峇里堂

營業中

休息中

.🔖 峇里堂 | 𝑻𝒔𝒊𝒎 𝑺𝒉𝒂 𝑻𝒔𝒖𝒊成日都見到有人推介呢間印尼餐廳，近排仲入圍埋開飯熱店。食印尼菜好似幾特別咁，今次經開尖沙咀就決定黎試下佢！👅.夜晚六點幾黎度餐廳坐滿一半左右。一出𨋢就有位職員用冇咩禮貌嘅語氣吩咐我哋掃針卡，然後其實成餐飯都覺得啲職員黑口黑面咁🙂。雖然唔係貴價餐廳，但服務態度都可以好少少掛？.因為平時比較少食印尼菜，所以就穩陣啲跟番Openrice熱門菜式黎嗌。👌🏻當日叫咗雙色咖央多士、招牌巴東牛肉金貝飯同甚摩汁炆牛肉。咖央多士整體比較甜，仲要夾住半塊牛油感覺超級肥，味道普通😂。個巴東牛肉同甚摩汁炆牛肉真係少伏，調味除咗好甜之外都唔識形容。而且份量好少，七十幾蚊碗巴東牛肉飯先得個四舊好細嘅牛肉。而且完全冇擺盤可言，賣相仲頹過頹飯。個甚摩汁炆牛肉真係有啲神奇，炆牛肉炆嘅竟然係肥牛🤯。明明Openrice啲相係炆牛仔骨黎架喎，真係第一次知肥牛都可以炆😂，其實就係一碟肥牛浸住係好甜嘅汁入面嘅感覺。.呢間入圍食店個人真係唔太清楚點解入到圍。無論食物質素、份量、服務態度都唔係太好。除非想挑戰下炆肥牛，如果唔係都唔建議大家去。💔順帶一提餐具上面發現有污漬。雖然職員之後有幫

似係一間簡單食肆的Cafe，叫咗巴東牛腩飯，與傳統的巴東牛肉飯完全不同，牛肉變咗用牛腩，太淋，與傳統一絲絲的牛肉質感不同，而且出面完全冇鬆脆嘅口感，醬汁太甜，完全一啲辣味都沒有，黃姜飯就過得去啦，這間餐廳似係呃啲妹妹仔未食過正宗印尼嘢食的，而且出菜速度太很快，感覺似係加熱，完全一啲鑊氣都沒有，菜式少了印尼特色的香料味道，真心失望。與舊鋪好完全係兩碼子嘅事， 不知道大廚是不是走了，還是老細只是掛名的。

睇openrice評論唔錯，又比圖片吸引左，就試呢間。外賣叫左招牌巴東牛展肉飯同埋參峇醬炒蜆。牛展肉飯汁惹味，牛展炆得夠林，但份量較少，食完唔夠飽。跟著到碟炒蜆。一路食一路發現好幾隻仲未開殼，有啲崩殻，驚𠝹到嘴/咬崩牙/唔小心吞左，蜆又細隻冇肉食。有問題既蜆多到要數，結果係得6隻完整又開殼，8隻完整但未開殻，5隻開殻但碎，2隻未開加崩殼。少過3份1係食得，上菜前冇做好QC。憑呢次外賣經驗覺得試一次就夠。

見到推介上對呢間餐廳嘅好評，抱着與其他對美食有一定要求的好友們一起來品嚐⋯⋯結果，大失所望。就算食物質素算不錯。但服務如果如此的惡劣，相信更好的美食，都易會令顧客感覺惡劣。我們從網上訂位系統，預訂下午四時入席，到達時候，有👩🏻‍🦳(一位較年長的姨姨)，已多番提醒下午5:00會落場， 4:30會截單。所以，我們已經盡快落單，但當去到下午5:05的時候，而我其中一位朋友，當時碗裏還剩幾口印尼炒飯，👩🏻‍🦳(她)卻過來用很差的語氣說：「我哋而家要落閘啦，你哋再唔走唔理你啦。」搞到我哋要喺2分鐘⏱之內，用極速趕住返工模式🏃🏻‍♀️🏃🏻‍♀️扒飯，同豪飲還剩大半杯的🌹玫瑰及杏仁latte☕️🍵進口。👎🏻👎🏻👎🏻👎🏻👎🏻👎🏻感覺非常十分之惡劣，因為那位👩🏻‍🦳姨姨，還用一個很鄙視👺的眼神給怨恨😡😡😡的眼神，凝視着我們兼口唸唸🤬🤬🤬有詞的，希望我們快點🪑離開🪑座位。這間餐廳雖然設計環境感覺不錯，但這種服務態度，選個在這10年來最差的一間。👎🏻👎🏻👎🏻👎🏻👎🏻👎🏻👎🏻

2O21年4月9號同朋友去試呢間印尼菜，先唔講味道，一盤牛仔骨入面搵極只有兩細塊，其他都係薯仔同辣椒，我哋三個人有一個冇得食牛仔骨。飯後嗌飲料“珍多冰”，當時見餐牌只有碗裝珍多冰，裡面有紅豆、珍多同黄色果粒，我哋就問可唔可以要杯裝珍多冰，最後真係端上兩杯珍多冰，但杯裝分量比碗裝嘅少得多，如果價錢平返啲都合理，點知埋單時發現碗裝同杯裝係一樣價錢，我問侍應點解事先唔解釋清楚？侍應只係講咗聲唔好意思就當無事！我第一次寫食評分享我嘅遭遇就係不想有其他消費者中招，講真單論食物質素呢家印尼菜都唔係好地道，並唔好食，我朋友係印尼華僑試完都話唔正宗。

今日難得同男朋友出街食飯(疫情關係，少之又少)嗌左個豬肋骨飯，啲汁多到浸死左啲飯變左湯飯蝦醬炒通菜是霉的牛角包是叮熱的雞軟骨串燒有陣雪味......最正常只有椰汁紅豆冰(但比起茶餐廳，紅豆偏小，味道唔錯)無下次，上面啲人，究竟係咪真係食過正宗印尼菜🥲咁耐無出街食飯，食左餐咁既野😩好嬲....希望餐廳睇到我呢個comment 可以改善一下....用心做食物 唔好令人食左咁失望😞😞😞真係唔會介紹比朋友

見到網上有好多好評，加上好多印尼姐姐都有影相，所以抱著期待心情上去一試。食物方面：大失所望，而且嚴重懷疑d 印尼姐姐未去過Bali.服務方面：落單方式類似點心紙，圈住都竟然漏單張枱無位，唔識收走空碟上菜，要我幫未來肉 Nasi gerong正常印尼炒飯，份量少，但用左植物肉。牛仔骨 semur醬汁正常惹味，份量只有三件，有Semur 亦有裝飾用生辣椒。但用料有錯。一 不應用牛仔骨 應用Rendang 的無骨牛肉，但牛仔骨唔算硬。二 不應加粉絲，只應加薯仔。Sate ayam + kambing 雞+羊味道非常普通，雞可用此汁，但羊絕對不是用此汁。峇里汁魷魚本餐最差，沒有之一。不是新鮮魷魚，浸過爽口果種。醬汁亦非Bali正宗，不應有洋葱，亦沒有落青檸汁。同行太太非常嬲。