巨昇冰室

營業中

休息中

黑椒牛仔骨。牛仔骨肉質均勻，口感嫩滑鬆軟，焦香入味，濃郁嘅黑椒香味，令牛仔骨更加惹味，爽口清甜嘅洋蔥令到成個菜冇咁油膩。魚香茄子煲。魚香茄子煲呢個菜材料簡單，但每間餐廳做法都唔一樣，汁料偏酸或偏鹹，有啲又冇鹹魚，乾濕程度都唔同。當然都冇一個標準嘅，好食就得。茄子皮冇變色，火候恰到好處。茄子肉索晒啲汁，好入味香口。肉碎撈埋啲醬汁好惹味，仲有蔥薑蒜等配料，美中不足係鹹魚好似少咗啲，冇乜鹹魚嘅香味，不過送兩碗飯絕對冇問題。雜果冰，粒粒果肉好fresh，天氣熱整番杯真係唔錯嘅選擇，解暑去膩。凍柚子蜜都唔錯，清甜滋潤。

假日同朋友喺元朗短聚，經過見到一間好新淨，好光猛嘅冰室，入到去環境都幾舒適整潔，而且好多客人，睇黎都幾受歡迎👍🏼👍🏼冰室金磚好食！係厚切西多士中間夾咗花生醬，同糖漿一齊食，口感一流，非常滿足👍🏼👍🏼咁大舊，下午茶都好有飽足感😎另外，我哋仲叫咗炸雞俾配薯角，同埋星洲炒米。星洲炒米份量都幾多，而且值得一讚嘅係，唔會非常油膩👍🏼👍🏼至於炸雞脾🍗薄，非常香脆！雞皮薄得黎，脆卜卜，啖啖肉，唔會太鹹，唔錯唔錯✨✨

新開新浄冰室！餐廳門面乾淨環境都幾吸引😇差唔多下午茶勁多人要等一陣先有得入去〜今日嘅早午晚餐都係佢啦叫咗香煎法式羊架飯 - $80其實我覺得好香好好食不過比較肥美，所以最後都係冇食晒啲肥膏淨係食咗啲肉，不過淨係食啲肉都夠晒大塊荷葉沙嗲金菇肥牛龍仔飯 - $75好好食呀個汁！不過有少少辣🥺真係好嘢味食完呢個之後完全唔想食個白飯😂😂呢間冰室雖然好細間，但係麻雀雖小五藏俱全呢度真係有好多唔同嘅嘢食睇到我眼花撩亂作為沙嗲牛肉關注組冗員之一本來想試吓呢度沙嗲牛肉麵，不過stalk完發現好似普通，就要整其他嘢食啦！因為佢真係好多好特別嘅嘢 - 例如洋蔥沙嗲牛肉潛艇咁樣，不過自己唔鍾意食熱狗所以就〜 有興趣嘅朋友可以試吓😌🤍同埋黃金蝦多士 - $48炸得好好，係唔夠茄汁同沙律醬姐！鍾意飲朱古力既我梗係想試吓呢度雪山朱古力🍫 點知已經賣晒🥲 最後叫咗奶茶紅豆冰同一杯普通朱古力，嘢飲就比較普通啦同埋好開心佢新開然後啲餐具全部都係印咗個冰室嘅名，比較新唔使驚有好多人用過😂

2月27號行經元朗有間冰室名叫「巨昇」當時還在試業中，入到去員工非常有禮貌招呼我們入座，當時正值下午茶時段，點餐叫了雞髀沙律、豬扒包，外觀靚食落有驚喜，食物質素唔錯，菜牌款式亦十分多，下次要試吓晚飯小菜才得😋

今日例假，入元朗 等朋友遊車河 上大帽山飛一轉 百無聊賴吃一個下午茶等朋友收工。 剛好有車位就拍呢度入去食茶餐 先😁😁嚟一個 肉絲炒麵ok個汁唔太鹹，唔太多油ok個麵底冇燶，朋友再嗌一個福建炒飯個汁唔太鹹啲蝦腸挑咗腸very good下次會再嚟🙈 就這樣渡過了一個假期