帝樂 - 德國餐廳 (已結業)

昨晚跟友人諗住把酒暢談，選址這裡，我們坐露天卡座，坦白說，氣氛真是一流。跟著點菜，要了匈牙利牛尾湯、煙三文魚包、煎蛋香草豬肉腸薯餅和1L King Ludwig beer share吃。先說beer，好好飲，但跟德國相比，總覺欠了一點甚麼似的，匈牙利牛尾湯太羶了，牛油味又太重；薯餅煎得好香，油多就預o左，但豬肉真係好失望囉，肉味和香草味都不夠，而且皺晒皮，跟德國食陣完全唔同，煙三文魚包真的很有水準，包身香脆內軟，又熱辣辣，正！ 除了腸有少少失望外，整體都不錯，最好當然是成班friends 啤啤佢\啦。

朋友生日, 有人提議去呢度食, 咁我都覺得OK, 因為我去過赤柱嗰間食TEA BUFFET, 嗰日一行12人去咗呢度食晚飯, 我哋叫咗都有十幾樣嘢食, 當然包括佢嗰度最出名0既豬手啦, 我最鐘意就係食豬手同pasta. 另外, 我哋亦叫咗麥BEER, 第一次飲德國啤酒, 相比起普通啤酒, 德國啤酒比較creamy D, 但我就唔覺得麥味重, 有King Parrot member card埋單折後都要成$3000, 朋友們都覺得價錢略貴!

有得去食係因為一個朋友仔介紹~地點都選尖咀中辟架喇食左3樣野1. farmroll-麵包,搽牛肝醬+芝士醬,牛肝醬好香好好食,我係起勢咁搽落麵包度2. sausage sampler-好多隻腸,隻隻都好味,esp白腸,加左甜芥辣,仲有酸椰菜,冇咁膩,仲有d好好食既薯仔,正呀~!3. 豬手-食德國菜又點少得豬手呢,豬手皮脆肉嫩,分別係好大,但係又唔會肥到食濟果隻,出面一定冇得食仲有我飲左0.5L啤酒,好盡興!我會再去~

開張約一年, 我地都keep住一個月食一兩次, 水準都Keep到幾好架.上星期去食先知佢5pm-8pm promote 1杯0.5 liter Hostel Beer 加豬手一隻都只係$120, 真係抵呀!牛尾清湯, 清得黎又唔會淡口, 推介!免治牛肉餅沙律, 牛肉好鮮, 有牛味, 可惜沙律醬太重芝士味, 唔係好岩我口味.豬手, 唔錯, 皮脆肉香, 不過對我地女仔黎講, 真係濟左D, 我通常食一小件架乍!

Have been to the restaurant many time since its opening last year. Its only problem is easily full. Booking on the same was never successful. Yet, walk-in chance has been very high before 6:30 pm. The atmosphere is excellent. My baby likes it very much. The foods are just fine and a bit expensive with the quality.

我冇去過赤柱o個間, 反而呢間我分別同兩個朋友o黎過三次.第一次: 因為去完Marco Polo o個個啤酒節, 個friend 話要食番o個隻味o既薯仔沙律, 咁就去左. 我o個次食到眼泛淚光-- 間餐廳o既佈置令我諗起慕尼黑市中心o係Marianplatz o個間餐廳, o的木檯呀, o的燈光都好似... 我地叫左個sausage sampler, 裡面有我遊學德國當年食過而又最愛o既Weisswurst, 仲可以加埋Suesssenf 食... 乜野回憶都番晒o黎.第二次: 同一個冇食過德國菜o既朋友去食. 試左另外一o的野, 但我另外又叫左個湯, 有Maultaschen o既... 又回憶一番. 而且更高興o既係我個朋友都覺得好食.第三次: 同番第一次o個個朋友食. 叫o的野都係咁上下, 不過因為只係掛左叫o的好"德國" o既野, 又sausage 又豬手咁, 搞到食得太多肉, 有少少食滯左.我而家諗緊幾時去第四次.

一個字"正", 無論環境氣氛同食物質素都出奇地好, 正打算1月1日都黎多次!

早陣子見某信用卡有推廣優惠, 便跟友人來這裡吃晚飯.一份豬手加半litre啤酒, 不過一百大元, 朋友戲言另一個香腸拼盤跟啤酒的套餐更划算, 不過我倆對香腸的興趣不大, 還是點豬手吧.落單不久, 那份豬手已極速送上, 登時大感不妙. 吃下去, 果然是凍冰冰的, 皮硬而不脆, 吃時還要小心被它割損嘴唇. 作為配菜的炸薯角, 效果也一樣. 全碟最好吃的, 要算是酸椰菜, 因為放涼了也沒關係! 今次這道菜跟以往在赤柱總店吃過的, 差得遠了.另外點了蕃茄海鮮意粉, 味道偏淡但有點兒油膩, 不值一試.我們最滿意的是飲品, 由於趕及在happy hour last call前order了兩round, 紅酒及mocktail都只是廿多元一杯, 水準雖不算突出, 勝在抵飲.晚上有live band, 我們卻覺得有點吵.如此看來, 以後還是來happy hour好了. 真要吃飯, 也不要點特價食物!

呢間位於新世界中心對面的"德國餐廳King Ludwig Beerhall" 可以講話係分成四部份1) 就係正常的餐廳(2) 迷你酒吧(3) 舞台(4) 露天座位食物同個餐廳名一樣"King" Size, 鬼佬實食得飽，不過我就覺得太熱氣~ 我地叫左脆皮燒豬肘(Crisp Roast Pork Knuckle) 燒到好似乳豬皮咁脆，D 肉咸咸地用來送酒不錯，我地叫左黑啤，真係好誇張，好好好大杯! 飲落去好似涼茶咁，呢D 就真係鬼佬涼茶啦!而侍應又叫我地試下即刻溶俾我地的芝士，$75。點知...上檯的真係一pet 溶左的芝士，加幾粒蕃茄、青瓜條、薯仔2 粒... 好唔抵... 算...，另外我地又叫左鵝肉伴甜椰菜，但已經完全吃不落了。其實呢度有好多種不同味道的德國腸推出，但由於只有2 個人就無緣試食... 所以最好叫多些人去... 不過最正就係迷你吧台的位置，天花板的花紋及燈飾好靚! 而且又可以望到外面的景色及內裏的舞台，有西人每半小時表演唱歌，氣氛熱鬧!

約左大學同學食飯吹水，地點揀左依度~ 估唔到好鬼正~ 　第一正：一去到，環境比預期中好，部分原因係christmas期近，d decoration好warm好cheerful，另外平房式設計令人感覺加倍歐陸~ 　第二正：3個人order左3個dishes，分別有Sausages Sampler (with Potato Salad), Crisp Roast Pork Knuckle & Apple Strudel~ Sausages Sampler有四隻腸，除左Vienna sausage普通d，另外三隻都好好味，個人尤其推介Debreciner sausage~ 燒豬肘好大隻，dish如其名皮夠哂脆，肉質都唔錯~ 仲要由外藉waitress慢慢cut開，share俾我o地，又好睇又好食~ Apple Strudel賣相靚靚靚，味道酸少少都ok~ 食物味道中上，最緊要夠哂風味，好~ 　第三正：我o地再另order啤酒三大杯~ happy hours啤酒好抵飲，成0.5 litre都係$3x~ 而且德國beer味道冇我想像中苦(我飲holsten)，幾易入口~ 原來，飲住啤酒吹水真係好

搵地方去happy hour, 醒起呢間響老尖既分店都未去過, 就揀左呢度.其實我唔知確實位置響邊, 好彩朋友先到, 可以打電話問路, 唔係由尖東站行出黎, 都唔知兜幾耐先見到.時間尚早, 大把位揀, 朋友嫌露天位對住馬路(其實中間隔左d草叢, 都ok既, 會唔會餵蚊就唔敢包), 於是坐左入室內既bar.黎得呢度都梗係飲德國啤, 我同朋友一人試一款麥啤(唔記得咩名). 我果款樽裝既比較淡, 佢果杯半lit既就麥味香濃, 唔錯, 所以再encore. 我第2 round就order黑啤, 得guinnes一款. 起初仲驚飲唔晒, 點知一邊傾一邊飲, 好快賣晒. 叫多杯紅酒, 酒杯好細隻, 味道一般唔難飲, 不過happy hour賣廿八大元, 收貨有餘.呢度環境同服務都幾好, 問各款啤酒特性, 個waiter都幫到手, 親切有禮. 應該會再黎.

一公升的啤酒杯充滿著德國情懷。咸豬手非常可口，皮又脆、份量又大。週末能在這店大吃大喝，朋友都非常開心。一定再來。

喜歡德國菜的我從雜誌知道一間赤柱有名的德國菜餐廳(King Ludwig Beerhall)係尖沙咀開了分店, 所以就同男友去試下, 當日沒有訂位, 唯有坐吸煙區, 好彩四周沒人吸煙, 入面的環境的確不錯, 好木的感覺, 而且係Open Kitchen, 所以香氣四溢。看看Menu, 中英對照加埋圖片的確方便點菜, 由於得兩個人, 所以只叫了豬鹹手及兩款甜品(咖啡焦糖燉蛋及蘋果批)鹹豬手:上桌時待應才切開, 有酸菜及烤薯伴碟, 豬手的皮幾脆, 幸好肉質尚嫩, 不過好淡唔夠鹹, 而且因為太大隻所以好肥膩, 食了一陣之後豬手的皮開始變韌好難食, 仲俾我發現D皮有好多豬毛, 好驚呀>@<~~, 唔想再食下去咖啡焦糖燉蛋:其實好似法式燉蛋, 不過就係因為有咖啡味所以無咁膩, 表面的焦糖亦很脆, 不錯蘋果批:暖暖的蘋果肉甜度適中, 仲有好香的肉桂味, 不錯仲有晚上有人唱歌及有大電視播放體育節目, 比較嘈吵, 不太適合拍拖去

My wife and I came here for lunch. The first bad thing is that it is difficult to find. I spent 30 minutes looking before I could find it (good exercise before heavy lunch...).The food is great. My wife ordered pig's knuckle and I ordered sausages sampler. The pig's knuckle is the best I have ever had in Hong Kong (better than those served in sone Hong Kong hotels during the October Festival). Crispy and hot when it was served. I have another 2 litres of house brew beer. Not too bad, but I shoul

愛好豪飲之人必選﹗兩星期內我去過兩次，最近一次是星期日。啤酒都是德國口味最佳。所以與友人選擇此店。我最喜歡大口大口喝啤酒，這裏正好有一升大杯。非常痛快﹗豬手更是惹味，可惜未及我十二年前在蘭桂坊頂一間小店所吃的回味﹗因為那小店是由一對德國夫婦辦，豬手是先由機械弄好，再以人手猛燒。所以外皮脆而不硬。更可惜的是店已關門大吉﹗現在此店的豬手可算有70分﹗與啤酒是一絶配﹗寫到此，今晚又要去飽餐痛飲一番﹗