常嚐甜品 (已結業)

開學野同肥仔周圍食~~食完鼎泰豐同雞蛋仔之後 本來想再戰haagendazs不過肥仔話唔想食 就即刻上OP search下附近有咩甜品好食喇um..一入去 唔係好多人 我就叫左個雪芝戀芭菲杯因為我最鐘意個d一杯野可以試好多野食既甜品!!個杯有cheesecake 雪糕 餅乾 芒果 朱古力醬 全部都係我鐘意食架!!!而且唔係好大杯 剛剛好~~但芝士蛋糕味道有d怪..肥仔就食左菠蘿冰冰 份量好多 亦好清新不過其實除左佢係原個菠蘿上之外 又好似冇咩特別肥仔好鐘意食呢d野 所以都好o岩佢下次有機會試埋其他冰冰啦~整體黎講都好味道既 價錢偏貴左d

今日系ELEMENT食完飯行落佐敦食甜品行到攰攰地就見到呢間的的色色既甜品店開頭見佢得一枱客信心都吾系幾大不過朋友好有興趣佢個原隻水果冰所以就食下我叫左個西果冰 朋友叫左蜜瓜冰 類似朱古力雪糕同爆爆珠芒果大明珠佢上戈陣見到個冰咁高已經透心食落其實冇咩好特別只系咁樣食成個西瓜加冰幾開心朋友話佢個蜜瓜冰有D過甜我就覺得岩岩好 咁先似食甜品架嘛!店內既FEEL好和諧最岩RE-U食完飯既甜品聚腳地系略嫌貴左少少侍應態度好好! 有少少女僕CAFE既FEEL哈哈最後走個陣店內都滿晒人原來我地只系早到未到佢BUSY HOUR啫!

係飲食雜誌見到有間新既糖水舖買冰冰，幾靚幾得咁，於是約埋M先生和E小姐再次出動去試下有幾得。我試咗北海道日本種香蜜瓜凍冰冰。 買相靚，原隻有網紋蜜瓜上，味道清甜; 冰既味道超級香甜又清新，非常適合熱辣辣既天氣，食一啖已經好爽囉，推介之作。 至於M先生點既菠蘿凍冰冰和E小姐點既木瓜凍冰冰，味道都不錯，但略遜一籌，唔夠好。 難怪坐坐下都全店滿座，實在幾有心思!

係OPENRICE睇到食評d相唔錯, 特登去搵黎食..入面環境不錯, d牆好似整到幼稚園咁可愛我同表姐兩個人點左蜜瓜冰同朱古力心太軟蜜瓜冰($48)係賣相幾靚, 但味道一般, 食唔出有牛奶味, 好淡...仲有個蜜瓜底嘅肉好難刮出黎(費事食剩野呀嘛!)食件心太軟反而整得無咁靚, 會流心的, 朱古力唔夠濃, 個size ok細, 可惜唔可以揀雪糕, 得vanilla味(唔係太鍾意呢隻味)..但$35 都食得過嘅~

之前睇雜誌見介紹常嚐甜品~原隻新鮮生果咁~ 勁吸引夏日炎炎, 就諗起佢啦!在雜誌寫佢話2pm開門我就搭的士2:30pm生果冰就冇啦, 閉門羹就食左lor!位置已經比較偏, 去到仲要冇得食個人真係勁hot勁嬲咯!!!!究竟係雜誌錯定係俾錯資料雜誌社呢?

原本打算黎佐敦嘅目的係試小酒窩.. 點知search下附近又有見到呢間甜品鋪. 響Dimpal 食過一餐混合左印度菜嘅意大利野.. 食得滯滯地.. 清清地食個生果甜品啱哂feel. 於是就沿廟街一直行黎常嚐甜品店喇.第一次就梗係揀d 最人氣果幾樣, 於是叫左... 原隻菠蘿凍冰冰 原個木瓜凍冰冰菠蘿冰果然清甜解渴. 原個菠蘿屬擺設, 肉已經起清.. 不過份量夠勁. 不時咬到d 菠蘿肉. 不錯不錯~~木瓜冰加重牛奶, 味道更加香滑. 再加上原隻木瓜唔止係擺設, 而係有肉俾你食. 又係另一番感受. 好味就真係幾好味. 有 創意. 綿綿冰食得多都要轉下. 所以係試得過. 不過唔知係咪成本問題, $43一份淨刨冰略嫌貴左dd. 選擇亦較同類型少, 假如真係好似其他食評所言, 如果淨係刨冰較出色, 咁對我黎講, 返食指數未必太高.試就絕對值得試佢一次, 不過要儲一堆經常幫襯嘅熟客, 就要睇佢點樣令大部份人覺得好食又抵食, 又keep住對佢d 野有新鮮感喇. p.s. 是夜涼浸浸, 食完個人真係凍冰冰... 哈哈...

以此店菠蘿冰冰引誘愛吃菠蘿的美人不下數次,今次終於成行了!吃罷泰屋後帶著幾位可人兒又走到這家廟街花花幼兒園上學去。平日晚上九時多比想像中人少,幼兒園一切沒變,只是晚市多了幾位店員坐陣,依舊是雪白牆壁加大量卡通花花圖案,連朋友們也覺得很幼稚園感覺。第一時間點個橙味心太軟再細閱餐牌,今次的心太軟焗得稍熟,裡面流心很少,切開後慢慢流出朱古力漿,讓大家慢慢拍攝流動情況,外層蛋糕層焗得很脆但稍厚,因此朱古力就少了很多;可是今次雪糕卻很大球,比心太軟更大只是溶得很快而已;伴碟那幾粒果汁珠珠又令同學們玩了一會,有趣!幾位甜姐兒味覺也很靈敏,很有潛質當食評人, 因她們也感覺得到心太軟的橙味耶,利害!!不能錯過的原隻大芒果冰冰,以半隻芒果盛著一堆芒果冰冰,外型活像一頂鴨舌帽!相信以另一半芒果打成得冰冰極為香甜,冰冰打得滑不留口入口即溶又極有芒果甜,加上那半個同是甜美的芒果肉,一致推介! 是晚主角原隻菠蘿冰冰所用的菠蘿熟透又新鮮,雖看過小甜谷同款出品,但仍不減驚喜!當它一上桌,幾部電話/DC向著它狂拍,真好玩!第一口的冰冰極有菠蘿清香,酸甜有致,間中還吃到菠蘿肉,比年前小甜谷的微菠版本味濃很多,可是再吃下

廟街飲食一向給我的印象只有大排檔、小食檔和街邊麵檔, 想不到竟然也有精緻的甜品舖。 星期五晚和朋友在佐敦食完飯後意猶未盡,心思思想吃些甜食,於是上Openrice看看附近有沒有好介紹。見到這家粉紅色設計甜品店,感覺很溫馨,決定去嚐一嚐!舖位雖然不大,但擺設整齊,裝修新淨。我們先分享了一客朱古力心太軟,再來一冷一熱的甜品。朱古力心太軟:鬆軟的餅質外皮帶脆,熱騰騰的朱古力軟心香濃且滑,原來是用比利時朱古力做的,餅質還加入了香橙味道以減輕朱古力的甜膩感,配以雲尼拿雪糕,和香橙爆爆珠,殊不簡單,的確只有優質的材料,配合與別不同的味道平衡大法,還有追求完美的心思才可做到這種細滑的口感和豐富多元的味道。木瓜冰冰:實在太多人讚這店的冰冰,賣相也相當吸引,於是也點了一個木瓜冰冰。木瓜冰冰沒有如菠蘿冰冰及西瓜冰冰般高聳,卻橫向發展,原個木瓜頂著比本來瓜身還要大的果冰,份量同樣驚人。冰冰入口就像啖著冰凍果肉一樣,甚至比果肉更嫩滑,可能是混和北海道牛奶一起拌勻的原故,而且不易溶化,由頭到尾都能保持一致外觀和味道,一口果肉,一口果冰,又是水果,又是甜品,相信消暑之餘,這款甜品不但不會增磅,還滋潤養顏呢。慶幸沒

明明就係想食心太軟既, 黎到呢間甜品舖, 再睇o下佢openrice既推介......都係要食埋個冰~~天氣其實都唔係真係好熱, 不過見到d新鮮既生果響舖入面周圍放, 都係斬個菠蘿咬o下啦.....舖仔細細, 老細又好親切咁, 同埋, 好似係夫妻檔, 有d溫馨feel........心太軟, 一般啦, 個底都唔平架添.....都總算係心軟既, 不過外圍就粗粒左d囉............菠蘿冰, 冇得講, 其實已經係二人份量黎架喇, 抵食.......味道好, d冰粒好幼, 間中有d碎粒咬o下.......仲有d菠蘿肉碎咬o下添.........無聊既我, 將佢當左係冬瓜盅咁食, 挖埋佢底d肉.........真係食得又玩得~~~hahaha~~~

呢度主打唔同原隻生果做既冰類甜品，最近推出左芒果凍冰冰，身為芒果迷嘅我當然第一時間去試.... 一試之後，芒果大大隻，份量十足，食落香甜幼滑，完全深深愛上了～！當然其他西瓜，木瓜，哈密瓜同菠蘿都同樣好味～下次到來，我首選都係芒果，只因錯怪我愛芒太深！

復活節假期最後一日下午時份行經尖沙咀, 突然想起雜誌介紹在廟街附近, 新開了一間甜品店, 於是去試一試.當日去到門口, 應該是剛開門, 因為一個客人也沒有. 一入去, 有位小姐 (我想應該是老板娘) 第一時間遞上餐牌. 她很有禮貌及細心. 過了一陣就跟她講要朱古力香橙心太軟雪糕. 由於要焗,需時15 分鐘 (餐牌都有寫).跟著就陸續有人來幫襯!15 分鐘後那位小姐遞上甜品.....她突然跟我說由於師傅太心急, 唔小心 '篤' 穿了個蛋糕, 佢叫我食住先, 師傅再整緊第二個俾我, 而且第二個不會收錢. 雖然個心太軟上枱時係不完整, 但講番味道..真的不錯. 最重要是不太甜. 當我差不多吃完, 第二個完整冇缺的心太軟又上枱啦! 老板娘仲好細心咁問我如果吃不到, 可以俾個盒我取走. 心想..其他甜品都還可以, 但心太軟一定要即製即食, 所以最後都係吃完整個. 盛惠$35 (吃了2個心太軟)其實如果非老板娘跟我說師傅正弄第二個, 我會不要的. 並非不好吃, 但真係好飽好飽, 又不想浪費食物...可能喜歡整甜品的人都要求完美, 所以食物上枱時不美麗是不可以接受的. 但很窩心的是覺得老板娘真的 '

沒記錯的話這店是去年夏天開業的,本來一早已想來試但每次也是只差臨門一脚未能成事.今天趁濕度達百分之九十五,這個悶焗的晚上一於來吃個刨冰涼快一下!來到才發現店子細小呈長方形座位數目不多,一行四人坐下像已塞滿四份之一間舖.看見店內的裝修,感覺像置身於幼稚園/托兒所!餐牌也不用看就點了這幾款冰冰:店員說除了木瓜是有加入牛奶外,其它都只是將生果起肉加冰及糖水打成冰沙.西瓜 x 2----用的是黃肉西瓜,差不多成呎高,外觀確是攞滿分!入口西瓜味不太濃,甜味屬於低.冰的質感比較粗.菠蘿----菠蘿的纖維較粗,所以吃到果肉的感覺較明顯.香味是最濃但甜度亦最高!(糖水下得多了一點)木瓜----可能加了奶的關係,質感是最滑的一款.木瓜香味足,甜度屬於中度.其實要獨自完成一個都有點難度!每款也份量不小兼室內冷氣強勁,連一向視冷氣為不可缺生存原素的我也打了數個冷顫!終於知道什麼是由內至外.店員態度友善樂於介紹各款食品,唯一問題是店舖裝修已像幼稚園,還要刻意地播放一些兒童合唱團版本的We Will rock You,Last Christmas......感覺真的不太自然.

近日天氣咁熱, 想食啲透心涼嘅甜品, 於是黎到呢度食生果冰....之前已經食過呢度原隻西瓜, 菠蘿同埋木瓜凍冰冰, 款款都食到我同班朋友好開心, 今次見到佢地有另外幾款生果做成嘅冰, 一於試埋先...今次ORDER左個原隻西瓜凍冰冰, 但點解係黃色? 老板娘話呢隻係黃色特別版, 比起傳統紅色果D仲甜仲好味....食落口真係好正!!! 完全無添加任何糖水, 真正食到黃色西瓜嘅香甜, 而且論外型, 真係人人見到都會嘩一聲, 砌得好靚呀!!! 入面位哥哥仔真係砌得好有心機~~讚!!! 食完上面D冰, 老板娘仲幫我地將下面果堆西瓜肉砌成粒粒, 好似果盤咁....好貼心呀~~!!另外試左北海道牛奶日本種香蜜瓜凍冰冰，呢隻原來入面混左北海道3.6牛奶，怪不知食落寺又香又甜又滑，同之前果個西瓜完全兩種唔同感覺，真係各自各精彩! 不過份量真係好巨型，兩個人share黎食都可以...而且我知呢類生果都唔平，四十幾蚊真係抵食，諗落又真係好似幾落重本喎！之前我已試過呢度嘅比利時濃濃朱古力松露杯，真係非常掛住佢，今次黎到一於食多次，果然最啱我呢類朱古力狂迷～～～超朱古力口感實在係正～呵呵！

叫左個"黑馬王子", menu寫明係朱古力雪糕球, 點知黎到係個雲呢拿雪糕球!問個waitress妹妹...佢走左去同個男人講完一輪就同我講 . . "你睇o個個meun係舊既!"真係火都黎 你講句"唔好意思, 俾錯左/ 今日無晒朱古力雪糕" 等等既誠實答案都好過用個呢個咁既藉口啦!! 都算啦, 照食. 點知一d味都無同場既朋友仲叫左個"白雪公主"一樣又細又無味仲要連後面對情侶都有同感 唔知佢有無改進到但總之就唔會再去

完全被西瓜冰張照片吸引著～點知入到去先知無西瓜～又坐低左局住叫菠蘿冰～高高的一堆冰坐落於空心的菠蘿上面～賣相真的一流～一吃一口由天堂掉進地獄！果ｄ冰係由果肉同牛奶打成～出來口感好奇怪，可以咁講奶同冰一起打真係唔夾～　　吃多兩口感覺好膩～　兩條友食左細半快定放棄。三十幾個大洋．．．．貴及不好吃。