常得館米線 (已結業)

同朋友晚飯時間去試，元朗區試唔多食過晒，第一次試衣間，牛肉跟辣湯熬夠晒入味，湯底正，米線爽口，食辣必試，服務好招呼，唔會催落單，老板有推介，有機會會再encore

份量多 牛肉同辣湯一齊熬煮十分入味 鍾意食辣唔好錯過 米線好滑口 辣都唔係工業味 十心推薦 我有時仲會加蛋 佢有煎蛋同埋太陽蛋亦都可以加多啲牛肉 嗰間舖只可以俾現金同埋Alipay

今日目標入元朗係去信芯園。所以諗定食咩好喺OpenRice見到呢個有肥腸食嘅薯粉點都要黎一試啦。天氣熱，加上唔係好肚餓所以兩個人選擇咗叫一碗薯粉。今日揀咗肥腸雞雜薯粉。竟然有雞雜呢樣嘢唔叫點得？之後揀咗涼拌蓮藕同埋皮蛋仲有得叫王老吉飲，可以降火😂😂上枱賣相ok。都係好食😋酸辣度適中可以話我啱食。不過就係感覺雞雜少咗啲不過都好吃的。80蚊間中食都ok 蓮藕同皮蛋都係正常味道蓮藕都係要小辣，不過感覺我覺得辣過碗薯粉但都好好食。天氣熱。食辣野又油油地。叫下涼拌既食物。的確可以中和返👍🏻👍🏻👍🏻係好既配搭黎。

一直都見到呢間鋪頭存在，但都的唔起心肝去試，喺米線關注組見到有人推介先去走去試，價錢以一餸米線黎講都算係幾貴，但店主強調新鮮食材，唔用急凍貨，成本高自然價錢貴！泡椒肥腸薯粉 $65★★★★☆老闆娘好強調每日喺本地拎嘅新鮮豬大腸，洗到好乾淨之後再用古法整嘅泡淑炆煮，啲豬腸係幾好食，入味之餘又夠淋，但口感保持到爽脆，好食！湯底每日用左新鮮豬骨熬製，有泡椒汁再外加佢地自家製辣汁去製成個湯底，唔係一般咁成個湯底。面頭鋪左蒜蓉、蔥花，食落更重口味。湯底偏向重油感，薯粉比較特別，粗身少少，又再比起平時食嘅更加有咬口煙韌。老闆娘仲話再外加佢地個靈魂蒜蓉麻辣醬會令個湯底味道更突出，加左之後個鮮椒味同埋個生蒜頭味道好出，加落米線食一流，食得辣又重口味既唔好錯過呢個食法。酸辣雞雜米線 $65★★★★☆唔同一般米線店，用左常德當地嘅米線，米線屬於較幼細，口感細滑，比較爽口。雞雜好新鮮，冇腥臭味。個湯底就一般正常啦，冇話超級有驚喜，都係屬於重紅油湯底，有埋啲酸豆角同埋匙生蒜，食落好開胃，唔食得辣既小心叫辣度。🌟總括：麵嘅餸菜比起湯底更出色有亮點，雞雜同豬腸處理得好好。薯粉幾特別，值得加錢叫。湯底偏油膩，重口味

☀️ 假期lunch time試試呢間米線。鋪面約有24個位。枱與枱之間少少迫，但都算坐得舒服。午市時段都多客人。餐牌上有多款材料選擇，湯底可轉，亦可配米線/薯粉/白飯。 飲品加錢$5-$9。▪️麻辣五花腩米線 (小辣）$55▪️酸辣牛展米線 （小辣）$65湯底味道ok，但2款湯低味道差不多，唔麻，又唔酸😂 似係同一款湯底。 小辣 🌶️ 都唔太辣 （應該只有三哥3-5小辣度）。 鍾意食辣既可試試中/大辣。 😕 缺點：米線比較細碗，餸少，米線+飲品 每人$64-$74，唔太抵食&唔夠飽。

#元朗#常得館偶然經過元朗，見到呢間小店與其他港式米線唔同，餐牌寫湯底用新鮮豬骨熬製。麻辣五花腩 + 泡椒肥腸雙拼米線，五花腩炆得好淋，肥瘦相間而唔肥膩。肥腸食得出係新鮮貨，通常比較煙靭，呢間難得夠淋、入味。湯底好飲，老闆娘見我追住飲，主動幫我加湯。我冇特別指定辣度，結果越食越辣，下次應該叫小辣。臨走時有位姐姐order 薯粉，佢話唔鍾意食米線，但係呢度嘅薯粉好食，老闆娘話係湖南鄉下訂造，與坊間扭紋薯粉唔同。可惜我已經食飽咗，唯有下次有機會再試。小食係涼拌皮蛋，皮蛋溏心，蛋白好軟滑，靚貨。埋單$119，稍貴，但真心好食。唔趕時間，坐低慢慢打呢篇食評，聽到食客和老闆娘傾偈，好多食客都讚好味。

如果唔想食連鎖店嘅米線，係元朗嘅常德館米線係我必食之選，少有嘅湖南口味，使用常德米線， 唔係一般用嘅江西米線，會比較爽口一啲今次一個人食貪心啲，揀左雙拼雞腎同大腸，呢兩個係黃牌配撘！大腸鹵得非常入味，好滑口～雞腎都爽脆，份量算適中湯底入面配料有雲耳，少少肉碎同酸豆角（好似係跟雞臀嘅）個人鐘意飲佢湯底有種香味，美中不足係油多左少少叫左中辣非常夠辣，所以一定要叫野飲～老闆娘非常好人，之前第一次去食請我食鴨頭另外餐廳有私房菜提供，預訂堂食或者外賣都可以， 有機會可以試下～ 

这家店刚开的时候我就列入了我的必吃清单，作为一个湖南人不可能不冲的‼️刚好去元朗跟湖南姐妹们聚会也一起嗦常德粉，老板娘和服务员都是常德的🤩-📌牛肉拼肥肠米线💰72牛肉52肥肠62双拼按贵的那个加多10元牛肉和肥肠的份量都很多！是正宗的卤牛肉码子，汤底也很香！米线其实就是圆粉口感也很不错😋作为一个湖南人点的大辣吃起来很辣很爽🥳牛肉和肥肠都很香，入味好吃📌凉拌莲藕💰32是脆嫩脆嫩的藕片！和内地吃的一个味👍🏻之前在其他店吃到过很难吃的藕片气死我了😤-😭😭真的很好吃，可惜离我家太远了不然我天天去吃。他们家还有私房菜不过需要提前预定

經過見到呢間抖音好紅的米線店鋪，平時啲視頻吸引到呢，於是即刻叫左個外賣叫左雙拼，肥腸同麻辣牛肉～番到屋企一打開，點解d配菜份量咁少嘅，肥腸有7,8舊（不過實在唔大舊）口感偏淋，牛肉有1舊大舊，3舊頗細的，係似乾牛肉的口感，最重要嘅係呢碗嘢76蚊，如果呢個價錢食其他麵店份量應該唔會得咁少咯味道可以，本人覺得未到驚艷咯，而且性價比實在太低咯

今朝睇到呢間店既post，又想食辣野，就去試試。第一次食就試招牌既湖南麻辣牛肉米線(大辣)，先試湯頭，唔係好辣，麻就更弱，好溫和，反而食到蒜味多啲。牛肉炆到好冧，配菜比較少。米線話係自家配方，比較似瀨粉，質地比較爽，但係唔索湯，所以唔食得辣都唔驚。因為唔夠辣既關係，我試埋佢既蒜頭辣椒醬，辣度一般，有微酸，但啲蒜頭吸左啲辣汁好好食，加落米線好夾，令米線加左唔少分。P.S. 因為係新開小店，等待既時間比較長，我等左25分鐘先有得食...

係雲南米線當道既香港居然仲有人願意做唔係雲南米線既米線就算佢地係辣，都係香辣而唔係麻辣！第一次黎試，入面有好多牛既選擇包括牛腩、牛脷、牛𦟌、牛筋但見到有豬腩肉，所以就試吓未嗌之前，問會唔會太辣，店員好好，主動提議我哋分上嚟到嘅時候，心諗大鑊啦個豬腩肉好似好辣咁不過食落又ok (利申，食譚仔五小多）啲豬腩肉非常肥美，幾乎入口即化。另外，牛腩亦炆得夠林～～整體黎講，啲餸好食，而米線本身個軟硬度亦岩岩好。

元朗既米線鋪咁多，呢間有一樣佢既招牌菜係小編好中意既，唔知大家又中唔中意食肥腸呢😛😛😛🍜 自制泡椒肥腸米線 $62如圖個份量就知啲肥腸有幾多啦😍😍洗得乾淨又冇怪味，值得一叫😚我冇專登叫咩辣度，叫番正常辣，其實都幾辣下🫣大家唔食得辣就要考慮下叫唔叫了🥶外賣時佢會分湯同米線，確保啲米線唔會浸淋，好細心😳米線都軟硬適中🤭🤭🤭可以一試💯

今年無年三十晚，就變左年廿九放早，放左工去食啲野先返屋企啦，大部份舖頭都預備收早，我地衝咗入一間米線舖叫常得館，夥記話佢哋預備早收，但係做埋我哋生意先啦。咁就快快坐低落單叫嘢食啦，點知我哋落完單之後又有4、5個客衝咗入嚟話附近已經冇嘢食，哈哈，夥記話唔好意思趕人走，於是全部都煮埋先至收爐。等緊食嘅期間望下四周，一開始都知呢間米線舖係食辣嘅，但估唔到枱面都仲有幾款辣椒醬，辣湯底再加辣椒醬咁犀利？朋友唔係好食辣就叫左碗常得牛肚米線，咁佢呢碗米線係清湯底，湯頭都幾甜，牛肚分量正常，煙韌有咬口，仲撘條生菜顏色幾好睇。自己嗰碗就叫咗泡椒肥腸米線，個湯底一望就知辣啦，成碗嘢都係紅色㗎～湯底雖然話幾辣，但辣得嚟又好鮮味，唔係死辣嗰種，啲米線浸浸下仲變埋做粉紅色㖭，但呢個辣味愈食愈上癮。至於啲肥腸真係幾肥，咬落好有口感，索咗辣油好正。米線分量多，煮得淋得黎都幾爽口，加埋生蒜又真係幾好味。食辣野就梗係要返罐王老吉，特別夾㗎，哈哈。夥計話新春期間照常營業，但會係新春價，米線、小食同飲品都會加啲，不過新年流流都預左啦。

第一次出文，打得唔好唔好見怪🙏😅今日去開大橋個邊，見到呢間新開米線鋪？（我都好耐冇去呢邊），肚餓就入去試下。叫左2個米線，湖南麻辣牛肉米線同埋自製泡椒肥腸米線，另外要多左個皮蛋。一開始問店員有幾辣，佢話淨係麻辣牛肉辣，米線唔辣，原來上到枱都見到幾辣，聞到香濃麻辣味。牛肉幾入味，米線都爽口，呢種辣好似係要返鄉下先食到。封咗關幾年都無返過上去，食到呢種味都有啲回味以前嘅感覺。一開始食都唔覺好辣，食食吓都頂唔順要加番罐可樂，食到辣嘅朋友又可以試吓👍🏻泡椒肥腸米線好大陣肥腸味😍不過女朋友話唔鍾意肥腸味，我就覺得呢種騷好正😂肥腸淋身，有陣陣泡椒味，如果泡椒味再濃啲會在正啲。涼拌皮蛋都唔錯，有醋香味，配埋蔥蒜好開胃。

我鍾意食辣 又鍾意食米線 尋尋覓覓終於搵到一間啱我口味嘅辣米線 平時我食開嘅辣度係大辣 食十間有九間我都覺得唔夠辣 淨係得個油字 但係常得館令我眼前一亮 雖然都係油 但係堅辣又香湖南口味 全部香料由大陸運落嚟 淨係做一個紅油都要用成兩個鐘時間 一碗米線嘅湯底用成三十種香料以上 味道錯綜複雜 層次超豐富 食得辣嘅人一定要過嚟挑戰挑戰 餐廳同時亦有唔辣嘅食物提供 有辣有唔辣任君選擇放喺餐桌上面嘅調味 剁椒同埋紅油都係自家製 心機之作今日食咗大廚推介嘅湖南麻辣牛肉米線同埋涼拌皮蛋 兩樣嘢食都超得 唔只好味咁簡單 係超好味呀 湖南麻辣牛肉米線係正宗湖南地道風味美食 個湯底真係不得了 又香又麻又辣 湯底完全冇味精 食完一啲都唔口渴 反而越食越想食老闆娘見我咁食得辣私底下拎咗啲自家製野生山胡椒辣椒醬畀我試下 結果我一食便愛上 呢個味道係香港食唔到嘅 香味非常特別餐廳入面牆上嘅裝飾就係一樽樽自家製嘅辣椒油 好奇問下老闆娘有冇得買 結果佢真係買畀我 58蚊一樽個涼拌皮蛋係世界級好食 個紅油香味無法擋 啲皮蛋仲要係流心嘅 真係多多都食得曬豬腸炆到好淋好入味 用新鮮豬腸製作而成 口感零舍唔同see...我