式卡通，仔細留意都好睇喎正正我果枱就在呢幅下面個爐在中間有抽氣的，而我們的位都好好，旁邊窗仲睇到西洋菜街對面的樓景凳可以揭開蓋放袋入去，咁個袋就唔會搞到成陣韓燒味啦😉平平地我們揀左大君御膳放題，都已經好豐富睇左Menu點了想食的熟食同埋燒肉，係咁寫在呢塊版仔上面再交比店員落單詳細的大君御膳食物我都upload左在餐單度。坐低後店員都在枱面放了前菜，芽菜、泡菜、生菜（之後可夾肉一齊食），另外有三樣醬料：分別係燒汁、微辣麵豉醬、麻油鹽。食了一波又一波食物有牛（牛排、肥牛片、牛舌、牛肋肉）、有豬（五花肉、豬頸肉、腩肉片）、有雞（雞柳、雞翼、雞肉串），仲有各種醃製過嘅肉，海鮮就有扇貝、蝦、生蠔、魷魚，另外爐邊蛋幾唔錯基本都好好食😋熟食方面，我食左唔少，都值得叫既有炸蝦天婦羅、鵪鶉蛋、水冷麵、辛辣麵、薄餅、蕃茄沙律。飲品都有好多選擇，至少7、8種野飲😙😙今餐韓燒黎講真係唔貴，人均

疫情期間不能去旅行，常常很想念韓國的食物！特別是韓燒最近同老公一起去旺角行街經過兆萬中心，想起這裏很多不同的菜式及餐廳，之後見到有呢間韓國餐還可以食燒肉放題，所以便立刻入去食菜單上有好多不同部位牛豬雞肉、海鮮及韓國不同的小食，而且還有很想念的爐邊蛋、辣泡菜、辣年糕、韓國公仔麵…所以最後選擇了大君御膳套餐$218一人再加一，放題來說真的很便宜很抵食而且餐廳用環保的方法可以不停重用落單版，手寫落單及填上合適的份量，既方便又不會浪費食物。每次點菜後送餐速度都好快，而值得欣賞的是燒肉的時候，每次旁邊侍應見爐的鐵板開始有燒焦的情況時，仲主動幫我們更換鐵板，不用每次也花時間請侍應幫手及要等，服務相當唔錯！生菜還可以不斷refill包住肉食，真的很棒！我同老公就覺得調味豬梅頭片、牛肋骨肉、牛舌、老虎蝦同鰻魚最好味！不繼燒燒燒，食到好飽好滿足而且餐廳地方好大坐得好舒服，而且飲品任飲，抽風也不錯附近好多人與一大班朋友一齊食，下次都找朋友們一起再食

旺角嘅平昌，一出𨋢就有幾個oppa 招呼，非常有善，裝修都好韓國feel😃，真係好似去左韓國食韓燒咁，枱與枱之間都格得幾開嘅，唔會有迫夾感覺。打開點食物餐牌，豬肉、牛肉、雞肉有好多不同部位，而且亦有已醃、未醃選擇，海鮮有蠔🦪，扇貝、虎蝦、鏝魚、魷魚🦑等等；熟食選擇唔算太多，但最令我驚喜係有石鍋飯，呢個真係唔會度度食燒肉放題有得食嘅。飲品就放係凍櫃都係任飲嘅。坐低店員好快送上一籃生菜🥬、泡菜、大豆芽呢幾款前菜可以添加。之後店員將蛋液灌落鍋邊，好快就已經熱至凝固，但最佳時候食就要等到個底開始微微結蕉、入口非常非常香口。第一輪拿拿聲點幾款我必食嘅肉類同海鮮，牛舌、牛仔骨、虎蝦、扇貝、生蠔全部係我最鍾意食嘅；啲肉質地唔錯，蘸點埋醬汁更惹味，海鮮我最鍾意虎蝦同魷魚，虎蝦好新鮮，又唔洗燒好耐，啖啖肉好爽彈，呢個叫左幾轉😋。再點已醃好嘅肉類，辣調味烤牛肉好正，燒完用生菜、泡菜包住一齊食，好有韓式風味👍🏻⋯⋯辣海鮮豆腐湯同豬肉泡菜湯都係推介，用石鍋上，可以keep住熱度，而且好夠味，用料都好多；石鍋飯係推推推介，呢個價錢居然有石鍋飯，真心抵晒，飯係用珍珠米，粒粒乾爽圓潤，飯面雖然係鋪上一啲好普通嘅配菜

長知識 任食放題唔洗叫貴果個餐就最抵食三五成群一齊去韓燒，朋友教唔其實最抵係食$238果個plan 牛肋肉最重牛味，重點可以喪食牛舌👅連海洋生物都有，仲想點先啤酒都唔洗加錢係迫啲咁啦，但好有氣氛🤩上菜又夠快推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7.5⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐️［平昌 (旺角)］地址：旺角西洋菜街1號兆萬中心13樓#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #dinnertonight #hkfoodpic #delicious #foodpics #foodies #topcitybiteshk #foodblog #hkblogger #foodhk #hkfoodieblogger #foodgasm #homemade #hkfoodshare #discoverhongkong #hke

睇得多韓劇，個人突然好想食韓燒，加上朋友個胃無限大，就同朋友book咗呢間韓燒放題🤤🤤 呢到個style同韓國啲韓燒店好似，通風都唔錯唔會覺得油煙重同地下油立立👌🏻我同朋友叫咗個大君set, 想食豪啲就可以食世子set 選擇唔算超多，但係每款都係想食嘅嘢，質素都唔錯😋😋😋 我都寧願質量高唔多款～佢有幾款海鮮揀，我鐘意食帶子同蝦，燒出黎嘅蝦好香😋😋豬腩肉、牛舌同牛肋肉都好好味！ 吃貨嘉嘉表示：我全部都要！！😜佢啲肉唔係醃到傷哂嘅凍肉，好味😝海鮮豆腐湯都好好飲，同朋友兩個飲哂😋 份量偏小，唔使驚飲完就飽咗😌必叫！吃貨嘉嘉最愛～平時係屋企自己整好麻煩🤣 Encore item!!兒時小食部嘅雞肉串串🥹係回憶呀！呢到只係影咗一半，一嚟韓燒就忍唔住不停食😋😋 Overall都好滿意，性價比好高！

大君即是皇子，世子即是太子，皇位接任人，問我揀大君或世子，當然係揀世子啦。😘大君都好多野食，好多選擇，但世子更多，食材都是新鮮上好的。👍揀好套餐，職員就行動起來，set爐具，送小食，教點餐，取飲品，非常有效率。剛取了烏龍茶，點好的食材已送到，干淨的爐已準備好了，爐邊倒滿蛋漿，一陣就有美味水蛋食。😋我們點了大量食材，牛🐮肉，豬🐷肉，雞🐔腎，醬油蝦，虎蝦，油蛤，生蠔，青口，赤貝，帶子，還有蔬菜蛋餅，炸芝士餅，紫蘇葉，洋蔥，茄子，當然還有用來包肉的新鮮嫩綠的生菜，等等等等，不能盡錄。🤪餐廳提供友善工具，長鉗子和剪刀，燒烤不會燙手，剪開大塊的肉類，非常就手，烤好的肉放在生菜葉上，加上泡菜，辣醬和醬油汁，包好放進嘴👄裡，香酥鮮辣，美味無常，最好的韓燒就在這裡。