川之味麻辣米線 (已結業)

同老婆一起去食叫左2碗麻辣米線，腐皮正蘿卜正，炸醬麻麻竹生太淋醬爆丸油左d, 香草雞翼如果用的不是孜然粉而是孜然顆粒就正啦，中辣對我已經好辣，建議唔多食得辣ge 小辣3-4就已經足夠啦

要在對面轉車，所以會在這裡買個米線，不用餓著開會。點了個菜肉餃米線、小辣。開蓋時仍然夠熱，米線也不會吸晒d湯，所以唔錯呀﹗菜肉餃是自家包的，菜肉比例ok﹗加上一些芽菜、腐皮，晚上的一餐算是不錯﹗

尋晚一丁友食癲拿,都唔知食乜好.呢度主要係因為想飲一杯正既奶茶,因為之前飲過真係好飲.平時飲凍奶茶少甜覺得味道一般,以為係因為少甜係咁架喇.原來唔係,係因為茶味唔夠.呢度d奶茶好夠茶味,真係好掂!講番主菜–米線, 我食雞肉,蘿蔔同魚旦米線.- 雞肉, 正! 並唔係絲,真係一舊舊肉.- 蘿蔔, 又係正!冇渣,又淋.- 魚旦, 一般, 不夠彈牙.湯底, 麻辣, 確係幾好, 麻辣俱備. 佢呢度好鬼過癮, 除了分大,中,小辣之外, 小辣仲有分十級咁多.1-4級唔使加$. 由於生飛支, 所以只叫2級.小弟都算好辣之人, 覺得4級已好足夠.太子,旺角一帶佢呢度算好好食.睇各方面都好架啵, 何來滾呢?眥因7點鬆d, 正直癲拿時間, 人流較多, 搭就預架啦, 呢樣我冇怨言. 但食完碗, 諗住歎埋杯凍央就走架啦. 點知個男waiter, 我懷疑佢係腦細, 至少我旁邊同等緊位幾個人講至少10次,呢就走架喇, 超煩爆! 最後仲唔夠, 仲要叫埋4條友企埋邊, 想點?!!?! 試諗你去toilet, 有4條友企出邊等同傾計, 你當堂冇mood再坐度啦, 係咪先, 你評道理喇. 但個類似老板娘的女人又好nice.

我第一次黎呢間食野,係佢初初開張無幾耐,覺得佢都幾抵食,一碗米線仲送飲品(唔駛加錢) 不過而家既質素好似差左,次次都係同屋企人黎食,大家都覺得剩係米線多,但送就好少, 同長沙灣個間麻辣米線唔同!! 有一次lunchtime黎呢到食,我叫左牛肉竹笙米線,唔知係咪多人做唔切,碗麵係唔熱既,有d失望不過佢地既香草雞翼真係好正,夠香又熱!!次次黎都會叫一碟!!同埋老闆娘幾nice, 最鐘意佢地既service, 可以小辣﹑肉碎﹑炸菜另上, 有時唔夠辣,可以自己加, 又唔駛驚辣過頭食唔到

其實已幫襯左唔少次, 只係之前未響openrice開戶口未能比評語, 長話短說今晚又去食過, 叫左個黑柏葉,腩肉同豬肚既米線, 而我叫既辣度只係小辣既十份五, 米線感覺爽口而且份量亦唔少, 湯底黎講, 麻味適中無長沙灣四川咁麻, 湯底濃度雖不及譚仔但很清, 總括黎講係黑柏葉比較\"un\", 整體黎講都幾好食除左碗米線, 我仲叫左個雞翼, 有香草同辣味二種, 二款都係水準之作, 大家不妨一試!!!老闆娘服務熱誠同長沙灣四川個老闆一樣咁nice, 地方亦好乾淨, 食得安心又開心...總結, 而家差唔多出親太子都會去食番碗!!!^_^

叫左十小辣,湯ok,夠麻,但係d送就唔係好得...食左雞亦,麻麻地喇...唔夠譚仔好味..煎餃子都ok,幾香...不過如果唔係學車,我都唔會特登黎食...

本人是like吃辣o既人,so 好多度o既麻辣米線我都試過下,係open rice見到呢度有間而又評分唔錯o既咪走黎試下,加上地點方便.一入到店就聞到一陣麻辣味(係長沙灣四川麻辣陣味),坐低左,入面唔算大,但總算比其他麻辣米線店乾淨,那時是dinner time,人流唔算多,只有幾個人等位.此次叫左: 香草雞亦,過橋米線套餐(小辣)+2杯野飲.套餐料比其他店多,米線依然是少.味道比較偏咸,麻辣味比較少,下次要試下中辣/大辣,因為我覺得不辣夠.雞亦就一般.吃完後,覺得好口乾,may be是味精太多了.總括來說,和長沙灣的四川麻辣米線差不多,只是長沙灣那間比較麻辣.

經貴網民介紹下, 本人特意到川之味試吓是否可媲美譚仔先!蒲進入鋪, 就聞到好濃烈的一陣味, 咪就係譚仔入面既麻辣味+ 雞翼的香料味囉, 即刻對有關食物大有信心呀.米線餸料- 隨譚仔有的款式外, 川之味仲有餃子, 鹵水料, 各式醬爆肉丸, 豬手, 等..麻辣湯- 隨大, 中, 小辣外, 小辣仲分了十級, 本來都認為幾誇張. 跟住試了小辣其實都幾辣下但好似唔較濃, 唔講得小. 相對譚仔, 川之味較辣, 譚仔較麻.小食- 唔夠譚仔標明四川咁正宗. 但就多好多選擇, 隨香草/麻辣雞翼例牌外, 還多了煎餃, 鹵水料, 豬手, 豬潤湯等, 即是將餸料分開變淨食. 值得一鑽既煎餃, 皮好薄又脆. 有厠紙提供, 雖然唔及自備的好用, 但有得免費提供, 即有成意照顧一些出街唔帶紙巾的人.

最近跟朋友講起麻辣米線﹐有人推薦我來這裡﹐說這裡比譚仔更好。既然身為好辣份子﹐當然要試試。店面不大﹐但坐位頗多﹐如果繁忙時間相信會略為擠逼。看看餐牌﹐選擇不算少﹐慣性地叫了炸醬﹑腩肉﹑中辣。另加一碟雙拼雞中翼﹐及一杯雪梨水。米線先到。份量十足﹐先試一點炸醬﹐味道是略帶點甜﹐但不算香口﹐沒有甚麼驚喜﹐腩肉是一眾米線店中切得最厚身的﹐味道還可以﹐可惜煮得不夠軟身﹐加上厚切﹐口感一般。反而每碗都有的基本配料如芽菜及腐皮等份量都夠多且新鮮﹐配上湯底的麻辣味﹐就算不要其它配料都會好好吃。米線算是不錯﹐不會過軟或硬。而麻辣湯底﹐論鮮味是比譚仔出色﹐但麻比辣重﹐就算我選的是中辣﹐也不算很辣﹐吃了一半還未出過一滴汗。如果真的嗜辣如命的話﹐選大辣會較適合。這裡的米線整體水準算是不錯﹐只是略為油了一點﹐不知是否因為加了炸醬﹖雙拼雞翼有麻辣及香草兩種味道﹐十八元有六隻﹐不貴。香草雞中翼是一貫的孜然香料風味﹐味道不算強烈﹔個人則較喜歡麻辣雞中翼﹐香香辣辣幾對胃口﹐但一定要趁熱吃。雪梨水味道清清的﹐對於濃口味的麻辣米線及雞翼來說是不錯的中和劑﹐但淨飲就肯定略嫌清淡了一點。現在每次喝到其它地方賣的雪梨茶/水, 總

服務唔錯....D材料都幾新鮮...我上次食左炸醬菜肉餃米線要小辣.....D菜肉餃真係好好味....炸醬又夠味,米線有口感.....湯底夠麻, 食完會feel到好「慶」......講真, 真係唔錯喎, 可能我未食過更加好o既......

之前見到有人推介,我與小羚子呢d無辣不歡o既敢死隊就梗係要試下啦!只係叫o左中辣米線,有四川o既大中辣咁勁. 食送方面我叫o左竹笙,黑柏葉,鹵水豬腸. 竹笙份量唔多,黑柏葉都幾爽口,唔會太硬. 鹵水豬腸冇咩肥膏,又夠味. 幾好. 朋友仔就叫o左炸醬,雞肉同醬爆牛丸.淨係試o左佢d炸醬,甜甜地,色澤橙橙地色,好味. 米線方面, 質地適中.兩個人仲share左香草雞中翼. 香口law. 不過唔係難做,所以唔應該歸功俾佢o地. 地方都算企理. 勝在地點方面啦!

今日考試不順利...諗住用eat therapy 讓自己振作...專登找間川辡...九時多.到達...冷氣不足...未吃已出汗.......叫了酸菜,,豬瞤...菜餃...大辣........真的不濟..真不明白為什麼不夠熱????菜餃是碎的.....酸菜ok..豬肝.....十個差....沒有肉味...相信昤不是生滾...第一次食到這樣差的豬肝米線...辣...對於我...不是難題....可惜...不夠辣..重要另加3元..for chili

很久沒有來了，昨夜唔想去太遠，便又來了這裏食。我們叫了一碗蘿蔔,竹笙,豬腸米線，另一碗竹笙,墨魚丸米線和一碟新疆香草和四川麻辣烤雞中翼。蘿蔔- 煮得幾腍，又入味。竹笙- 幾有咬口，軟軟腍腍。豬腸- 非常入味，很有咬口，辣椒女很喜歡。米線- 唔會太腍，又有咬口，都算幾好。墨魚丸- 比較差，好硬又無味。新疆香草烤雞中翼- 香草味幾好，烤得又剛好，雞肉嫩滑又唔韌，係我在這店最喜歡的一味。四川麻辣烤雞中翼- 試了一隻，麻辣醬真係幾辣，食到我立刻出曬汗，好在只食一隻炸。

黎得依度食麻辣米線，話唔同其他名店比較實在係呃你。比較既店包括四川及譚仔，私人加埋麻辣川落去:地方: 普通，坐位好多都係背對背坐，通道都還OK既，起碼無差得過譚仔總店。講坐位真係無乜邊間好，麻辣川算執得好，但舖面實在太細。服務: 唔得，除左果個我估係老闆娘還有問有答有笑容外，其餘的十問九唔應唔主動執野仲要當睇你唔到!講依樣四川算比較上最好餸材料：得，可以揀既料幾多。試食過下列:魚旦- 彈牙，唔錯，但欠少少魚味，依樣四川比較較好；腩肉- 好肥!唔係唔好食但咁啱我果碗既肥膏係特別多，希望係例外，依樣譚仔好d竹笙- 比較大路，各店平手蘿蔔- 好甜，四川同譚仔都無而只得麻辣川有，依樣野川之味勝；不過我好多時都覺得好味既蘿蔔係加左冰糖去煮，甜味有d假基本材料:湯底: 恕不能俾分，因為咁啱我碗粉落左好多好肥既腩肉，攪到成碗好似豬肉湯咁；而另一半果碗加左辣飲唔出湯味。講湯底就無得揀，麻辣川大勝，因為個雞湯底真係好過哂譚仔同四川。米線: 川之味勝! 咬口係所有舖中最適中;四川較爽而譚仔及麻辣川偏啉。份量亦ok。麻辣味:我估大家食麻辣米線既最有興趣係依樣:川之味係屬於較"Mild"既麻辣味，即係如果你食

好夠麻,比我平時食開既兩間都仲要麻雖然佢唔出名可能係佢既位置問題la但係真係好有水準佢既送比好出名個兩間都幾樣ga有蘿蔔,山根呢好入味呀佢有個叫中碗米線套餐係我平時同男朋友share一齊食,有好多送既個種不過就係三個送既size但係好適合一個人又想食好多送呢!!!但係都幾貴既中碗米線套餐連野飲好似要35蚊ga食米線食到上懚既人去到太子又唔想去返長沙灣或者倥佐敦既好選擇