巡 蝦滷粉皮 (翠屏花園商場) (已結業)

係屋企附近新開咗間特色外賣店🥡主打滷味，涼拌粉皮，餃子🥟將蝦醬、蝦皮、蟹粉等離島風味帶到大埔，真係好特別！呢道仲可以買滷味急凍包同生餃，自己返屋企煮🍳🦀 #蟹老闆粉皮 ➖ 💲68材料有原隻軟殼蟹，蝦皮粉，蟹粉，粉皮，青瓜絲，蘿蔔絲，芝麻粒。粉皮口感軟糯，將蝦皮粉，蟹粉同粉皮一齊拌勻，鮮味十足，口應濃厚！原隻軟殼蟹好香口！🐙 大澳鮮煎餃 (十隻) ➖ 💲48餃子餡料有墨魚咀，蝦，蝦醬。味道鹹香，非常特別！好少食到呢款口味😋加埋菜脯好惹味！食到餃子內有粒粒墨魚咀同蝦，好足料。🦑 蝦皮魷魚鬚 ➖ 💲38以自家製的蝦皮粉灑上海苔魷魚鬚，外皮酥香脆，內裡彈牙！

近來工作特別忙碌，又唔想煮飯食都會係附近外賣一餐美食回家享用，今晚就去咗呢間巡特色小食店買了幾款人氣小食，食物菜式分了幾類俾大家選擇先點了手工餃子大澳.鮮有十件，而且仲係即叫即煎大約十多分鐘，保証食到熱辣辣嘅餃子，另一款係蝦滷雞翼，再來有麻辣牛𦟌粉皮同埋真空包裝蝦滷牛筋，等多一陣就取得返到屋企先煲水整熱呢包蝦滷牛筋，因冇防腐劑最好兩日內要食完，終於開始逐一品嚐先來食件煎餃子入口多汁又鮮甜，肉質香嫩又飽滿，沾上辣菜脯粒一邊食更口感十足再來食下蝦滷雞翼，肉質沾上滷汁香甜味道食落啖啖肉唔少得蝦滷牛筋，滿口豐富嘅骨膠原，肉質軟滑味濃郁餸飯食一流最後品嚐埋麻辣牛𦟌粉皮，粉皮內配料十足，牛𦟌爽口肉嫩，食之前先撈埋一齊吸收醬汁，越食越感受到陣陣麻辣味咁食先夠惹味咁又享受完一餐美味外賣美食。

一直以來來都覺得粉皮梗係識食一定食熱撈，但第一次受店員強烈推介下有驚喜！估唔到熱撈麵皮仲更人加Q彈，軟中滑得嚟又糯糯哋！叫嘅係「蟹老闆熱撈粉皮」，撈蟹粉有啲似加咗鹹蛋黃嘅蟹粉，好香，加埋個原隻軟殼蟹，好足料！另外試埋個凍撈，反而就比熱撈失色。麵皮偏爽口，不過就好足料，秘製醬嘅mixing 惹味，辣中有麻香同芝麻醬嘅果仁香。另外小食方面試咗個新推出嘅蟹粉餃，未至於會爆汁，不過餡料好多，亦食得出幾新鮮。至於豬手就超大份，分兩餐先食得晒！

疫情下可以好好食返個晚餐真係有啲困難，一係在家煮飯，如果唔想煮，就食兩餸飯盒，咁就錯了，原來還有好多唔同選擇，平時行過以為這裡只是斬料外賣，但估唔到，除了有滷味斬料外，還有撈粉皮、蒸飯、餃及滷味選擇！餐牌一目了然，分類清晰，今次就點了個大澳仔粉皮、芝麻醬雞絲粉皮、梅菜蒸肉餅蒸飯、蝦皮魷魚鬚外面回家，除了蒸飯，其他都係落單後即刻製作，讚！蝦皮魷魚鬚，回到家中還是熱盪盪，即刻口一條外面脆裡面十分煙韌彈牙，十分有口感，加埋大大條十分好味！而本身店裡用嘅炸粉，就算魷魚鬚凍了仍然保持到香脆，讚！大澳仔粉皮，都比較驚喜，味道濃郁之餘配料十足，加上師傅炒得好香，入口彈牙煙韌之餘加上彈牙蝦肉粒，煙韌魷魚粒，吸了味道嘅魚 肚，真係十分好味道！芝麻醬雞絲粉皮，整個粉皮上都鋪滿了雞絲，將碗底嘅芝麻醬攪勻埋粉皮一齊入口又係另一種感覺，如果喜歡食撈麵嘅朋友，呢個又係一個選擇！而這裡嘅蒸飯真係賣得好快，今天最後一個都比我賣到，雖然在餐牌上沒有，但這個口味都係我喜歡的，蒸肉餅，肉餅肉味滲進了飯身之餘，肉餅入口夠彈牙，唔會有太多肥膩嘅感覺，啖啖肉，配埋佢嘅甜豉油，同菜脯，味道更佳！下次要早啲去買蒸飯，另可以試埋他們的

一直好鍾意食涼皮/粉皮，搬左黎大埔之後發現附近冇咩賣涼皮既食店🥲但皇天不負有心人，過左冇耐大元街市就開左間涼皮店！而且裝修仲好清新時尚💖食店只做外賣，佢除左涼皮之外仲有滷味/蒸飯/餃子等等試過呢間鋪幾次，個人幾欣賞佢地的粉皮，粉皮質地夠煙韌，唔會鬆鬆散散，所以每次想食粉皮都幫襯呢間🤣最最推介佢個麻辣牛𦟌粉皮，粉皮夠爽滑，個汁辣辣地好開胃，辣度適中，唔食得太辣既朋友都可以試屋企人都好鍾意食呢款，超級推介👍🏼👍🏼另外發現佢出左熱粉皮，叫左一個軟殼蟹蟹肉蟹粉炒粉皮，呢款粉皮味道相對麻辣牛展清淡，但係估唔到$68嘅粉皮都幾足料！每一啖都有蟹肉同埋蟹粉，仲有半隻軟殼蟹，入口之後蟹粉味道好香，留係口腔好耐🤤鍾意食蟹嘅一定要試呢款！最後見到舖頭招牌係蝦滷墨魚，叫左一份試一試，蝦滷感覺比普通滷水冇咁濃味，唔會好咸，墨魚夠厚夠彈牙，下次可以試下其他滷物😆整體都幾鍾意呢間鋪頭，天氣熱唔想煮飯買外賣一流！另外店員這些服務態度非常之好，會詳細同你介紹食物，買完餸拎住好多嘢又會俾個位你放低等外賣，好有街坊人情味嘅小店👍🏼

自己一路以嚟都幾鍾意食滷水，知道屋企附近開咗呢間滷水店，所以都特登嚟試吓。知道呢度嘅嘢係新鮮即叫即整，所以都有心理準備大概要等10至15分鐘。店舖嘅面積唔算大，但都有容許堂食嘅空間，但由於我住得近，所以我買完就會返屋企食。佢呢一度有大大幅嘅宣傳海報，宣傳佢哋嘅蟹老闆粉皮，知道雖然價錢唔算特別平，但我都想試一試。分量嘅話其實唔算特別大，但係就好明顯食到有熱辣辣嘅鑊氣，同埋有好豐富嘅蟹籽同醬，軟殼蟹亦都新鮮炸得熱辣辣，都好揼本。滷水牛展我都覺得好值得試，滷水亦都整得好入味。最後我都一定要試一試呢度嘅豬手，因為豬手係最朔汁，亦都瑞士得出一間餐廳嘅手藝，而我食完之後覺得佢哋嘅滷水香得來唔算太鹹，豬手亦都好有筋，算係非常唔錯。呢度亦都有角色嘅雜貨售賣，同埋亦都有唔同款式嘅粉皮，下次我都會嚟再買。

加餸時間!!今日真係好懶, 唔想煮飯, 食滷野岩晒!!Surprise既係呢到好乾淨, 好怕街市熟食同生野近, 不過呢到既熟食都收好左係廚房有D仲有真空獨立包裝蟹老闆粉皮 $42成隻軟殼蟹, 會唔會太正呀!!蟹粉撈到滿滿都係!!蝦滷拼盤 $58每樣少少, 個人幾鍾意咁, 乜都試少少, 我地仲加左滷豆腐添!! 價錢唔貴, 可以自由配滷水味道香不過唔係死咸蝦滷豬碲 $28呢個係真包裝, 用左慢煮袋, 番到屋企放入熱水 (唔係滾水呀) 15分鐘就食到好淋好入味, 係原隻斬一半, 拎住食好爽皮

趁住假期到大埔郊區遊玩，剛好在回程巴士站旁翠屏商場發現了巡的外賣小店！主售滷水、粉皮及水餃！現成或真空包裝好還是急凍食材亦有供應，款式多元化，亦有本土特色風味！選了一個撈粉皮大澳仔粉皮 $42 有蝦米、魷魚、豬皮、肉碎幾足料，配搭惹味咸鮮的xo 醬不錯蟹黃豚水餃 $48/10粒 外型脹卜卜，顏色好似燒賣用蟹粉搓的皮幾香，豬肉餡偏清爽，配菜甫剛好。蝦滷拼盤 $58 有雞翼3隻、牛𦟌、雞腎、豬腸還有豆腐墊底選擇困難症選呢個就岩晒！其中豬腸最軟稔入味！另外$20 滷豆腐份量都幾多，外皮吸汁，內裏嫩滑。

疫情之下就嚟變廚神，去翠屏買餸，見到一間新開裝修新潮的：巡！滷味. 涼拌粉皮. 餃子款式多，外賣自取經濟實惠。等外賣嘅時候仲見到巡。自家製巡味菜脯皇；買一樽放喺屋企調味就啱晒！菜脯大粒又爽脆，最適合伴粉皮一齊食好味道！棚屋撚手蝦滷拼盤 $58牛𦟌、雞腎、雞翼、豬腸；全部懷舊風味小食，滷水味濃郁，自家製滷水汁特別美味。 巡味輕料理 蝦滷牛筋 $38輕鬆煮，真空包裝，返到屋企加熱 15分鐘就食得，蝦滷牛筋 軟淋入味，拍得住舖頭水準，真係唔使識煮飯都可以變廚神，煮個公仔麵加條菜，屋企人食到舔舔脷！麻辣牛𦟌粉皮 $42麻辣醬汁冇得頂，又麻又辣，香味四溢，鮮味牛𦟌加入Q彈粉皮和豐富的涼拌配料，夏天食特別開胃。招牌涼拌粉皮 $26粉皮特別推介，加上巡味自家製 惹味混醬，好食到停唔到口。

同朋友萬綠叢中見到呢間又光鮮又新淨, 色彩好sharp既離島風外賣店, 決定試下~外賣店主打滷味、涼拌粉皮、餃子, 真係款款都好吸引!除左有熟食take away, 仲有好多產品賣!離島風梗係唔少得海產, 呢度仲有大地魚粉, 油漬瀨尿蝦乾賣,真係好有大澳風味~另外仲有好多口味既餃子! 買定D放屋企想食就可以自己煎/蒸~蝦滷豬手個汁真係冇得彈~同平時食開既滷水汁都有D唔同, 有獨有既香味,又唔會好咸~而豬手夠淋夠哂入味!大澳仔粉皮天口有D熱, 食粉皮就最岩又健康~粉皮又滑又軟, 但又彈性彈性, 非常有口感~D配料好足料, 有蝦, 魷魚,魚肚, 簡直係鮮味滿滿!!油漬瀨尿蝦乾肉餅蒸飯肉餅索左D瀨尿蝦乾既味, 夠哂咸香~帶有少少辣, 夠哂惹味~京蔥羊餃子見係期間限定, 所以想試下! 餃子粒粒飽滿! 一咬開, D肉汁咇哂出黎, 加埋有京蔥, 好香好好食!好滿足! 

堂食冇晚市，但就算午市，近排都係食外賣多。而且都見到唔少只係得外賣，完全冇堂食既鋪頭。今日就試左間喺翠屏花園對住大元邨街市商場，主打由大澳既海味乾貨做既菜式，叫’巡‘既外賣店。我地兩個人，所以就叫左個蟹老闆粉皮、蝦鹵拼盤同埋大澳鮮餃黎試下。蟹老闆粉皮係炸軟殼蟹配蟹黃蟹肉撈既蝦皮粉。蝦皮粉有d似陳村粉，或者某d餐廳既雞絲粉皮咁，係闊身又帶煙韌既粉皮。鋪頭都用左唔少蟹黃蟹肉去撈，所以成個粉皮都有香濃既蟹粉味，直頭有d似用咸蛋黃整既菜式咁濃厚。軟殼蟹size適中，勝在即炸，熱辣辣又香又唔會腥，拎到番屋企打開黎食果陣都仲脆卜卜。蝦鹵拼盤既份量都真係幾多，有齊雞腎、豬腸、雞翼同牛𦟌。而最開心既係，拼盤雖然冇話有我想試既鹵水豆腐，但係打開既時候見到佢用左豆腐黎托底。佢地既鹵水同一般鹵水睇落係冇咩分別，但聞落食落就確實係食到比起平時既鹵水多左一陣咸香味。四樣送全部都炆得入味，但又唔會炆到林哂冇哂口感。牛𦟌薄切但唔細塊，有肉既口感又唔會實得得，咸香帶牛味。雞腎入味又爽，豬腸都係，而且又冇異味。雞翼就炆得肉嫩唔柴，加埋佢另外再俾既鹵水汁就岩岩好。大澳鮮餃亦都唔細盒，同埋仲有秘製菜脯喺上面，增加口感同香味

外賣店主打離島風食物，有大澳獨有土產蝦醬入饌。多款蝦滷小菜，每日本地手工煮製，外賣即食好方便。蝦滷拼盤$68咩都有，一次過可以是幾款滷水食物。有雞腎、大腸、牛展、滷水豆腐、滷水雞翼。味道夠咸。大腸最入味。另外當然要試吓呢度嘅粉皮。有幾款味道，揀咗呢款大澳仔粉皮 (蝦、魷魚、魚肚、蝦皮粉）$42。餡料全部切成小粒，撈埋粉皮一齊食，辣辣地。再叫埋蟹黃豚餃子$48。有10粒，餃皮厚身，入邊餡料夠多。蟹黃豚肉結實融合一齊。仲另有少少菜甫。

滷水、粉皮、小食見到呢一間小店，主打滷水、粉皮等等。見到佢有滷水豬手、鴨舌、魷魚、豆腐、蒸飯等等。▶️蟹老闆粉皮 (軟殼蟹、蟹粉、蝦皮粉）$68粉皮份量有好多，仲有隻細細的軟殼蟹仔。粉皮撈左蟹粉，有少少蟹粉味。仲有少少蘿蔔絲。綠豆粉皮夠健康，滑溜有嚼感，煙韌 Q 彈!▶️蝦滷鴨舌$68真空包裝，返到去拆開包裝就可以食。鍾意加熱又得，鴨舌味道幾特別，好似滷水豉油味，口感腍身。▶️蝦滷豆腐$20豆腐大大件，而且都幾厚身。滷水豆腐硬身，夠咸味。

翠屏商場下開了新的涼皮，不想去太和的涼皮小姐咁遠，有天終於一試。它有兩款餃子，一款像豬肉的，內裏餡料沒有特別味道，不過都蘊含一些肉汁；另一款就是京蔥羊肉餃，羊肉味道帶點羶香，京蔥味道不算太出眾，汁醬好像多一點，容易從餃子內流出來。我點了一個招牌涼皮加豬大腸，豬大腸的滷水味道的確夠香濃，滷水味盡吸在豬大腸之內，有點兒甜香，閉上眼睛吃，甜香的滷水吸入大腸內，吃起來儼如鰻魚一般。麻辣汁帶麻味，辣味不太強，配合涼皮挺不錯，夠凍又夠彈牙，不過份量確是少，$26像只有少少。妻子的大澳仔涼皮，大盒少少，份量比我的多，而且是熱撈的，熱的涼皮，質地沒有那麼彈牙，不過加入醬汁以及蝦米，味道也總算不賴。不過在翠屏商場街市下邊這間兩皮都算收得貴，如果一個人要吃飽，好像我們這樣一盒涼皮加一份餃子，人均消費都要$60-70 ，其實在上邊大元邨街市可以吃個麵，又或者轉個彎吃兩餸飯，都比你便宜得多。而且，付款之後，一個頭髮偏向金的阿姐多多要求，明明不算大雨，又要求你將雨傘放架內，多多意見。因我心想明明沒有其他食客，應該都不會等太久，但是她又要反唇相稽「唔係架!煎餃都要等10多分鐘!」。麻麻煩煩，於是我寧願外出兜個圈，