川味美食

營業中

休息中

今日下午同老公諗住食車仔麵但係無開喎，咁見lee間有位就坐抵啦…叫好野食後有个高高瘦瘦嘅阿姐過來話有个細路想坐卡位，叫我哋去圓枱，我哋話唔想去圓枱咁迫喎，咁我哋坐埋一邊囉，之後前面卡位有人走咗，个阿姐又叫我哋上前面卡位坐婆婆對面，其實个細路同佢媽咪兩个人等緊位，點解阿婆對面个卡位唔坐得?非要點我哋一係去圓枱一係前一張呢？我哋都坐埋咗一邊啦！咩服務態度呀？食个麵姐，我一陣食完就走啦！洗唔洗將d客點來點去?問題係當時間舖係仲有大把位架喎!

星期五難得返半日，放左工之後同同事係荃灣周圍行！係同事介紹下，試左呢間既手工拉麵，叫左魚腐手工拉麵，等左一陣已經有，鮮味的湯加埋香口的手工拉麵，令我好快已經食曬碗麵，希望下次可以再試其他！

放假行經荃灣附近 見到一間餐廳好人等 我自己都怕食辣 第一次在呢度吃 所以叫左 上湯炸醬河粉 同秘制醬汁撈自制手工拉麵 上湯有炸醬 生菜 酸菜 蔥花 芫荽等配料 而甜既酸菜配上湯底 所以特別香 河粉叫少少辣 而且份量足 另外揀兩種餸菜 我叫士貢丸 豆卜 另外叫了黑豆漿 好滿足另一個係員工介紹 餐牌上亦有like圖案 撈麵 配上花生 炸醬 生菜 酸菜 蔥花 芫荽 秘制醬汁 同樣好入味 手工拉麵粗幼適中 好似烏冬 唔會乾身 配上䜴斗 雞翼整體 餐廳細細 但好多人幫襯 就知唔餐 下次不妨一試。

又係諗食午餐食咩好嘅時候🤦🏻‍♀️🤦🏻‍♀️🤦🏻‍♀️今次就介紹大家食呢間川味，簡直係我嘅中學回憶！佢嘅米線出名好味，今次要同大家講嘅係金菇撈米線唔辣🙆🏻佢嘅撈米線啲汁好夠，夠你撈晒全部，仲有多，但唔會太水，仲有好多花生同肉碎，好足料！😋😋仲可以加$5有支汽水或者加$7有支豆漿飲添！所以呢間鋪成日都爆場㗎！不過你就唔好諗有咩服務態度同有咩環境啦！呢啲都係做屋村生意嘅！最緊要好食！

今天剛巧到熊貓附近買野，經過多個小商場，見到川味美食，在記憶中好像川味在荃灣都有幾間，評價都好好，今次見到唔算多人，就決定入去試下，同一般米線店一樣都係個幾款，但我本人鐘意食撈既，所以叫左個秘製醬汁撈薯粉，配雞翼，蘿蔔及豬頸肉，就咁睇餐牌，價錢非常合理，麵都是$25，一個餸都係$5-6，非常抵食，加多$6可以叫多技黑或黃豆漿，約五分鐘就到，非常大碗，撈薯粉本身已有好多配料，已經有炸醬，芫荽，韭菜，薯粉份量亦多，味道就唔算差，但亦都無咩特別，可能荃灣太多米線店，但抵食就一定。

每次經過都好想食 終於有一次可以如我所願啦點左手打拉麵 魚腐同丸魚腐唔係平時我食果d 係硬身dd湯幾好 唔會好淡 但就覺得好多湯但總體上 真係幾好味 下次會選其他配菜 同試下撈面

"豆卜，腩肉，酸辣紅薯幼既！中辣🤤唔該哂你！" $33係我食過全港最好味既一間紅薯粉！有別於其他川味既分店！足料夠份量薯粉煮得唔會太林😭湯底仲好香辣椒味 甘好食既紅薯粉 去邊搵？荃灣🤤🤤🤤每次黎都心癢癢想食💁🏻💁🏻💁🏻冇記錯2點到5點 叫夠$30就送你豆漿😂#foodlove #foodie #foodporn #hkfood #hkfoodie#tsuenwan #抗通漲 #gourmet #foodislife #荃灣#川味#腩肉#食好西

今日番工見凍凍地，就想食番d熱野暖下身係公司附近睇下有咩好食啦 行行下見到川味 門口大大個字寫住酸辣紅薯粉 正bo 都有好耐冇食過紅薯粉了 就買左碗外賣番公司食佢都有幾多配料供選擇 都係只需加5⃣️蚊或6⃣️蚊 好抵食 lunch time仲要送埋野飲 🈶️汽水或豆漿揀 我就揀左黑豆漿 我仲以為送係送1個紙杯嗰d size 原來唔係係送1支裝無糖豆漿不🉐️了連埋碗兩餸麵埋單只需36蚊 真係好扺豆漿我揀左黑豆漿 而麵ge配料就有豬紅同埋魚皮餃 再加埋d酸菜肉碎1⃣️齊食 同埋紅薯粉又夠曬彈牙

荃灣川味美食，地點係唔係好方便，要行到好入，但係價格真係幾扺食，$40碗，有三種料，成曰睇食評，今日終於試左，堅推介比米線fans, 粉彈牙，料足，湯夠味又唔油咁service 梗係冇啦，同坐位一般，不过食得呢D，都預左架啦！

夏天一到...就開始無咩胃口.. 諗左好耐..決定食返個米線..嗌左個外賣返公司食...秘制醬汁撈拉麵 少辣拉麵係白色..拉麵好似係自家制..平時食開係黃色 拉麵好爽..唔會痴埋哂一舊... 撈埋花生同肉碎食！ 少辣 岩岩好..好惹味！！ 雖然叫外賣..但都好大碗... 所以我都無叫多個餸....兩點半仲有下午茶.送野飲或者送多一個餸..不過我太餓...等唔到... 最尾食完都唔算好口渴...我諗味精味唔算重...

同事帶過我黎一次，話好食又平，但個日咁啱無開，但後來同事辭左職走，我惟有孤單的去食。本身我想食酸辣湯麵既，但去到見大部份人都食緊撈麵，我就試下。個麵底$22，$5一個餸，我叫左貢丸同腩肉。貢丸得兩粒，腩肉都幾多，個撈麵幾好食，魯肉碎都好夠味，又飽肚，會再黎食。大家記得走莞茜。店舖好細好迫，超多人食，但我得一個食就搭枱唔洗等位。好食又平，我會再黎試個湯麵，但南豐中心行過去穿咁多個商場都要行幾多時間。

"豆卜，腩肉，酸辣紅薯幼既！🌶🌶🌶中辣🤤唔該哂你！" $33係我食過全港最好味既一間紅薯粉🤤🤤😂！有別於其他川味既分店！足料夠份量薯粉煮得唔會太林 秘製腩肉半肥瘦 唔會食到打渣 仲有4,5片 所以每次黎都會叫😭湯底仲好香辣椒味 甘好食既紅薯粉 去邊搵？荃灣🤤🤤🤤每次黎都心癢癢想食 💁🏻💁🏻💁🏻冇記錯2點到5點 叫夠$30就送你豆漿😂錯過左呢個時間唔緊要，下次再黎食過🤤🤤🤤🤤🤤

今日同老公二人世界出黎行下，行到黎荃灣就肚仔餓，要食個下午茶開心下～行行下見到川味，仲記得想當年讀中學嘅時候成日放學同同學落去食川味，因為價錢平又夠飽仲要有嘢飲送。估唔到隔咗咁多年價錢都唔係加左太多，下午茶仲要有嘢飲送添。我叫左個麻辣豬耳通菜酸辣寬紅薯粉，麻辣豬耳唔辣，但都有幾多條，不過有少少仲有豬毛係上面。通菜都好多。湯底好香好味，但就唔辣，酸味剛好，令人好開胃。紅薯粉果然好寬，但真係好易飽，因為係薯仔做。老公叫左豆卜豬頸肉寬紅薯粉，豆卜吸左湯好好味，豬頸肉就有少少鞋。不過連我老公都食唔哂，佢都覺得好飽肚。下午茶黎講34蚊有埋野飲真係好抵。

每次到荃灣開工 煩惱食咩lunch 好🤔🤔🤔我都會行黎呢個連環商場 貪佢夠多選擇 又夠平👍🏻而家天氣咁凍 就會好想食番碗熱辣辣嘅酸辣米線每次份量都超多 我次次都叫小米線/薯粉都食到超飽👍🏻👍🏻湯底冇味精味 叫小辣我覺得岩岩好餸方面有好多選擇我就最鐘意叫腩肉同菜 通菜或者海帶腩肉7分瘦3分肥 小小辣 好正😋😋😋海帶出面好小見 打左個蝴蝶結 好別緻另外呢到都有出面冇嘅粗薯粉 好煙靭彈牙 ichiban le❤️❤️❤️❤️❤️

呢間係商場入面，見到唔少學生入黎食。同朋友經過，就入咗去食。見到有撈米線，撈薯粉，就揀咗黎食秘製醬汁撈紅薯幼粉加腩肉加小小辣紅薯煮得軟身，容易入口，分量多足足有一大碗。不過味道偏辣，食唔出有咩醬汁，辣味掩蓋左所有的味道。腩肉size中等，都好軟身，但味道偏咸。秘製醬汁撈米線加豬耳豬耳未清哂啲毛，有兩舊太多毛而冇食到。豬耳有辣味，不太食得辣既都可以嘗試，辣味唔重。米線有啲煮得軟，有啲就好似未熟咁。有啲失望。