帝樂 - 德國餐廳 (已結業)

食物不錯，有折扣會較好，因較貴。但因音樂聲太大，很難傾談，要像大叫咁叫到喉嚨也痛，難以享受開心時光。

可能因為我個人怕鹹豬手，成日覺得豬手有陣羶味，但外皮好脆脆。我好好好中意所有甜品，好多款都好好食。一定要試咖咖啡and綠茶慕絲。不過個意粉汁好鹹，個湯味道怪怪=.=\"服務態度:幾好

提早與父親大人慶祝父親節，一行5大3小，點了豬手、燒雞、番茄肉醬蝴蝶粉、海鮮天使面、農夫包、燒豬排骨、沙津、德國腸﹗食物方面，不過不失﹗但最有感覺反而是待客之道：是原我一個星期前已打電話訂位，那位小姐已講星期六客人較多，分兩段時間，晚上8:30要埋單，我當時說沒有問題；到今早，有位小姐打來同我reconfirm個訂位，又再提8:30埋單；到去到取位，門口哥哥又再提多次﹗心想原來市道好了很多呀﹗其實我們在8:00左右已經食完，但當時場內還有數張吉枱，走的時候，亦看不到外面有人等位﹗其實佢地三番四次咁講，好像要我們一定在8:30前走﹗我曾經聽過，有餐廳在星期六日都會分兩段時間，他們一樣會咁講，不過佢地會加多句–如果無人等位，都唔一定要埋單先﹗

22/5(二) 6:45pm突有所感喫豬手之慾念深切透頂,深切至前一晚急召男摯友共嚐豬手!又一次托匯豐的鴻福,於六月前的星期二持其信用卡光顧及結帳,散叫菜式可享半價優惠;就連譚校長也激志讚賞的豬手,是晚正正良辰吉日嗜豬夜!未到七時,店內一室英倫酒吧格調,感覺古雅,氣氛輕鬆.服務生事前已提點我倆第一輪進餐至八時半.我倆隅坐於近live stage及大電視的四人座.簡閱餐牌後,兩人點了Marinated Herrings & Beetroot & Egg Salad $70,Roast Pork Knuckle $125,Salmon Steak with Spinach Tartar Sauce $165.Marinated Herrings & Beetroot & Egg Salad--希靈魚跟以前於Ikea買下的味道同出一轍,沒啥驚喜!紅菜頭及火箭菜新鮮爽口,至於烚蛋沙律口感特別,入口粉中微帶彈牙;配以酸度溫和的紅醋汁,味道清新!Roast Pork Knuckle--至高無上的豬手燒至外皮卜脆酥香至極之餘,亦沒絲毫脂肪;肉質鹹香嫩滑,零瑕疵的絕世佳作!Salmon Steak w

上個禮拜五特登同朋友預留臺去食豬手。食物不錯，有埋live band，氣氛亦十分良好，但我認為其他"特別"菜式並不是太吸引，大家主要都是而了豬手而去的。另外，果到有個好高既靚女駐場，這也是另一個買點啊！總括黎說，不俗！

上一次撰文以「慶祝」為題，是為你考試成功；這一次再celebrate，也是為你完成Final exam，以及當是生日預慶。喜上加喜! 　適逢有HSBC優惠，「唔好客氣」，開餐!　鮮白菌忌廉湯配鮮蝦-濃郁料充足，味道不錯!德國麵飽籃-長脆條很香脆可口，另一款包就太硬太淨實，拉勻一般。燒脆皮德國咸豬手拌酸椰菜．薯仔沙律-吃德國菜豬手是不可錯過的一味，也是整頓飯的重點。第二次吃，豬手仍然保持脆卜卜的外皮，很有咬口，而肉質也尚算嫩滑。豬手份量巨大，飽得很!煎龍脷柳配忌廉莧菜汁-以莧菜打成汁配龍脷柳，味道較清淡，與飽膩的豬手形成一濃一淡的對比，不俗。香芒拿破侖-正名應是香芒吉士拿破侖，因為芒果與拿破侖酥皮之間，有大量香甜吉士!可想而知味道十分甜美，我鍾意!　由於現場有live band，菲藉歌手的演出不俗，不過想傾偈就差少少。比較起來，這間餐廳適合一班人飯局多點。　不要緊，但願很快又值得慶祝的好事在你身上發生，到時再找地方celebrate過，cheers!

未有訂檯的情況下被安排入座吧檯, 雖與食物檯的距離較遠,但比出面靜很多, 環境更勝一籌.食物方面分四類: 沙律、甜品、即製意粉同小食. 每類的種類都不是太多, 可以試均晒的. 最好食係燒牛仔骨同脆炸咸豬手, 還有出名的芝士腸都不錯. 我記得去過赤柱的分店, 這兩個菜都頗貴的, 如今只需$100左右就可任食, 可算幾抵!因為有一張免費coupon同會員咭, 埋單只需$93.

上次去完赤柱食下午茶之後，響檯面執到佢地集團０既宣傳單張，先知道尖沙咀有２間店有德國菜ＴＥＡＢＵＦＦＥＴ食，最後選了尖東分店，因為平１０蚊同埋多一個鐘頭食～２點正我地就入到去了，本來我想住外面的位子，不過朋友們說很熱要坐餐廳入面＞＜(點知入面仲熱，個冷氣好似冇開到咁...)第一次食德國菜，當然招牌菜咸豬手點都要試下＾＾；食過之後覺得好似食西式０既燒肉呀（哈）前菜有湯﹑沙律﹑三文治﹑多士等小食。即制０既芝士德國火腿多士＆蛋沙律小型多士非常好食！不過唔可以食得多，會好飽肚的＾＾；熱菜周不時都會有新款出（豬手﹑德國腸＆雞翼就長有），唔會死固固得０個幾樣，薯菜﹑炸由魚等粉麵0個ｄ係自己拎材料比廚師煮，多少隨意＾＾第一碟蝴蝶粉整得好硬，第二碟意粉我叫佢整林ｄ＆多汁，效果唔錯！甜品我冇乜食到，只係狂食新鮮菠蘿，好甜啊，非常滿足！飲品有啤酒選，其中一個朋友０黎過呢度飲０野，話呢度０既啤酒好好飲（唔記得酒名），所以３個朋友都選擇了，而我唔飲酒的就飲菠蘿汁（哈）ｌａｓｔｃａｌｌ響４點９，不過已經食到飽飽了！

22.4.2007 (SUN)供應時間：SAT, SUN & PUBLIC HOLIDAY (1400 - 1700 HRS)$98 + 10%包一杯drink (beer, juice, coffee or tea)我食過3次，其中1次係赤柱，赤柱環境勁正，但尖沙咀喱間都唔借。個tea buffet都有好多食，有南瓜湯、沙律、各式麵包有脆皮德國豬手、德國腸、雞翼、炸魚薯條、ribs、羊脾、即製自選pasta等。Dessert有tiramisu, bread-puffing, ice-cream, pancake, chocolate mousse, jelly, lemon tart, chocolate cake...... Mum好欣賞個脆皮德國豬手、羊脾& bread-puffing，尤其個脆皮德國豬手皮勁脆，裏面肉淋淋、鹹鹹，平時散叫要百幾蚊架。喱度環境唔錯，約埋幾個朋友吹水，食，喱度都係唔錯選擇。我有張COUPON可FREE一個，所以今餐好抵！

本人一向對德國有難以言喻的情意結, 在儲夠銀彈到德國一遊之前, 在這裡吃些德意志菜也算是不錯的選擇!其實早對此餐廳早有所聞, 也一直計劃想吃, 但就因種種的原因, 此終未有機會一試!今次乘信用卡優惠之便, 終於「的起心肝」去試!我們訂了位6:30, 我們6:15分已到了, 其實餐廳客人不多, 相反餐廳面積算大, 很有空間感, 加之更有位置放著Live Band的樂器, 餐廳大小可想而知!(不過幸好當時沒有Live Band表演, 最怕吃飯的時候環境大吵, 我較喜歡靜一點的環境)侍應給我們帶位時並說知否8:30要交(此為本人深惡痛絕的餐廳規條之一)坦白說, 我訂位時該職員沒給我說過, 加上那侍應「目口目面」, 我心裡著實有點不滿, 不過為免掃興, 加上6:15-8:30也有很多時間, 也就算了。上述已提到信用卡優惠, 它有一個二人及四人的套餐, 原來逢星期二主餐牌有五折, 比較之下好像叫套餐更為化算(加上二人套餐也有我最喜愛的脆皮豬手) , 因此我們就叫了個二人套餐。先來的是雜菌湯配鮮蝦, 雜菌湯很濃, 加上有些雜菌蓉, 湯起來很有口感, 湯本身很香雜菌味道, 鮮蝦則有二粒作點綴, 唯不

又同學聚會喇！梗係要食餐好o架啦！阿Ju提議呢度，地點雖然偏僻o的，但想飲好耐冇飲過o既德國啤，所以o黎到一坐低就叫o左一大杯King Ludwig啤喇，之後再叫o左兩客麵包，一個甜一個咸，仲有好似係鵝肝醬o既醬汁點住o黎食，可能我好鍾意食麵包啦，所以我覺得幾好味，又多款式揀，德國豬肉腸都幾野味，之後當然有叫馳名o既德國咸豬手啦，肉夠腍，唔會太咸，份量夠，我o地四個人share都ok，仲有叫o左客雲吞，不過呢個就麻麻o地，冇咩味咁，好淡。整體o黎講算唔錯，但就偏貴，我o地坐o左成晚呀，良朋歡聚好耐冇見嘛。

昨晚1行4人,叫鰦 :1)hoegaarden bottle X 2比較偏愛這隻有果酸味的white beer,仍在happy hr時段,抵叫2)maisel's 0.5L draught X 2waiter介紹,濃麥味,帶點甜,友人說入口是淡味鰟 種,又是happy hr叫的3)farm roll1個圓形十字麵包,唔太大,外脆內軟。跟鰦 2個paste。1個paste像是鴨肉肝之類的paste,故帶d"so",味比較濃。另1款是類似牛油cream cheese,cheese味好輕,塗在面包上,又有d味,1d都唔膩。全部人都較喜歡這個paste4)nuenberg pork sausages-1碟6條豬肉腸,跟potato salad+tomato cabbage,味道普通,無嘜特別5)pork knuckle-waitress會在你檯邊把knuckle分好才端上檯。分食物時還feel到熱騰騰。跟了酸椰菜和小小炸薯仔。豬手外皮已經無嘜肥膏/脂肪,所以賣相對我鈬 講好ok。d肉仍好juicy,腍同嫩,1d都唔"鞋"。又唔會死鹹。經過研究,應是烚熟後,再入好高溫度的oven把皮烤至金黃皮脆

16/2一大班朋大好耐冇好好聚一聚,因為男朋友鐘意飲啤酒,所以揀左lee間餐\廳.七點四十五分入席,八點前飲品仲係happy hour.叫左柸大生啤..雖然同其它食評講既一樣,啤酒冇苦味,不過好淡,淡如水~~~我再叫左杯野莓加紅莓汁既飲品~~好難飲~~得酸味,唔知自己飲緊咩.再order過一支紅酒...成三百蚊..結果~又係好難飲~~~~救命~ >o<好彩食物質素都仲可以加返分,最好食係炸豬肘,不過要差唔多二百蚊~~得幾片肉~外脆內軟~好味海鮮意粉~~留意,佢\地既size好細~味道一般,冇咩特別~農夫包~一個包分四件(又係好細個)有兩個醬配上,芝士味ok,餅乾條~~得三條,好重香草味...一般香腸拼盤~~又幾特別喎~~隻隻腸隻都唔同味道薯餅配鴨肉～有驚喜，薯餅好香，絶對唔係M記貨色．好另外有order沙律，意粉，不過就好普通~有live brand,不過好嘈，如果想傾偈就揀張近門口既枱會好好多．服務都幾好，好有禮貌~

同BF 第一年既情人節, 一個星期前已經BOOK左枱, 係8:30 PM O個輪.7:45PM 到要等, 差不多9PM 先入坐. 第一次去, 見到室外有數張枱, 飲o下啤酒, 吹下水都幾好~ 而入面地方幾大, 甚有德國風味. 另外仲有一個CONRER 有LIVE BAND, 不過我覺得佢唱得麻麻, 同埋大聲左DD.... 由於情人節SET DINNER 唔係好岩, 於是我地散叫, 但最低消費$700 / TABLE. 為左meet佢地既min. charge, 我地叫左好多野:1) 牛肉湯( $4X)個湯係清湯，好濃牛肉味, 有dd 似清湯腩d味. 面頭有一條條"牛肝醬" 幾得意.2) 德國雲吞清雞湯($4X)清雞湯好鮮味, 唔油, 裡面有d 蘿蔔絲, 雲吞唔係港式或者係法式雲吞有d 皮包住, 佢好似d 肉卷咁, 應該係雞肉, 3) 煙三文魚田園包($4X)有d似delifance 既包, 底面都烘過, 加上煙三文魚同生菜, 不錯. 但凍左就差d. 如果想試下再傳統d既德國包, 應該試下十字包(圈).4) 金牌牛肉豬肉腸(德國) ($70 /1 pc)$70一條腸, 都幾貴呀! 全長有

好食又唔係好好食, 又唔算唔好食, 但係九十幾一百蚊一碟腸得果幾條又真係少左DD...live band 係兩位女歌手, 但主要職責似乎係唱生日歌... 都唔知唱左幾多次... =.="豬手一般la, 皮太硬(可以話過脆), 味道不太咸不太淡, 適中la~ 係澳門食過一間餐廳既蜜汁燒豬手仲好味, 都唔駛$100