峇里堂

營業中

休息中

位於尖沙咀嘅樓上鋪印尼餐廳✨難得地高質又抵食，二訪同樣返尋味😌雙色咖央多士食呢個我會話係要啲運氣嘅🤣上次嚟食嘅麵包顏色係黑色配粉紅色，今次係黑色配啡色，有特別嘅顏色要求可能要同鋪頭講下😌兩塊麵包中間夾住咗大大嚿嘅牛油同咖央，好滿足，不過嚿牛油覺得可以細嚿啲，好似有一啲喧賓奪主嘅感覺😂😂印尼炒飯純素炒飯！好啱我呢啲唔鍾意食肉嘅人食。不過覺得個飯太辣，太多辣椒喺入面，不過就係要咁先有印尼菜特色🤭最鍾意佢有炸蝦片，呢個都係我最鍾意點呢個飯食嘅原因🥰香濃惹味醬燒雞髀飯唔好俾佢好似好頹嘅外表呃咗，其實係好高汁嘅一個飯！甜甜嘅醬汁淋上熱辣辣嘅雞髀，真係好惹味。而呢個飯底係金具飯，係配合好多香料同椰汁整成嘅，比起一般白飯更香更易入口，係印尼菜另一個特色之一！炒四季豆比較港式嘅一道菜🤭不過佢都係用咗特色醬汁去炒。醬汁味道同燒雞髀嘅好似，都係甜甜哋，不過食落口更辣，用嚟送飯一流👏🏻

星期日同朋友兩個人嚟食午餐，大約一點左右嚟到，唔使等位即刻有得入，入面有好多張枱，二人座位比較逼，擺袋嘅位都冇。用紙點餐。d野貴左同我睇今年5月份OpenRice 食評嘅價錢吾同（今日6月26）。印尼沙嗲豬肉飯$61 +$9金貝飯 = $70，飲品仲要再加錢。沙嗲味好香好重，撈飯好食，但撈完有d咸，亦都食吾到金貝飯係咩味，豬肉條炒香左都好味，個飯食完要飲多d水。朋友就食係食佢個公雞冰冰$60，入面有一球雪糕，仲有d紅豆啊，大樹菠蘿碎甘，我就冇試了。總括黎講，野食係好食但價錢黎講就有d偏貴，未必會再黎

✨香濃．惹味醬燒雞脾飯雞髀 肉質軟腍 雞肉本身調味偏淡醬汁甜甜地 撈飯食幾唔錯飯 加錢轉左金貝飯 有啲香料調味 飯粒分明✨雙色咖央多士顏色麵包賣相唔錯 麵包烘得香脆咖央 味道甜甜地 帶微酸 幾特別加埋鮮油 好難唔好食✨峇里堂珍多公雞冰冰有兩款雪糕選擇 揀左椰子雪糕 雪糕 椰子味幾香滑 唔太甜配料好多 珍多 紅豆 再加啲椰糖 夏天食夠晒冰涼 ✨印尼樽仔花茶飲管扭成心型 好有心思花茶味道淡淡地 帶清香 唔太甜食物可以 份量足小店環境可以 幾別緻服務唔錯 價錢可以

一向對印尼🇮🇩菜嘅認知 其實只有印尼撈麵😂(好好食)最近見到尖沙咀開咗一間印尼菜 最初係比巨大珍多冰甜品吸引 慕名而來～～餐廳位於佐敦站2分鐘路程好方便而且地方寬敞 好舒適！-----------------------—---------珍多冰(add coconut ice cream)🍨 🥥 HKD60雙色珈央多士 HKD38峇厘炒玉豆 HKD 68峇厘式燒豬肉 Bagel 🥯 HKD57巴東牛肉飯(轉金貝飯+$9) HKD81不是「南乳豬手」是「巴東豬手」HKD54手工啤酒🍻HKD110 for 2 bottles ------------------------------整體而言菜式好特別 亦有深刻印象🤭而且印尼菜🇮🇩同其他東南亞菜式一樣口味都相對比較濃烈 所以食落好惹味好適合重口味的我！咁多款之中我最鍾意：峇厘式燒豬肉 Bagel 🥯 HKD57好獨特嘅印尼風味醬汁配上炒豬肉條 夾係bagel入面 而且烘熱左嘅bagel好煙韌 係我喜歡嘅口感！巴東牛肉飯(轉金貝飯+$9) HKD81其實金貝飯即係我哋常見嘅黃姜飯 巴東牛肉汁甜甜的 配上黃姜飯 好夾 必嗌之選！！！甜品當然

🐽星馬菜就食得多，印尼菜真係好少食😃。👅印尼沙嗲炒豬肉飯 ($61)豬肉係幼條狀，好有口感同埋掛汁好多😙印尼既沙嗲醬係偏甜，花生味幾出，係幾惹味會食唔停口😋不過唔係個個都中意食太甜既咸食🙃我地簡左轉金貝飯(+$9)，即係黃薑飯😛個黃薑飯做得唔錯，唔係淨係得個顏色，黃薑粉陣香味都好突出😋撈埋沙嗲汁食好夾! 不過略厭個飯量唔夠多~。👅印尼炒飯 ($66)炒飯一上枱就聞到陣辣醬味幾香😝炒飯個調味都好夠，亦唔會好油淋淋，係炒得唔夠乾身爭左少少🧐印尼炒飯係要辣先好食🌶️每啖飯都好有辣勁好香口，不過真係愈食愈辣🫢。👅峇里堂珍多公雞冰冰 ($60)食完咁濃味既野，食番個冰即刻舒服好多😌等如珍多冰既甜品版，啲配料好有口感，個冰有淡淡既椰奶味🥥雪糕簡左椰子味，雖然椰子味唔算好出，但質感幾綿滑😬

🚩佐敦-峇里堂🔎: #drfood佐敦 #drfood尖沙咀 有一日經過佐敦想食平平地又特別啲既菜式❤️就簡左呢間餐廳😽，餐廳環境好大坐特幾舒服😌價錢合理之餘食物質素都相當唔錯😙仲要係良心店💛大家經過一定要大大力支持呀🥳✨➣人見人愛加多加多沙津(💰𝟔𝟗)𝕽𝖆𝖙𝖎𝖓𝖌: 𝟑.𝟕/𝟓個名好可愛呀😆配料有日本椰菜、日本小黃瓜、銀芽、薯仔、長豆角、雞蛋同蝦片✨食落都幾清新😙夠哂足料同惹味😋➣印尼沙嗲炒豬肉飯(💰𝟓𝟗)𝕽𝖆𝖙𝖎𝖓𝖌: 𝟑.𝟖/𝟓份量好大，男仔都夠哂飽呀🥰條狀既豬肉鋪滿飯，雖然都偏多沙嗲醬，但有啲青瓜絲同埋車厘茄解膩😌一啲都唔會漏仲好惹味添👍🏻➣印尼雞肉風味串燒(💰𝟑𝟑)𝕽𝖆𝖙𝖎𝖓𝖌: 𝟑.𝟓/𝟓每份有兩串，雞肉都幾嫩滑☺️醬汁係同沙津果個一樣的～➣椰汁紅豆冰(💰𝟒𝟎)𝕽𝖆𝖙𝖎𝖓𝖌: 𝟑.𝟓/𝟓味道正常發揮，炎炎夏日飲一流✨🔸𝙍𝙖𝙩𝙞𝙣𝙜: 𝟕.𝟑/𝟏𝟎💰𝙥𝙚𝙧 𝙝𝙚𝙖𝙙: ~$𝟓𝟎-$𝟏𝟎𝟎

📍峇里堂 𝐁𝐚𝐥𝐢 𝐭𝐨𝐰𝐧💛 - #YFF佐敦 💎今日要為大家介紹呢間抵食隱世樓上印尼餐廳，價錢相宜，最緊要係良心小店黎💛 俾大家糧尾多一個飯堂選擇😛 餐廳位於尖沙咀同佐敦交界，佐敦mtr嗰邊行過去會比較就腳啲，呢個地段可以人均五六十蚊食一餐飯，簡直係糧尾恩物😍 餐廳係樓上舖，店面佔三樓全層，落地大玻璃嘅設計令呢到嘅環境感覺幾開揚光猛，空間感十足。小店裝修走簡約清新風，係到用餐有啲似去咗文青cafe嘅休閒用餐體驗，感覺頗為舒適。-➤ 印尼沙嗲炒豬肉飯 ($58 +$8)炒過嘅豬肉嘅沙嗲味幾濃，甜甜地又帶啲花生醬味，加埋啲炒到香甜焦糖化嘅洋蔥，非常惹味，送飯一流。我地另外仲加咗$8轉金貝飯，係一款加入香茅、檸檬葉等香料嘅椰汁黃薑飯，飯粒飽滿爽身，粒粒分明。食到尾覺得成個飯有少少重口味，不過如圖所見，個飯另配咗啲青瓜絲同埋車厘茄，啱晒用晒解膩。但豬肉絲略嫌有少少嚡，雖然切到好幼條，但食落都有啲痴牙，建議餐廳可以改用比較腍既梅頭肉☺️➤ 香濃惹味醬燒雞髀飯 ($58 + $8)雞脾大大隻，差唔到有成隻碗咁大，而且非常厚肉，一啖咬落去啖啖肉好爽～ 肉質唔算滑嫩多汁，不過煮得都幾腍，好易就起到肉

今日同友人黎食下印尼野，就黎左佐敦呢間老字號雙色咖央多士（39$）咖央多士就食得多啦，呢間特別之處就係d色靚啲，味道唔錯架，油厚味濃！峇里堂珍多公雞冰冰（58$）呢件真係外表夠晒吸引，味道上因為多唔同既配料（原來我真係up唔出🤣），主要係甜味，外加少少酸、奶既滑同埋冰底既透心涼，夏天必叫啦😋巴東牛肉飯（78$）牛肉真係勁淋！飯底轉左金貝飯，食落似油飯，幾香口！峇理堂海鮮煎（69$）似係蠔餅，但換左d料做鮮蝦、元貝同埋蝦餅，味道都ok🤔🤔🤔友人比較大食表示份量較少，但我就覺得夠架啦🧐🧐呢間比較適合兩個人尼食，反而可以試多幾樣野，因為價錢都幾合理。同埋呢到d位比較窄，hea j食都還可以，想溝女要搵個間靜d la🤣🤣🤣

喺香港真係好少見到主打印尼菜嘅餐廳🍴🇮🇩幾推介佢哋個椰糖雪糕coconut🥥多士烘到脆卜卜 帶淡淡椰香味 再配埋面頭一球椰子雪糕🍦同椰糖漿 真係椰香十足 幾特別🤍

不變．招牌巴東牛肉飯🐮$70金貝飯😎另加$8巴東牛肉大大件😙食落啖啖肉👍仲要夠腍夠入味😁果然係招牌菜😋另外配咗個金貝飯😆原來金貝飯係用多種香料😄混合新鮮椰汁，烹調前後6個鐘頭😏蒸成嘅香料飯，米飯粒粒分明😚配上巴東牛肉醬汁一齊食😛確實係最佳配搭🤩印尼沙爹炒豬肉飯🐷$59表面鋪滿濃郁嘅沙爹醬😋味道偏甜，但夠惹味😎沙爹醬底下有好多條狀嘅炒豬肉🐽炒得好香，口感都唔錯🥳仲有青瓜絲、洋蔥同車厘茄作伴🤓雙色咖央多士🍞$39原來雙色次次都有機會會唔同😂今次就係啡色同黑色😉即叫即烘，多士新鮮熱辣辣👍入口鬆脆，配埋牛油同咖央醬☺️邪惡得嚟，又真係好滿足😄薄荷甘草檸檬草草本茶(無咖啡因)🍵跟餐加$17感覺清新，質感醇和😚啖啖都品嚐到檸檬草同薄荷嘅特別香氣😆而甘草味道相對比較濃郁😇飲完零舍提神醒腦😎峇里堂 (尖沙咀)尖沙咀彌敦道176號The Nate3樓

係尖沙咀見到呢間環境幾特別嘅餐廳～了解後知道係印尼菜‼️ 我又真係少食🤣 無得去旅行就去轉Food Travel✈️ 感受不同氣氛，輕鬆地過😌醬燒雞髀飯醬汁幾特別，甜甜地咁又幾惹味～ 雞髀都幾大，又幾入味✨加埋青瓜絲及車厘茄拌飯，唔錯👍🏻 整體份量都幾多👍🏻峇里式燒豬汁比高Bagel 🥯 煙韌，有芝麻喺面食落去好香～燒豬有淡淡的香料好惹味✨ 值得一試💕椰糖雪糕多士coconut多士有唔同顏色都幾特別～ 多士有淡淡椰香～雪糕可以揀海鹽或者椰子🥥 我哋就揀咗椰子雪糕，椰奶比例較重✨配椰糖都幾夾～飲品配印尼樽仔花茶～甜甜的花茶，幾特別✨鮮檸氣泡咖啡☕️入口嘅時候氣泡及鮮檸嘅感覺比較出，咖啡味會慢慢回流出嚟～

【不能錯過回味無窮既沙嗲醬😝】我細細個已經鍾意食印尼菜🇮🇩，成日跟住工人姐姐佢印尼鋪到買野食🤣不過自從佢走左之後我都好少食😫最近見到唔少人介紹話呢間印尼菜餐廳幾抵食質素有唔錯，就決定過黎試試佢😙◦ 印尼沙爹炒豬肉飯 ($59)一上菜已經聞到好香！佢地既沙嗲醬真係幾有特色，炒過之後既豬肉條配埋香濃嘅沙嗲醬一齊食相當滿足，仲有埋青瓜絲、洋蔥同蕃茄仔，食到舔舔脷😋 ◦ 峇里堂海鮮煎 ($69)賣相十分吸引🥰煎蛋煎到有脆邊，中間有好多粒帶子粒同蝦🦐，另外仲有我最愛的印尼蝦片，最驚喜係超惹味甜甜地既沙嗲醬，真係令D食材昇華左一個level！2個人一份完全唔夠喉😎◦ 雙色咖央多士 ($39)咖央多士係一件明知好邪惡我都會叫既菜式🤪雙色多士賣相好特別🤩，好似係每日都唔同色好似抽獎咁😂，今日我地呢份就係黑色同麥色；中間咖央醬椰子味都幾香，奶味偏濃，配埋塊牛油真係幾好食😙！◦ 峇里堂珍多公雞冰冰 ($58)雪糕可以選擇椰子或者海鹽，今次試左椰子味雪糕，椰子味都幾重，配料有紅豆、斑蘭粒、椰汁等，食落都幾滑又唔會太甜，都係第一次用公雞碗食冰沙，幾特別😁整體黎講餐廳性價比幾高，兩個人食到好飽都係$100多D，

成日食西餐、中菜、日韓泰式已經食到悶，所以今次特登試間印尼餐廳，衝擊下味蕾😏。原來有間開左咁耐嘅印尼餐廳，仲要有唔少人介紹過😮。其實嚟之前已經知佢裝修似CAFÉ，大玻璃窗、感覺開揚、配木系枱櫈、加上放假心情，成日人都放鬆哂😌。當日係紅日，所以有週未精選餐牌，但唔啱食，所以我地點番常規野。招牌巴東牛肉飯 $70 加$8 轉金貝飯十個有九個推介，果然係招牌，最好食係佢!! 金貝飯係蒸出黎嘅香料飯，第一次食，估唔到蒸飯都可以咁乾身、粒粒分明、聞落好有香料味，但食落唔會覺得好重味😋。牛肉用左牛展，食落有口感之餘又唔會覺得油膩；炆得夠淋，唔痴牙；切得都夠大粒，食落啖啖肉。🤤巴東牛肉牛角包 $52呢個包嘅價錢唔平，幾乎可以買到個飯😅。不過，佢真係無改錯名，真係「吃不停口」!!牛角包好酥脆、而且好有牛油香，係一個幾高質嘅牛角包😋；個牛肉其實同上面個飯一樣味、甜甜地、香料味唔會好重、夠杰身、份量都唔少，配埋個牛角包真係好好味，食完真係想再encore。😍印尼沙爹炒豬肉飯 $59甜度比巴東牛高，但可以接受；豬肉用左好瘦嘅部位，食落好乾好硬，主要係食醬香味。估計印尼沙爹同平時食開果D沙爹用料分別幾大，前者

❣️尖沙咀樓上印尼菜餐廳 性價比超高 環境舒適 食物質素唔錯 少食印尼菜唔肯定正唔正宗🤣但肯定既係呢間係好附合香港人口味既美味印尼菜‼️用餐時間80分鐘‼️ 18:30-20:00不設訂位 可以walk in或訂18:30前/ 20:00後🐖印尼沙爹炒豬肉飯$59調味好濃郁沙嗲醬汁 味道甜甜地又惹味 香而不膩 條狀豬肉條口感好好 仲配埋車厘茄 青瓜絲 更開胃🍧峇里堂珍多公雞冰冰 $58 (紅豆 大樹波羅 珍多冰)簡左焦糖海鹽雪糕 底部係椰汁及碎冰 滿滿椰香味 每一啖配埋紅豆 大樹波羅 珍多冰 及 椰汁 透心涼！亦都驚喜珍多冰甜品唔會勁甜 甜得恰到好處❣️🥖雙色咖央多士$39即烘多士好脆 配埋牛油 咖央醬 好食 🐮招牌巴東牛肉飯(金貝飯)$78巴東牛肉味道口味偏甜 牛肉軟腍入味 配合粒粒分明金貝飯 好夾好好味🍢花枝丸串燒$35大粒彈牙爽口峇里堂📍尖沙咀彌敦道176號The Nate3樓

尖沙咀嘅💛良心店峇里堂，主打🇮🇩印尼特色食物主食價錢幾十蚊就有交易，味道仲要唔錯添，性價比極高！🤩🥘香濃．惹味醬燒雞脾飯 $59配金貝飯 +$8醬汁帶甜，真係好香濃，而且勁惹味！😍配燒脾或撈飯都係一流！加入香茅、黃薑、🌿檸檬葉、🥥椰漿等香料嘅金貝飯，粒粒金黃分明，香而不膩！😘💛印尼炒飯 $64油潤惹味嘅印尼炒飯，加埋卜卜脆嘅印尼蝦片🦐，好滋味！👍🏻✨峇里堂珍多公雞冰冰❄️ $58峇里堂嘅signature甜品，用classic嘅公雞碗裝住！🍨椰子雪糕配🥥椰汁冰、💚珍多、🥭芒果 及 🫘紅豆，仲有甜美嘅焦糖醬，正！🥰🍑蜜桃汁 +$11來自葡萄牙嘅樽裝濃郁果汁，order主食加配會有discount！