巴蜀烤全魚 (已搬遷) 新店位置

食魚通常都係蒸 , 煎 , 炒 , 炆居多 ! 但係呢間就第一次用新方法食 , 感覺好新鮮 ! 打邊爐又唔似 , 泰國爐魚又唔似 ! 今次同朋友一齊去呢間嘢食嘢 , 齋食魚都可以食得咁開心 , 都係第一次 ! 一入間嘢雖然好多人 , 但係好有氣氛 , 見到周圍d人d魚上枱嘅時候好得意 ! 6個女仔叫左 2 款味道嘅魚 , 酸同辣(大邊) , 一黎到盤魚好大盤 , 仲以為食唔晒 ! 但係唔洗半個鍾就食晒d魚 , 食魚本身就唔會好溜 , 所以食完有滿足感之餘都好似唔係好肥咁 ! 但係如果汁再辣多d就仲過癮 , 酸魚都好食 , 如果唔食得辣嘅食酸菜魚都ok , 初頭以為酸菜魚好怪 , 但係到左之後原來酸菜魚好香 , 酸味都夠 , 又同魚好夾喎 ! 所以呢間可以一試 !

未被報導的餐館，看招牌及官方海報介紹，迫夾熱鬧氣氛，不其然聯想到重慶雞公煲。近門大檯擠下十一人，菜式已由KC打點好，甫坐下，未幾已送來兩盆大魚，效率無出其右！然後炸春卷、醋麻窩荀、切黃瓜、麻油牛腱相繼而來，大檯擺的除了餸還是餸，很壯觀，幾乎要把碗碟拿在手夾餸吃！招牌巴蜀麻辣魚，原條上，KC早已叫廚房加辣加麻，可惜大鯇魚肉雖鮮嫩，卻欠麻辣應有的辛香，就算放在鐵板上，底下墊以燭台烘熱，感覺還是魚還魚做，汁還汁煮，很抽離，最嚴重是怕辣如偶，吃了幾口，還未須動用紙巾。又試試另一款做法～酸菜煮魚，大鯇魚肉同樣鮮嫩，汁看似濃稠，但不夠味問題依然嚴重，大伙兒聰明地移花接木，將酸菜魚起肉，移到吃只剩麻辣汁的鐵板上，做出撈汁鐵板麻辣魚！話時話，怎麼魚肉都是偏生的，真如店方所述是醃後原尾去烤的嗎？話雖如此，近年已很少吃到肉嫩又無泥腥味的鯇魚了，小店處理河魚的技術確有一手。招牌魚湯不見佳處，味淡薄，腥與薑辛並存，少見食友如此禮讓兼客氣，兩碗魚湯米線加碗魚湯浸魚膘，到最後，只清掉魚膘，米線還是安然無樣，奇蹟。其餘小吃，炸春卷不油，皮竟是金黃不焦，餡料豐富，很滿意；牛腱大家覺得肉質唔錯，偶卻嫌下的麻油過份了，非

連我那個係酒樓老闆娘既阿媽都話可以再吃.我們一家一行四人訂了半條魚加菜, 由魚腩食起, 食到魚尾都能熱喇啦. 主要因為有舊大蠟臅燒著. 唯一就是要叫米線, 否則食到尾就乾乾地. 另外, 如果鐘意食菜, 就最好雙份, 因為吸晒d魚味!! 雖然無酒牌, 但我地自己帶去都無反對. 非常好!!!

每次經過都見好多人，第一次因只有一人先試魚湯米線，對我這個來自台灣漁港之鄉的人來說，沒有大驚喜!後來與朋友前來試烤魚，共試過酸菜，香麻辣，垛椒味!其中酸菜味最失敗，不夠熱且不入味，也沒有酸菜的香味!不死心的我們決心第日再來試香麻味，一試大呼過癮，幾乎停不了筷， 大家臉露滿足表情，有烤魚的香並香辣夠入味!好食!過幾日又與朋友來試垛椒味，可能常上深圳吃垛椒魚頭，就沒啥大驚喜!還是香麻辣最好食!

一早已被店名吸引住，未有機會試佢的烤全魚，但魚湯米線今天就專程試了。叫了魚咀米線，看圖片每碗應有三邊魚咀，來的時候只看到兩邊，以為又是圖片騙人，但食下食下，第三邊出現了，原來冇花假，魚湯更沒話可說，喜歡飲魚湯的一定能滿足，總之就係真材實料，交足工課，但米線卻成了小角色。另叫了一串羊肉，完全沒有驚喜，肉乾調味又唔夠，可以不試。但烤魚，我一定會試！

因女朋友住黃埔的關係﹐加上之前路經及看過這裡的食評﹐對這間主打食魚的店舖一早就想試﹐上星期終於有機會一試了。點了一個細半邊的麻辣味﹐老實說﹐真係一啲都唔夠辣﹐加上佢係用大家樂火煱果種酒精爐﹐所以個爐除左中間俾火直接燒既位置之外﹐其他四周都唔太夠熱﹐攪到要食啲乜就要將佢放響中間度煮一陣先至食得。不過尤幸既係﹐本身條魚極新鮮﹐之前睇其他食評話呢間野個老闆日日去街市度搵新鮮既魚﹐食完之後我都信。因為就算唔夠熱﹐但係條魚真係一啲腥味都無﹐仲好鮮甜忝。而響場度﹐見到周圍既人都響度食酸菜煮魚﹐所以覺得下次一定要試下。

選左剁椒味，少少辣，魚唔腥，平時我唔食淡水魚，怕有坭味，但此店嘅就例外。不過碗淨米線個湯就比平時叫有餸嘅淡左d。店員都會問番客人啱唔啱味，會唔會過咸，店員都好有禮貌。

呢間鋪係新開但竟然好多人,上個星期行過見無乜人就入去試吓.食咗個魚腩魚湯米線.一上檯就聞到魚香味,見D湯好白就試啖.嘩!好正噃,無落薑同胡椒都無腥味,証明用新鮮魚煮湯,好鲜甜.再食魚膈,發覺都係新鮮嘅.味道鮮美全靠材料新鮮,無落味精食完都唔會口渴.見到就算中午時間都有烤魚供應,下次一定要試.

羊肉沒有羊味,孑然粉亦不夠...麻辣全魚不夠熱,令盤四邊均成一堆油...最難過是花椒完全不夠,一點都不麻,整體亦不夠味.飯,太硬了吧...應該是給哭樣的,不過欣賞老闆至員工均屬有誠意之人,主動問客人意見,亦歡迎帶外來飲品.希望他們多加努力,令此特色食店可進一步.招牌菜控制到得心應手,便可加多一點菜餚,令不好魚的人亦可同來.

在沒有福爾摩斯的Baker St上,有間新開不久的四川小店"巴蜀烤全魚".晚上以烤魚作主打,午市就以魚湯米線或泡飯來應戰,作為烤魚店,午市也是用鯇魚為主.有魚頭,魚卜,魚尾,魚鮫等等部位吃.令到自己好像去了佐敦"新興棧"吃魚粥,當然這間小店環境好得多.想吃多一點肉,就要個魚腩米線,湯底呈奶白色,標榜不含味精.入口極為濃甜,沒有魚的腥味.很鮮甜.魚腩一早切片,沒有原件大塊的大啖肉口感.其魚腩的做法有別於佐敦等魚粥店,用酒去爆香來僻腥,雖然沒有用酒爆過,但也不腥,魚腩肉嫩滑細膩.很不錯.看看有沒有機會,叫三五個朋友,晚上來分享川式烤魚?

早前好朋友敏賢發現教會附近開了這間新店，說是吃辣的，就決定要找一天試試看。終於在本週一時與女朋友加敏賢一起去試試看～我是在早上先預訂晚上7:30的，要先預訂食甚麼。到場時，老闆說遲了三分鐘，所以座位剛好讓了給別人，連條魚也給讓了．．．-___-．．．但預訂不是沒用的，因為不斷看到不同人仕想進場，老闆卻一一建議他們買外賣好了。等多大約三分鐘，終於可以進場了，由於魚沒了，所以要多等25分鐘才上一條新的來。我要的魚是"椒泡全魚+配菜"($170+$18)。吃起來口感不錯，吃完全條魚也不覺有甚麼位是不滑的。魚不是很辣，可能因是用椒泡，不是麻辣的原固。魚上的醬料很值得欣賞，餸飯實在很好吃。另外上碟時是連兩個火水爐去保持熱力的，所以一值都可以吃到熱辣辣的魚，這也值得一讚。不過配菜就差了一點，因為配菜實在是太配菜，形同虛設，卻是$18，不值得。花了很大的氣力，三人終於吃完了一條魚，實在是很飽，完全沒想像到一條魚可以吃飽三人，事前本是想著要到別處覓食的。總括而言，印象是不錯的，但因我不是魚痴，應該不會特意再去一次了(因為除魚、配菜及白飯外，就沒有可選擇的了)。

四點幾行過，兩老人家有少少餓，見佢門口話無味精，就入去食碗米線，點左蕃茄肉碎及粟米魚湯米線，有驚喜喎，個湯好香魚味，濃淡度適中，無鯹味，好好食。其實佢主打係賣烤魚，見佢餐牌介紹，個賣相都幾好，下次飯餐時間去。

前幾日同媽媽去過附近的殯儀館之後行過黎食晚餐八點半店面仲有好多人係到但係唔洗等位”涉”左係最角落頭ｇｅ兩人位到坐坐埋去果一下要掙扎下坐低左又覺得ｏｋ起碼唔洗搭枱同媽媽ｏｒｄｅｒ左細邊的剁椒烤魚＄９０另外加＄１８多四款配菜待應話要等５個字好啦，同媽媽一邊傾計一邊等過左半個中都未黎！催單等下等下又半個中燥左！原來係張單出左問題我地條細ｂｉｎ俾左其他人＝～＝一個類似店長ｇｅ人同我地講淨返一條大ｂｉｎ，問我地要唔要只好話要啦一肚氣係我吃第一啖魚ｇｅ時候即刻消左真係好滑呢！第一次係外面吃到咁滑ｇｅ魚而且條魚好新鮮！吃到停唔到口如果再辣ｄ應該用仲好味最後佢都係收我地細ｂｉｎ錢算佢有良心

之前在北京食過類似o既烤魚....好好味....之後再去北京公幹都有再去..前幾日路經紅磡..見到有呢間shop, 好想去尋找我所懷念o既味道..於是昨晚便去試o下我o地兩個人叫左泡椒烤魚-大邊o既...加菜加$18. 佢送兩婉飯等左大約25分鐘, (佢話魚要時間烤), 終於等到喇...一食落口, 係我之前食o既味道..好好味..d魚都幾滑..但相比北京o既竹魚坊, 這裡o既味道略為淡. 可能係要match返香港人o既口味. 加$18o既菜分量太小....唔係好抵....個飯係好細碗ga..overall...我一定會再去食ga....下次會去試不同o既味道.......

禮拜日晚上7點幾,行過必嘉街見到間新食店入去試試,同女朋友每人叫碗魚湯米線,見到枱枱食烤魚,叫侍應哥哥改叫條大邊麻辣烤魚加菜試試,魚肉肉質嫩滑盡吸麻辣醬汁,味道唔錯。再叫炸雞翼d雞翼醃制得夠入味,皮脆又有肉汁超水準,牛展亦可1試,涼伴青瓜夠青爽,麻辣烤魚仲包2碗飯,埋單唔駛2佰蚊,食到飽飽真抵食。