巡 蝦滷粉皮 (翠屏花園商場) (已結業)

早兩日去咗住大埔嘅朋友屋企經過佢屋企樓下見到呢間餐廳好似唔錯咁 就即刻買嚟整返個下午茶 try一try😋蝦滷拼盤 $58 🙆🏿‍♀️呢個拼盤非常豐富包括有牛展、雞腎、雞翼、豬腸、豆腐滷得幾入味 而且唔會太咸 味道啱啱好！😊混醬墨魚片涼拌粉皮 $42 🙆🏿‍♀️墨魚片非常之爽口！再加埋 涼拌粉皮簡直透心涼😂夏日炎炎食返個都不知幾爽😝烤醬鴨肉涼拌粉皮 $42 🙆🏿‍♀️烤醬鴨肉份量都幾多粉皮好爽口彈牙😋啲醬汁都 調教得十分出色😬❎ 加一服務費

大埔離島風情漁村滷水小食店 — 巡▫️連續三日放假就決定搵一日去大埔掃街～大埔就出名多嘢食，今次第一站就嚟咗呢一間主打離島風情漁村嘅滷水小食店。▫️大澳仔炒粉皮($42)粉皮好煙韌！配料有蝦、魷魚 、魚肚，食落有好香嘅XO醬嘅味，仲有少少微辣Tim ，夠曬惹味！重食到有啲豬油渣，真係香氣十足，有驚喜！份量太多，食唔晒凍咗再食都一樣咁煙韌～▫️蝦滷拼盤($58)呢個拼盤有牛𦟌、雞腎、雞翼同豬腸，滷水味道十足但唔會好鹹，份量都幾多！▫️🦑蝦皮魷魚($38)份量都幾多，面頭審左好多紫菜同蝦粉，魷魚好彈牙▫️見到店內仲有好多其他特色離島風情嘅小食，大埔嘅街坊朋友得閒可以去買返屋企當加料都得～▫️地址：巡大埔安慈路3號大元邨翠屏商場地下25A號舖#goeat大埔#大埔美食#大埔掃街#大埔好去處#大埔熟食中心#巡#滷水小食#大澳漁村#大澳打卡#滷水拼盤#大澳仔炒粉皮

去開新界順便入埋大埔買外賣返屋企食見到近期好多人推介呢間係大元邨附近新開既外賣店心郁郁又想試下揀左佢地人氣推介既大澳仔炒粉皮同埋其他滷水野先大澳仔炒粉皮 ($42)欣賞巡既炒粉皮加入左離島特色加入蝦醬、蝦、魷魚同魚肚一齊炒涼皮既口感唔錯 夠嫩滑又好煙韌少少辣但我唔食辣都接受到 好惹味蝦滷豬手 ($58)呢個蝦滷豬手可以話係呢度既招牌菜排我前面幾個客人都有買一盒份量都幾多一家人share一齊食就剛剛好豬手炆到好腍好入味豬皮爽口彈牙 私心推介呢個比大家試下蝦滷拼盤 ($58)諗唔到食咩好，揀個拼盤就最好不過一次過試哂牛𦟌、雞腎、雞翼同豬腸呢個拼盤性價比超高每款都煮到好香滷水味 而且鹹度適中店員話佢地既滷水汁全部自家製果然係人氣推介Top 3👍🏻👍🏻👍🏻蝦滷墨魚 ($58)巡既墨魚都係皇牌，可以揀招牌巨型墨魚🦑或者蝦滷墨魚我今日就試下佢地既蝦滷墨魚煮得幾腍 口感爽口彈牙下面仲有幾件滷豆腐墊底超好食😋蝦滷牛筋 ($38)除左熟食可以外賣之外佢地仲有巡味輕料理系列真空包裝 拎返屋企加熱15分鐘就食得諗唔到煮咩好放定一盒係冰格就唔洗煩呢個牛筋用左自家製既蝦滷汁慢火煮足12小時真係好好食💯👍🏻

由於疫情關係，相信多咗好多外賣嘅小店，呢間應該係其中一間，裝修行小清新路線，除咗熟食之外，仲有雪櫃裝滿咗不同類型嘅急凍食品～廚房屬於半開放式，食物嘅香味隨之散發～餐牌亦都算有幾多選擇，凍食、熱食、小食、飲品⋯⋯一應俱全👍🏻外賣包裝盒非常企理乾淨，有啲更加可以重用。蝦滷墨魚～墨魚每一個部份都有唔同嘅口感，有啲比較彈牙，有啲比較淋身，各有風味，用咗豆腐墊底，吸晒滷水汁，非常入味👍🏻烤醬鴨肉涼拌粉皮～完全用另一個方式去呈現北京填鴨來形容，所有配料都一樣，只不過係換了粉皮～估唔到可以咁夾，烤醬味道非常濃郁，好味道！大澳仔炒粉皮～用一啲海鮮乾製品去熱炒，一路炒散發着海鮮獨有嘅鮮味，加上芝麻更覺惹味

星期六休息日，突然間好想食涼皮，平時買開太子某間出名涼皮店，不過難得放假當然唔想去咁遠，但屋企附近兩間涼皮店真係唔好食，於是上openrice search 下附近仲有邊度有，最後search 到大埔呢間，仲要有巴士直達，二話不說即去。 店舖外觀俾人感覺好舒服、乾淨，同左右兩邊檔口好似兩個世界咁，除左涼皮之外，仲有賣餃子、滷味、蒸飯、飲品、大地魚粉等等，最吸引既係佢地仲有急凍真空包裝既滷味，買黎放喺冰箱隨時有得食。 烤醬鴨肉涼拌粉皮食涼皮最驚D涼皮好厚身一舊舊好鞋口，好彩呢度既涼皮夠滑而且有彈性，每一塊涼皮都沾上烤醬，鴨肉份量好多，配上新鮮既青瓜絲同京蔥絲，每一啖好似食緊片皮鴨咁，真係好正。 蝦滷豬手特登買多盒豬手夜晚加餸，呢度既滷水汁同平時出去食既滷水汁唔同，係比較溫和既滷水汁，唔會好鹹，而且滷水汁好香，一盒蝦滷豬手切開左一片片，放到滿滿，擺得好靚仔，呢個份量呢個價錢都真係好抵食，豬皮好彈牙，豬手肥瘦均衡，入晒味夠晒淋，好好味。 蟹黃·豚一盒十隻，連一小盒菜脯，手工餃子，餃皮用甘筍汁整，餡係豚肉加蟹黃，餃子煎得好脆身，餃皮少少厚身，質感煙韌，即叫即整既關係所以要等大約10分鐘，熱辣辣

⭐️巡⭐️📍:大埔安慈路3號大元邨翠屏商場地下25A號舖⏰:9:30am-7:30pm夏天咁熱點可以唔食下涼皮🙈呢間位於大元街市裏面既涼皮店 有正宗既涼皮同滷水供應 小店只系做外賣 仲會不定時有特價既小食買反去加餸😍🍝烤醬鴨肉涼拌粉皮鴨肉好濃郁 食落去啖啖肉 好新鮮 粉皮既質地好煙韌 唔會好鬆散 最緊要系落左零魂既麻醬 同埋青瓜絲 冰冰涼涼既感覺好開胃！🐷蝦滷豬手唔會好鹹 無普通滷水咁濃郁 但系個汁有獨特既香味 豬手索晒啲汁 好淋 豬皮好彈牙 切開晒一片片既份量好多 肥瘦都幾均勻 唔錯👍🏻🦑蝦皮炸魷魚鬚好驚喜 炸粉既面層加左紫菜同蝦粉 炸粉唔厚 外脆內軟 熱辣辣食好惹味 魷魚新鮮彈牙😋

已經好日都無咩行過街市，今日為左加餸就去左大元街市睇睇，原本都係諗住買啲燒味就算數，但見到成排菜檔中間有間裝修得特別唔同既鋪頭，忍唔住過去睇睇，門口個姐姐好熱情咁推介有咩食，所以決定試一試。今次買左蝦滷墨魚、蝦皮炸魷魚鬚同埋烤鴨肉涼拌粉皮試吓，每盒分量都算幾大。一返到屋企先打開炸魷魚鬚當下午茶黎食，雖然係炸野，但唔係炸到硬晒舦果種，反而有少少似天婦羅，炸粉仲加左紫菜碎，炸得黎又唔覺得好熱氣到晚餐時間就攞埋啲墨魚同粉皮黎食，大家一致認同啲墨魚好爽甜，雖然滷水味唔夠，但食到本身既鮮甜味更好。粉皮雪左一陣都仲撈得到，配料有海帶花生芝麻，連埋鴨胸肉真係好足料，醬汁好好味，下次可以買黎當lunch食都唔錯。另外雪櫃仲帶好多急凍餸，下次可以再黎掃貨，買定返屋企封城都無有怕。PS: 讚埋每個員工都好好禮貌

前幾日買餸見到開咗呢間離島feel嘅外賣店，今日又經過就入去買幾樣試試！男朋友鍾意食魷魚鬚，見佢有個「蝦皮魷魚鬚」，就買嚟試下。呢個真係好surprise 地好食！佢個炸粉入面竟然加咗紫菜，有啲似m記shake shake薯條個紫菜粉，好香好濃紫菜味！個炸粉厚度適中，炸得又夠脆，拎到返屋企都仲脆無冧到。我同男朋友都食到讚不絕口！一定會encore！我地仲有點了蝦滷拼盤因為想試多幾款野食，見佢拼盤有四款！包括雞翼、豬腸、牛展、雞腎。個雞腎又幾爽口，豬腸好腍好入味。雞翼正常發揮，牛展都幾好味。整體份量好多，幾揸食！順便買多個真空包裝嘅蝦滷豬手加熱返就食得，幾方便。店內職員教我煲滾水，然後連包裝掉落滾水到，浸45分鐘就食得！估唔到自己食返熱都幾好味！ 個滷水汁好香，咸味唔過份，仲好鮮添！

平時買餸都會去大元街市附近，食材種類多又好新鮮。前兩日行過見到開咗間新嘅外賣店，專登入去望下賣啲咩食！門口凍櫃放咗啲真空滷水食品、餃類。好似幾方便咁，買返屋企熱下就食得。呢間店主打滷味，款式有十款左右，望落都幾吸引。店員介紹佢地嘅自家秘製蝦滷汁，係由獨門配方慢火煮製 12 小時。佢地仲有賣魚粉，覺得好正，煮野唔洗下下落雞粉，加魚粉都好鮮味，佢呢款仲無添加。望咗陣，最後我點咗一個蝦滷拼盤同埋蝦滷豬手。蝦滷拼盤$58有四款嘢食，包括牛展、雞腎、雞翼3隻 同埋豬腸。我最鍾意豬腸，好夠油香，而且好腍身。啲滷水汁好鮮味，同啲餸好夾。雞翼都幾滑，雞腎就夠爽口。蝦滷豬手$58份量好足 幾抵食！豬手食落幾腍身，豬皮又夠彈牙。個滷水香氣幾獨特，唔會過咸，而且好入味。肥嘅部份又唔會過多，肥瘦好平均！好味！另外我仲買咗包真空包裝嘅蝦滷牛筋返到屋企第二日就煮嚟食！煲滾啲水熄火掉入去10幾分鐘就搞掂，好快熱返！啲牛筋好彈牙，好鍾意個汁，真心好味！喺附近住嘅朋友，得閒可以去試下！

蝦滷出色 滷得好色上星期入大埔踩單車，之後就去醫肚，途中見到呢間外賣小食店，朋友話個豬手用蝦滷好好食，除咗主打特色蝦滷小食，連撈粉皮、餃子及蒸飯都有㗎見朋友大力推介就叫咗份即食蝦滷豬手，個滷汁真係好出色、鹹甜適中帶清香，豬手嫩腍又夠爽口彈牙，同埋每件都吸到汁入哂味，越食越惹味，夏天餸啤酒真係一流見到連真空包裝都有，順便就買咗返屋企放冰格，想食時翻熱就可即食，隨時加餸都好方便喔，我呢2包係蝦滷豬手同埋蝦滷牛筋，好鍾意呢啲即食餸菜懶人包～

朋友話大埔買菜平，所以放假同屋企人過去。買餸期間見到呢間舖頭，有雞、滷味、凍肉等等唔同嘅嘢賣，所以就決定買啲嚟加餸試吓啦。同屋企人商量咗之後，叫咗蝦滷豬手、豬腸同牛展。佢哋嘅味道同一般滷水唔同，屋企人話有一種麻油香，我覺得係比較甜，味道特別，好值得一試！底部鋪咗啲豆腐，都好入味，但又唔會太鹹，送飯一流。另外仲試咗蝦皮魷魚鬚，即叫即炸，外脆，內鬆化，好重魷魚香，個皮加咗蝦粉，成個味道好特別好好食！重點係食完佢啲嘢唔會好口渴證明冇乜味精，推介！

係晚市無堂食嘅時勢，外賣加餸係屋企嘅救星，今次就一於試下屋企附近嘅呢一間滷水外賣店。 小店主打滷水、撈粉皮、水餃三樣野，我今次主要買滷水食物，另外再買多一包急凍水餃另一餐食。蝦滷豬手 ($58)我一向唔算特別喜愛豬手，但既然呢款係店舖推介就點都要試一試！有別於一般嘅豬手，呢度嘅豬手脂肪比例唔多，所以唔會好似出邊咁冇啖肉食，但就有保留咬口十足嘅豬手皮，感覺啖啖都係骨膠原。另外當然不得不提作為精粹嘅滷水汁，醬汁香濃但又唔會過鹹到掩蓋肉嘅鮮味，豬手入晒味味道一流蝦滷墨魚 ($58)墨魚嘅份量頗多，刀功細緻將墨魚切成薄薄一片。另外墨魚嘅選材新鮮，食落片片墨魚都夠爽口，唔會過老而太靭，亦食到墨魚嘅鮮甜蝦滷牛筋 ($38)呢款急凍牛筋我覺得係CP值最高之選，$38有超過10條大大件嘅牛筋，滷水汁入味之外，牛筋唔會太硬或太冧京蔥 羊 水餃 ($38)呢款急凍水餃我地選擇蒸嚟食，餡料嘅羊肉味香濃並鎖住左肉汁，比起一般超市嘅急凍水餃絕對贏幾條街！

早前大元邨街市旁開了一間新店，門面設計以湖水綠色為主，感覺上走年輕路線與其他檔口迥然不同。本來對涼皮興趣不大，但發現原來除了涼皮之外仍不乏滷味、蒸飯等其他食物選擇。部分滷味及餃子更提供急凍真空包裝，方便在家隨時翻熱享用。蟹黃·豚 ($48) 一盒十隻一口一粒，外皮偏厚但質感煙韌，豬肉餡混入蟹黃帶淡淡鹹鮮味。蝦滷墨魚 ($58) 肉質爽彈，滷水入味並不會過鹹，可惜份量偏少大約半盒均以滷水豆腐充數。蝦滷豬手 ($58) 皮滑肉嫩，肥瘦均稱油脂豐腴。蝦滷牛筋 ($38) 為急凍真空包裝，只需原袋放入熱水翻熱即可，口感軟腍富有膠質，香濃入味。

屋企今晚又冇飯局最佳辦法方一定係買外賣食，尤其家陣仲係冇夜市堂食，唔想煮飯就一定係買外賣，買番幾個餸就可以一齊大家食。今餐就去了呢間外賣小食店幫襯，招牌美食有多款蝦滷食物，各式風味粉皮同即叫即煎餃子之餘，又有新鮮蒸飯供應，不過要早啲先買得到。而我就每樣招牌菜都點了一款品嚐，因即叫即整大約等10多分鐘先攞得，攞到返屋企可以即時開餐。先食係蝦滷豬手份量十足，豬手一片片肉已切開方便食用，入口肉質香嫩帶點油香，加上滷汁鮮甜提升肉嘅味道，食落啖啖骨膠原口感更加飽滿。另一款係蟹黃·豚餃子有十隻，煎得好香脆，餃皮係用甘筍汁做唔怪得係黃色，咬一啖已食到香濃豐富嘅餡料，滿口肉汁流出，再連埋菜脯一齊食更滋味。再來係大澳仔粉皮，豐富嘅海鮮材料已聞到香味十足，入口又有層次感，每粉皮沾滿配料食落夠晒惹味又爽滑正，咁又享受完一餐外賣美食。

星期日一心去試吓E間粉皮店…點知去到有個長頭髮帶帽既女店員服務態度好差！見住前面的人買野 有個店員話減五蚊！點知呢個長頭髮帶帽店員問點解問有沒單之後仲要黑面！後嚟睇到原來有單可減五蚊！我沒有理會繼續睇有乜野食拉…點知聽到果位長頭髮帶帽店員大大聲講粗口..今時今日咁既服務態度真係唔掂！最後我出到門外被問點解的店員就好好咁推銷店舖食品！所以我最終決定幫位好服務的店員買份餃子🥟就走了…相信每間店都會有好有壞！但如果要我對位服務態度好差既店員買野！幾好食我都唔會再返轉頭