川味美食

營業中

休息中

近日天口熱，平時响荃灣食的那間酸辣麵店又太細太焗，完全抑壓了自己的食麵癮，今日悠悠晃的到了這間在商場內的麵店，即管試着點了一個薯粉撈，寛薯粉實在大有嚼勁，而且他用作調味的炸醬真的很好吃！雖然不夠我吃開的那間辣，不過這樣的辣就夠大眾化了！點了個墨魚丸的，我見一般這類店用的墨魚丸都是麵粉多過墨魚的，但無疑這間店用的是中上等貨色，而且兩餸一麵才二十六元，真係抵食啊！

      幸好今日有卡位,GOOD!仍然非常之旺場~我ORDER撈幼粉,最後話多蔥多炸醬~真的為我追加,而且份量仲好多TIM呀,非常開心~配豬脷~ 滋味,濃香的鹵水味, 雲耳, 細細件~一朵朵的,好好味又好爽口呀,加入炸醬後有少少辣更惹味~另外加$5 黑豆漿 好大枝呀,約500ML~好抵呀,飲唔晒又可以扲走,又無沉澱物TIM~甜度剛好又有豆味,二7呀~SERVICE就一般,話晒咁多人,個個講一句都做到死………不過落單仍是準備無誤,佩服!!但食完後要立即讓位比其他人坐~連比錢埋單都好鬼迫…唯有側身閃出去….

身為1個麻辣愛好者見到呢間有甘多好評就即刻諗住試下食完呢間嘢不得不破口大罵碗嘢好大碗 到餐速度都好快但一食落去就知吾對路明明叫大辣就變左微辣羅白吾甜紫菜酸嘅湯底又吾夠香最終我同朋友食左幾啖就走左雖然好浪費但真係完全吾好食！！！！！

一直想食遍各區大小店子的米線與薯粉，這間好評頗多的川味總店未曾光顧，但幾間分店之出品早已品嚐過，一直未能令我有"翻兜"之念頭，是次姑且試試會否令我刮目相看。8時多到達，店子仍有位置，淨酸辣幼薯粉或粗薯粉只售$18，每加一個餸$4，若貴一點的餸只是加$6，價錢非常相宜。最後我點了一個小辣的酸辣幼薯粉加腩肉，只是$22。不消5分鐘，食物便端上枱。份量實在是令人吃驚，無論是薯粉還是腩肉的份量也比平時在其他店子光顧的多1.5倍。碗內附有莞茜、酸菜等配菜，我最欣賞酸菜的酸酸甜甜，很令人開胃；至於薯粉則煮得適中，非常爽滑，口感不錯；可惜的是湯底較失色，酸度不足，辣味不麻亦不夠香，薯粉因而未可吸收足夠的味道； 另外，腩肉大致上很淋，但有幾塊卻硬得咬不到要放棄，脂肪亦過多，重點是不夠入味，像嚼普通一片腩肉一樣。整體而言，如以價錢來說，這裡的食物份量實在是便宜之至，值得推介；如果想吃令人覺得味美難忘的薯份，這裡則並非你最佳選擇。P.S.這裡的薯粉份量太多，如你平常在其他店也會吃剩不少的話，建議你叫少薯粉，減低剩食的出現，珍惜食物。

又到了午飯的時間，又煩著到哪裏吃午飯之時，同事說︰「不如到川味試試看。」在荃灣工作多時，還真未試過，可以說是「見就見得多，食就未食過。」 這家店是位於綠楊附近的昌寧商場，到達目的地了，還真多人啊！看來很好生意，沒辦法，只好等位了。 等了一會，終於有位了，看看餐牌有什麼好吃，我們就點了像是最馳名的薯粉和米線，還加了幾款餸，也不是太貴，那麼大家就可以SHARE開心。分別是雲耳腩肉紅薯粗粉、豬頸肉豬大腸腐竹炸醬米線，腐竹雞翼炸醬紅薯幼粉。因為我們當中有一位同事是不吃辣的，所以不試辣了。 想不到十幾蚊碗的東東份量也挺多的。先別說配料，我已對那紅薯幼粉和紅薯粗粉十分感興趣，因為我活了廿多年，也沒有接觸過這個粉，單張上寫著是「綠色食品，營養健康」。哦，原來是健康食品，潮流興健康，正合我意。雲耳腩肉紅薯粗粉 - 這碗粗薯粉真的給我很大驚喜，一開始便以為是普通河粉般，只是顏色變了透明。但一入口時，想不到是咁好「嚼口」，而且彈牙，口感一流，腩肉也很好味。特別要提一下的就是那個湯了，喝下去時沒有味精的感覺，有濃烈的豬骨味，差點我就把它喝乾了。腐竹雞翼炸醬紅薯幼粉 - 這碗幼薯粉和粗薯粉都差不多，都係咁好「

是次等外賣的時間較平時耐....我order 豬頸肉,雲耳撈粗~ 當時$21 only真係幾抵吃架~多炸醬多蔥~~~平時叫多蔥都無乜料到,今日就真係比足喇,好開心~~~~~~ 今次叫走辣也有d辣,相信係多炸醬的影響好好味~吃不到有沙~豬頸肉份量岩岩好~切一寸左右厚~雲耳全是細細朵,可以1口1件~非常之飽,寬粉很QQ~滿足

星期日唔知係唔係食滯左, 連帶星期一都無咩胃口食野但出外工作又怕無體力勉強都要食.唯有選D開胃食物, 來此店食碗酸辣炸細幼紅薯粉再加雲耳及腩肉.腩肉醃得入味之餘又煮得夠淋身, 只係講明係腩肉為何好似瘦肉咁沒有半點肥呢..炸醬帶微辣十分惹味, 至於個紅薯粉煙煙韌韌十分有咬口, 只係個湯底唔夠濃可以做得多點酸辣就更好.整體上價錢便宜配料亦做得出色, 唔怪之得客似雲來.

有傳聞荃灣係米線城市，雲南米線的店舖遍佈荃灣，今日有幸去荃灣探親友，可以一試。這間位於商場內的小店非常好生意，親友力讚撈米線好味，於是柯打豬頸肉撈米線和芝士腸撈紅薯粉。撈米線或紅薯粉，其實是少量的湯加上炸醬，味道不會太濃，炸醬有少許辣。不過配料當中的花生真的好難食…太生了！第一次試紅薯粉，我叫了幼身的。咬下去煙煙韌韌的，幾有趣，不過女友不喜歡，感覺要咬很久才能吞，費力氣= =兩碗的份量都很厲害，二十元可以食得飽，很抵！

係荃灣工作都若干年~近年知道荃昌一帶都有野食~但一直無試過~今日放左工就去食下啦~反正食快餐店或者其他店都悶~就試下荃昌個頭既野食~雖然荃昌食野既店鋪唔多~但見到有某間店既人流少..諗住入去..點知..個心又十五十六~~~再行多一間..就見到呢間野喇~起初佢叫我坐出面,我當然唔出啦~d位又逼,幸好..好快就有位~仲要係邊位~咁就入去..見到餐牌d野食好抵食咁叫左碗海帶雞c紅薯粉~好大碗幾乎食唔晒餸同粉份量咁多~食一啖都好好食呀~~^^埋單都好平~

本人一向對川味不感興，可能是因為無飯不歡吧!為何這天會作出新嚐試呢?主要原因是新同事的極力推介，我亦被她所描述的佳餚所動搖了，故此作出這個新嚐試。這店人流很多，兩人都須要「搭枱」，但不要緊，環境算是不錯。我點了米線和三個餸，只是這裡的選擇不太合自己口味所以選了些沒太特式的餸，而湯底原先是選大辣，不過經同事叮囑而改叫小辣，幸好有這位細心的同事提醒，否則這碗米線很難「KO」。雖然自己點了平凡的餸，但同事卻分了一點我未試過的餸給我，有豬舌......等，感覺沒想像中的差，而且更覺不錯，看來我真的要多點新嚐試呀!

因為今日唔太餓,只order 1個配料便足夠~打電話落order的職員都好醒目 酸辣撈紅薯寬粉$14 +$3配料--紫菜撈粉的確係大碗過湯紅薯粉~ 寬粉口感依然非常QQQQ,呈半透明條狀,像意式的闊條麵咁上下粗身~而紫菜份量超多~但今次食到有少少泥沙.. 多炸醬呢!!花生很好吃~今次記得撈好晒成碗先食,否則紅薯粉下面的芽菜墊底就會變得過咸呢~order後唔駛13min便送到上門,真係超級快

下午與朋友行荃灣, 我們行到荃豐附近點幾有點肚餓, 見到這裏連續有幾間食店, 而其中一間則較為多人所以選擇一試, 上湯炸醬河粉 (16 元) 丶腩肉柏葉撈紅薯寬粉 (21 元) ;果然比想像中好, 而且感覺味道比譚仔的還要好些, 地方雖然細但比較坐得舒服, 可能因為有卡位關係吧!

撈寬紅薯粉 -- 雞絲,紫菜$19一打開個外賣碗蓋,見到好足料~每次也是這麼滿足~~首先要食晒d花生會更好,否則耗在湯內就會變軟晒.,咁就唔好味...唔知點解一粒蔥花也沒有,我很愛吃蔥花的....下次都係記住叫多蔥..... 雞絲的口感相當好,完全無雞皮,幾似手撕雞的口感~有 肉類的絲質咀嚼感!! 咸味調較得岩岩好~ 想不到紫菜那麼多~~非常開胃呀!!每次近碗底有好多好多芽菜,正呀!!!整碗的材料也是非常熱~~少辣的味道很好,帶少少酸,感覺很不錯!勁之飽肚!真正要KO晒成碗,的確要花唔少時間!其實食到一半仍然覺得碗內的所有食物好夠熱!!讚!!!! 唔怪之得幾時經過都見咁多人等位,抵呢間餐廳咁受歡迎的~~~

家人也愛上了撈紅薯粉,所以又叫外賣吃!!我地3個人份,3大碗的撈紅薯粉~total只係60元!!!!真係超抵~(已計入每碗外賣$1收費) 當係今晚的dinner,實在好抵呢~order後15分鐘,即刻送上門tim呀,而且又無落錯單,全部都岩晒~!!厲害!! 撈紅薯幼粉$13 _走辣+2款配料 (+$6) 再加外賣$1= !!$20大元!!幼薯粉100分彈牙及煙韌,比粉皮更加彈呀!!撈一撈之後,香味即直撲入鼻腔中!花生大大粒~但開始食果陣,盡快食晒d花生會更好,否則撈幾撈,花生跌晒落秘製醬汁內~咁就會變到軟軟....味道有點兒怪~蔥花又係較為少..下次都係叫多蔥好了....惹味極了!唔會多味精! 豬肚 幾爽口,醃起來的味道也不錯,切成條狀~值得一吃~海帶呢次的口感好味過上次,幾爽口,綁成一個大大的蝴蝶結!!約4件~good

每次經過都係好多客人,還是叫外賣好了,雖然每碗加1蚊,但本身撈粉價錢又唔係貴,加1蚊都無所謂!!! 秘制醬汁撈紅薯幼粉 $13,今次我叫小辣,但係比上次叫的小辣,辣左少少~花生大大粒,很多粒~蔥粒每次的份量也不是太多,份量仍然係多到....不斷食不斷食,也是「深不見底」的!!!每條的紅薯幼粉彎彎曲曲,好似曲髮!非常煙韌!!好正好正 非常之抵食之選!!!100分夠熱~ 豬利好好味,因為第1次食,原來係無肥肉所在,good~有4-5片~有鹵汁的味道~紫菜份量很多很多,正~無泥沙!好滿足咁大碗撈粉,加2個配料~只需$19 only! 加上每碗外賣的碗蓋也貼住我地order的配料料,非常清晰地分辨出哪碗是自己的接電話的職員也是有禮的,一次過就落了單~唔駛我重覆~