巴辣烤魚米線 (已結業)

成日都會返深圳, 係深圳食水煮魚, 酸菜魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~但係朋友介紹我, 係銅鑼灣禮頓中山對面, 鳳城酒樓下面, 新開咗一間"巴辣烤魚米線" 佢話佢個度D酸菜魚同水煮魚都幾好食,所以今晚約埋朋友一齊去試下... 開心開心~去到我地點咗一個麻辣水煮魚, 一個米線, 一個麻辣皮蛋, 一個麻辣烤雞翼, 麻辣水煮魚---我地揀咗貴花魚$328 (開頭覺得有D貴, 上枱原來洗面盤咁大碗, 足夠4-5人食) 好麻, 未食聞到已經流哂口水~貴花魚好滑, 但肉質好硬淨好新鮮~ 仲有薯粉芽菜係底~ 開始後悔頭先點咗咁多野~ 有D驚食唔哂~之後上單點的米線--我地叫咗酸菜湯底~ 好酸好開胃, 我地點咗豬大腸, 雲吞做餸~ 好大碗~ 慳少少其實可以當一餐食~ 平過食譚仔~麻辣烤雞翼---必叫香脆小食~ 面頭D香料好惹味~ 入面仲好多肉汁~ 好好味~好辣既朋友必定要試既餐廳~~ 全給滿分~~ 正~

生平第一次寫食評，主要原因係希望多D人注意呢間喺銅鑼灣新開嘅餐廳。最近迷上食酸菜烤魚，行開見到呢間新烤魚餐廳即時想試試。星期五晚上七時多步入，竟然一個人都冇？有D唔敢坐低，但最後都膽粗粗即管坐低。點左餐牌上嘅酸辣烤魚、口水雞、魚皮餃同響鈴。因為我哋係唯一一枱客所以食物好快上枱，口水雞出其地非常好食，辣度剛好，雞肉嫩滑，只係$26 一碟！主角酸菜烤魚接住出場。一大條桂花魚重有D硯！我哋選了中辣，湯底酸、辣、鹹、香，好好味呀！魚新鮮肉滑，加埋鹹酸菜一齊食真係食到停唔到口。兩個人，一條魚、一碟口水雞、魚皮胶同響鈴+2支飲品埋單$466！地方企理乾淨又坐得舒服，喺銅鑼灣地舖咁嘅價錢算好合理！知道佢哋下午有酸辣米缐，將會好快返去試下。

之前聽同事講公司附近開左一間食烤魚既地方，我即時心心眼呀，因為我真係勁中意食辣架🤗我已經急不及待去試下先，專程過左lunch time之後無咁多人又坐得舒服d嘛。餐廳幾寬敞，位置坐得好舒服呀。最重要一樣野，我花名叫辣妹，有不同辣度同超多配菜選擇正呀我叫左竹笙，魚肉春卷，辣豬肚絲，蘿蔔酸辣薯粉。再單叫麻辣烤雞翼，超大碗，辣度夠每樣配料吸收左湯底精華，好入味，差點連湯底都飲晒呀雞翼脆卜卜既外層，肉質超級嫩滑呀。一個人一口氣食晒

識我嘅人都知道我是百份百的火鍋迷，基本上可一日三餐也吃火鍋😛👉🏻繼火鍋之後🍲我最愛的便是烤魚🔥🐟🌶但要找個和你志趣相投👭同樣💕喜歡💕吃烤魚的朋友真的很難啊😞今巴終於比我找到了！🐟這裡烤魚有 #沙巴龍躉 （$258）#清江魚（$288）#桂花魚（$328）選擇仲可以選擇麻辣🌶、酸菜🌿或水煮🌶口味💕仲可以按個人喜好挑選辣度🌶🌶🌶——～——～——～——～——～點了幾款🍡小食為吃大餐前開開胃🥒紅油青瓜拼皮蛋（$24）青瓜清新爽口，配埋皮蛋不得了！🐷蒜泥白肉（$28）蒜泥的香味滲透透薄的豬肉上，很惹味！🐥口水雞（$26）口水雞麻辣香味不會很辣，肉質吸收了麻辣汁味道，麻香又惹味。🐟烤魚🔥🌶酸菜烤清江魚 小辣（$288）清江魚先烤過後再放份大鍋中配上各種香料和配菜而成。清江魚非常大條，肉質嫩滑美味，鍋中的辣汁滲透在魚肉中，非常惹味😋鍋內還有不同的配料，如蜆、豆卜、芽菜、青瓜、蒟蒻片等，非常豐富！由於我太愛打邊爐，所以絕對唔會錯過每個機會，吃完烤魚後，還加配了幾款🍢火鍋配料，吸收烤魚鍋中的精粹，份外美味！🐟自家製魚腐（$38）🍄金針菇（$22）🍀娃娃菜（$28）🌿生菜（$22）🥔薯粉（$22）🥤飲品有

今日喺times睇戲，附近餐廳食厭咗，所以試下呢間新開的米線店。午飯時間就做米線，晚飯就食魚煲同雞煲，啱晒我同朋友！叫咗個酸菜烤清江魚煲，越食越辣，魚好大隻又新鮮，食得好滋味！竟然有蜆，而且係鮮甜同冇沙！襯魚未滾我哋叫咗啲前菜食，紅油青瓜拼皮蛋好味又大份；蒜泥白肉同出面有啲唔同，蒜泥加咗乾椒，但唔太辣，切得比較細塊，更易入口；口水雞好好味，大份又抵食！配料叫咗、娃娃菜、生菜、薯粉，整體都唔錯！推介薯粉同魚腐，出面好少有。

剛經過附近見到有間新開張米線＋烤魚雞煲！經過一位四川師父介紹！試了烤魚！味道有種當年去重慶食既感覺！走時還叫了個雞煲回家俾家人試試！聽說主打正宗川菜師父主理！值得一試！

呢排屋企裝修 所以同屋企人搬左去附近嘅皇冠假日酒店暫住 起初都無留意到有呢間野 直至到前幾晚收工行過見到 見到無咩人就入去試下 我本人就比較鍾意食辣 所以叫左個麻辣烤魚黎試下 仲叫左幾樣餸 其實重點係條烤魚同湯底 我叫左大辣 未黎到已經聞到好香好濃嘅辣味 上埋枱 見到紅卜卜好辣之人梗係興奮啦 湯底真係完全唔需要擔心 落足曬料 唔怪得咁惹味 再將魚擺埋落口 肉質鬆軟又入味 反而魚腥味少少都無 啱曬啲怕腥嘅人去食 我食過有烤魚嘅餐廳雖然唔多 但做到色香味俱全嘅真係無乜 呢間做到嘅同時價錢都算合理 但可惜好似無咩人流 可能係因為位置偏僻關係 見到仲有其他烤魚 好似都有啲唔辣嘅 同埋米線 一定會叫埋朋友黎試 希望下次黎會多啲人 順帶一提 服務員態度友善 值得一讚

前幾日去銅鑼灣見客，中午經過一間新開既餐廳就入去試一試。入到去環境都舒服乾淨，侍應嘅態度亦好好。我叫左一碗清湯米線但加左一份蘿蔔同一份麻辣腩肉。服務員都有提醒麻辣腩肉都幾辣，不過我食落就覺得剛剛好。腩肉就入曬味，蘿蔔又軟又無渣，加埋碗米線就飽啦。哩餐我都覺得唔錯，係銅鑼灣食個Lunch$40都有找亦唔多。我係哩度都推介下哩間巴辣，味道唔錯環境又好可以一試。如果想試下哩度既辣味又唔係好食得辣，不妨點個清湯加份有辣既配料都好味架

lunch時間經過見到冇位 到放工入去有位可以試下就同2個fd去食 環境舒服 雖然係桌上烤緊魚 但冷氣十足 食左個麻辣青江烤魚 選左個中辣夠晒刺激 烤魚以外還配埋芽菜 青瓜 豆卜索晒d湯！！！我地散叫左幾樣配菜 平均2.3十蚊款比其他同類的平！！至於服務雖然睇落個個都係後生仔 但就好細心 仲介紹我地食餐牌冇的酸菜魚 都係正正正！！！d味咁濃以為一定會勁飲水 但係冇喎。係第二到食飲成日水都補唔返 埋單每人$150 左右 會再幫襯

今日要講下呢間巴辣烤魚米線， 剛開店一個星期 ，下午茶做緊八折 ， 四川麻辣風味， 我本人 唔係好食得辣 ，試咗酸辣米線（ 小辣）26元，配料 分五元，七元，八元，同埋10元 四種選擇， 我 選擇了辣腩肉 加8元， 其實都唔算太辣， 味道不錯，符合四川重口味的一貫風格， 下午茶加3元跟熱飲，要咗杯咖啡，應該是即溶咖啡，但都唔錯 比較濃厚， 埋單8折左 折實30元， 都幾抵食㗎 。餐廳地方寬敞舒適整潔，服務員態度友善，可能 由於新開張關係 ，餐廳比較少人，坐得舒服，有機會都會試下夜晚嘅火鍋烤魚。