峇里堂

營業中

休息中

雖然明白香港租金不便宜 但個人認為峇里堂可以做得更好不懂變通既餐廳 成間舖得幾枱 都唔比人揀位坐 想坐窗口望下風景 仲要係語氣態度較差咁order你要坐邊到先講價錢 份量全部偏小 所以相對感覺個價錢幾貴Weekend lunch 連飲品要$90-100不過食物拎到黎 個飯已經散左。。。好冇誠意然後味道係好食既 不過覺得冇屋企印尼姐姐整得咁好食咁有特色 特別係巴東牛肉偏甜 個人覺得一般 沙嗲炒豬肉啲豬肉條碎濕濕 呢個價錢呢個質素感覺香港人同印尼人都吸引唔到總結就係不！推！介！唔會再黎

三條仔收工諗唔到食咩，最後揀咗呢間。6點上到去得一台客,環境望落乾淨舒適,不過完全見唔到工作人員咁唯有自己搵位坐低。坐咗五分鐘先有職員過嚟問我哋幾多位，然後“指示”我哋移去餐廳角落就座（位置仲要喺另一台客旁邊,理由大家心照）！我哋三條仔三個大背囊再加個大袋，成間餐廳廿幾30張枱連埋我哋先得兩台客，我同兩位朋友已經頗有微言，不過為免影響愉快心情勉為其難搬就搬啦。終於可以坐好，發現又係我哋三個最憎嘅QR code落單食物質素嚟講，除咗個東巴牛肉叫做出色，其他都係一般貨色！如果連埋價錢份量去評價，整體都好勉為其難先畀到合格......其中有份串燒，大家食完先發現原來冇落過單，最後個侍應喺我哋差唔多食完先嚟問我哋係咪食咗；咁我好坦白答佢係，去一句咁幫你加返錢落去就走咗，我嗰一刻係呆咗心諗咁樣都得㗎咩？我唔會話個侍應冇禮貌，只可以形容係做到滑曬牙，木口木面唔識笑囉！唔講食物質素，就付出咁嘅價錢要受到咁待客態度，我係唔太想去第二次，完

態度差就唔好做啦 依家邊個係客呀？首先，佢哋嘅員工態度真係好差，完全冇禮貌同埋冷漠。當我哋入到去嘅時候，冇人同我哋打招呼，好似我哋唔係客人咁。而且，佢哋面對我哋嘅問題時，冇耐性同埋冇幫助性，好似我哋嘅問題係一啲麻煩咁。不但係員工態度差，佢哋嘅食物質素亦都好差。我哋嘗試咗幾款印尼菜式，但個個都令我哋大失所望。味道無味、菜式冇新鮮感同埋份量好少。最令我哋傷心嘅係，啲菜式嘅味道好似係用咗好多味精同埋人造調味料嚟製造嘅，完全冇原汁原味。除咗呢啲問題，佢哋嘅服務速度亦都好慢。我哋等咗好長時間先有人黎招呼我哋同帶我哋去座位，而且等菜嘅時間亦都好長。即使餐廳冇咁多客人，我哋嘅食物都係要等好長時間先上嚟。總括黎講，呢間印尼餐廳真係好令人失望。員工態度差、食物質素差同服務速度慢，完全冇一個合格嘅餐廳應有嘅樣貌。我真係唔會再踏入呢間餐廳，同埋亦唔會推薦俾其他人嚟試。希望佢哋可以改善服務質素同埋提升食物水平

見到峇里堂鋪天蓋地嘅宣傳，於是同朋友一齊試試，點知就中伏。我哋一行八人前後腳到，其中四人已經坐低咗。我哋兩個想入去搵佢哋，點知就俾門口呀姐截住，話未齊人唔俾入去。我哋解釋話已經有人到咗，仲有兩個人嚟緊就到。呀姐就態度惡劣地不停重複”咁你宜家未齊人吖嘛”，點都唔俾我哋入去，如果坐低就要開始計時80分鐘。我哋話你可以照樣計時，反正唔差嗰幾分鐘。最後都係好唔情願地俾我哋入去搵已經坐低咗嘅朋友。之後每一位入座嘅客人都抱怨門口呀姐好惡趕客。食物方面有好有壞。咖央多好食，巴東牛肉都好正宗。不過所有食物嘅調味都偏甜，可能印尼菜都係咁樣。但係米飯唔夠水分非常硬，咬到牙較都軟。埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。

又係傳媒報道、又唔信咗啦，賴嘢！總括收咁嘅價錢大把選擇，一次就夠😤睇過傳媒報道都好想試吓，點知冇睇其他人嘅食評，結果尚未一肚氣不過冇下次囉😫話說冇得訂位、冇人聽電話、只係知星期二休息，咁今日係星期三都應該會開門，好多時有報道出咗都會人多、冇位、要等、店員做到火滾所以態度惡劣、齊人先可以入坐、上菜慢、冷氣唔夠、．．，這間店就是全中！首先我來先取飛，我家少爺要遲10分鐘後才到，帶位呀嬸話要人齊才可以入內，這個冇問題也冇所謂，因為都明白唔好阻人做生意，但係呀嬸態度差叫我要企開啲唔好阻佢，吓咁你地方有限我企去邊度，當時上未到7點晚飯時間，店內有好多吉枱，真的想問下咁你可唔可以收起附近嘅枱比其他客人企？話必食的巴東牛肉好甜、甜到好似糖水、一點辣也沒有（已經take 左要辣），仲只有5件牛肉（似係用牛腱）只係夠淋✋🏻。（價錢$150實在太令人失望）加左一碗金貝飯 ，正常（但係都要$34蚊）Gado Gado 超級細碟，只有半隻蛋、半個細薯仔、椰菜、大量甜到不得了嘅醬汁及加左花生碎✋🏻。（差唔多成佰蚊）4隻雞全翼，夠熱又夠甜（又一佰蚊）一杯Bali Colada 又係甜到呢．．（又成50幾蚊）雖然冇

四位由19:45等到20:45先可以入座，中間不停入兩位，完全唔記得有四位客人等緊，要親自上前再三查詢先hold起啲枱🙄食物質素差，款式同味道完全唔正宗，上菜速度都好慢，差唔多21:30先上齊菜，但員工同企水吧嘅老闆娘已經好似打仗咁準備收舖，當全店得返一枱客嘅時候，員工開始有啲唔禮貌嘅說話俾客人聽，老闆娘更加有啲不禮貌嘅眼神😒總之就性價比極低🤢同一個價錢我係出面食到更正宗嘅印尼菜！真係未試過食一間餐廳食到我咁唔滿意要嚟寫劣評🤮

睇MM過嚟食 點知啲嘢好普通態度又差🥲 未試過食嘢咁趕又冇被尊重。。啱啱先食晒啲嘢就即刻過嚟收走，坐監都冇咁慘，嗰個阿姨好唔尊重人，對我同對其他客人都又唔耐煩又趕人走咁炒飯好普通平時求其一間餐廳都好食過呢間，覺得都係賣故事多，淨係可以咁講唔覺得抵食，服務到食物味道都冇一樣嘢值得表揚，唔會再嚟食。啲嘢又普通啲態度又差，真係俾佢哋個故事氹咗黎，食落完全唔係呢回事真係求其去大家樂食個炒飯仲好，起碼唔使俾人咁對待啲嘢食藥唔係好食

話說前排喺IG見到啲Foodie介紹呢間印尼餐廳，影到啲食物鬼咁靚，就諗住嚟試一試。用餐當晚係星期五，餐廳都算full 。先唔好講正唔正宗，食物質素嚟講，無一樣嘢稱得上好食。第一樣上嘅係峇里堂海鮮煎第一啖放入口，咁似煮得過熟嘅蝦仁炒蛋嘅？第二啖，喂，油得嚟又唔夠味嘅？其本上哩道菜嘅主要味道來源，就係上面嗰Pat沙嗲醬，唔值$88。第二道菜：印尼特色炒飯一啲都唔特色嘅特色炒飯飯粒唔夠乾身，欠缺鑊氣第三道菜：雞肉+雞軟骨串燒上錯咗羊肉串都算，雞肉肉質霉嘅千祈唔好叫串燒第四道菜：不變。招牌巴東牛肉算係全晚最正常嘅一道菜，不過不失最後：峇里堂公雞珍多冰冰全晚最期待嘅甜品，亦都係最失望嘅一道菜同餐牌上面幅圖勁大落差水汪汪，好似一碗溶咗嘅冰咁，珍多冰又唔爽感覺被騙了…總結：哩喥真係好多打手…

呢度打手好多，嘢食先唔評論，只能夠話唔係難食，但係呢個價位可以有更加好嘅印尼菜選擇。.入座前知道用餐時間80分鐘，6:30pm入座，食到最後，兩個人share一碗珍多冰沙冰甜品，大家都話甜品唔錯，打算圓滿結束今日晚餐。.正當我哋仲有一啖就食完之際，有個中年婦人好冇禮貌地行埋嚟話：’你哋食快啲，已經過咗時間，食完出邊埋單！‘。望一望手錶7:53pm ，我哋都只係過咗3分鐘啫，唔講以為過咗30分鐘。又諗，唔通出邊好多人等位？！望一望起碼有三張吉枱，等位人影都冇隻，真係撞鬼。👻.雖然我哋知道用餐時間限左80分鐘，但係冇人等位又有吉枱，加上我哋仲有一啖就食完，已經唔敢閑談，咁又何必催促我哋走呢？完全不明所以。.（雖然唔係想同其他餐廳比較，不過真係第一次遇到呢個情況，一般餐廳都會寬限少少時間。就算食放題，如果唔係急住有人等位要交枱，都會有10分8分鐘寬限時間，俾人哋食完坐喺度消化下先至行，而且係會禮貌提醒我哋夠鐘。）.只能佩服中年婦人好有原則。大家睇OpenRice評價都知道阿姐催人係呢度嘅習俗，歡迎想練習食嘢速度嘅人過嚟試試佢，我就唔會再去了。👍🏻.利申：其他員工態度都唔錯，仲有得俾我哋自己揀

4月16號夜晚去到，成個場已坐滿人咁滯，滿心期待地叫了以下菜式：1. Semur Sapi2. 炒四季豆3. 炒通菜4. 印尼炒飯除了炒通菜，其餘菜式係得個甜字，尤其是薩摩汁牛肉，成兜野甜到食唔落，仲要係用肥牛片。炒飯有鑊焦粒，雞絲有D硬，又係甜味。炒四季豆有D生，D參巴醫又係甜收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙話你自己睇返叫咗幾多！侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！

1) 不用等位算好，因為係星期六晚飯時間上去。2) 用餐時間只有80分鐘，要留意3) 炒麵係暖的，不熱。巴東牛肉不正中，偏甜，有d難食。4) 年輕的服務員態度可以，但是有個中年婦人，應該係店主或負責人，態度不好。大聲無禮叫客人起身離開，話有其他人等咗好耐(但是客人回覆，他們沒有超越80分鐘的規定)5) 魚蛋味道係3樣野最好食的。飲品也不是很好喝，檸檬葉上有污漬沒有洗乾淨。環境算ok, 光猛，淺色調為主。地點容易到達。

都唔講啲野係咪好食~根本唔會有興趣想再嚟. 講明80分鐘用餐時間,知你搵食艱難我都無問題,但你未夠鐘就要人走又咩道理先！！碟碟野夾完最後一件就一定有隻手叉埋嚟收,而家你好唔夠碟用呀！？我件魚餅醬都未點囉！！我朋友隻碗啱啱先食埋最後啖飯咋,水杯都比你收埋, 食完飯水都唔比飲？你隻手指叉晒落去架,仲諗住放返低..我望返張單..1812入嚟1915你就要我走？！係你唔識睇鐘定我計錯數？原來80分鐘唔包無野食係枱架！！咁你一開始就定食完要起身啦！咩80分鐘用餐時間啫~~不知所謂！！

好想試下新口味， 於是選擇左食印尼菜。睇網上介紹， 原來餐廳前身係有啲歷史嘅印尼餐廳， 心諗一定穩陣….可惜我錯了。 首先講下食物。 加多加多沙律： 椰菜爽甜， 但青瓜食得出已切開好耐。 蝦片唔脆又有油益味。巴東牛肉： 牛肉係牛𦟌， 少啲牙力都冇可能食到。 串燒雞串： 一個字：脢其次想講佢嘅職員態度：一出𨋢到餐廳， 首先被收銀職員呼喝出示疫苗通行証。到侍應將我嘅點菜紙攞俾嗰個收銀入電腦， 個收銀職員又走黎我地張枱質問我點解唔寫枱號喺點菜紙， 而實際上佢枱上面係無枱號。之後問侍應， 原來呢個係老闆娘真係祝佢生意好呀無下次

食個晚餐，試下印尼菜。成張餐單唔太多選擇，希望係貴精不貴多，可惜事與願違。嗌咗個參峇醬炒海鮮，蝦醬炒通菜，峇里式豬肋骨金貝飯，雙色咖央多士，峇里堂珍多公雞冰冰配海鹽雪糕同埋串燒。1）.個炒海鮮，有兩隻大蝦，三隻青口，同幾隻蜆仔，仲有啲疑似係長條魚蛋咁，個醬汁係幾好味，但啲海鮮質素非常差，啲蝦好腥又唔新鮮，青口還可以，但啲蜆一咬成口沙都吞唔落，要俾負評。2）.炒通菜，正常水準唔係出色。3）.豬肋骨飯係最出色，豬肋骨入味又好軟稔，美中不足係啲金貝飯無乜香料味，醬汁都調校得唔錯。4）.多士，個人認為太甜啦，可能本身麻麻地咖央，多士中間夾住一舊厚牛油同厚咖央，鍾意喱個味應該會鍾意嘅。5）.公雞冰冰用椰奶淋落啲炮冰度，同一杯珍多冰差唔多味咁，唔驚喜，雪糕無鹽味，只係藍天色雪糕係幾靚嘅6）.串燒配沙嗲醬，無特別，雞軟骨正常發揮，花支丸係霉肉，唔好味整體嚟講，佢啲食材都好唔新鮮，除咗豬肋骨叫好味啲，基本上以上嘅都可以唔駛試。最後，店員都有啲無禮貌，我知你哋九點九要收工，但可以禮貌啲請客人付款離開，唔係講我哋閂門啦喎，收銀喺嗰度咁樣囉。。。基本禮貌都無加埋咁嘅質素。。。我完全唔會推介人嚟食。

All I want to say is, this does not feel right.我個人覺得唔正宗唔好味唔好食！因為我試過在印尼真正的beef randang 而味道不是這樣的！加上去過其他香港其他牌子十間印尼餐廳遍佈港島九龍，別人家的beef randang幾乎同一樣味道，而這間的味道是很不同的，這間beef randang 味道偏淡，醬的甜味蓋過所有應該有的牛肉味。當時覺得自己在吃甜品多過一切，但是叫的那個燒豬肉飯味道是最正常的，但也是最不正宗的煮法。總括來說，飯量正常但是味道很一般。我們也叫了沙嗲鷄，也是沒有味道的一串沙嗲，似好像吃了一堆橡膠，明明是鷄肉串，但沒有鷄味更惶論燒烤味，只好沾醬，醬就正常的。我還叫了一杯波蘿汁飲品，但again根本沒有波蘿味，覺得似在飲糖水，而且此杯，份量少到如375ml 檸檬茶卻盛惠HKD56，既然甜至糖水，我們認為已經沒有必要再叫甜品。最後，last but not the least, 員工態度惡劣，尤其個位收銀姨姨，埋單時整唔見我地兩蚊仲accuse 我地俾少左，好明顯佢自己唔睇清楚周邊或是是否跌左落地，對著我地仲要西口西面。it’