川一料理 (已結業)

好耐都冇食過四川菜，今日咁啱見到有間好似幾正宗嘅川菜，頂唔住停低望左望。🤔🤔見到佢有唔少嘅涼拌小食，感覺同當地餐廳嘅做法都差不多，菜式款式都幾多選擇🤧心大心細唔知揀咩好猶豫咗好一陣子，最後決定叫水煮牛肉同手撕雞😀唔使等太耐就已經有得拎。啱晒我呢啲放工匆匆忙忙買外賣返屋企食嘅人。另外仲買咗支佢哋自家製嘅冷泡茶，包裝都幾精緻👍🏼👍🏼外賣盒都幾保溫，返屋企都仲係熱騰騰🔥🔥手撕雞麻辣十足，不過有啲太大舊，如果可以發多少少功夫，將佢撕成絲就perfect la！🤣🤣無計啦係人都想偷懶。水煮牛肉都幾多配料，有筍有海帶，不過調味有啲重手，配埋碗白飯啱啱好。總括嚟講，算係一間可以試吓嘅外賣川菜。

放假就要放縱一下，唔食得辣但突然想食辣，呢度有辣有唔辣，而且仲可以揀辣度，有葷有素，花多眼亂。店內姐姐幾有耐性，有問必答。三拼 $60肴肉、雞腎、牛腱，唔食得太辣，好彩店員姐姐介紹，呢幾款都只係少少辣，食落少少麻，而佢哋加喺餸面嘅脆脆黃豆，真係會食上瘾~另加素菜+$10/款咁啱想試埋比較少見嘅海帶，原來買任何食品，可以+$10加一款素菜 或+$15 加一款葷菜，呢個組合真係好好，可以試多幾款，我仲貪心地再加多款蓮藕片，好爽脆~ 奇味豬手 $60店員推介，味道幾好，肉質夠腍，好鍾意用腐竹墊底，索咗啲汁，又好味。鎮江排骨 $60

西灣河食店林立，每家都各有特色，這次我去了川一料理，買一些川菜回家吃。東坡肉飯餐豬肉肥瘦均勻，入口即溶，送飯一流，且飯和餸分開盛裝，非常周到。口水雞脾飯雞脾大大隻，再沾上一點辣汁，非常開胃，值得一試。椒麻手撕雞手撕雞的花椒味很濃，吃完嘴部會麻痹，感覺很新奇。青瓜雲耳伴海哲 隨餐還有各種涼伴小菜，我最愛的是海哲，滑得來易入口，非常美味。綠茶和可樂飲品都是隨餐附送，吃辣的食物再喝可樂，解辣之餘又份外滿足

一直都是西灣河的街坊，又喜歡吃辣的我，又怎能錯過這家新開的川一料理！這家只做外賣的四川餐廳離地鐵站只有2分鐘距離，非常方便！餐廳門面貼滿多款推介菜式，不得不提Poster設計得非常用心。我選擇了一人份的酸菜魚($88)，魚身嫩滑可口，份量也很足，配料也沒有馬虎，略嫌不夠辣，下次會試試川一水煮牛。川一也有提供多款全日供應的一人套餐，非常貼心，價錢也非常平民化，我選擇了香辣牛腩飯($60)。牛腩的肉汁很香，口感十分煙韌。最後還點了四川風味的雙拼小食，豬耳和蓮藕都醃製得非常入味，非常地道，下次會再試其他款式的小食！

西灣河美食雲集，一向有「香港小士林」之稱。早幾日嚟附近辦事，已經留意到麗灣大廈地下新開咗間「川一料理」，今日偷懶唔煮飯，決定過嚟買外賣。店舖主打川滬風味料理，菜式選擇非常多，有辣有唔辣，而且價錢亦十分親民。點咗三個一人餐，每個套餐都會跟白飯、是日配菜 (葷、素各1款) +飲品。番茄牛腩飯 ($60) 配雞腎、四喜烤麩+酸梅湯番茄汁好香濃，牛腩燜得夠晒入味，腍身又唔黐牙，而且份量亦唔少。雞腎爽口有嚼勁、烤麩口感鬆軟，放進嘴裡立即感覺到甜甜嘅醬汁溢出， 用嚟送飯一流。奇味豬手飯 ($60) 配五香牛肉、土豆絲+可樂豬手嘅肉質好軟嫩，腍滑得嚟有咬口，外皮好有彈性，充滿骨膠原，配上帶甜嘅醬汁，好惹味。切成薄片嘅五香牛肉，味道亦唔錯，滷得很入味。鎮江排骨飯 ($60) 配麻辣豬肚條、涼拌萵筍+忌廉排骨肥瘦適中，食落完全冇油膩感，醬汁香濃杰身，每一啖都酸甜鬆軟有醋香。另外配菜入面嘅豬肚條都好正，口感非常爽脆，麻辣香氣霸道，越食越過癮。三個套餐份量都好足，下次嚟想試下佢哋嘅酸菜魚。

我平時放工返屋企都會喺西灣河轉車，沿路嘅時候經過呢間新開嘅川一料理。上星期食完佢哋嘅外賣水煮魚，今日決定試埋佢其他主打菜式包括酸菜魚同手撕雞。- 酸菜魚（小）酸菜魚有大中小選擇，我揀咗小酸菜魚，但份量完全足夠兩個人食，魚片夾極都仲有，肉質滑溜無骨，湯底辣而不油膩。配菜亦有好多款式，包括娃娃菜、薯粉、芽菜。- 椒麻手撕雞雞肉唔算太嫩滑，但椒麻味實在太正，令人回味無窮，如果挑走埋啲骨就非常完美👍🏻- 雞絲涼拌麵我揀咗麻醬味，麻醬唔會話落得太多。即使返到屋企已經係20分鐘之後，麵條都無黐埋一舊舊，炎炎夏日之下食涼拌麵令人非常清爽🤩餐廳仲送咗我一支茉莉綠茶🥰我正式宣佈川一料理成為我嘅一星期一次嘅外賣食堂！

今日媽媽夜收工來不及買餸煮飯，我們又唔想在街食，我便在西灣河川一料理買了三個王牌料理回家作晚餐。每個家庭裝王牌料理是2至3人份量，可加配白飯一盒($5)。王牌料理款式多，好多款都合我和爸媽口味，最終我選了半隻店員推介的椒麻手撕雞，半隻媽媽愛吃的川味鴨和一份爸爸愛吃的東坡肉。椒麻手撕雞($68)果然是好介紹，半隻大大份好夠食。雞撕了肉方便食，雞肉有濃濃的花椒味，雞肉結實，有風味不太咸，雞肉洒滿芝蔴，花生香脆，芫茜惹味，有水準!川味鴨($69)也是抵食好食夾大件，半隻共有兩大盒。鴨肉鮮香肉質不錯，麻辣味道愈食愈想食，送啤酒一流。隨鴨附上的花生和芫茜都不放過。東坡肉($60)一流，推介!.豬肉炆得夠火喉，調味濃香，豬肉入口溶化，送飯一流，真的好吃，推介。用東坡肉的汁點鮮腐竹很好味!自己加碟白灼菜心和西蘭花，今餐好過出街食。外賣二百元左右，三個人也吃不完，還留了些明天吃，抵食!川一料理還有涼拌，小菜，粉麵，套餐等，全部經濟實惠有風味，難怪食飯時候多人輪候買外賣。

食得多連鎖店嘅川菜，今次試一試呢一間小店，坐落於西灣河嘅大街，地點方便之餘味道相當之好！先嚟一道水煮魚，魚片又滑又香魚味，而且無骨啖啖肉，食到舔舔脷！個辣汁亦都好濃郁，辣得好過癮。店舖嘅川菜款式包羅萬有，而且仲可以不同嘅配搭，一次過滿足你三個願望～食咗一個豬耳，軟骨十分有咬口，蓮藕朔晒啲辣汁味，特別好食！我亦都叫咗一個牛腩飯，牛腩嘅肉質十分出色，好香牛味，再用嚟送飯，簡直係一大享受！店舖係主打外賣，拎返屋企都好方便，而且而家疫情都幾嚴重，拎返屋企舒舒服服咁食又安全啲，各位鍾意川菜嘅朋友，而且又住附近比較擔心疫情嘅話，不妨可以試吓買上述推薦嘅食物返屋企試吓，當然其他冇提及嘅都可以一試啦，相信你唔會失望！😋

鍾意食辣野嘅我四川菜都係一個好選擇經過見到呢間餐廳一於買個外賣帶返屋企試一試想食酸菜魚又想食口水雞小朋友先要揀 我全都要！揀咗一人份量嘅酸菜魚同埋口水雞套餐另外亦叫咗三款小食三月叫咗夫妻肺片 麻辣雞腎 同埋金錢肚小食份量非常多 可惜兩個人個胃都裝唔到咁多所以只可以叫三款特別讚一讚個職員好好人 亦都推介唔同嘅食物俾我揀返到去影返張大合照先影完相就開餐！首先講一講小食 麻辣嘅風味真係唔錯用嚟送飯送啤酒一流特別鍾意食佢嘅麻辣雞腎好香 但又唔會太辣口水雞同樣吸引望到大量嘅花生覺得好正雞肉分量多 $60仲要有埋飯飲品同小食好抵食喎酸菜魚亦都係唔媽夫一打開見到咁多魚肉就覺得正再加上好香好濃烈嘅四川麻辣味整體來講呢間四川外賣小店質素都唔錯價錢亦都唔貴有興趣嘅朋友都可以去試一試

周末黎呢到買外賣，呢到近大街，附近又有巴士站同地鐵，十分容易搵到。同屋企人諗住買飯既套餐，套餐包括一份素菜同葷菜，另外仲有野飲。餐牌上有好多選擇，對於有少少選擇困難症既我都諗左好耐😆最後決定要以下呢三款套餐：梅菜扣肉飯配海帶+牛腱+酸梅湯；東坡肉飯配大白菜+牛腱+可樂；秘製滷肉飯配海帶+青瓜雲耳拌海蜇+綠茶。我自己食秘製滷肉飯，味道唔錯，煮得夠淋，脂肪位入口即融，軟骨都食到。旁邊配左啲土豆絲，可以化解下油膩。青瓜有啲麻辣，夠哂開胃，海帶亦十分爽口，而且份量唔少。屋企人就食另外兩份套餐，我都有食少少，大白菜有啲酸辣，牛腱亦容易咬唔會韌，回味🤤整體覺得真係好有四川風味，如果喜歡麻辣或者呢類四川菜式既值得一試，價值亦相宜，食完十分飽肚😋

今日係去左西灣河搵好野食,咁岩去開朋友屋企就買個外賣上去食下🤪見到珍一料理好岩我口味😜店舖乾淨，麻雀雖小但五臟俱全，雖然冇設座位，要外賣返屋企，不過店面已經擺放好多各式各樣嘅嘢食我就點左好幾樣野食😛由於店舖餐單好多，好鐘意食野既我企係店鋪睇左好耐😚未拎個外賣番屋企我已經流晒口水😃-椒麻手撕雞套餐 ($60) 配高麗菜&五香牛肉 成個套餐份量好多，手撕雞唔會特別咸同麻👍🏻好岩送飯食，再加埋高麗菜同五香牛肉都好爽口😃我仲可以share比其他朋友食配飲品:桂花烏龍茶($10)桂花烏龍茶個樽身好精緻，好有桂花味👍🏻 解辣一流-三拼 (秘鹵豬爽肉、雞腎、皮蛋伴青瓜) ($55)另外叫左三個小食😜真係食到勁飽🤣皮蛋配青瓜好入味，雞腎好爽口😂份量超多😃😃 另外，仲有個豬爽肉😃口感好特別，我都係第一次聽，但都好好食😃😃👍🏻👍🏻🌿🌿🌿🌿🌿🌿🌿🌿🌿🌿🌿店舖名稱：川一料理 (西灣河)地址: 西灣河筲箕灣道33-55號麗灣大廈地下J1號舖🌿🌿🌿🌿🌿🌿🌿🌿🌿🌿🌿

There is a newly opened Sichuan in Sai Wan Ho. When you walk past, you can smell the Sichuan spicy flavor. As I spicy lover, I order takeaway and have a try. I order rice set, Braised Pork Cartilage rice together with two side dishes, Marinated Pork Jowl meat and Shredded potato, also with a coke. And I order 3 cold dishes, Kelp, Pork Ear, Boneless pork knuckle. WOW, the taste is super good. It tastes like the favor in Sichuan restaurant. The price is reasonable. It is worth trying for a spicy l