帕莎新疆菜館 (已結業)

入口門侍應按照新疆習俗要求客人洗手三次，好特別。侍應服務態度都好好，好有記性。一講X小姐留座，就可以即刻引路，唔需要再睇返記錄。幾pro。佢地態度亦好好。點菜會簡介野食係點煮法，又唔會硬銷菜式，感覺好舒服。我地一行七個人點左七個菜，包括1. 帕爾什布(麵包包住雞、羊肉) - 好味。麵包好脆，肉汁仍然完好保留，咬落去外脆內軟。2. 烤羊脾- 正，羊肉有唔太濃o既辣味唔濃，但非常香口，仲有好多肉汁。肉質仲好鮮嫩。正。3. 羊肉焗飯- 油比較多，同埋有d米骨，味道一般啦。4. 蒜茸菠菜- 普通菜色，有一定水準，ok!5. 蒙古雲吞- 有d似上海o既小籠包，味道都唔錯。6. 羊肉春卷- 一般，無乜特別。7. xxx雜炒(唔係好記得個名) - 個菜用薯仔，青紅椒，鴨肉同雞皮油炆。配埋花椒八角等香料，好味，不過有d鹹，仲幾油下，ok啦。整體服務質素同食物都相當唔錯，有機會各位不妨一試。

一嚟到，首先感覺係待應招呼好殷勤，地方都幾好情調同好舒服．食物方面，新彊菜自然係羊肉為主；一行五人食了很多嘢（結果都食剩ｄ），食物水準幾好，無論冷盤，點心同主菜都掂．羊同雞嘅菜色尤其正．印象較深有烤羊肉同雞，燒小羊腿，一種羊肉做”涵”嘅酥皮點心，薄餅，雞肉抓飯．食到飽晒同埋叫咗好多飲嘢都係百幾蚊個人，幾抵．

o的野食都幾好。要試試只羊卑，成隻羊槌上，有三款唔同既配料點來食。果日我地試o左個蒙古雲吞，細細粒，好特別。叫o左個薄荷特飲，好掂。飲蒙古啤酒亦好過癮，用個小小既木杯飲。呢間餐廳都幾full，所以一定要make booking. 如果坐響角落位仲好，有o的布做裝飾，好有氣氛。

本人一家四口今晚到此餐廳用膳,專程由新界乘車到港島區品嘗此餐廳的新彊菜.坦白講, 關於味道方面,各人有各人的口味,食完後可能我地對新彊菜色沒有多大好感,所以不予置評.不過我相信服務態度這方面人人的標準也會差不多.事緣今日我地book左6:00pm位,叫左個套餐,然後一個中年的伙計serve我地(p.s.佢一路咳一路做野又無帶口罩,非常恐怖),我地每人叫左一杯野飲(係唔包括o係套餐入面的),分別係兩杯四寶茶($6/杯,有一壺茶跟埋),一杯新彊咸奶茶($20/杯),及一杯杞子桂花茶($30/杯),我地一路路食,去到最後食完所有食物,至於新彊咸奶茶及桂花茶我地都飲完,見到有壺四寶茶,我地諗住試下,所以用飲完o個杯奶茶杯盛了一些用來試下,點之最後埋單check單時發現收左我地三杯四寶茶錢,我地詢問伙計點解,佢只係用手指指一指我地杯奶茶(即試下四寶茶那杯).我覺得收呢六蚊唔係一個大問題,最大問題係佢地唔聲唔聲咁收錢.食完大家都覺得非常氣憤,所以回家第一時間上網留言告知所有人!!!! 最後提醒大家,去呢家餐廳食飯, 要主動同伙計order清水,佢地係唔會自動自覺既....另外記緊check單.

兩人的晚餐。七點半一個人先入座，侍應竟問我可唔可以九點還檯。呢個要求亦未免有點兒那個... ...dinner 係要黎enjoy ga ~ 趕頭趕命，我不如去茶餐廳！Order ~ 兩杯冬日特飲（味道都唔錯ga！）青瓜卷（冷盤）麻辣雞絲（冷盤）燒羊架（幾辣、又夠味，不過稍嫌太多油）服務、招呼都唔錯。唯一係門口位姐姐未入座就要我限時還檯有D ... ...

今日打電話想訂位食餐晚飯，上午11點打去book夜晚7點半就已經話無位。然後叫你食6點，但係8點3要交枱，懶巴閉!!! 問佢有無第二個時間，D態度唔係好友善，真係唔係好想幫親。如果唔係朋友介紹，D野食幾好都係假!!!

今日情人節想同女朋友食d特別d食,經朋友介紹就預左餐廳,其實佢食物都幾好食,但係d食物上檯時候都唔係好熱,只係暖暖地.佢地個牛尾湯好好飲,大家一定要試下.但係佢地服務唔係太好,我地錯手掉左隻筷子落地,佢地waiter幫我地拎起之後,就冇再拎過對新俾我地,問左佢地幾次先有,仲有就係埋單時候價錢係$583,我俾左$600佢之後,我等左十五分鐘都冇人找錢俾我,最後我索性唔等啦,呢一向我覺得好差,希望有關方面可以改善下.

昨晚happy Friday, 與一位king parrot的big fan到了pasha吃飯.第一次嚐新疆菜, 起初還以為菜式都是香料氾濫的, 想不到朋友點的菜中, 竟然還有些味道並不濃. (也許是朋友心思縝密, 知我心意, 點對了菜.)爆炒鹿肉–第一次吃鹿肉... 很嫰滑=)三色魚卷–蛋皮包著菠菜和魚肉, 雖然是炸的菜式, 但一點也不膩- 炸的油應該是滾而不老, 炸皮薄而脆, 色不深, 大概只是輕炸了一會, 油並有怎麼走進食物去. 不過炸皮、菠菜、魚肉各有各的口感, 拼在一起好像不太和諧. 雞肉抓飯–飯以一個大窩盛著, 一打開蓋, 香味撲鼻, 隱約看見微紅的飯. 飯焗得稔, 吸引了不少汁, 雖不知道是甚麼汁, 但味道十分不錯. (但肯定不是喜吃“硬飯”的朋友那杯茶). 雞肉則略嫌火喉太過.羊肉串燒–雖然有一點筋, 但肥瘦均稱, 不用醬汁一樣燒得又香(又酥)又軟, 總括而言, 一個字“正!”(或“oosh”!)栗蓉窩餅–餅皮跟三色魚卷一樣炸得香而不膩, 餡料則是微甜的栗蓉, 屬於比較清淡的甜品. 差點忘了說, 服務方面真要改善一下, 侍應人數不夠經驗不夠, 手忙腳亂弄得我們檯一片混亂

I found the food quite average, unlike some of the earlier comments posted here. The lamb shank was the best of the average, the other 2 dishes - "chicken in big dish" and "stir fried cabbage with vinegar" was quite average and too oily for me.Wouldn't recommend it.

你地有冇飲過佢個燉羊湯,我地叫左一客,個湯黎到好似清水加左羊肉,一d味都冇(羊味同咸味都冇),我咪問佢地,佢地話呢個湯係好清,俾d怕羊穌的人飲,但係我話都唔會完全冇味,佢話同我換左佢!我等左5-8分鐘左右,佢話換左碗俾我,我飲左一啖,再攪一攪,發現湯中的羊肉同骨竟然同頭先一樣,唔同的只係加左好多咸味,我再問佢地,佢地話呢碗係新,我話都係一d羊味都冇,佢地話換過碗"手抓羊湯" 俾我地,我心想"手抓羊湯"?我見唔到個menu有wor!好又睇下點,再等左10分鐘,碗湯來了,今次面頭多左d"芫西",飲一啖,係就係有d羊味,但仲咸過頭先,我已經心灰la,唔再出聲,算la,再換都冇用,個碗湯好在夠熱,我叫左手抓羊,因為天氣凍,好快涼左,我就用碗湯黎浸熱佢食,你地去呢間野千期唔好叫羊湯呀!不過我都會繼續去，因為個手抓羊真係好好味！

雖然未去過新疆, 唔知呢度菜色係咪正中...但幾特別...賣相好有民族feel羊肉串同烤餅- 好味...好似幾地道咁抓飯同花茶- 都有好清新唔膩裝潢服務都不俗!

前2日同媽媽黎左呢度食中午.媽媽係第一次黎,覺得呢度d裝修好有特色.侍應又好招呼. 所以未食.佢已經對呢間野有好感啦.我地2個人叫有一個點心拼盤餐40蚊.有2粒羊肉餃子.2粒豬肉燒買.1個菜肉包同一個南瓜餅..嗯.味道一般啦南瓜餅最好味.男士應該唔夠飽架啦.(我地當時都唔知點解會食果個既..唉)再叫左個燒羊腿手爪飯.45蚊.哈哈.呢個就似d樣.一碗湯,跟個飯.都幾大碗.羊腿真係燒得好好味啊.有2件.真係唔夠喉啊.下次一定要再叫一碟羊腿先得啊.我地都食得好開心!有king parrot card.有85折.

上星期同朋友到前食飯,叫左烤小羊腿、青瓜、兩杯紅酒再加兩個小食,各樣都依然保持水準,同埋侍應服務態度好好,幫我地切埋小羊腿,兩個人食埋單三百零蚊,真係唔錯,下次會再去!

我最喜愛青瓜卷，味道清新. 女孩必食！好surprise烤羊肉串竟然保留到新彊風味，好juicy, 且份量不少($35/2),好味扺食. 有個炸魚卷，幾有特色．Overall食物質素，味道唔錯. 但服務要improve. 可能係星期六, 我地話八點交枱，侍應卻未到八點已要求我地結賬．結賬後又即刻清枱，但出面仍然有多張空桌，又未有客在等, 分明趕客lor. 所以有些不滿.　

Was here last month. My friend got 15% off VIP card of the "food street" restaurant, and I want to try something new, so choose this one. It was a weekend evening, and the restaurant was almost full, without reservation, the manager managed to sqeeze 2 of us into a road side small table. We later move to a bigger table half way of our dinner.Food was good, though don't taste like Xinjiang cuisine at all. Actually, I wonder if they prepare the meat in Hallah (Muslim) style, which usually a bit dr