川上龍 (已結業)

其實呢間吃過好多次，菜單好多款式。我可以食到好辣，但辣度可以因應自己口味調整。這𥚃裝修精緻，餐具美觀，環境舒服。我最欣賞個水煮龍躉，厚切有十片左右，好好味，底有入哂未既薯粉，是我吃過最好味的！💯💯💯💯

最近睇新聞 香港除咗港式外 最多人開嘅餐廳就係川菜 香港人鍾意食辣嘅程度 絕對可以媲美四川人 而我都好鍾意食辣 無辣不歡 因為住得好近尖沙咀 所以成日都嚟呢間村上龍度食 貪佢夠方便 味道有夠正宗個醉豬手好入味 好重紹興酒味 口感就淋淋哋 但係又有啲咬口 感覺到有好多骨膠原 對於愛你嘅女士嚟講 應該係恩物不過由於本人唔飲酒 所以都係食少少算 但係其實個味道係好好味嘅 個雞絲粉皮呢 份量就夠曬大碟 面好多 但係青瓜同埋肉絲就唔夠 所以都係食唔曬食淨曬啲麵 炸魚好好味 味道有啲似潮州打冷嗰啲魚 不過對於鍾意食辣嘅我嚟講 就唔係好夠辣終於嚟到重頭戲 就係個雞煲 因為我哋兩個都好肚餓 所以都係決定揀咗一隻雞 雞有用蔥爆香 大大煲 仲有好多配料 淨係食都食到好重辣椒同埋薑味仲有蔥香 不過結果我哋兩個都係眼闊肚窄 食唔曬 因為個雞煲真係好香好好食 又唔可以打包 真係好浪費 我建議應該一班朋友嚟食 因為呢間舖頭好多選擇 要試曬兩個人真係好難 如果多啲人嗌多幾碟大家share 咁就可以食多啲未 打開個menu 我諗仲有70%嘅嘢未食過 好在呢度係我嘅飯堂 我會再嚟幫襯

黎尖沙咀如果想食川菜想食辣野，我諗唔到其他餐廳，因為川上龍係每一次食都咁好食! 川上龍又係我朋友響尖沙咀返工介紹我食既餐廳，地頭蟲介紹得唔會錯! 不過Weekday黎吃午餐set lunch就抵好多，起碼多一杯豆漿飲。# 回鍋肉 # ***** **** 9/10辣得黎好刺激，但其實又唔會過辣，啲肉好嫩滑，好香，一定要叫碗白餸黎送飯，飯都食多幾碗，想撈埋啲汁添 (唔好呀! )# 水煮魚柳 # ***** **** 9/10好好味，啲魚柳好厚，由於厚所以中間既肉唔會吸左太多辣汁辣油，所以唔會太辣。食魚一定要食埋啲芽菜，係多重口感。唔怕辣既話可以撥開面層啲辣油，筆少少汁，用黎撈飯，一流!其實川上龍坐得好舒服，可以慢慢坐，慢慢歎，慢活。

食過川上龍好多次，一直覺得好好食，服務又好好。今日朋友落order 時想叫辣子雞軟骨，侍應（戴黑框眼鏡）亦覆左一次單。到大家食食下時發覺點解成碟野咁多碎骨，就問一個貌似經理男人(穿藍色裇衫），佢一睇話係辣子雞黎，我地就話係落左辣子雞軟骨，咁佢就去電腦查。之後同我地落單既侍應攞埋個餐牌去問我落單既朋友，話頭先有覆單，明明話係辣子雞，當然我地會話真係叫左雞軟骨。之後侍應態度越來越惡，再者貌似經理男人都走埋黎，以極差態度問我地咁你地都食左一半（因其餘朋友唔知我地叫雞軟骨），想點！定係叫多碟雞軟骨。呢兩個人好惡咁罵我朋友，我朋友也忍不住講句咁而家口同鼻拗，咁算數。當然見到咁我好氣結，明明好鍾意呢間餐廳黎左勁多次，一下子對佢超失望。其實講真，我地唔係要R野，態度良好，都係大家講道理，其實只要佢地態度和善啲，解釋返，甚至講聲唔好意思真係換唔到，nice d講下或者你地會否叫埋雞軟骨呢啲說話都無咁嬲，我之後真係嬲到完全無心機同朋友傾計，害我無左一個快樂晚飯時光。呢兩個人仲惡過啲客，希望餐廳老闆要多加留意，因為有咁既飲食界害群之馬。

作为半个川妹子，很喜欢川菜。第一次来川上龙，晚上，点一盆水煮鱼，鱼肉新鲜，不算入味但也很香（缺图）。第二次来，中午，和朋友一人一个lunch set，一碟小菜，一杯喝的，一碟青菜，荤素搭配倒也不错。第三次来，晚上，点的辣子鸡、小炒肉、莴笋丝、竹蔗茅根水（辣子鸡实在有些辣，必须喝点东西缓缓）。很大一盘，鸡肉也不少，在辣子里找鸡真是蛮乐趣的辣子太爱了，吃完还把辣子打包回家做了一餐麻辣香锅，夸我小炒肉的材料，是偏向正宗的，用大蒜、豆干、豆瓣酱。除了用的酱料有点点偏甜口，但是这是香港，要有符合当地口味的适当调整。也是可以接受的。清炒莴笋丝真的很清，下次还是试试炝炒把~~

尖沙咀一向難搵食，作為打工仔就眾所周知。不過就是喜歡周圍搵食，今次就搵中「川上龍」。有set Lunch，包一杯飲品和一碟油菜。隨你喜歡，有橙汁、熱豆漿、湯、竹庶水等等今次我叫左 上海粗炒$62， 熱度夠喉，而且份量多，足夠有餘，味道濃郁。

呢日farewell同事，當然要食圍餐，但同事又吾鐘意飲茶，所以就揀左黎呢間位於海防道既樓上川菜小店。小店吾大，我地有左12人，所以book左VIP房，希望可以坐得舒適D，不過有1千3蚊最低消費。我地叫左11個午餐同1個雞煲，其中1個餐係買十送一，所以免費。麻婆豆腐既辣味屬譚仔小辣，同麻味平衡得吾錯。千層咕嚕肉d肉整到圓咕鹿咁，好得意，不過份量吾夠12人食，我無食，但同事讚脆卜卜，幾好味同特別喎。糖醋魚柳大大件，甜甜酸酸，餸飯必叫。椒鹽海中蝦好有大排檔既鑊氣，蝦size正常，肉質鮮甜，吾似死蝦。雞煲真係有好多雞件係入面，肥瘦適中，啖啖肉，仲有d上海年糕同菜做配料，吾會話好油，推介!其他餸都比想像中好味，而且全部夠熱，似係即叫整。每個餐都包餸、生菜，白飯同野飲。我地另加雞煲，食得咁豐富都係每人100蚊多d，抵丫!

呢一間上海菜館已經成為左我喺尖沙咀其中一間飯堂啦每一次嚟尖沙咀shopping之前都會同另一半黎呢到開飯首先我哋帶咗幾個小菜頂下肚先呢個咕嚕肉入面嘅肉非常新鮮而且肉份量豐富炸粉唔多而且新鮮個汁都教得好好我哋嗌咗醉豬手酒味濃郁應該用咗紹興雕酒而且做左涼菜之後更加好食豬手爽口彈牙炸脆鱔個汁好好食唔會有油益味咬落索索聲另外仲有嗌咗個炒牛仔骨本身以為佢哋淨係做中國經典上海菜出色估唔到炒一啲稍為有鑊氣嘅小菜都唔錯牛仔骨嘅醃料好香另外配合埋芫荽洋蔥嘅味雖然油份稍重但都好好食食咗幾個小菜其實我哋都已經飽飽地但經過員工嘅推介我哋嗌咗一隻雞嘅雞煲本身點再中辣嘅我哋都擔心會唔會handle唔到但反而唔會除咗一隻雞嘅份量以外個底嘅汁仲配合左好多上海年糕滾下滾下嘅時候上海年糕就會吸晒雞煲嘅汁雖然佢越滾熱辣但係食得非常滋味而且雞件佢本身炒起過落雞煲嘅時候滾起埋啲汁真係會食過返尋味

前幾年成日都黎食，當正係飯堂， 但因為食品質素下降左好多， 所以一路都無再光顧。 直到今日，因為我地唔知食乜好， 又經過開，餐廳樓下又有個姐姐介紹。 老公想俾個機會再試下。 可惜可惜，味道都係不如理想。 好想念當初嘅味道丫☺️叫左2樣野: 雞煲（一隻） 啲雞肉好似有啲奇怪!?無論雞胸雞腿雞髀肉， 口感都一樣嘅!?而且無乜雞味。或者係基因改造過(笑).至於個汁嘅色同味道唔成正比呢， 味道好淡，同埋較油。 失望😞。以前覺得最特別係雞煲入面有年榚。但可惜連年榚都變得唔好味。已經好盡力但真係冇辦法食落去。 淨左好多, 好對唔住啲食物。 我諗我以爲都唔會幫襯喇， 好後悔。

一向都嗜辣嘅我，今日就拉埋老公黎試下尼間朋友介紹嘅四川菜雖然嗜辣，但不止於食大辣，所以叫左個中辣水煮牛肉，牛肉新鮮嫩滑，薯粉彈牙可口，掛上麻辣湯，食不停口，至於個湯就麻香辣味到位辣子雞，唔好睇佢成斤辣椒，好似好辣，其實辣度唔勁，反而食落雞炒得入味、麻香味濃，加上雞件切得細細，更容易入味尼度嘅茶，飲落有桂花嘅香味，我非常喜歡桂花味，所以冇叫其他飲料見佢地嘅桂花咁出色、就叫左酒釀湯圓，湯圓軟滑、芝麻味香濃，尚算合格，可惜敗筆係個酒釀湯，桂花味唔重，過甜但又帶點咸，成個組合有點怪不過整體上，食物水準好，朋友果然冇介紹

朋友約食飯，問我食吳食得辣，我話幾辣到無問題，甘就帶左我去食呢間四川菜，如果吳係佢帶我去，都吳知有呢間嘢，因為吳當眼，而且仲係樓上舖😅入到去，環境都吳錯，地方幾寛闊，坐位亦坐得舒服，侍應都幾有禮貌，同待應點菜期間，提及到原來呢度個廚師係四川人😊呢度既茶好清香，茶味好特別，吳似平日飲開既中式茶味，飲落味道有D似香桃🍑昧感覺，味道清新夠特別👍👍招牌🐔煲———麻辣夠香夠惹味，加有芫茜乾蔥頭，蒜子，底下有上海年糕索哂D🐔汁，惹味又好食😋😋孜然海🦐——香味怡人，🦐夠大隻又爽口👍水煮龍疐🐟片——四川人既辣果然厲害，小辣已經🔥😅，🐟片好滑溜，入面仲有大豆芽菜同薯粉，又爽又夠味🔥🥵蔥爆回咼肉——辣椒🌶️青椒配合，用🐷腩肉做回咼肉，又係好爽口🔥🥵🥵吳食得辣既人千祈落單前叫微辣好啦😅如果食得辣就要挑戰下🌶️🌶️🌶️🌶️🔥🔥😂😂😂😂😂😂

今日係尖沙咀做野，好趕時間，只可以係海港城附近搵食，於是上泥食個lunch午市好繁忙，用餐時間只有一個鐘，好彩唔洗等位。拿拿臨點左兩份午餐。我果碟菜偏油偏咸，不過都叫新鮮，味道👌🏻豆漿都👌🏻唔會偏甜偏淡。麻婆豆腐叫小辣的話唔知點解係甜甜地，所以叫左中辣，可以撈飯食成碟都幾重口味，幾咸同辣，份量又夠，豆腐幾滑，唔錯。一睇就知太油，冇咩肉，菜就好多，呢碟都係重口味，偏油同咸。如果你鍾意我今次既分享，俾個like同關注我如果唔鍾意就麻煩你手下留情

每次經過川上龍樓下，都覺得這家是食辣的, 所以從來無來過。今日第一次上來真係大開眼介，這裡不但地方大，而且餐牌選擇豐富，有辣有唔辣。而且價錢有便宜一點的, 也有貴一點的，任君選擇。我點了菜芯獅子頭，我覺得幾好味，雖然佢醬汁超多，要小心撥走，但味道的確不錯。而且佢有三大粒獅子頭, 仲有好多唐山菜，好大份。另外佢仲有湯 / 豆漿 / 酸梅湯 / 竹庶水，加一小碟生菜，加一碗白飯。生菜超多油，食人不敢恭維。整體覺得幾好食，如果想食中式食物，這個是一個便宜的選擇，幾個人一齊食得仲豐盛。不過佢服務很一般，個湯三摧四請都未有，到我差唔多食哂先上。BTW, 這裡做緊買10送1, 儲夠印仔又可以慳番筆。

一般朋友聚會要搵唔同地方聚餐都係一件難事而且食物又要好味聽朋友介紹所以我地決定黎試下呢間餐廳可以透過電話bOOK首先餐廳空間夠大而且環境好有氣氛而且無咩味道我地簡完菜式之後等左一陣之後就開始上菜喇水煮魚非常惹味夠曬辣一定要叫白飯因為每碟送都好送飯四季豆好好味呀好新鮮 味道剛剛好仲有牛仔骨好入味而且唔腥仲有一碟雞好有雞味好新鮮 熱辣辣送飯一流大家下次聚餐可以黎試下味道剛剛好而且價錢適中 唔算太貴而且好打電話BOOK位

Weekday 晚上來到，不算滿座，環境OK，只有7成滿左右。侍應生不多，所以比較忙碌，目無表情，面無笑容，不算有禮，也不至於無禮.......嗯.....有改變空間.....至於食物，唔差，份量OK，亦沒有下面評語所講比較咸，可能我無叫中他們所指的菜。要讚的係豆沙鍋餅好好吃，不油膩。鴨就麻麻地