影片
以上資料只供參考, 請與餐廳確認詳情
-
網上訂座服務暫停
今晚同朋友去了這間位於大鴻輝(荃灣)中心12樓全層嘅常滿百家菜食飯，這裡最大賣點，除了有任食火鍋外，還有另一個選擇，就係任食小菜，在無限時任點任食，在點菜紙上嘅幾十款小菜及點心放題，對於平時喜歡食開火鍋任食嘅朋友又多了個新選擇，落單後店員即按人數上了彈牙爽口嘅蠔皇扣鲍魚及口感滑潤及濃郁的奶香嘅蒸雙皮奶一份本身喜歡食點心，佢嘅選擇亦十分大路，有大大隻又彈牙嘅蝦餃皇、同樣份量十足嘅鮮蝦蒸燒賣，多點幾次就已經返了本，而其他點心同樣出色，炸雲吞、咸水角、蘿蔔絲酥餅、芋絲炸春卷，亦十分香口，所有點心落單先蒸，夠晒新鮮！而今晚除了點心外就係任點任食小菜，今次點了外脆內軟酸甜醒胃嘅菠蘿咕嚕肉、樟茶鴨皮脆肉腍，肉質色澤亦較深，香氣濃郁、獲氣十足嘅京蔥爆牛肉，入口牛肉嫩滑京蔥爽脆，帶有甜香和鹹香、粟米魚柳，魚柳炸到外脆內軟，再淋上粟米粒芡汁，非常開胃、京式賽螃蟹入口鮮嫩爽滑，碟碟分量都唔算大，但要樣樣食就真係未必得，人多想試多啲就冇問題，如果人少少，都係重點選擇，以上菜式都係口味不錯嘅選擇！店內亦有個熟食小區，都係酒樓內常見食物，落單前亦可取小吃，而這裡還有任飲汽水啤酒，最愛就係佢嘅樽裝汽水！十分傳統！整晚感覺食物質素絕對滿意，上菜速度快，點心即點即蒸，所以時間會耐少少，但絕不走單！一個價錢絕對超值！
繼續閱讀
收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。
繼續閱讀
🤩荃灣常滿百家菜係一間好特別嘅中菜餐廳，環境非常之大同空曠，坐得好舒服。食物質素，真係冇得輸😍😍無限時任食數十款小菜點心放題🤪🤪🤪成人鮑魚任食餐真係抵食，鮑魚新鮮彈牙，食到你唔想停🤤🤤小菜任食任飲，選擇多到你眼花繚亂，樣樣都好味。連大支裝啤酒都係任飲，真係飲飽食醉😎😎👍🏻蠔皇扣鮑魚，鮑魚入味，蠔皇汁濃郁，真係一流。蒸雙皮奶，奶香濃郁，口感滑溜，甜而不膩。燒賣，肉質鮮嫩，皮薄餡靚，真係好味🤩🤩👍🏻菠蘿咕嚕肉，酸甜適中，肉質嫩滑，菠蘿新鮮多汁。台式炒菜，菜心爽口，味道清新😆招牌小籠包，皮薄餡多，湯汁豐富，咬落去真係爆汁🤭🤭蒙古流沙包，流沙餡香甜，包皮鬆軟，真係一試難忘😋😋蜜汁叉燒，叉燒香甜多汁，入口即化😍😍水煮牛肉，牛肉嫩滑，麻辣味道十足，食完真係好滿足😌😌😌
繼續閱讀
呢間喺大鴻輝嘅常滿百家菜相信大家都唔會陌生，記得我係好多年前已經幫襯佢哋，仲介紹咗唔少人過去添，因為佢哋嘅點心真係好大件，同埋係即叫即整，喺自己嘅廚房由點心師傅出產，所以係同出面嘅酒樓好大分別，而且係食得出並唔係工廠製作嘅點心👍🏼怪唔之得過咗咁多年都一樣咁出名。🐒點心+小菜不限時任食💰$215👉🏻送蠔皇扣鲍魚及蒸雙皮奶一份👉🏻星期五/六/日/假期前夕/假期+$10今日上到嚟個感覺唔同咗，原來佢哋重新裝修咗，怪唔之得入到去個感覺咁光猛啦。本身今日係諗住食返之前嘅雞煲火鍋點心放題，但原來佢哋而家出咗個限時小菜加點心任食，勁心動想試，因為佢哋起碼有過50款小菜點心燒味同甜品任食，仲要佢哋出面係有一個自助區，有啲前菜小食同埋樽裝懷舊飲品任食任拎，餐廳亦會keep住refill同refresh啲菜品，所以就算全部任食食客可以攞都唔怕小菜放題個感覺幾新鮮，平時都唔會咁任性去試唔同嘅菜品，但今日就試左唔少小菜，surprise既係有賽螃蟹食🦀而佢個金銀蛋浸時蔬都係我暫時食過最好食嘅金銀蛋浸時蔬點心方面蝦餃燒賣有幾大粒睇相都可以睇到😂如果鍾意食點心嘅其實你過到嚟一定唔會失望，不過全部即叫即整所以點心上菜時間可能會耐啲，但因為唔限時，所以其實個心情都好放鬆好享受，唔會驚睇住個時間要迫自己食得好急
繼續閱讀
我和朋友都很喜歡吃放題，一般都是火鍋或日式放題。昨晚，我們去了荃灣試試小菜點心放題，無限時任食，有接近100款小菜/點心/甜品，還送蠔皇扣鮑魚及蒸雙皮奶一份，晚市只需$215（需加一），真心超值！先吃的就是鮑魚，大大隻又彈牙，經過醬汁烹製，十分美味。雙皮奶很香滑，而且不會過甜，很好。這裏的點心熱辣辣，最喜歡當然是蝦餃、燒賣，大大粒，皮薄饀靚。每次下單以粒為單位，想吃多少粒便寫多少粒，不怕浪費。這店的酸辣湯我也很喜愛，材料充足，小辣加微酸的比例很恰當，很開胃，我吃了3碗。小菜選擇也有不少，醉雞很入味，而且嫩滑。豉汁蒸魚雲也很滑很入味。自助區也有不少美食、甜品、湯品。地方也寬敞，店員服務也很有禮。
繼續閱讀