巴辣烤魚米線 (已結業)

呢輪開始天氣冇咁熱有啲秋意，想食啲辣嘢例如雞煲魚煲，前兩日放工去銅鑼灣Time Square睇完Mickey Mouse展覽，跟住行咗去利舞臺對面嘅一間“巴辣烤魚米線”食晚飯，佢哋有雞煲或者魚煲選擇，如果你一個人嘅話亦可以食酸辣米線或者叉油雞飯都任君選擇。我哋嗰日就點咗一個魚煲，佢地有三款魚類選擇，有沙巴龍躉、清江魚同埋桂花魚，而我哋就選擇咗沙巴龍躉，原條沙巴龍躉夠大條，兩個人食已經好足夠，而味道方面有麻辣酸辣同埋水煮魚等不同選擇。小辣嘅酸辣味就最適合我哋口味，酸酸地又有輕微辣味，唔會太辣，沙巴龍躉肉質彈牙嫩滑，而配料有蜆、芽菜、豆腐卜、青瓜、酸菜等等，十分豐富。另外配料方面我哋加咗美國特選肥牛、自家製魚腐、窩筍、生菜同埋響鈴。特選肥牛算嫩滑，性價比高，而自家製魚索咗酸辣湯底非常好味，青綠既鍋筍同生菜就可以平衡一下辣味。整體嚟講魚煲味道夠濃郁，而且份量足夠，兩個人食一條魚加少少配料已經夠曬飽，喺銅鑼灣區嚟講呢個魚煲性價比算高。

平時返大陸食烤魚就食得多，前幾日終於係香港初嚐烤魚，發現原來質素都唔錯喎！除咗烤魚，餐廳仲有小菜、燒味同雞煲可以食。黎得依度，就當然要食烤魚啦！如果你同我一樣都決定咗食烤魚，首先要揀咗想食嘅魚。然後，再選擇味道。左諗右諗，我地最後決定咗食麻辣清江魚。（講漏咗，由於唔太食得辣，小弟只能夠挑戰小辣，好在仲handle度）一上枱就能可以聞到陣陣香辣嘅味道。條清江魚都算大條多肉。當湯滖嘅時候就表示可以食啦！魚肉入口唔錯，肉質尚算軟嫩。而辣味亦唔會話太勁，是慢慢散出來的！至於其他火鍋配料，我個人就推介大份抵食嘅美國特選肥牛同埋清甜爽口嘅萵筍。一句講曬：快、靚、正！值得再黎喔！

食完深圳探魚後一直念念不忘，成日都想再食。但去一趟深圳冇一日半日都唔得，就睇下香港有冇類似既魚鍋~係銅鑼灣有一間係專門食烤魚米線既店，仲可以食雞煲添。好似探魚咁有3種魚可以選擇，辣度都可以選擇。揀咗條清江魚 ($288) 魚都幾大條，店員話呢條魚骨都唔多~ 所以就決定叫呢個。叫咗幾個小食，墨魚丸，魚腐，金菇，紅薯粉，蓮藕片。配料煮完都好好味，薯粉更加係正🤤一路食一路辣，唔叫飲品真係食唔到😂不過竹庶茅根賣哂，唯有飲凍檸茶～

銅鑼灣又開左間食烤魚既餐廳鍾意周圍試新野既我緊係要走去試試啦舖頭位置都算方便喺時代廣場行兩分鐘就到有三款魚㨂沙巴龍躉，清江魚，桂花魚有麻辣，酸菜，蕃茄湯選㨂今次就揀左個沙巴龍躉酸菜烤魚試試—沙巴龍躉酸菜烤魚（大辣）$258酸菜份量好多夠酸又夠辣齋以個湯黎講係高質既而條魚都夠大條魚肉夠滑魚皮都有部份位置係脆既幾好食而且裡面都有好多蜆仔吸晒個湯好食另外我仲點左三樣野🐷肚，午餐肉，烏冬🐷肚同午餐肉份量好多絕不手軟🐷肚爽口午餐肉又係吸晒啲湯兩樣都好好食烏冬就無乜特別啦不過佢太吸湯留到最後食會好咸—總括黎講呢間既烤魚都算高質屬可番兜之選👍🏻👍🏻

經過銅鑼灣，想食烤魚，就試吓呢一間巴辣烤魚米線。首先，我們叫了三個小菜，第一個是涼拌土豆絲，酸酸麻麻辣辣，很開胃，薯仔很爽脆，是我必點自選。另一個小食是金磚豆腐粒，不過不失，豆腐是大名牌那一種，非常滑溜，但缺乏豆味。最後一個小菜是紅油青瓜配皮蛋，皮蛋滑溜，青瓜爽脆，再配上麻麻辣辣的醬汁，開胃但是如果不食得辣的人覺得比較辛苦。 食了這麼多小菜終於到了我們的主菜，我們叫了酸菜烤桂花魚（小辣）整個烤魚的配料鋪滿了整個鍋，但想不到這個烤魚還有蜆非常驚喜。當然烤魚的主角，就是魚本身。這條桂花魚烤得很香，食下去也很滑溜，配上酸酸辣辣的汁，非常嘢味。這間餐廳真的值得推介。

試過本店午餐的米線，知道晚餐有雞煲同烤魚就同朋友來試試。餐廳是茶餐廳的設計，但勝在乾淨企理。有一排卡位。餐牌上有5種烤魚形式供選擇：辣的有麻辣、酸菜和水煮，而且全都有辣度選擇，適合我不太吃辣的朋友。而不吃辣的人，另外蕃茄和鮮魚湯可選。魚款就有沙巴龍躉、清江魚和桂花魚。今次和朋友就選擇了酸菜烤沙巴龍躉小辣，店員推介說這種魚肉比較結實。也叫了一個雞煲，選麻辣。小辣酸菜烤魚先上枱，酸菜香味四溢，舖滿莞茜，內有不少酸菜和配菜。包括蜆、豆腐卜等。而且魚的份量十足，魚肉真的結實可口。本身其實勁夠食，但朋友十分喜愛牛丸，就叫了一客作打邊爐用，牛丸十分爽彈牙。店員在麻辣雞煲上枱時細心問我們要不要先不開蓋，但因為太香，忍不住要開始吃了。麻辣雞煲也都舖滿莞茜。雞肉嫩口，洋蔥都入了雞煲麻辣味，惹味得很，十分推介！其實餐牌上還有燒味，米線等供選擇。不過我會推介烤魚和雞煲。

最近好流行食烤魚，知道銅鑼灣有一間食烤魚同雞煲，就即刻同朋友一齊去食，呢間店午餐係食烤魚米線，夜晚就有烤魚同雞煲食……我一直都好想試下烤魚，咁就緊係夜晚黎食啦！我哋叫咗酸菜烤青江魚(小辣)， 魚肉春捲，自家制魚腐，蜜椒烤雞翼，掠拌薯粉同兩杯凍檸茶。首先黎咗個小食蜜椒雞翼，熱辣辣，外皮脆卜卜仲加埋香甜既蜜糖，好好食但一啲都唔會漏，必叫。涼拌薯粉(小辣)，有炸醬，酸菜，青瓜絲，香茜，炸醬好多，配埋青瓜絲好有口感，所有材料配埋一齊都好夾，好好食。酸菜烤清江魚(小辣)，配料好足，有好多酸菜，仲包埋豆腐卜同蜆。啲豆腐卜索晒啲湯汁，好正，啲蜆好鮮甜肥美。至於主角清江魚好小骨，啖啖肉同好滑，絕對冇令我失望。另外令我驚喜既仲有我哋額外加既魚肉春捲同自家制魚腐，好有魚肉味，份量好多，好抵食。我哋食緊嗰陣，隔離枱食緊雞煲，好香好吸引，下次一定會再黎試食雞煲。

A小姐一向都喜歡食魚, 最近番上深圳食過「探魚」之後, 對烤魚一直念念不忘。這次相約, 我們就揀了這一家「巴辣」食烤魚, 因為貪佢新開張不久。當晚等她一下班就來了, 六點左右, 餐廳只有一檯食客, 慢慢隨時間愈夜愈多人。這餐廳地方很乾淨, 燈光也很明亮, 坐得也很舒服, 值得一讚。店員也很有禮貌, 就算小朋友倒瀉水, 又弄髒地板, 她們都微微笑清理。麻辣烤清江魚/條(小辣) HKD 288.00小辣都夠辣了! 真係好香噴噴! 呢個烤魚仲有蜆! 蜆肉好新鮮, 隻隻都鮮甜無砂! 另外就是葋蒻! 吸收了沙汁的精華, 好好味! 好味又點少得主角清江魚, 先把原條魚煎炸過再烤, 魚肉保留了鮮味, 而肉質更結實。第一次清江魚, 想不到還不錯, 多肉少骨。加上湯底真的好好味, 令魚肉也惹味不少。兩個人食整條魚都仍覺未夠喉! 娃娃菜 HKD 28.00點了一份菜, 好好味! 娃娃菜本來就是打邊爐必食的, 好吸湯汁, 煮稔一點, 超好味。米線 HKD 18.00餐廳主打米線, 又豈能不吃呢? 米線本來就同麻辣湯好夾, 所以完全沒意外地好好味。兩個女生, 吃了這一餐, 真的是大滿足。我問A小姐, 跟「探魚

昨天去深圳食唔到烤魚，今日就係香港食，估唔到係CWB都食得到。環境乾淨整潔。好多枱，又有卡位。晚上有烤魚或雞煲，仲有燒味飯和米線，品種多元化。涼拌青瓜($16)爽脆的青瓜甜甜酸酸的，切得小小的，不但入味，還可以一口接一口，很開胃。涼拌土豆絲($22)微辣，甜甜的，脆脆的口感，很惹味。酸菜烤魚桂花魚($328)BB辣，仲有豆卜、芽菜、青瓜、蜆、魔芋，魚好大條，無腥味，質地嫩滑，配酸菜食超美味，食到lam lam脷，細火慢慢煮，味道更濃厚。萵荀($22)放酸菜湯食很入味。自家製魚腐($38)好特別，份量蠻多的，都幾吸味。皇帝菜($28)都好索湯，正。

男人的浪漫其實應該係食雞煲雖然依家雞煲冇以前咁流行，但係總會耐唔耐就好掛住呢陣香味，想約個朋友嚟回味下人少少叫咗半隻雞嘅奇味雞煲(唔辣)嚟到未開火已經聞到好香，驟眼睇落有洋蔥，芫茜，尖椒同雞件開咗火撈勻之後，見到啲雞上面係有好多惹味嘅調味料，好香，完全係以往食開嘅椒香味雞件好靚好嫩滑，食落雞皮都好彈牙，醬汁香濃入味講多都冇謂，即刻同朋友開咗兩支啤酒飲返杯，仲要好好彩佢做緊優惠($15支，兩支都只係$30)雞煲配啤酒真係絕配今晚一於不醉無歸火鍋配料方面，叫咗個唐生菜同牛肩胛唐生菜放咗落個加咗湯嘅雞煲度煮，十分索味呢個雞煲冇叫到麻辣，所以煮完嘅菜唔驚會嗆喉，可以放心大啖大啖咁食牛肩胛好靚，切得好薄身，食落牛味甚濃基本上淥三秒要食，如果唔係淥太耐就會變韌牛丸質素好高呢度嘅牛丸好彈牙，似係牛筋丸，但食落唔韌一咬落去，牛肉嘅油脂逼哂出嚟，好爽，食得好滋味十分推介最後當然不得不提邪惡首選：炸響鈴呢度啲響鈴都幾新鮮，食落脆卜卜又有豆味，索埋湯汁一齊食好呢間鋪仔細細人又唔多，真係幾適合同幾個佬嚟飲返杯，食舊雞

嚟到銅鑼灣搵嘢食，一行四人，想食最近好流行嘅烤魚先用落單紙揀咗個魚，叫咗啲小食同飲品，然後就坐底等食，好興奮先嚟嘅係三支涼茶，步入中年，大家都注重養生呢個啲涼茶係支裝，款式都幾多，雪到夠哂冰凍重頭戲烤魚終於登場啦魚我哋揀咗少骨嘅桂花魚，味道我哋揀咗酸菜煮魚(小辣)成個爐長方形咁，好有氣勢烤魚係預先炸過嘅，外皮好脆，而且係開邊，方便我哋夾，唔使反魚酸菜煲聞落好香好惹味，有好多酸菜，蜆，豆卜，芫茜，蒜片...就咁望住都已經留哂口水店員提醒我哋一滾就食得，而且呢個湯好濃好入味，可以將配料放落去煮說時遲那時快，我哋叫嘅薯粉，魚肉春卷，魚皮餃，金菇響鈴等等都陸續送到個爐嘅火力有得調控，好快就滾叫咗小辣嘅酸菜魚唔會太辣或者太鹹，口味調較得啱啱好魚肉新鮮，厚身嫩滑，係滾到卜卜聲嘅湯入面夾起雪白嘅魚肉，魚背同魚腩都好香唔腥條魚令個個朋友都讚不絕口而且呢條桂花魚有冇骨咁濟，啱哂我哋呢種懶人配料方面，特別一提魚肉春卷幾好食，有種特別嘅香食落有啲似扁身嘅南記春卷，春卷皮好薄，入面嘅魚肉彈牙，切開一塊塊小塊好方便魚皮餃都好新鮮，冇雪藏味，入面嘅肉好彈牙食到咁上下，啲嘢飲飲哂，朋友建議開支啤酒啤啤佢所以拎咗四個

今日又嚟到銅鑼灣覓食，朋友想食川菜，我就想食烤魚，但8點呢個黃金時間試問有邊度唔使等😂行行下見到呢度，新開張又有烤魚😍😍麻辣清江魚❤️我地叫左小辣，辣度剛剛好👍內有大量蜆同配菜，好似食極都仲有咁😂魚亦肥肥的，得好少骨，魚肉嫩滑。魚肉春卷❤️有10大舊，吸哂d汁，超正👍美國特選肥牛❤️雪花紋靚，唔會雪到實的的，新鮮🤗薯仔❤️烤魚必叫，切得薄身，好快就熟嚕，極入味娃娃菜❤️店鋪好細心切左一半，易食有口感呢度其實主打米線，夜市就有埋雞煲烤魚，無論環境，食物同味道都高性價比👍

I came to this restaurant on a Saturday night with a group of 10 people. The staffs were passionate and helped us to combine our dining tables as the restaurant consists of mostly small tables. We ordered quite a number of dishes including the numbling spicy roasted fish and pickled cabbage roasted fish. Both of these two fishes were amazing, price was reasonable, and we further used the soup base as a hotpot for our Angus beef and meat balls etc.

經過朋友介紹先知道原來銅鑼灣有間雞煲係咁好味嘅，真係唔識過唔知，一食過就真係返尋味，雖然佢門面唔算好大，格調又唔高，但係講味道就真係一流啦。見到佢個招牌話食米線，我仲以為我個朋友介紹錯添，入到去原來真係有雞煲食㗎。最緊要嘅係佢仲用明火上枱㗎，一上枱就已經聞到陣陣嘅雞香味，睇到我口水都流。打開一睇仲見到鋪滿晒好多好多嘅莞西。今次我點左嘅係BB辣，連裏面嘅洋蔥，同埋莞西都充滿着麻辣嘅香氣，真係連配菜都食得晒呀，個雞煲應該係廚房已經煮熟左少少㗎啦，上到枱煮多大約5分鐘就已經食得啦，呢個雞煲嘅麻辣好香而且有少少偏甜，真係好惹味。山菜就梗係新鮮爽口啦，放入個雞煲度仲索埋雞煲嘅雞油，另有一番風味。響鈴就冇咩特別啦，都係一般嘅響鈴，但係勝在都係新鮮開蓋，依然好爽脆。呢個牛肉就真係一定要試啦，牛味好重，而且脂肪均勻，肉質紮實，真係食到停唔到口。

今日同朋友嚟到銅鑼灣行街，行到攰會地就梗係要搵啲嘢食啦，俾我哋見到門口有間五光十色嘅餐廳，裝修格調新穎，就一於試吓啦。我哋叫咗個酸菜桂花魚，佢係用明火上枱，保持鮮嫩魚身嘅熱度，上面鋪滿勁多莞西，果然係我至愛。好物真係要沉歸底，原來仲有好多蜆喺裏面，蜆新鮮得來又冇沙，入口好清甜。我哋叫嘅呢條魚係桂花魚，魚身冇乜嘢骨，而且肉好紮實，鮮甜可口，再配上酸菜湯底，令到魚味更勝一籌麻辣土豆絲，唔會好辣，恰到好處，土豆絲冰涼得來又爽口，果然係飯前開胃小食。薯粉放入個湯底度，薯粉吸盡湯底嘅精華，薯粉煙煙銀銀好有口感，我會鍾意食呢個薯粉多過烏冬囉。魚肉春卷，係佢哋嘅招牌菜，一樣係可以將湯底嘅精華吸盡，而且份量都幾多，兩個人真係食唔晒