常聚小廚

營業中

休息中

穿過商場就可以看到了，其實位置還是挺方便的！不過最重要的是這裡性價比真的很高，簡單的三人餐就包了４個菜式了，份量都足的，更沒有加１服務費！三人餐（３０８元）沙薑雞（半隻）這沙薑雞的煮法跟平常的不一樣，在雞上面加上大量的沙薑醬汁，味道吃起來比平常的更香濃，雞亦挺新鮮和大隻的，肉質挺嫩又有彈性。重點他還是熱的！蒜蓉粉絲開邊蝦蝦是新鮮的，口感非常彈牙，加上大量的蒜蓉來調味，味道更惹味，味道鮮甜，粉絲吸飽湯汁，特別好吃。欖菜肉碎四季豆炒得挺有鑊氣的，四季豆吃起來焦嫩，味道鹹香，豆非常清甜。紅燒雜菌豆腐本來想吃絲瓜的，但沒貨，只能轉其他了。不過這個也挺有驚喜的，豆腐炸香了表面，裡面還是非常嫩滑，也很有豆香，醬汁甜甜鹹鹹的，加上大量的雜菌來增加口感。豉椒炒蜆（８８元）蜆味道挺鮮甜的，豉椒味很香濃。京都一字骨（８８元）一字骨經過炸香炸脆，外脆內嫩的，又有肉香，再包裹上酸酸甜甜的醬汁，味道更開胃降膩。藍妹（３６元）給的是冷的杯，好評。

抵食大鑊火氣足，招牌小炒鑊鑊精彩！新蒲崗街坊小炒「常聚小廚」一向以鑊氣足、價錢親民聞名，今次試咗幾款招牌菜，果然名不虛傳！ 椒鹽鮮魷鮮魷炸得外脆內嫩，椒鹽香氣撲鼻，粉漿薄脆唔油膩，咬落去仲保留到魷魚嘅彈牙口感，送啤酒一流！ 咕嚕肉經典甜酸比例恰到好處，外層微脆，肉質鬆化唔黏牙，仲加入新鮮菠蘿同青紅椒，開胃又解膩。 煎馬友魚魚皮煎至金黃香脆，魚肉雪白嫩滑，簡單用少少鹽提鮮已足夠，火候控制得宜，骨唔算多，啖啖肉好滿足。 蒜蓉蒸開邊蝦蝦肉新鮮爽甜，蒜蓉鋪滿蝦身，蒸得剛剛熟，粉絲吸盡蝦汁同蒜香，精華所在！ 啫啫通菜煲上桌時滋滋作響，通菜翠綠爽脆，蝦醬鹹香惹味，仲加入少量豬油渣提香，熱辣辣夠鑊氣。 鹹魚雞粒炒飯必試！飯粒乾身分明，粒粒彈牙，鹹魚香濃但唔會過鹹，雞粒嫩滑，最驚喜係碟底一滴油都冇，證明師傅炒功了得！ 常聚小廚仲提供 二人、三人、四人套餐，平均每人百零蚊就食到飽，性價比極高。街坊生意，份量足又冇花巧，想食地道大排檔風味嘅朋友絕對要試！

餐廳老闆同店員都好有人情味食物質素高但價錢好經濟實惠-（下午茶）香煎豬扒 配 田園雜菜沙律 ＋ 紅豆冰  $37紅豆冰唔使加錢，好大杯豬扒薄身但非常大塊，香草味濃，亦唔會太油膩-（下午茶）牛扒煎蛋辛辣麵 ＋ 熱檸茶  $42轉辛辣麵唔使加錢辛辣麵湯味道啱啱好，唔會太鹹

成日都講新蒲崗搵食其實唔難，好多選擇但有時花多眼亂，午餐食飯都會諗唔到食咩😂通常我既做法係上外賣平台睇下呢期邊度做優惠🤗咁今次就發現到呢間有優惠☺️$50都唔洗就可以食到啲炒粉麵😂仲要唔洗等太耐，好快有得拎😉😋馬來炒貴刁有驚喜喎😬咁平原來仲有例湯送🤭仲要都幾好飲，幾足料飲完唔會口渴，應該冇咩味精😂呢個貴刁都足料，又有蝦又有叉燒😀有鑊氣之餘仲好夠味🤭舔舔脷指數👉🏻7😋/10😋滿分 可以一試😋

今天去咗餐廳叫咗午餐，等了足足20分鐘都無嚟到。仲要每一次催佢都話等1分鐘 過咗咁耐都無得食，食到一肚氣。食物質素都不如理想，叫一個豬膶公仔麵，成個公仔麵都係薑味。不會再來。

朝早去冇大把位，但都要強迫食客同人搭枱，如果餐廳full 哂大家搬遷就下都冇所謂，但仲有咁多吉枱嘅情況下，都仲要啲客食得唔舒服，仲用以前欺壓客人嘅心態去做生意，唔怪得你間餐廳真係冇生意。

外賣自取就係唔想等、落2個餐做少一個！又等、等完你做好，你地職員自己走埋嚟比個餐我，行出去5分鐘又追出嚟話我攞錯你個餐！你地係咪黐線呀？自己出錯賴個客！好L野！

【黃大仙區】【常聚小廚】喺 Mikiki 向新蒲崗方向望過去，嗰條街叫景福街。喺呢條街上面有好多間食肆，我估冇十間都起碼有八間。然而，沿住街口一直行過去，一間又一間咁數，發現啲餐廳一係就食過，一係就當刻落咗場食唔到，好似食完咗條街。諗落其實都幾癲，我已經係十八區食肆打亂晒咁食，而且都唔係成日掂到黃大仙區，仲要成個區咁大我都可以食嘢，居然都可以食到差不多寫晒成條街嘅食肆其實都係一件幾恐怖嘅事。然而，街口呢間呢，反而我係一直都未食。因為佢似係食晚飯小菜嘅餐廳，自己一個人又好難去食呢啲喎。咁我就一直等機會，但真係冇機會嘅時候，都要自己入去食啲嘢。入到呢間餐廳啱啱啲侍應都喺度食飯，好彩水吧都仲正常運作，我就叫個「必食常餐」嚟食吓。嗰 $47 係包括幾惹味嘅「XO 炸菜肉絲米粉」同正正常常嘅「3.6牛奶嫩滑炒蛋」，加埋「迷你牛角」同「熱奶茶」，整體都合情合理。味道上冇咩特別，反而我食嘢期間見到都有幾個街坊叫外賣，都係食啲炒嘢，似乎信得過喎。。。（地址：新蒲崗景福街43-45號地舖）#1amfoodie #foodie #hkfoodie #thatfoodiething #hkfood #foo

在新蒲崗的這家茶餐廳度過了一個美好的下午茶時光。我點了他們招牌的雞扒包配田園雜菜沙律，這是一份營養豐富又美味的餐點。雞肉鮮嫩多汁，經過精心烹調，口感十分美妙。沙律則是新鮮的時令蔬菜，感覺新鮮，配搭得恰到好處，並淋上美味的醬汁，給人食慾大開的感覺。還有杯奶茶，口感很滑，有茶味。更讓人驚喜的是，餐廳的環境十分寬敞明亮，裝修簡潔時尚，讓人感到輕鬆自在，享受著美食和美好的下午時光。如果你想品嚐下午茶或者輕食，這裡絕對是一個很好的選擇，下午茶價錢實惠

因為工作嘅關係我成日都會經常四圍咁去搵嘢食，今日經過新蒲崗見到一間好似新開嘅餐廳，於是就入去試吓佢個早餐，早餐係有驚喜嘅點解？因為佢個餐包可以揀牛角包，同埋我今次叫咗個豬膶麵，係好少地方有得食豬潤呢樣嘢嘅茶記來講佢已經算係咁啦。一入到去坐低侍應就會9秒九。今晚你食咩？我哋好快咁點咗兩個餐之後唔使4分鐘就已經有得食。整體上$40左右嘅一個早餐，我開頭都唔會期望太高，但係一食完之後我覺得佢嘅味道係超越咗佢嘅價錢。

收工趕住睇世界杯下半場，見佢有兩部電視，臨入去已經問咗有無波睇，門口個男侍應仲懶熱情話，“啱啱仲做緊，依家中場休息，有阿根廷對沙地呀”咁我入去食啦，環境食物一般，但等咗好耐都仲係播新聞，問返個男侍應，答我“唔知呢，頭先有做喎”過一分鐘仲熄埋電視，其他食客都有問，佢又係咁答，我當自己黑仔信錯人，我到埋單同呢個男侍應講，你唔清楚唔好用睇波招呼人入嚟嘛，佢竟然擺尾彩“又唔係無嘢你食”其實你一句抱歉搞錯咗，個客都無咁話要追究你，但你咁半呃人入去浪費時間，仲要咁態度，叫待客之道?!咁又有無違反商品說明條例

呢間搬咗新鋪，大間咗裝修環境唔錯，入面環境作為茶餐廳無卡位有啲可惜，但都好整齊，今日叫咗2個餐，一個常餐生滾鮮茄濃湯鮮豬潤米粉，蒜泥多士，奄列，一個午餐頭蝦油义燒炒飯，茶走同凍檸茶。個常餐唔錯，但有小小編鹹，茄膏味幾濃，米粉幾入味有彈性，豬潤好爽口，奄列唔錯，個蒜泥多士好好，2邊都有蒜泥，好香蒜泥味，個午餐就有啲失色，其實係無蝦㗎楊州炒飯，無特別同好普通架一個义燒炒飯，餐飲千其唔好叫茶走，好難飲個茶底好唔得～

相聚小廚開了一段日子，在外面看，招牌和門面好闊，但我一直沒有來試，因為新蒲崗實在太多選擇。今天天寒地凍，Honey想吃過熱辣辣的出前一丁，所以就來了常聚小廚。裏面地方不如外面看的大，但是座位擺放闊落 ，以新蒲崗的小店而言，這裡算是坐得比較舒服的了。我叫常餐：$46瑞士汁雞翼撈公仔麵+火腿奄列+牛角包+熱奶茶……好抵食喎！瑞士雞翼好入味，因為夠薑味，竟然有點吃豬腳薑的感覺。稍嫌的是，奶茶就不夠好飲。沒有紅茶香，奶也不滑……「鞋口」。茶餐廳最忌是奶茶不夠吸引。Honey就叫下午茶餐：$36五香肉丁煎蛋出前一丁 這個不錯喎。因為，我最怕茶餐廳貪方便，預先「淥定」出前一丁，變得好鞋。但是這個出前一丁，煮得夠透，麵質夠滑。而且，五香肉丁分量不少。不過，Honey叫鴦走，同樣，咖啡和紅茶不香，有「鞋口」的感覺。這店，環境和食物都可以，但是，茶餐廳最重要的是奶茶咖啡……一定要改進改進！

此店設在新蒲崗，咁啱此區有幾個，屋宇樓盤正在施工，所以有不少此區嘅，的地盤員工都會在此店用膳，貪佢地點就腳，食物價錢又街坊價，11月3O日抱住試新店心态，同靚媽到此店晚膳，各自點了一個晚飯套餐，講真個餐D份量同味道係正常嘅，吾係太好食，亦吾算差，而個例湯就幾好，咁嘅價錢都算等價交易，但因當晚有圍收咗工嘅地盤員工，在此店劈洒，吹水，打邊爐，席間發出的喧嘩聲實在太嘈吵，我和靚媽衹好急急食完，個晚飯套餐就離開此店。

去做運動前要食飽啲，又要快食，兩餸飯就啱哂！第一次食揀左番茄炒蛋同炒通菜。38蚊有兩個餸仲包埋野飲，好似凍飲唔洗加錢添！個番茄炒蛋嘅味調得幾好，好好餸飯，啲番茄仲好甜唔會煮到爛嗮。呢個價錢就唔好期望有滑蛋啦，不過睇佢俾嘅份量起碼有3-4隻蛋(啲通菜底下仲有蛋㗎)。通菜味道都可以，唔會炒得好油仲係爽脆。本來想嗌個原條倉魚，不過姐姐話當3餸再加多個就變4餸，最後就無要到。但係坐低諗諗下發現其實都幾抵，3餸都係48蚊仲有成條魚食喎！下次要試下😆。