巨昇冰室

營業中

休息中

《元朗冰室》下午tea一tea☕康樂路週邊都有好多嘢食 這間冰室 走新式冰室風格 坐位闊落好坐 以冰室嚟講 屬於少有👍下午茶時間兩點半開始至到六點食物款式多多 有輕食熱狗餐 飽肚焗飯餐 睇落都幾吸引🤔本來想叫個麻甩乾炒牛河😆但轉軚叫咗這個好耐冇食嘅~~#黃金蝦多士 鋪得滿滿芝麻三角形🦐多士炸到金黃 鬆口香脆 冇油益味👍配傳統雜果沙律 有🥒🍅冼👅 收貨😋#奶茶紅豆冰茶底👌飲落香滑紅豆原整大粒 有咬口起哂沙❤❤

巨昇冰室 (元朗)元朗康樂路13-23號鈞德樓地下15號舖荷葉沙嗲金菇肥牛籠仔飯$75用籠仔煮出來的荷葉飯，荷葉未非常之濃郁，每粒飯都滲透着行業的清香。金菇肥牛非常特別，第一次聽荷葉飯的餸菜是金菇肥牛，沙嗲味濃郁，配上荷葉的清香十分搭配。瑤柱肉碎蒸水蛋$68瑤柱肉碎蛋，經典蒸水蛋配搭，最緊要蒸得滑，是一定要有一定的技巧，所以自己在家很難做到這個水準。蛋的表面非常滑，內裏也是非常之滑，調味適中。黃金蝦球$88大大粒蝦球，上面鋪滿鹹蛋黃，炸得香脆可口，鹹蛋黃和蝦球本身是非常之夾，用嚟送飯鹹鹹香香的一流。柚子蜜$12柚子蜜消暑，甜度適中。金橘蜜$12柑桔蜜潤喉。奶茶紅豆冰$10紅豆冰配奶茶味道新穎，兩樣搭得非常適合。

住元朗真係好幸福 想食乜都有 今晚唔煮飯 同老公出去撐枱腳 近近哋揀咗附近嘅巨昇冰室叫餸食飯我哋叫咗個晚市二人餐$178 A項三揀一 B項小菜十四揀一 C項包油碟一碟 白飯及湯各兩碗 還有熱飲兩杯A項揀咗客家沙薑雞 估唔到例牌都幾大碟 好似有半隻雞咁多 沙薑味超濃郁 夠鹹夠惹味 雞件肥瘦均稱 唔會有過多肥膏 雞皮爽彈 肉質嫩滑又多汁 食唔到有雪藏味 反而沙薑好入味B項揀咗蔥花滑蛋蝦仁 呢個值得推介 韭黃好香 同蛋好夾 炒蛋炒得一啲都唔老 好嫩好滑 蛋味又夠香 蝦仁大隻又爽口 超好下飯的這裏的紅豆冰老公超喜歡 紅豆不但大粒 而且軟綿起沙 而我就喜歡這裏的凍奶茶 夠曬冰凍 茶味夠香心思思叫多咗個荷葉豉汁排骨蒸籠仔飯$68 籠仔飯是即叫即蒸 所以等候需時 但係等待是值得的 荷葉味滲透在每粒米飯之間 非常清香 排骨份量夠多好似食極都食唔完咁 而且醃得入味 餐廳夠光猛 店舖環境乾淨企理 食物款式又夠多 晚市有各式各樣美食提供 除咗有小炒、小菜之外 亦有蒸餸 煲仔 鐵板 炒粉麵飯……款式多到不能盡錄 天天吃也不會悶 也不會重複

最喜歡就係去唔同冰室，支持返香港嘅核心飲食文化呀嘛🇭🇰 ❤️👍🏻👍🏻今次同朋友嚟咗呢間喺元朗中心位置的冰室 - 巨昇冰室👍🏻，CP值高，質素唔錯❤️❣️皇牌茶餐：📌招牌沙嗲牛肉潛艇$48📌瑞士汁雞髀$42潛艇超級好吃，牛肉夠腍，濃郁惹味❣️勁正❣️❣️ 瑞士雞髀🍗都夠入味香濃🌈下午茶餐可以配脆著皇🥔或沙律🥗，即叫即炸，好食😋❣️📌奶油脆脆豬$18質素高，脆卜卜，煉奶香和牛油香，混合在一起，天神間美食📌紅豆冰加$7話明香港特色，去茶餐廳梗係要飲紅豆冰啦，呢間紅豆冰都做得唔錯，紅豆夠多，軟綿綿，係有椰汁嘅版本🧉而且佢哋好特別，有全日早餐㗎，$68咋，超級豐富，不過今次我冇叫，我揀返香港特色食物🇭🇰，大家有興趣都試吓啦❣️

元朗咩類型嘅餐廳都多，就算新式茶記亦愈開愈多，行過試左呢間。環境餐廳好光鮮，感覺乾淨。餐牌以茶餐廳來說好多選擇，新式茶記，西式食物又有，日式食物又有。奶茶/咖啡紅豆冰 $10(跟餐)夠哂大杯，紅豆又多，跟餐抵飲。全日早餐 $68有牛扒、德國腸、黑松露炒滑蛋、牛油粟米、茄汁焗豆、薯餅及香酥丹麥多士。估唔到係茶餐廳都可以食到All day breakfast ，啱哂女士們，呢份全日早餐都不能睇少，皆因有牛扒，幾重黑椒味，鍾意佢嘅黑松露炒滑蛋無吝嗇！荷葉北菇滑雞籠仔飯 $68 由於臘腸售罄，餐廳用北菇代替。籠仔飯即叫即蒸都需時，份量好夠，雞件好多，可惜成個飯唔夠熱。

天時暑熱，唔想自己煮同洗，於是出街搵食。脆炸吉列豬扒配沙律$42豬扒比較薄身，外表金黃誘人，撲滿麵包糠，乾身唔油膩。一切落去，炸衣發出清脆嘅聲音，食落酥脆無比，肉質軟腍甘香，味道適中，蘸千島醬食酸酸哋更可口，配埋酸酸哋嘅薯仔三色椒沙律，一啲都唔油膩重口。蒜香海鮮炒意粉$65意粉唔粘口，爽滑有嚼口，蒜香味濃，有鮮甜嘅蜆肉、鮮魷同鮮蝦，加埋洋蔥、三色椒，好fresh。值得一讚係飲品好大杯，用金屬杯裝，睇上去更加冰涼，更解渴消暑。

來了幾次 食物是可以的 但杯茶真心難飲 咖啡沒奶 又澀口 奶茶又是澀口 茶底完全不行 沖茶師傅真心要改進下 真心沒試過這麼難喝的一杯茶 奶又不給 茶底本身不行又澀口 就給點奶吧 建議來這裡要喝汽水

位置好方便而且大大個招牌遠處好易認新開張冇耐 裝修係新式既冰室設計今日真係超熱行左陣街就頂唔順要食個tea 抖涼全落地玻璃而且燈光好足 冷氣都好夠坐左一陣就涼返一開始係坐門口位每次有人出入都會一陣熱風吹埋嚟姐姐超好人見入邊有人走左就幫我地調位$42 招牌黃金蝦多士算係比較少見餐廳會有既茶餐蝦多士面頭舖左滿滿既蝦肉再加上大量芝麻4塊都好脆身而且芝麻好香配菜係原條大大條既薯角 都係炸得好香脆 仲好飽肚$42 冰室熱狗皇味道算係ok 價錢都正常廚師都落左好多芝士醬係好味既＋$9 紅豆冰唔係好多冰但都夠晒凍 椰味好夠而且紅豆好大粒好爽口唔係淋晒個d個個姐姐服務都好好隔離枱有個小朋友都係叫左熱狗會主動問要唔要切開一半 小朋友易食d埋單時都有問d 野岩唔岩食 仲推介下次試下蛋沙律潛艇好欣賞佢地既服務態度 親切得嚟又唔會太煩

(下午茶)炸雞髀薯角$42超巨型嘅生炸雞髀 大過隻手板 見到都流曬口水 雞皮炸到脆卜卜 食落唔油 反而好香口 夠鬆化 雞肉醃得入味 切開仲有肉汁流出嚟 夠juicy又夠滑 薯角外皮焦脆 內裡綿軟 口感相當的好(下午茶)冰室金磚$38西多士炸至金黃 賣相真係成粒金磚咁 總共有四磚 即叫即做 上枱嘅時候仲係熱辣辣 牛油瞬間融化 淋上香甜嘅糖漿 味道香甜 即叫即整嘅西多士真係人間美食焗芝士鮮茄豬扒飯$60超足料嘅豬扒飯 真係用咗新鮮蕃茄製作醬汁 酸甜度適中 非常開胃 豬扒事前已經斬件 方便進食 我鍾意豬扒嘅質地 依然有豬扒嘅咬口 我最怕用鬆肉粉醃肉 醃到啲質地怪怪的用咗炒飯底所以零舍香口 而且仲加咗雜豆，粟米粒，紅蘿蔔粒...令到成個口感層次更豐富 有蔬菜配搭感覺更健康紅豆冰跟餐+$7好耐冇飲過紅豆冰 兒時嘅回憶返曬嚟 香滑嘅奶香與軟綿綿嘅紅豆 真係經典嘅配搭 紅豆好大粒又夠棉 超好喝凍奶茶跟餐+$3炎炎夏日 用鐵杯裝夠曬冰凍 茶味香濃入口順滑 奶茶出色午市光顧人流眾多 食客屬於快來快去 所以餐廳好快就安排到位置 餐廳送餐速度快 而且食物水準不錯 份量夠多夠大碟 價錢亦都算合理 難怪咁多客人

見有新餐廳開張，就入黎試下先，平日下午時段黎都好full喎，撘左張卡位，咁兩個人坐又幾濶落嘅，睇下餐牌食咩先。落完單就等食了，店員送上暖水一杯，可以用黎浸一浸啲餐具。加左錢轉特飲～奶茶紅豆冰，奶茶香滑，紅豆幾軟腍，唔過甜好飲。叫左呢個巨昇All day breakfast試下，似模似樣喎，咩都有啲好豐富。丹麥多士好香牛油味，好正。脆皮腸同塊牛扒都唔錯，薯餅夠脆口。仲有勁重牛油嘅牛油粟米，茄汁豆，同黑松露炒蛋，黑松露落得重手好香呀，如果可以再滑啲就perfect了。冰室版本嘅全日早餐都唔錯吖，一試無妨～

今日兩姊妹齊齊去試新嘢😚這間冰室新開冇幾耐 環境同座位都算唔錯👌餐牌款式多多 價錢合理下午茶餐都幾吸引ga😚有少有既黃金西多士🦐叫咗兩個惹味午餐🥢🥢#蔥油雞扒流心蛋飯雞皮煎得香脆 食落香口 啖啖肉有肉汁 入口嫰滑整個🍚撈埋啲蛋液一齊食😋#荷葉黑椒牛仔骨籠仔飯冰室有籠仔飯食 梗係要試下la~好有鑊氣 好惹味👍炒飯底 肉同配菜份量唔少味道啱啱好😋 最驚重口味(醎)🤪咖啡/奶茶紅荳冰幾香濃👌紅荳幾大粒😋

巨昇冰室 (元朗)元朗康樂路13-23號鈞德樓地下15號舖照燒汁鰻魚滑蛋飯$70鰻魚入口肥美，所以食先不至於覺得好膩。原條汁燒鰻魚飯：上檯時，我感到好驚喜；因為鰻魚的大小超大！蛋煮得恰到好處好嫰滑一啲都唔老 加上香濃嘅鰻魚汁！嘴巴去旅行！不用到日本都吃到超美味的鰻魚飯。瑞士雞翼撈麵$52常餐瑞士汁雞翼撈麵，因為想食米粉，所以轉米粉，好開心餐廳又真係俾我轉米粉，好識做生意。牛油丹麥包，炒滑蛋和冷飲。瑞士汁入味，雞肉嫩滑！瑞士汁配米粉原來都好好食！炸雞脾薯條$42剛炸起的雞髀那金黃外皮，誰都顧不了燙嘴，想大啖咬下享受肉嫩多汁的口感，也顧不了脂肪熱量，誓要吃掉整塊炸雞皮才滿足。皮脆肉滑兼多肉汁的口感，還有成隻炸脾大過我磈面！抵食到呢！

晚餐時間兩個人去了餐廳食小菜，好過係屋企煮。餐廳有懷舊鐵板扒外，還有多款小菜及炒粉麵飯。冬瓜薏米湯十分足料，味道清甜。羅宋湯超多雜菜，味道較酸。茄子牛仔骨煲牛仔骨係滾住上枱，新鮮熱辣，牛仔骨醃得入味，不過近骨位部份略有咬口，其他部位都嫩腍，茄子吸收了XO醬味道，略有點油膩。濃湯杞子浸時蔬白菜仔清得乾淨，每棵都爽脆而且不油膩，清淡健康。黃金蝦球蝦球份量都幾多，炸漿不會太厚，外脆肉彈，咸蛋味不會過重，而且偏向健康少油。

見到有新開餐廳，lunch 價錢貼地，$50 左右送飲品。入去發現有特別的食物，咁就要食下啦。.荷葉黑椒牛仔骨寵仔飯 - 寵仔飯獨立蒸要時間，所以不是周圍有。在這樣見到好難得！味道也很不錯，特別是牛仔骨，好香牛肉味，正。照燒鰻魚滑蛋飯 - 鰻魚長長長，一出現周邊的人都望過來。冰室竟然有日式飯，有少少驚喜。生炸雞脾配沙律 - 見到下午茶有我最喜愛的炸雞脾，我當然不會放過。炸到好香脆，熱辣辣；生果沙律都好足料，做到冰火交融，一款有經典有令人滿足的下午茶。紅豆冰、什果冰 - 天氣開始變熱，最開心的莫過於一大杯凍飲，除了爽、就是爽！.店員是笑笑口的，好有正能量。

黑椒牛仔骨。牛仔骨肉質均勻，口感嫩滑鬆軟，焦香入味，濃郁嘅黑椒香味，令牛仔骨更加惹味，爽口清甜嘅洋蔥令到成個菜冇咁油膩。魚香茄子煲。魚香茄子煲呢個菜材料簡單，但每間餐廳做法都唔一樣，汁料偏酸或偏鹹，有啲又冇鹹魚，乾濕程度都唔同。當然都冇一個標準嘅，好食就得。茄子皮冇變色，火候恰到好處。茄子肉索晒啲汁，好入味香口。肉碎撈埋啲醬汁好惹味，仲有蔥薑蒜等配料，美中不足係鹹魚好似少咗啲，冇乜鹹魚嘅香味，不過送兩碗飯絕對冇問題。雜果冰，粒粒果肉好fresh，天氣熱整番杯真係唔錯嘅選擇，解暑去膩。凍柚子蜜都唔錯，清甜滋潤。